ടീം അബുദാബിൻസ് മാധ്യമ പുരസ്കരം സമ്മാനിച്ചു.

October 26th, 2023

team-abudhabinz-media-award-2023-ePathram
അബുദാബി : ജീവകാരുണ്യ പ്രവര്‍ത്തന രംഗത്ത് ശ്രദ്ധേയമായ ഇടപെടലുകള്‍ നടത്തി വരുന്ന സാമൂഹിക സാംസ്കാരിക കൂട്ടായ്മ ടീം അബുദാബിൻസ് രണ്ടാം വാർഷിക ആഘോഷങ്ങള്‍ അബുദാബി ഇന്ത്യന്‍ ഇസ്ലാമിക് സെന്‍ററില്‍ നടന്നു. മാധ്യമ രംഗത്തെ സജീവമായ ഇടപെടലുകള്‍ക്ക് നല്‍കി വരുന്ന മാധ്യമ പുരസ്കരം, കായിക രംഗത്തെ മികവിനു സമ്മാനിക്കുന്ന സ്പോർട്സ് എക്സലൻസ് അവാർഡ് എന്നിവ വിതരണം ചെയ്തു.

saleem-chirakkal-team-abudhabinz-media-award-2023-ePathram

പ്രിന്‍റ് മീഡിയ വിഭാഗത്തില്‍ മലയാള മനോരമ സീനിയർ കറസ്പോണ്ടന്‍റ് എന്‍. എം. അബൂബക്കർ, വിഷ്വൽ മീഡിയ വിഭാഗത്തില്‍ മീഡിയ വൺ കറസ്പോണ്ടന്‍റ് ഷിനോജ് കെ. ഷംസുദ്ദീന്‍, കായിക മികവിനുള്ള പുരസ്കാരം സാദിഖ് അഹമ്മദ് എന്നിവര്‍ക്കാണ് സമ്മാനിച്ചത്.

ടീം അബുദാബിൻസ് പ്രസിഡണ്ട് ഫൈസൽ അദൃശ്ശേരി, ജനറൽ സെക്രട്ടറി ജാഫർ റബീഹ്, വൈസ് പ്രസിഡണ്ട് മുനവ്വർ, ട്രഷറർ നജാഫ് മൊഗ്രാൽ, മലയാളി സമാജം മുന്‍ സെക്രട്ടറി സലിം ചിറക്കൽ, സമാജം കോഡിനേഷൻ ചെയർമാൻ ബി. യേശു ശീലൻ, ലുലു ഗ്രൂപ്പ് പി. ആർ. ഒ. അഷ്റഫ്, ഡോ. ധനലക്ഷ്മി, മജീദ് തൈപ്പറമ്പിൽ, മുജീബ് റഹ്മാൻ എന്നിവര്‍ ചേര്‍ന്ന് ഉപഹാരങ്ങള്‍ സമ്മാനിച്ചു.

അവാർഡ് തുകയായ 10,001 രൂപ മൂന്നു പേരും ടീം അബുദാബിന്‍സ് നടത്തുന്ന ജീവ കാരുണ്യ പ്രവർത്തനങ്ങൾക്ക് കൈമാറി.

- pma

വായിക്കുക: , , , ,

അഭിപ്രായം എഴുതുക »

എൻ. എം. അബൂബക്കര്‍, ഷിനോജ് ഷംസുദ്ദീൻ എന്നിവര്‍ക്ക് മാധ്യമ പുരസ്കാരങ്ങൾ

October 20th, 2023

team-abudhabinz-award-for-n-m-abu-backer-shinoj-shamsudheen-ePathram
അബുദാബി : സാമൂഹിക സാംസ്കാരിക കൂട്ടായ്മ ടീം അബുദാബിൻസ് രണ്ടാം വാര്‍ഷിക ആഘോഷ പ്രോഗ്രാം ‘ഓണ നിലാവ് സീസൺ -2’ അബുദാബി ഇന്ത്യൻ ഇസ്ലാമിക് സെന്‍ററിൽ 2023 ഒക്ടോബർ 21 ശനിയാഴ്ച വൈകുന്നേരം 6 മണി മുതൽ അരങ്ങേറും.

