ദുബായ്‌ : അധികാരം താഴെത്തട്ടില്‍ എത്തിച്ചവര്ക്ക്  അധികാരം നല്കുക, നാടിന്റെ വികസനത്തിന് യു. ഡി. എഫിന് വോട്ട് നല്കുക എന്ന പ്രമേയവുമായി ദുബായ്‌ കെ. എം. സി. സി. കാസര്കോട് മണ്ഡലം കമ്മിറ്റി നടത്തി വരുന്ന തിരഞ്ഞെടുപ്പ് പ്രചരണത്തിന്റെ ഭാഗമായി ജനപക്ഷം 2011 നാളെ രാത്രി എട്ടു മണിക്ക് ദുബായ്‌ കെ. എം. സി. സി. സ്റ്റേഡിയത്തില്‍ വെച്ച് നടക്കും. പരിപാടിയില്‍ മുസ്ലിം ലീഗ് കാസര്കോട് ജില്ലാ സെക്രട്ടറി എ. ജി. സി. ബഷീര്‍, മുസ്ലിം യൂത്ത് ലീഗ് മുന്‍ സംസ്ഥാന വൈസ് പ്രസിഡണ്ട് അഡ്വ. ഹസൈനാര്‍, കെ. എം. സി. സി., ഒ. ഐ. സി. സി., യു. ഡി. എഫിന്റെ മറ്റു ഘടക കക്ഷികളുടെ ജില്ലാ സംസ്ഥാന കേന്ദ്ര നേതാക്കള്‍, പ്രവാസി കൂട്ടായ്മകളുടെ നേതാക്കള്‍, മാധ്യമ പ്രവര്ത്തകര്‍, പൗര പ്രമുഖര്‍ തുടങ്ങിയവര്‍ പങ്കെടുക്കും. മുഴുവന്‍ കെ. എം. സി. സി. യുടേയും, യു. ഡി. എഫിന്റെയും പ്രവര്ത്തകരും, അനുഭാവികളും കൃത്യ സമയത്ത് പങ്കെടുക്കണമെന്ന് ജനറല്‍ സെക്രട്ടറി സലാം കന്യാപ്പാടി അറിയിച്ചു.

ദുബായ്‌ : ആസന്നമായ നിയമ സഭാ തെരഞ്ഞെടുപ്പില്‍ യു. ഡി. എഫ്. സ്ഥാനാര്ത്ഥി കളുടെ വിജയം ഉറപ്പു വരുത്താന്‍ വിവിധ പ്രചരണ പരിപാടികള്ക്ക് ദുബായ്‌ കെ. എം. സി. സി. കാസര്കോട് മണ്ഡലം കമ്മിറ്റി പദ്ധതികള്‍ ആവിഷ്‌കരിച്ചു. ഐ. ടി. സാങ്കേതിക വിദ്യ പരമാവധി ഉപയോഗപ്പെടുത്തി, ഓണ്‍ ലൈന്‍ പ്രചരണം, ലഘു ലേഖ വിതരണം, ടെലഫോണ്‍ സന്ദേശം, തെരഞ്ഞെടുപ്പ് കണ്‍ വെന്‍ഷന്‍‍, യു. ഡി. എഫ്. സ്ഥാനാര്ത്ഥി കളുടെ വീഡിയോ കോണ്ഫെറന്സ്, മണ്ഡലത്തിലെ പഞ്ചായത്തിലും, മുന്സിപ്പാലിറ്റിയിലും മണ്ഡലം പ്രസിഡണ്ട് മഹ്മൂദ് കുളങ്ങരയുടെ നേതൃത്വത്തില്‍ നാട്ടിലുള്ള കെ. എം. സി. സി. പ്രവര്ത്തകരുടെ കൂടെ പര്യടനം തുടങ്ങിയ പ്രചരണ പരിപാടികള്ക്കാണ് രൂപം നല്കിയത്.

ആക്ടിംഗ് പ്രസിഡണ്ട് ഇ. ബി. അഹമ്മദ് ചെടേയ്ക്കാല്‍ അധ്യക്ഷത വഹിച്ചു. ജനറല്‍ സെക്രട്ടറി സലാം കന്യാപാടി സ്വാഗതം പറഞ്ഞു. കെ. എം. സി. സി. വൈസ് പ്രസിഡണ്ട് ഏരിയാല്‍ മുഹമ്മദ്‌ കുഞ്ഞി ഉദ്ഘാടനം ചെയ്തു. ജില്ലാ കെ. എം. സി. സി. നേതാക്കളായ ഹംസ തൊട്ടി, ഹനീഫ് ചെര്ക്കള, ഹനീഫ് കല്‍മട്ട, അബ്ദുല്ല ആറങ്ങാടി, ഖലീല്‍ പതിക്കുന്ന്, ഗഫൂര്‍ ഏരിയാല്‍, മണ്ഡലം കമ്മിറ്റി നേതാക്കളായ ഫൈസല്‍ പട്ടേല്‍, സുബൈര്‍ മൊഗ്രാല്‍ പുത്തൂര്‍, പഞ്ചായത്ത് കമ്മിറ്റി നേതാക്കളായ ഹസൈനാര്‍ ബീജന്തടുക്ക, മുനീര്‍ പൊടിപ്പള്ളം, എ. കെ. കരീം മൊഗര്‍ തുടങ്ങിയവര്‍ പ്രസംഗിച്ചു. ഓര്‍ഗനൈസിംഗ് സെക്രട്ടറി ഷരീഫ് പൈക്ക നന്ദി പറഞ്ഞു.

(അയച്ചു തന്നത് : സലാം കന്യാപാടി)