ദുബായ് : പ്രമുഖ വ്യാപാര ശൃംഗല യായ ലുലു ഗ്രൂപ്പ്, ദുബായ് കെയേര്‍സു മായി സഹകരിച്ചു കൊണ്ട് ഗാസയിലെ സ്കൂള് നടത്തിപ്പ് ഏറ്റെടു ക്കുന്നു. ആഗോള തലത്തില്‍ ലുലു ഗ്രൂപ്പ് നടത്തുന്ന ജീവ കാരുണ്യ പ്രവര്‍ത്തന ങ്ങളുടെ ഭാഗ മായാണ് സ്കൂള് നടത്തിപ്പ് ഏറ്റെടു ക്കുന്നത് എന്ന് ലുലു പ്രതിനിധികള്‍ അറിയിച്ചു.
ഇതു സംബന്ധിച്ച കരാറില്‍ ദുബായ് കെയേര്‍സ് സി. ഇ. ഒ. താരിഖ് അല്‍ ഗൂര്‍ഗ്, ലുലു ഗ്രൂപ്പ് ഡയറക്ടര്‍ എം. എ. സലീം എന്നിവര്‍ ഒപ്പു വെച്ചു. ദുബായ് കെയേര്‍സ് ധന സമാ ഹരണ വിഭാഗം ഡയറക്ടര്‍ അമല്‍ അല്‍റിദ, ലുലു മേഖലാ ഡയറക്ടര്‍ ജെയിംസ് വര്‍ഗീസ് എന്നിവര്‍ ചടങ്ങില്‍ സംബന്ധിച്ചു.
ഗാസ യിലെ ഉള്‍പ്രദേശ ങ്ങളില്‍ മൂന്നു മുതല്‍ ആറു വയസ്സു വരെയുള്ള കുഞ്ഞു ങ്ങള്‍ക്ക് മതി യായ പരിരക്ഷണം ലഭ്യ മാക്കാനും വിദ്യാഭ്യാസം നല്‍കാനും ഉദ്ദേശിച്ചു കൊണ്ടുള്ള പദ്ധതി യിലാണ് ലുലു ഗ്രൂപ്പ് പങ്കാളി കളാകുന്നത്.
പ്രീസ്‌കൂളുകള്‍ ഏറ്റെടുത്ത് മതിയായ സൗകര്യങ്ങള്‍ ലഭ്യമാക്കുകയും നവീകരിക്കുകയും ചെയ്യുന്ന പദ്ധതി യാണ് ദുബായ് കെയേര്‍സ് വിഭാവനം ചെയ്യുന്നത്. നൂറു കുട്ടികള്‍ പഠിക്കുന്ന സ്‌കൂളാണ് ലുലു ഗ്രൂപ്പ് ഏറ്റെടുക്കുന്നത്. ആഗോള തലത്തില്‍ ലുലു ഇത്തരം പ്രവര്‍ത്തന ങ്ങള്‍ തുടരുമെന്ന് എം. എ. സലീം പറഞ്ഞു.
അബുദാബി : മലയാളി സമാജം വനിതാ വിഭാഗം സംഘടിപ്പിച്ച പരിസ്ഥിതി ദിനാ ചരണവും ബോധ വല്‍ക്കരണ സെമിനാറും പരിപാടി യുടെ വൈവിധ്യം കൊണ്ട് ഏറെ ശ്രദ്ധേയ മായി. പരിസ്ഥിതി യുടെ ആഘാതങ്ങളേ ക്കുറിച്ച് വരും തലമുറക്കു കൂടുതല്‍ മനസ്സി ലാക്കുന്ന തിനു വേണ്ടി യാണ് കുട്ടി കള്‍ക്കായി ചിത്ര രചന മല്‍സരം, ചിത്ര പ്രദര്‍ശനം, ചിത്രീകരണം എന്നിങ്ങനെ ആകര്‍ഷക ങ്ങളായ പരിപാടി കളോടെ സമാജം വനിതാ വിഭാഗ ത്തിന്റെ നേതൃത്വ ത്തില്‍ മുസ്സഫ യിലെ സമാജം അങ്കണത്തില്‍ വെച്ച് പരിസ്ഥിതി ദിനാചരണ പരിപാടി കള്‍ ഒരുക്കിയത്.