team-abudhabinz-ona-nilav-season-2-ePathram

ടീം അബുദാബിൻസ് പ്രഖ്യാപിച്ച മാധ്യമ പുരസ്കാരങ്ങൾ മലയാള മനോരമ സീനിയർ കറസ്പോണ്ടന്‍റ് എൻ. എം. അബൂബക്കര്‍, മീഡിയാ വൺ കറസ്പോണ്ടന്‍റ് ഷിനോജ് കെ. ഷംസുദ്ദീൻ എന്നിവര്‍ക്ക് സമ്മാനിക്കും.

sadik-ahmed-sports-excellance-award-team-abudhabinz-ePathram

സാദിഖ് അഹമ്മദ്

കായിക രംഗത്തെ മികവിനുള്ള പുരസ്കാരം, ഇന്ത്യയെ പ്രതിനിധീകരിച്ച് മാരത്തോൺ മത്സരങ്ങളിൽ പങ്കെടുത്ത സാദിഖ് അഹമ്മദിന് സമ്മാനിക്കും.

യു. എ. ഇ. ഇന്ത്യൻ സ്ഥാനപതി കാര്യാലയത്തിലെ ഉന്നത ഉദ്യോഗസ്ഥർ, സാമൂഹിക സാംസ്കാരിക പ്രവർത്തകരും സംബന്ധിക്കും.

തുടര്‍ന്ന് പ്രമുഖ കലാകാരന്മാര്‍ അവതരിപ്പിക്കുന്ന സംഗീത നിശ, ഹാസ്യ കലാ പ്രകടനങ്ങള്‍, നൃത്ത നൃത്യങ്ങളും ‘ഓണ നിലാവ് സീസൺ -2’ ന്‍റെ ഭാഗമായി അരങ്ങേറും.

- pma

വായിക്കുക: , , , , , , , , , , ,

അഭിപ്രായം എഴുതുക »

ടീം അബുദബിന്‍സ് രണ്ടാം വാർഷിക ആഘോഷം ശനിയാഴ്ച

October 18th, 2023

press-meet-team-abudhabinz-ePathram

അബുദാബി : സാംസ്കാരിക കൂട്ടായ്മ ടീം അബുദബിന്‍സ് രണ്ടാം വാർഷിക ആഘോഷങ്ങളുടെ ഭാഗമായി ഒരുക്കുന്ന ‘ഓണ നിലാവ് സീസൺ-2’ വൈവിധ്യമാര്‍ന്ന കലാ പരിപാടികളോടെ 2023 ഒക്ടോബർ 21 ശനിയാഴ്ച വൈകുന്നേരം 6 മണി മുതൽ അബുദാബി ഇന്ത്യൻ ഇസ്ലാമിക് സെന്‍ററിൽ അരങ്ങേറും എന്നു ഭാര വാഹികള്‍ വാര്‍ത്താ സമ്മേളനത്തില്‍ അറിയിച്ചു. പരിപാടിയുടെ പോസ്റ്റർ പ്രകാശനം സലിം ചിറക്കൽ, ലുലു പി ആർ ഒ അഷറഫ് എന്നിവര്‍ ചേര്‍ന്നു നിര്‍വ്വഹിച്ചു.

team-abudhabinz-ona-nilav-2-poster-release-ePathram

മാധ്യമ രംഗത്തെ സമഗ്ര സംഭാവനകളെ മാനിച്ച് മാധ്യമ പ്രവർത്തകരെ ആദരിക്കുന്നതിനായി ടീം അബുദബിൻസ് ഏർപ്പെടുത്തിയ മാധ്യമ പുരസ്‌കാരം എൻ. എം. അബൂബക്കർ (മലയാള മനോരമ), ഷിനോജ് കെ. ഷംസുദ്ദീൻ (മീഡിയ വൺ) എന്നിവര്‍ക്കും സ്പോർട്സ് എക്സലൻസ് അവാർഡ് സാദിഖ് അഹമ്മദിനും സമ്മാനിക്കും. ഇന്ത്യന്‍ മീഡിയ അബുദാബി (ഇമ) യുടെ പ്രസിഡണ്ട് കൂടിയാണ് എന്‍. എം. അബൂബക്കര്‍.

