അബുദാബി : മലയാളി സമാജം സംഘടിപ്പിച്ച അനുരാഗ് മെമ്മോറിയല്‍ സമ്മര്‍ ക്യാമ്പ് ‘സമ്മര്‍ കൂള്‍ 2012’ സമാപിച്ചു.

പതിവു പരിപാടി കളില്‍നിന്ന് വ്യത്യസ്തമായി, മരംനടീല്‍, കുട്ടികള്‍ സ്വന്തമായി സാധനം വാങ്ങുക ലോക ത്തിന്റെ ഏതോ ഒരു കോണിലെ പാവപ്പെട്ട ഒരുകുട്ടിക്ക് സ്വന്തം വസ്ത്രം ദാനം ചെയ്യുക, കേരള ത്തിലെ വൃക്ക തകരാറിലായ ഒരു കുട്ടിയുടെ ചികിത്സയ്ക്കായി കുട്ടി കളുടെ ഒരു ദിവസത്തെ പോക്കറ്റ് മണി സംഭാവന നല്‍കുക തുടങ്ങി കുട്ടികളെ പ്രകൃതി യോടും ജീവിത ത്തോടും ചേര്‍ത്ത്‌ നിര്‍ത്തുന്ന ഒട്ടേറെ പരിപാടികള്‍ ക്യാമ്പിന്റെ പ്രത്യേകതകള്‍ ആയിരുന്നു.

സമ്മര്‍ കൂള്‍ കിംഗ് ആയി അഖില്‍ സുബ്രഹ്മണ്യം, സമ്മര്‍ കൂള്‍ ക്യൂന്‍ ആയി മീനാക്ഷി ജയകുമാര്‍ എന്നിവരെ തെരഞ്ഞെടുത്തു.

ക്യാമ്പിനോട് അനുബന്ധിച്ച് നടത്തിയ വിനോദ യാത്രയെ ക്കുറിച്ച് കുട്ടികള്‍ എഴുതിയ യാത്രാ വിവരണ കുറിപ്പ് മത്സര ത്തില്‍ ആശിഷ് വര്‍ഗീസ് ഒന്നാം സമ്മാനമായ സ്വര്‍ണ നാണയം നേടി. രണ്ടാം സമ്മാനം അഖില്‍ സുബ്രഹ്മണ്യവും മൂന്നാം സമ്മാനം അക്ഷര പ്രദീപും കരസ്ഥമാക്കി. അഞ്ച് ഗ്രൂപ്പു കളിലായി മാറ്റുരച്ച കുട്ടികള്‍ ആവേശ കരമായ മത്സര മാണ് കാഴ്ച വെച്ചത്.

ഏറ്റവും നല്ല ഗ്രൂപ്പിനുള്ള അനുരാഗ് മെമ്മോറിയല്‍ ട്രോഫി റൂബി, ഡയമണ്ട് എന്നീഗ്രൂപ്പുകള്‍ സംയുക്തമായി ഏറ്റു വാങ്ങി.

അബുദാബി : മലയാളി സമാജം സംഘടിപ്പിക്കുന്ന സമ്മര്‍ ക്യാമ്പിന്റെ ഭാഗമായി ‘സമാജത്തിനൊരു തണല്‍ ‘എന്ന പേരില്‍ ക്യാമ്പിലെ കുട്ടികള്‍ സമാജം അങ്കണത്തില്‍ മരതൈകള്‍ നട്ടു.

സമ്മര്‍ കൂള്‍ 2012 ല്‍ പങ്കെടുക്കുന്ന 157കുട്ടികളുടെയും പേരില്‍ ഈ മരങ്ങള്‍ അറിയപ്പെടും. സമാജം ഭാരവാഹികളും വളണ്ടിയര്‍മാരും ക്യാമ്പ്‌ ഡയരക്ടറും പരിപാടിക്ക് നേതൃത്വം നല്‍കി.

കുട്ടികള്‍ പ്രകൃതി യുമായി അടുക്കുക എന്ന വിഷയത്തെ മുന്‍ നിറുത്തി ഒരുക്കിയ ഈ പരിപാടിയുടെ ഭാഗമായി വിവിധ സസ്യങ്ങളുടെയും ഫല വൃക്ഷങ്ങളുടെയും വിത്തുകള്‍ കുട്ടികള്‍ ശേഖരിച്ചതും നാട്ടിലുള്ള കുട്ടികളേക്കാള്‍ ഗള്‍ഫിലെ കുട്ടികള്‍ക്ക് മരങ്ങളെ കുറിച്ചുള്ള അറിവ് തന്നെ അത്ഭുതപ്പെടുത്തി എന്നും നാട്ടില്‍ നിന്നെത്തിയ ക്യാമ്പ്‌ ഡയരക്ടര്‍ ഇബ്രാഹിം ബാദുഷ പറഞ്ഞു. ക്യാമ്പിന്റെ ഓരോ ദിനങ്ങളിലും വ്യത്യസ്തമായ വിഷയങ്ങളെ അധികരിച്ച് ക്ലാസ്സുകള്‍ എടുക്കുന്നുണ്ട്. ജൂലായ് 5 നു ആരംഭിച്ച ക്യാമ്പ്‌ 19 ന് സമാപിക്കും.

തുടര്‍ന്ന് കൃഷിയെ പ്രോല്‍സാഹി പ്പിക്കുന്നതിന്റെ ഭാഗമായി സമാജ ത്തില്‍ കാര്‍ഷിക ഫോട്ടോഗ്രാഫി പ്രദര്‍ശനവും മത്സരവും സംഘടിപ്പിക്കും കാര്‍ഷിക മേഖലയെ വിഷയമാക്കി എടുക്കുന്ന ചിത്രങ്ങള്‍ ആര്‍ക്കും മത്സര ത്തിലേക്ക് അയക്കാം. ഏറ്റവും നല്ല ഫോട്ടോക്ക് സമ്മാനം നല്‍കും എന്ന് ജനറല്‍ സെക്രട്ടറി സതീഷ്‌ കുമാര്‍ പറഞ്ഞു.