 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കലാ സാംസ്കാരിക കൂട്ടായ്മ മെഹ്ഫിൽ ഇന്റർ നാഷണൽ സംഘടിപ്പിക്കുന്ന ‘മെഹ്ഫിൽ മേരെ സനം സീസൺ-4’ പ്രോഗ്രാം 2025 നവംബർ 22 ശനിയാഴ്ച വൈകുന്നേരം 5:30 മുതൽ ഷാർജ ഇന്ത്യൻ അസോസ്സിയേഷൻ ഹാളിൽ നടക്കും.
വിവിധ മേഖലകളിൽ മികവ് തെളിയിച്ച പ്രതിഭകളെ ആദരിക്കും. ഷോർട്ട് ഫിലിം ഫെസ്റ്റിവൽ, അവാർഡ് വിതരണം, കൂടാതെ കരോക്കെ ഗാനമേള, ഫാൻസി ഡ്രസ്സ്, മിമിക്രി, നൃത്ത നൃത്യങ്ങൾ എന്നിവ മെഹ്ഫിൽ മേരെ സനം സീസൺ-4 കൂടുതൽ ആകർഷകമാക്കും. വിവരങ്ങൾക്ക് : 050 402 1997.
- pma
അബുദാബി : കേരള മുഖ്യമന്ത്രി പിണറായിവിജയന് അബുദാബിയിലെ മലയാളി സമൂഹം സ്വീകരണം നൽകുന്നു.
മലയാളോത്സവം എന്ന പേരിൽ 2025 നവംബർ 9 ഞായറാഴ്ച വൈകുന്നേരം ആറു മണിക്ക് അബുദാബി സിറ്റി ഗോൾഫ് ക്ലബ്ബ് മൈതാനത്ത് സംഘടിപ്പിക്കുന്ന മലയാളോത്സവം പരിപാടിക്ക് വേണ്ടിയുള്ള ഒരുക്കങ്ങൾ പൂർത്തിയായി എന്ന് സംഘാടകർ വാർത്താ സമ്മേളനത്തിൽ അറിയിച്ചു.
കേരളപ്പിറവിയുടെ എഴുപതാം വാർഷികവുമായി ബന്ധപ്പെട്ടാണ് മലയാളോത്സവം സംഘടിപ്പിക്കുന്നത്. അബുദാബി യിലെയും അൽ ഐനിലെയും അംഗീകൃത പ്രവാസി സംഘടനകളും ലോക കേരള സഭ, മലയാളം മിഷൻ എന്നിവരു ടെയും നേതൃത്വ ത്തിലുള്ള സംഘാടക സമിതിയാണ് ഒരുക്കങ്ങൾ നടത്തുന്നത്.
യു. എ. ഇ. സഹിഷ്ണുത സഹവർത്തിത്വ വകുപ്പ് മന്ത്രി ശൈഖ് നഹിയാൻ ബിൻ മുബാറക് അൽ നഹ്യാൻ മലയാളോത്സവം ഉദ്ഘാടനം ചെയ്യും.
ഇന്ത്യൻ അംബാസിഡർ ദീപക് മിത്തൽ, സാംസ്കാരിക വകുപ്പ് മന്ത്രി സജി ചെറിയാൻ, കേരള ചീഫ് സെക്രട്ടറി ജയ തിലക്, ലുലു ഗ്രൂപ്പ് മേധാവി എം. എ. യൂസഫലി മറ്റു സാംസ്കാരിക പ്രമുഖരും ചടങ്ങിൽ സംബന്ധിക്കും.
ഞായറാഴ്ച വൈകുന്നേരം 6 മണി മുതൽ തുടക്കമാവുന്ന മലയാളോത്സവം പരിപാടിയിൽ കേരളത്തനിമയും അറബ് സംസ്കൃതിയും സമന്വയിപ്പിക്കുന്ന വിവിധ കലാ പരിപാടികൾ അരങ്ങേറും.