യു. എ. ഇ. ഇന്ത്യൻ സ്ഥാനപതി കാര്യാലയത്തിലെ ഉന്നത ഉദ്യോഗസ്ഥർ, സാമൂഹിക സാംസ്കാരിക പ്രവർത്തകരും സംബന്ധിക്കും.

ലക്ഷ്മി ജയൻ, നവാസ് കാസർഗോഡ്, ഷഹ്‌ജ, കലാഭവൻ ബിജു, അൻസാർ വെഞ്ഞാറമൂട്, റഷാ മറിയം, മഞ്ജുഷ, റഷീദ്, ഷാസിയ, നസ്മിജ തുടങ്ങിയ കലാകാരന്മാരും അണി നിരക്കുന്ന ഓണ നിലാവ് സീസണ്‍ രണ്ട് – കാണികള്‍ക്ക് വേറിട്ട അനുഭവം സമ്മാനിക്കും എന്നും സംഘാടകര്‍ അറിയിച്ചു.

ടീം അബുദബിന്‍സ് പ്രസിഡണ്ട് ഫൈസല്‍ അദൃശ്ശേരി, ജനറൽ സെക്രട്ടറി ജാഫർ റബീഹ്, വൈസ് പ്രസിഡണ്ട് മുനവ്വർ, ട്രഷറർ നജാഫ് മൊഗ്രാൽ, മുജീബ് റഹ്മാൻ, ഷാമി, ശബീർ, ജിമ്മി, മുഹമ്മദ്‌, യാസർ തുടങ്ങിയവർ വാര്‍ത്താ സമ്മേളനത്തില്‍ പങ്കെടുത്തു.

- pma

വായിക്കുക: , , , , , , ,

അഭിപ്രായം എഴുതുക »

ടി. വി. കൊച്ചു ബാവ സ്മാരക സാഹിത്യ പുരസ്കാരങ്ങൾ പ്രഖ്യാപിച്ചു

September 26th, 2023

tv-kochubava-epathram

ദുബായ് : ഹരിതം ബുക്സിൻ്റെ ജൂബിലി വർഷത്തോട് അനുബന്ധിച്ച് ഏർപ്പെടുത്തിയ ഹരിതം – ടി. വി. കൊച്ചു ബാവ സ്മാരക സാഹിത്യ പുരസ്കാരങ്ങൾ പ്രഖ്യാപിച്ചു. മലയാള സാഹിത്യത്തിന് ആധുനികത യുടെ പുതിയ ദിശാ ബോധം പകർന്നു നൽകിയ യു. എ. ഇ. യിൽ പ്രവാസി ആയിരുന്ന ടി. വി. കൊച്ചു ബാവ യുടെ സ്മരണ നില നിര്‍ത്തുവാന്‍ വേണ്ടിയാണ് അവാർഡ്.

tv-kochu-bava-memorial-haritham-book-award-2023-ePathram

കവിത : ഇസ്മായീൽ മേലടി (പുസ്തകം – വാർത്തകൾ ഓര്‍മ്മിക്കാനുള്ളതല്ല). ബാല സാഹിത്യം : സാദിഖ് കാവിൽ (ഖുഷി).

media-one-tv-news-mca-nazer-ePathram

എം. സി. എ. നാസർ

ലേഖന സമാഹാരം : എം. സി. എ. നാസർ, ഷാബു കിളിത്തട്ടിൽ, ബഷീർ തിക്കോടി (പുറംവാസം, ഗഫൂർക്കാ ദോസ്ത്, കൊല വിളി കൾക്കും നില വിളികൾക്കും ഇടയിൽ).

shabu-kilithattil-epathram

ഷാബു കിളിത്തട്ടിൽ

നോവൽ : സലീം അയ്യനത്ത്, ഹണി ഭാസ്കരൻ (ബ്രാഹ്മിൺ മൊഹല്ല, ഉടൽ രാഷ്ട്രീയം).

salim-ayyanath-ePathram

സലീം അയ്യനത്ത്

 

കഥാ സമാഹാരം : കെ. എം. അബ്ബാസ്, വെള്ളിയോടൻ (കെ. എം. അബ്ബാസിൻ്റെ സമ്പൂർണ്ണ കഥകൾ, ബർസഖ്).

