അബുദാബി : കെ. എസ്‌. സി. സാഹിത്യ വിഭാഗവും ശക്തി സാഹിത്യ വിഭാഗവും സംയുക്തമായി സംഘടിപ്പിച്ച ‘സാഹിത്യ സദസ്സ്’ സമകാലീന നോവല്‍ – ചെറുകഥാ സാഹിത്യ സംവാദ ങ്ങളുടെ സമ്മോഹന വേദിയായി.

അനുസ്മരണ സമ്മേളനം, സാഹിത്യ സംവാദം എന്നീ രണ്ടു വിഭാഗ ങ്ങളിലായാണ് സാഹിത്യ സദസ്സ് ഒരുക്കിയത്. ശക്തി സാഹിത്യ വിഭാഗം സെക്രട്ടറി സഫറുള്ള പാലപ്പെട്ടി ആമുഖ പ്രഭാഷണം നടത്തി.

കെ. എസ്. സി. സാഹിത്യ വിഭാഗം സെക്രട്ടറി സുരേഷ് പാടൂര്‍ അദ്ധ്യക്ഷത വഹിച്ച സാഹിത്യ സംവാദ ത്തില്‍ ബെന്യാമിന്‍ ചെറുകഥാ സാഹിത്യത്തെ കുറിച്ചും കെ. പി. രാമനുണ്ണി സമകാലീന നോവല്‍ സാഹിത്യത്തെ കുറിച്ചും സംസാരിച്ചു.

അനുസ്മരണ സമ്മേളനത്തിനു കെ. എസ്. സി. പ്രസിഡന്‍റ് കെ. ബി. മുരളി അദ്ധ്യക്ഷത വഹിച്ചു. കെ. പി. രാമനുണ്ണി വയലാര്‍ – ചെറുകാട് അനുസ്മരണ പ്രഭാഷണവും ബെന്യാമിന്‍ ടി. വി. കൊച്ചു ബാവ അനുസ്മരണ പ്രഭാഷണവും നിര്‍വ്വഹിച്ചു.

അബുദാബി : കേരളാ സോഷ്യല്‍ സെന്‍ററും ശക്തി തിയ്യറ്റേഴ്സും സംയുക്തമായി സംഘടിപ്പിച്ച സാഹിത്യ സദസ്സില്‍ വെച്ച് സൈനുദ്ധീന്‍ ഖുറൈഷി യുടെ ‘ഞാന്‍ പ്രവാസിയുടെ മകന്‍’  എന്ന ചെറുകഥാ സമാഹാരം പ്രമുഖ എഴുത്തുകാരായ ബെന്യാമിനും കെ. പി. രാമനുണ്ണി യും ചേര്‍ന്ന് പ്രകാശനം ചെയ്തു.

കെ. എസ്. സി. പ്രസിഡന്‍റ് കെ. ബി. മുരളി, ശക്തി പ്രസിഡന്‍റ് പി. പത്മനാഭന്‍, ശക്തി വൈസ്‌ പ്രസിഡന്‍റ് എ. കെ. ബീരാന്‍ കുട്ടി, പ്രമുഖ മാധ്യമ പ്രവര്‍ത്തകന്‍ ജബ്ബാരി എന്നിവര്‍ സന്നിഹിത രായിരുന്നു. കെ. എസ്. സി. സാഹിത്യ വിഭാഗം സെക്രട്ടറി സുരേഷ് പാടൂര്‍ ആശംസകള്‍ അര്‍പ്പിച്ചു. ശക്തി സാഹിത്യ വിഭാഗം സെക്രട്ടറി സഫറുള്ള പാലപ്പെട്ടി പുസ്തകം പരിചയ പ്പെടുത്തി. സൈനുദ്ധീന്‍ ഖുറൈഷി നന്ദി പ്രകാശിപ്പിച്ചു.