എട്ടു വർഷങ്ങൾക്കു ശേഷം തലസ്ഥാനത്ത് എത്തുന്ന മുഖ്യമന്ത്രിയെ വരവേൽക്കാൻ അബുദാബിയിലെ പ്രവാസികൾ ആവേശത്തോടെ കാത്തിരിക്കുകയാണ്. പ്രതി സന്ധി ഘട്ടങ്ങളിൽ പ്രവാസികൾ ഉൾപ്പെടെ യുള്ള മുഴുവൻ മലയാളികളെയും ചേർത്തു പിടിച്ച മുഖ്യ മന്ത്രിയെ നേരിട്ട് കാണാനും കേൾക്കാനും ഉള്ള പ്രവാസികളുടെ സുലഭാവസരം കൂടിയാണിത് എന്നും സംഘാടകർ പറഞ്ഞു.
അലൈൻ, മുസഫ, അബുദാബി യുടെ വിവിധ പ്രദേശങ്ങളിൽ നിന്നും വാഹന സൗകര്യം ഏർപ്പെടുത്തിയിട്ടുണ്ട്.
സംഘാടക സമിതി ചെയർമാൻ അഡ്വക്കേറ്റ് അൻസാരി സൈനുദ്ദീൻ, വൈസ് ചെയർമാൻ ഇ. കെ. സലാം, രക്ഷാധികാരി റോയ് ഐ. വർഗീസ്, കോഡിനേറ്റർ കെ. കൃഷ്ണകുമാർ, കേരള സോഷ്യൽ സെൻറർ പ്രസിഡണ്ട് ടി. കെ. മനോജ്, മലയാളി സമാജം പ്രസിഡണ്ട് സലിം ചിറക്കൽ, ഇന്ത്യ സോഷ്യൽ സെൻറർ പ്രസിഡണ്ട് ജയചന്ദ്രൻ നായർ, ലോക കേരള പി. വി. പത്മനാഭൻ, മലയാളം മിഷൻ ചെയർമാൻ എ. കെ. ബീരാൻ കുട്ടി തുടങ്ങിയവർ വാർത്താ സമ്മേളനത്തിൽ പങ്കെടുത്തു.
- pma
അബുദാബി : മാധ്യമ പ്രവർത്തകരുടെ കൂട്ടായ്മ ഇന്ത്യൻ മീഡിയ അബുദാബി (ഇമ) അംഗങ്ങൾക്ക് ആരോഗ്യ പരിരക്ഷക്കു വേണ്ടി അഹല്യ മെഡിക്കൽ ഗ്രൂപ്പ് ഹെൽത്ത് പ്രിവിലേജ് കാർഡ് പുറത്തിറക്കി.
യു. എ. ഇ. യിലുള്ള എല്ലാ അഹല്യ ആശുപത്രികളിലും ക്ലിനിക്കുകളിലും ഇമ അംഗങ്ങൾക്കും കുടുംബാംഗ ങ്ങൾക്കും പ്രത്യേക ആരോഗ്യ സേവനങ്ങളും ആനുകൂല്യങ്ങളും ലഭ്യമാക്കുന്നതിനായി പ്രിലേജ് കാർഡ് ഉപയോഗിക്കാം.
മുസഫയിലെ അഹല്യ ആശുപത്രിയിൽ നടന്ന ചടങ്ങിൽ അഹല്യ മെഡിക്കൽ ഗ്രൂപ്പ് സീനിയർ മാനേജർ ഓഫ് ഓപ്പറേഷൻസ് സൂരജ് പ്രഭാകരൻ, അഡ്മിൻ മാനേജർ ഉമേഷ് മറ്റ് ഉന്നത ഉദ്യോഗസ്ഥർ എന്നിവരിൽ നിന്നും ഇമ പ്രസിഡണ്ട് സമീർ കല്ലറ, ജനറൽ സെക്രട്ടറി റാഷിദ് പൂമാടം മറ്റു മാധ്യമ പ്രവര്ത്തകരും സംയുക്തമായി ഹെൽത്ത് പ്രിവിലേജ് കാര്ഡ് ഏറ്റു വാങ്ങി.
