 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യുവ കലാ സാഹിതി വയലാര്‍ ബാല വേദിയുടെ ആഭിമുഖ്യ ത്തില്‍ അബുദാബി കേരള സോഷ്യല്‍ സെന്ററില്‍ വൈവിധ്യമാര്‍ന്ന വിജ്ഞാന കലാ സാംസ്കാരിക പരിപാടി കളുമായി സ്കൂള്‍ വിദ്യാര്‍ഥി കള്‍ക്കായി നടത്തിയ കളിവീട് ക്യാമ്പ്, ബാല താരം നിവേദിത വിജയന്‍ ഉദ്ഘാടനം ചെയ്തു.
1 മുതല്‍ 12 വരെ ക്ളാസുകളിലെ ഇരുന്നൂറിലധികം കുട്ടികള്‍ പങ്കെടുത്ത ക്യാമ്പില്‍ ചിത്രകല, തിയ്യേറ്റര്‍, ക്ളേ മോഡലിംഗ്, ശാസ്ത്രം, മലയാള ഭാഷ, കാര്‍ഷിക രംഗം തുടങ്ങിയ വിഷയ ങ്ങളില്‍ ക്ളാസ് നടന്നു.
- pma
വായിക്കുക: കുട്ടികള്‍, യുവകലാസാഹിതി
അബുദാബി : അല്‍ ഇത്തിഹാദ്‌ സ്പോര്‍ട്സ്‌ അക്കാദമിയുടെ വാര്‍ഷിക ആഘോഷ ങ്ങളുടെ ഭാഗമായി അബുദാബി യിലെ സ്കൂള്‍ വിദ്യാര്‍ഥി കള്‍ക്കായി സംഘടിപ്പിച്ച ഇന്റര്‍ സ്കൂള്‍ മാരത്തോണ്‍ ഫുട്ബോള്‍ ടൂര്‍ണ്ണമെന്റ് അല്‍ ജസീറ സ്റ്റേഡിയ ത്തില്‍ നടന്നു.
വിവിധ ഏജ് ഗ്രൂപ്പു കളിലായി മുന്നൂറോളം കുട്ടികളാണ് വാശി യേറിയ മാരത്തോണ്‍ ടൂർണമെന്റില്‍ പങ്കെടുത്തത്. മല്‍സര ങ്ങള്‍ക്ക് ശേഷം മികച്ച ടീമിനും മികച്ച കളിക്കാര്‍ക്കും മികച്ച ഗോളി മാര്‍ക്കും മെഡലുകളും ട്രോഫികളും വിതരണം ചെയ്തു. അക്കാദമി യുടെ മികച്ച താര മായി മലയാളി യായ യാസീന്‍ അബ്ദുല്‍ റഹീമിനെയും മൊറോക്കന്‍ വംശജന്‍ അയ്മാന്‍ നജീമിനെയും തെരഞ്ഞെടുത്തു.
മൈക്കില്‍ ബ്രൌണ്‍ അദ്ധ്യക്ഷനായ ചടങ്ങില്‍ അല്‍ ഇത്തിഹാദ്‌ സ്പോര്‍ട്സ്‌ അക്കാദമി സി. ഇ. ഓ. കമറുദ്ദീന്‍, ജലീല്‍ ഖാലിദ്‌, രാജേന്ദ്രന്‍ പത്മനാഭന്‍, ഹാരിഷ്, കോച്ച് മിഖായേല്‍, രിഷാം, സാഹിര്‍, മൈക്കിള്‍, സാം, ഇഖ്ബാല്‍, മുഹമ്മദ് തുടങ്ങിയവരും പങ്കെടുത്തു.
- pma
വായിക്കുക: കായികം, കുട്ടികള്‍
അബുദാബി : ക്ലാസ്സിക്‌ മ്യൂസിക്‌ അക്കാദമി ഇന്ത്യാ സോഷ്യല്‍ സെന്ററില്‍ സംഘടിപ്പിച്ച ക്ലാസിക്‌ ഡേ 2013, കുരുന്നു പ്രതിഭകളുടെ പ്രകടനം കൊണ്ട് ശ്രദ്ധേയമായി.
ചലച്ചിത്ര രംഗത്തെ പ്രവാസി സാന്നിധ്യമായ നിരഞ്ജന വിജയന്‍, നിവേദിത വിജയന്‍ എന്നീ ബാല താരങ്ങള്‍ മുഖ്യ അതിഥികള്‍ ആയിരുന്നു.
ക്ലാസ്സിക്‌ മ്യൂസിക്‌ അക്കാദമി യിലെ നൂറ്റി ഇരുപതോളം കുട്ടികള്‍ പങ്കെടുത്ത ഭരതനാട്യം, മോഹിനിയാട്ടം, കുച്ചുപ്പുടി, ഫോക്‌, സിനി മാറ്റിക് തുടങ്ങിയ വര്‍ണ്ണാഭമായ നൃത്ത നൃത്യങ്ങളും ഉപകരണ സംഗീതം, വായ്പ്പാട്ട്, ഗാനമേള എന്നീ സംഗീത വിഭാഗ ങ്ങളിലെ കലാ പരിപാടി കളും അരങ്ങേറി.
