അബുദാബി: മലയാളത്തിന്റെ പ്രിയ കവി അയ്യപ്പന്‍റെ ഒന്നാം ചരമ വാര്‍ഷികത്തോട് അനുബന്ധിച്ച് കോലായ സാഹിത്യ കൂട്ടായ്മയുടെ ആഭിമുഖ്യത്തില്‍ അയ്യപ്പന്‍ അനുസ്മരണം നടത്തി. അസ്മോ പുത്തന്‍ചിറ അധ്യക്ഷനായിരുന്നു, ഫൈസല്‍ ബാവ, ജോഷി ഒഡേസ, ശശി. ടി. എ, എന്നിവര്‍ കവി അയ്യപ്പനുമായി സംവദിച്ച നിമിഷങ്ങള്‍ സദസ്സുമായി പങ്കുവെച്ചു, അജി രാധാകൃഷ്ണന്‍, കൃഷണകുമാര്‍ എന്നിവര്‍ സംസാരിച്ചു. അസ്മോ പുത്തന്‍ചിറ അയ്യപ്പന്‍ എന്ന കവിത അവതരിപ്പിച്ചു.

അബുദാബി: പ്രശസ്ത കവിയും അഭിനേതാവുമായ മുല്ലനേഴി നീലകണ്ഠന്‍ നമ്പൂതിരിയുടെ നിര്യാണത്തില്‍ കോലായ സാഹിത്യ കൂട്ടായ്മയും, അബുദാബി നാടക സൌഹൃദവും അനുശോചനം അറിയിച്ചു, കേരള സോഷ്യല്‍ സെന്ററില്‍ ചേര്‍ന്ന അനുശോചന യോഗത്തില്‍ കവി അസ്മോ പുത്തന്‍ചിറ അധ്യക്ഷത വഹിച്ചു, ഷരീഫ്‌ മാന്നാര്‍ അനുശോചന കുറിപ്പ്‌ വായിച്ചു. സുഭാഷ്‌ ചന്ദ്ര, രാജീവ്‌ മുളക്കുഴ, ഹരീഷ് എന്നിവര്‍ സംസാരിച്ചു