ഡെന്റൽ, ആയുർവേദ അടക്കമുള്ള വിഭാഗങ്ങളിലെ വിവിധ ഹെല്ത്ത് പാക്കേജുകളും പ്രിവിലേജ് കാര്ഡില് ഉള്പ്പെടും. കാര്ഡ് ഉടമയുടെ പങ്കാളി, മക്കൾക്കും കാര്ഡിന്റെ സേവനങ്ങള് ലഭ്യമാകും.
- pma
വായിക്കുക: ahalia-hospital, indian-media-abudhabi, ആരോഗ്യം, മാധ്യമങ്ങള്
അബുദാബി : മാധ്യമ പ്രവർത്തകരുടെ കൂട്ടായ്മ ഇന്ത്യന് മീഡിയ അബുദാബി (ഇമ) എല്. എല്. എച്ച്.- ലൈഫ് കെയര് ഹോസ്പിറ്റലുമായി സഹകരിച്ച് ‘ഓണം മൂഡ് 2025’ എന്ന പേരിൽ ഓണാഘോഷവും കുടുംബ സംഗമവും സംഘടിപ്പിച്ചു. മുസ്സഫയിലെ ലൈഫ് കെയര് ഹോസ്പിറ്റല് പാര്ട്ടി ഹാളിലായിരുന്നു ആഘോഷം.
അത്തപ്പൂക്കളം, മാവേലി എഴുന്നെള്ളത്ത്, വിവിധ മത്സരങ്ങൾ, സംഗീത വിരുന്നും നൃത്ത നൃത്യങ്ങളും ഒപ്പം വിഭവ സമൃ ദ്ധമായ ഓണ സദ്യയും ‘ഓണം മൂഡ് 2025’ പേരിനെ അർത്ഥവത്താക്കി.
പ്രധാന പ്രായോജകരായ ബുര്ജില് ഹോൾഡിംഗ്സ് റീജ്യണൽ ബിസിനസ് ഡവലപ്മെന്റ് മാനേജര് നിവിന് വര്ഗീസ്, വിന്സ്മേര ജ്വലേഴ്സ് യു. എ. ഇ. റീട്ടെയില് ഹെഡ് അരുണ് നായര്, എ. ബി. സി. കാര്ഗോ അബു ദാബി ബ്രാഞ്ച് മാനേജര് സോനു സൈമണ്, എല്. എല്. എച്. & ലൈഫ് കെയര് ഹോസ്പിറ്റല്സ് അസി. മാർക്കറ്റിങ് മാനേജര് ഷിഹാബ് എന്നിവര് അതിഥികൾ ആയിരുന്നു.
ഗായകരായ റഷീദ് കൊടുങ്ങല്ലൂർ, സൽക്ക മുഹമ്മദ് സഹൽ, ഇമ ജോയിന്റ് സെക്രട്ടറി നിസാമുദ്ധീന്, അംഗങ്ങളായ എൻ. എ. ജാഫർ, പി. എം. അബ്ദുൽ റഹിമാൻ, മാവേലിയായി വേഷമിട്ട ഷംസു തിരുവത്ര, കുട്ടികൾ അടക്കമുള്ള കുടുംബാംഗങ്ങളും അതിഥി കളും ഗാനങ്ങൾ ആലപിക്കുകയും വിവിധ കലാ പരിപാടികളിലും മത്സരങ്ങളിലും ഭാഗമാവുകയും ചെയ്തു.
പരിപാടികളിൽ പങ്കെടുത്ത കുട്ടികളെ സമ്മാനങ്ങൾ നൽകി ആദരിച്ചു. മത്സരങ്ങളും വിനോദങ്ങളും ആഘോഷത്തിന് പുതുമയേകി. വിഷ്ണു നാട്ടായിക്കൽ അവതാരകൻ ആയിരുന്നു.