അക്കാദമി യിലെ അദ്ധ്യാപകരെ ചടങ്ങില്‍ ആദരിച്ചു. ക്ലാസിക്ക് ഡേ യുടെ അവതാരകനായ വിനോദ്, ശാഹിധനി വാസു, ഷര്‍മിലി നാഷ്, വേണി മോഹന്‍ദാസ്‌ എന്നിവര്‍ പരിപാടി കള്‍ നിയന്ത്രിച്ചു.
സംഘാടകരായ വാസു കുറുങ്ങോട്ട്, മോഹന്‍ദാസ്‌ ഗുരുവായൂര്‍, എസ്. എ. നാഷ് എന്നിവരും കലാ സാംസ്കാരിക രംഗത്തെ പ്രമുഖരും ചടങ്ങില്‍ സംബന്ധിച്ചു.
- pma
വായിക്കുക: ആഘോഷം, കുട്ടികള്‍, നൃത്തം, സംഗീതം
അബുദാബി : ഇന്ത്യന്‍ സ്കൂളുകളില്‍ നിന്നും പത്ത്, പന്ത്രണ്ടു ക്ലാസ്സ്‌ പരീക്ഷ കളില്‍ ഉന്നത വിജയം നേടിയ 165 വിദ്യാര്‍ത്ഥികളെ ഇന്ത്യന്‍ ഇസ്ലാമിക് സെന്റര്‍ ആദരിച്ചു.
സി. ബി. എസ്. സി. പത്താം ക്ലാസ്സ്‌ – എസ്. എസ്. എല്‍. സി. പരീക്ഷ കളില്‍ മുഴുവന്‍ വിഷ യ ങ്ങളിലും A PLUS, A1 നേടിയ വരും സി. ബി. എസ്. സി – കേരളാ പ്ലസ്‌ ടു പരീക്ഷ കളില്‍ വിവിധ സ്ട്രീമുകളില്‍ ആദ്യ മൂന്നു സ്ഥാനങ്ങള്‍ നേടിയ മോഡല്‍ സ്കൂള്‍, ഇന്ത്യന്‍ ഇസ്ലാമിക് സ്കൂള്‍, എമിറേറ്റ്‌സ് ഫ്യൂച്ചര്‍ ഇന്റര്‍നാഷനല്‍ അക്കാദമി, അല്‍ നൂര്‍ സ്കൂള്‍ തുടങ്ങിയ സ്കൂളുകളിലെ വിദ്യാര്‍ത്ഥികളെ യുമാണ് ഇന്ത്യന്‍ ഇസ്ലാമിക് സെന്റര്‍ ആദരിച്ചത്.
പ്രസിഡന്‍റ് പി. ബാവാ ഹാജി, ജനറല്‍ സെക്രട്ടറി എം. പി. എം. റഷീദ്‌, എജുക്കേഷന്‍ സെക്രട്ടറി നസീര്‍ ബി. മാട്ടൂല്‍ എന്നിവര്‍ പരിപാടിക്ക് നേതൃത്വം നല്‍കി. ഇന്ത്യന്‍ സ്കൂള്‍ ഗവേണിംഗ് ബോര്‍ഡ്‌ അഡ്വൈസര്‍ വി. കെ. മാത്യു, യൂനിവേഴ്സിറ്റി പ്രോഗ്രാം ഡയരക്ടര്‍ ശ്രീതി നായര്‍, വിവിധ സ്കൂള്‍ പ്രിന്‍സിപ്പല്‍മാരും ചടങ്ങില്‍ പങ്കെടുത്തു.
- pma
വായിക്കുക: കുട്ടികള്‍, ബഹുമതി, വിദ്യാഭ്യാസം
അബുദാബി : അല്‍ ഇത്തിഹാദ്‌ സ്പോര്‍ട്സ്‌ അക്കാദമി, അബുദാബി യിലെ സ്കൂള്‍ വിദ്യാര്‍ഥി കള്‍ക്കായി സംഘടിപ്പിച്ച ഫുട്ബോള്‍ മല്‍സര ത്തില്‍ സെന്റ്‌ ജോസഫ്‌ സ്കൂളും അവര്‍ ഓണ്‍ സ്കൂളും തമ്മില്‍ ഏറ്റുമുട്ടി. അല്‍ ജസീറ ക്ലബ്ബില്‍ നടന്ന വാശിയേറിയ കളി 3 -3 എന്ന സമനില യിലാണ് അവസാനിച്ചത്‌.
ആദ്യ പകുതി യില്‍ 2 ഗോളുകള്‍ക്ക് മുന്നിട്ടു നിന്ന സെന്റ്‌ ജോസഫ്‌ സ്കൂള്‍ ടീമിനെ രണ്ടാം പകുതിയില്‍ രണ്ടു പെനാല്‍ട്ടി കിക്കുകളിലൂടെ അവര്‍ ഓണ്‍ സ്കൂള്‍ ടീം സമ നിലയില്‍ തളച്ചു. മികച്ച കളിക്കാരനായി രഹന്‍ കീപ്പുറം തെരഞ്ഞെടുക്കപ്പെട്ടു. അല്‍ ഇത്തിഹാദ്‌ സ്പോര്‍ട്സ്‌ അക്കാദമി സി. ഇ. ഓ. കമറുദ്ധീന്‍, മെഡല്‍ സമ്മാനിച്ചു.
- pma
വായിക്കുക: കായികം, കുട്ടികള്‍
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