ഓര്‍മ്മ : മനോജ് രാധാകൃഷ്ണൻ (പല കാലങ്ങളിൽ ചില മനുഷ്യർ) എന്നിവർക്കാണ് പുരസ്കാരങ്ങള്‍.

സാംസ്കാരിക രംഗത്തെ സമഗ്ര സംഭാവനക്ക് ഷീലാ പോളിനു പുരസ്കാരം നൽകും.

2023 നവംബർ 1 മുതൽ 11 വരെ ഷാർജ എക്സ്പോ യില്‍ നടക്കുന്ന 42–ാം രാജ്യാന്തര പുസ്തക മേളയിൽ വെച്ച് പുരസ്കാരങ്ങൾ സമ്മാനിക്കും. മൊമെൻ്റോയും പ്രശസ്തി പത്രവും 5000 രൂപയുടെ പുസ്തകങ്ങളുമാണ് അവാർഡ്. FaceBook

- pma

വായിക്കുക: , , , , , , , , , , ,

അഭിപ്രായം എഴുതുക »

റിച്ച്മാന്‍ മ്യൂസിക് ആല്‍ബം ശ്രദ്ധേയമായി

August 9th, 2023

sarbath-media-pma-rahiman-fukru-richaman-album-release-ePathram

ചടുല സംഗീതത്തിൽ നൃത്തത്തിന് പ്രാധാന്യം നൽകി ഒരുക്കിയ ‘റിച്ച് മാൻ’ എന്ന സംഗീത ദൃശ്യാവിഷ്‌കാരം റിലീസ് ചെയ്തു. യു. എ. ഇ. യിൽ ചിത്രീകരിച്ച ഈ ആൽബത്തിൽ ടിക് ടോക് താരം ഫുക്രൂ പ്രധാന വേഷത്തിൽ എത്തുന്നു.

ഗള്‍ഫില്‍ ജോലി തേടി എത്തിയ ഒരു ശരാശരി മലയാളി ചെറുപ്പക്കാരന്‍റെ ജീവിതം ചിത്രീകരിക്കുന്ന ഈ ഗാന ശില്പ ത്തിന്‍റെ രചന നിർവ്വഹിച്ച് സംവിധാനം ചെയ്തത് ഷഫീഖ് നാറാണത്ത്.

സംഗീതവും ആലാപനവും റാഷിദ് ഈസ.

sarbath-media-fukru-richaman-album-release-ePathram

റിച്ച് മാന്‍ മ്യൂസിക് ആല്‍ബം പോസ്റ്റര്‍

സ്ക്രിപ്റ്റ്: ഫാബിത്ത് രാമപുരം. നൃത്തത്തിനും ഏറെ പ്രാധാന്യം നല്‍കി ഒരുക്കിയ ആല്‍ബത്തിന്‍റെ കൊറിയോഗ്രഫി രാഹുൽ രാമചന്ദ്രൻ.

ക്യാമറ : അനസ് ഹംസ. എഡിറ്റിങ് : അമീൻ പാലക്കൽ. റെക്കോർഡിംഗ് : ആൻസർ വെഞ്ഞാറമൂട്, മ്യൂസിക് പ്രോഗ്രാമിംഗ് : അനു അംബി. കോഡിനേഷൻ : ബാബു ഗുജറാത്ത്, പി. എം. എ. റഹിമാൻ. ജുനൈദ് മച്ചിങ്ങൽ, പോസ്റ്റര്‍ ഡിസൈന്‍ : ഷമീര്‍.

എസ്. ബി. ആർ. പ്രൊഡക്ഷൻ ബാനറില്‍ നിര്‍മ്മിച്ച് സർബത്ത് മീഡിയ യൂട്യൂബ് ചാനലിൽ റിലീസ് ചെയ്ത ‘റിച്ച് മാൻ’ എല്ലാ തരം പ്രേക്ഷകർക്കും ഇഷ്ടപ്പെടും വിധമാണ് ഒരുക്കിയിരിക്കുന്നത്.