ഇമ പ്രസിഡണ്ട് സമീര് കല്ലറ അദ്ധ്യക്ഷത വഹിച്ചു. സെക്രട്ടറി റാഷിദ് പൂമാടം സ്വാഗതവും ട്രഷറര് ഷിജിന കണ്ണന് ദാസ് നന്ദിയും പറഞ്ഞു. IMA FB PAGE
- pma
വായിക്കുക: indian-media-abudhabi, onam, social-media, ആഘോഷം, നൃത്തം, പ്രവാസി, ബഹുമതി, മാധ്യമങ്ങള്, സംഗീതം
ദുബായ് : എമിറേറ്റിലെ ശുചിത്വത്തിന് കോട്ടം തട്ടുന്ന പ്രവൃത്തികൾ നിരീക്ഷിച്ച് അവ രേഖപ്പെടുത്തുവാൻ ‘ഇൽത്തിസാം’ എന്ന ഡിജിറ്റൽ ആപ്ലിക്കേഷൻ വികസിപ്പിച്ചു.
പൊതു സ്ഥലങ്ങളിൽ തുപ്പുക, ച്യൂയിംഗം, സിഗരറ്റു കുറ്റികൾ, ചായക്കപ്പുകൾ, കാനുകൾ മറ്റു മാലിന്യങ്ങൾ അടക്കമുള്ളവ പൊതു സ്ഥലങ്ങളിൽ ഇടുക, നിരോധിത ഇടങ്ങളിൽ ബാർബിക്യൂ ഒരുക്കുക, അംഗീകൃതമല്ലാത്ത സ്ഥലങ്ങളിൽ ലഘു ലേഖകൾ, പോസ്റ്ററുകൾ, പരസ്യങ്ങൾ പതിക്കുക തുടങ്ങി നിയമ ലംഘനങ്ങൾ ആപ്പ് വഴി നിരീക്ഷിക്കും.
പൊതുജനാരോഗ്യം, പരിസ്ഥിതി സംരക്ഷണം, നഗര ഭംഗി കാത്ത് സൂക്ഷിക്കുക തുടങ്ങിയവക്കും ഉദ്യോഗസ്ഥരും പൊതു സമൂഹവും തമ്മിൽ ബന്ധം ശക്തിപ്പെടുത്തുവാനും കൂടിയാണ് ആപ്പ് രൂപ കൽപന ചെയ്തിരിക്കുന്നത്. നിയമ ലംഘനങ്ങളുടെ ഫോട്ടോ എടുക്കാനും അത് ഉടനെ തന്നെ റിപ്പോർട്ട് ചെയ്യാനും കഴിയും.
നഗരത്തിന്റെ ശുചിത്വം, സുസ്ഥിരത, ജീവിത നില വാരം എന്നിവ വർദ്ധിപ്പിക്കാനുള്ള മുനിസിപ്പാലിറ്റി യുടെ ദൗത്യങ്ങളിൽ ‘ഇൽത്തിസാം’ പോലുള്ള ഡിജിറ്റൽ ആപ്പുകൾ പ്രധാന പങ്കു വഹിക്കും. ലോകത്ത് ഏറ്റവും വൃത്തിയുള്ള നഗരം ദുബായ് എന്നുള്ള സ്ഥാനം നില നിർത്തുവാനും കൂടിയാണ് ഈ ദൗത്യം എന്നും പൊതു ജനങ്ങൾ ഇതിനോട് പൂർണ്ണമായും സഹകരിക്കണം എന്നും നഗര സഭാ അധികൃതർ അറിയിച്ചു. F B , Instagram
- pma
വായിക്കുക: social-media, ആരോഗ്യം, തൊഴിലാളി, ദുബായ്, നിയമം, പരിസ്ഥിതി, മാധ്യമങ്ങള്, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