ഫുക്രുവിനോടൊപ്പം ഹനീഫ് കുമരനെല്ലൂർ, സമീർ കല്ലറ, തള്ളല്ല കേട്ടോളിൻ അബ്ദു റഹിമാൻ, ബെൻസർ, സുധീർ, വിഷ്ണു നാട്ടായിക്കല്‍, ശ്രീലക്ഷ്മി, പി. എം. അബ്‌ദുൽ റഹിമാൻ, റസാഖ് വളാഞ്ചേരി തുടങ്ങി നിരവധി കലാകാരന്മാര്‍ ഭാഗമാവുന്നു.

സര്‍ബത്ത് മീഡിയയുടെ യാ സലാം ഇമാറാത്ത്, പ്രണയം പൂക്കും താഴ്വാരം എന്നീ സാംഗീത ശില്പങ്ങള്‍ക്കു ശേഷം ഒരുക്കിയ റിച്ച് മാന്‍ എല്ലാതരം സംഗീത പ്രേമികള്‍ക്കും ഇഷ്ടപ്പെടും വിധമാണ് റാഷിദ് ഈസ, ഷഫീഖ് നാറാണത്ത് ടീം ഒരുക്കിയിരിക്കുന്നത്.

 

- pma

വായിക്കുക: , , , , , ,

അഭിപ്രായം എഴുതുക »

2 of 591231020»|

« Previous Page« Previous « കരിപ്പൂർ വിമാനത്താവള വികസനം : ഭൂമി നഷ്ടപ്പെടുന്നവർക്ക് മികച്ച നഷ്ട പരിഹാരം ഉറപ്പാക്കും
Next »Next Page » മെഡിക്കൽ ക്യാമ്പ്‌ സംഘടിപ്പിച്ചു »



  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം
  • പെരുന്നാളിന്‌ കൊടിയേറി
  • സലാം പാപ്പിനിശ്ശേരി ഇടപെട്ടു : ക്രിമിനൽ കേസിൽ കുടുങ്ങിയ മലയാളിയെ നാടുകടത്തില്ല
  • പ്രവാസികൾക്ക് സിവിൽ സർവ്വീസ് പരിശീലനം യു. എ. ഇ. യിൽ
  • റോഡ് ചാടിക്കടക്കുന്നവർക്ക് മുന്നറിയിപ്പ്
  • നൈബേഴ്‌സ് പ്രീമിയർ ലീഗ് : ഗ്രീൻ സ്റ്റാർ ജേതാക്കളായി
  • ബി. ആർ. ഷെട്ടി യു. എ. ഇ. യിൽ തിരിച്ചെത്തി
  • ബാപ്സ് മന്ദിർ : അബുദാബിയിലെ ആദ്യ ഹൈന്ദവ ക്ഷേത്രം തുറന്നു
  • വാഹനത്തിൻ്റെ സൺ റൂഫിൽ തല പുറത്തിട്ടാൽ 2000 ദിർഹം പിഴ
  • ഗോൾഡൻ ഹാർട്ട് ഉദ്യമത്തിലൂടെ പത്ത് ഹൃദയ ശസ്ത്ര ക്രിയകൾ പൂർത്തിയായി
  • ഇസ്‌ലാമിക് സെൻററിൽ ‘ദി കേരള ഫെസ്റ്റ്’ വെള്ളി, ശനി, ഞായർ ദിവസങ്ങളിൽ
  • മാമുക്കോയ : കളങ്കമില്ലാത്ത മനുഷ്യൻ
  • കെ. എസ്. സി. യുവജനോത്സവം സമാപിച്ചു
  • നോൽ കാർഡുകൾ​ ഡിജിറ്റൽ വാലറ്റ് ആക്കുന്നു
  • ഭരത് മുരളി നാടകോത്സവം: ഭൂതങ്ങൾ മികച്ച നാടകം – ഒ. ടി. ഷാജഹാൻ മികച്ച സംവിധായകൻ
  • ആരോഗ്യ പരിശീലന – കൺസൾട്ടൻസി മേഖലയിലെ വൻ മുന്നേറ്റവുമായി ആർ. പി. എം.



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine