 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : മൂന്നര പതിറ്റാണ്ടിന്റെ പ്രവാസ ജീവിതത്തിനു ശേഷം നാട്ടിലേക്ക് മടങ്ങുന്ന പ്രമുഖ മാധ്യമ പ്രവര്‍ത്തകനും എഴുത്തു കാരനുമായ ജലീല്‍ രാമന്തളിക്ക് അബുദാബി യിലെ ഫാന്റസി എന്‍റര്‍ടെയിന്‍മെന്റ് ഗ്രൂപ്പ്‌ യാത്രയയപ്പു നല്‍കി.
ഇന്ത്യന്‍ ഇസ്ലാമിക്‌ സെന്ററില്‍ നടന്ന പെരുന്നാള്‍ നിലാവ് സ്റ്റേജ് ഷോ യില്‍ വെച്ച് നടന്ന ചടങ്ങില്‍ കെ. കെ. മൊയ്തീന്‍ കോയ, ഫാന്റസി സാരഥികളായ മുഹമ്മദ് അസ്‌ലം. ഗഫൂര്‍ ഇടപ്പാള്‍, ലത്തീഫ് അറക്കല്‍. റഷീദ്‌ അയിരൂര്‍ എന്നിവരും കലാ സാംസ്കാരിക രംഗത്തെ പ്രമുഖരും സംബന്ധിച്ചു.
- pma
വായിക്കുക: പ്രവാസി, ബഹുമതി, മാധ്യമങ്ങള്‍
ദുബായ് : ചിരന്തര സാംസ്കാരിക വേദി യു. എ. ഇ. എക്സ്ചേഞ്ചുമായി സഹകരിച്ചു ഗള്‍ഫിലെ മാധ്യമ പ്രവര്‍ത്തകര്‍ക്ക് നല്‍കി വരുന്ന മാധ്യമ പുരസ്കാര ത്തിന് വി. എം. സതീഷ്, പ്രമദ് ബി. കുട്ടി എന്നിവര്‍ അര്‍ഹരായി.
ഗള്ഫ് ഇന്ത്യക്കാരുടെ പ്രശ്നങ്ങളില്‍ ഊന്നിയുള്ള അന്വേഷണാത്മക പത്രപ്രവര്‍ത്തനം, ജീവകാരുണ്യ റിപ്പോര്‍ട്ടുകള്‍ എന്നിവ പരിഗണിച്ചാണ് വി. എം. സതീഷിനെ പുരസ്കാര ത്തിന് തെരഞ്ഞെടുത്തത്. എമിറേറ്റ്സ് 24/7 സീനിയര്‍ റിപ്പോര്‍ട്ടര്‍ ആണ് വി. എം. സതീഷ്. ദുബായിലെ മാധ്യമ പ്രവര്‍ത്ത കരുടെ കൂട്ടായ്മ ഇന്ത്യന്‍ മീഡിയ ഫോറം (IMF) വൈസ് പ്രസിഡന്‍റാണ്.
മനോരമ ന്യൂസ് ക്യാമറ മാനാണ് പ്രമദ് ബി. കുട്ടി. ശരീരം തളര്‍ന്ന് നാലു മാസം ദുബായ് റാഷിദ് ആശുപത്രി യില്‍ കഴിഞ്ഞിരുന്ന തൃശൂര്‍ ചെന്ത്രാപ്പിന്നി സ്വദേശി യുടെ ദുരിതം ചിത്രീകരിച്ച തിനാണ് പ്രമദിന് പുരസ്കാരം.
സ്വര്‍ണ്ണ മെഡലും പ്രശംസാ പത്രവും ഫലകവും അടങ്ങിയ ചിരന്തന മാധ്യമ പുരസ്കാരം, ആഗസ്റ്റ്‌ അവസാന വാരം ദുബായില്‍ നടക്കുന്ന ചടങ്ങില്‍ സമ്മാനിക്കും
- pma
വായിക്കുക: ചിരന്തന, ബഹുമതി, മാധ്യമങ്ങള്‍
അബുദാബി : അബുദാബി കെ. എം. സി. സി. അഴീക്കോട് മണ്ഡലം കമ്മിറ്റിയുടെ നാലാമത് വി. സി. സ്മാരക പത്ര പ്രവര്‍ത്തക അവാര്ഡ് പ്രമുഖ പ്രവാസി പത്ര പ്രവര്‍ത്തകരായ ജലീല്‍ പട്ടാമ്പി, ജലീല്‍ രാമന്തളി എന്നിവര്‍ക്ക് സമ്മാനിക്കും. ചന്ദ്രിക പത്രാധിപര്‍ ആയിരുന്ന വി. സി. അബൂബക്കര്‍ സാഹിബിന്റെ സ്മരണാര്‍ത്ഥം ഏര്‍പ്പെടുത്തിയ അവാര്ഡ് 10, 001 രൂപയും പ്രശംസാ പത്രവും ഉപഹാരവുമാണ്.
മിഡില്‍ ഈസ്റ്റ്‌ ചന്ദ്രിക യു. എ. ഇ. എഡിറ്റര്‍ ഇന്‍ ചാര്‍ജ്ജ്‌ ആണ് ജലീല്‍ പട്ടാമ്പി.
ദുബായിലെ മാധ്യമ പ്രവര്‍ത്തകരുടെ കൂട്ടായ്മ ഇന്ത്യന്‍ മീഡിയ ഫോറം ( I M F ) ജനറല്‍ സെക്രട്ടി ആയി പ്രവര്‍ത്തിച്ചിരുന്നു. ദി ഹിന്ദു, മാധ്യമം, ഗള്ഫ് മാധ്യമം എന്നീ പത്രങ്ങളില്‍ ജോലി ചെയ്തിട്ടുണ്ട്. കൈരളി കലാ കേന്ദ്രം, കേരള സഹൃദയ മണ്ഡലം, ദുബായ് വായനക്കൂട്ടം, ചിരന്തന സാംസ്കാരിക വേദി യുടെയും അവാര്‍ഡുകള്‍ നേടിയിട്ടുണ്ട്.
യു. എ. ഇ. യുടെ രാഷ്ട പിതാവ് ശൈഖ് സായിദ് ന്റെ ജീവചരിത്രം ആദ്യമായി ഇന്ത്യന്‍ ഭാഷയില്‍ രചിച്ച ജലീല്‍ രാമന്തളി ഗള്‍ഫിലെ അറിയപ്പെടുന്ന പത്ര പ്രവര്‍ത്തകനും ഗ്രന്ഥ കര്‍ത്താവുമാണ്. പ്രവാസികളുടെ ജീവിതം വരച്ചു കാട്ടുന്ന ഒട്ടേറെ കൃതികളുടെ രചയിതാവാണ്. ‘മരുഭൂമികള്‍ പറയുന്നത് ; പറയാത്തതും’ , അഭയം തേടി, സ്നേഹം ഒരു കടങ്കഥ, ഇരുള്‍ മുറ്റിയ വഴിയമ്പലങ്ങള്‍, നഗര ത്തിലെ കുതിരകള്‍, ഗള്ഫ് സ്കെച്ചുകള്‍, ഒട്ടകങ്ങള്‍ നീന്തുന്ന കടല്‍, നേര്‍ച്ച വിളക്ക് തുടങ്ങിയ നിരവധി പുസ്തകങ്ങള്‍ ജലീല്‍ രാമന്തളി യുടേതായി പ്രസിദ്ധീ കരിച്ചിട്ടുണ്ട്.
മിഡില്‍ ഈസ്റ്റ്‌ ചന്ദ്രിക അബുദാബി ബ്യൂറോ ചീഫ് ആയ ഇദ്ദേഹം, മാധ്യമ പ്രവര്‍ത്തകരുടെ കൂട്ടായ്മയായ ഇന്ത്യന്‍ മീഡിയ അബുദാബി ( I M A ) യുടെ വൈസ് പ്രസിഡന്‍റ് കൂടിയാണ്. സമഗ്ര സംഭാവനക്കുള്ള സഹൃദയ- അഴീക്കോട് പുരസ്കാരം, മാടായി പഞ്ചായത്ത് കെ. എം. സി. സി. യുടെ മാധ്യമ പുരസ്കാരം, ചിരന്തന സാംസ്കാരിക വേദി യുടെയും അടക്കം നിരവധി പുരസ്കാരങ്ങള്‍ നേടിയിട്ടുണ്ട്.
സെപ്തംബര്‍ അവസാന വാരം അബുദാബിയില്‍ നടക്കുന്ന ചടങ്ങില്‍ വി. സി. സ്മാരക അവാര്‍ഡുകള്‍ സമ്മാനിക്കും എന്ന് ഭാരവാഹികളായ ഇ. ടി. മുഹമ്മദ് സുനീര്‍, പി. വി. മുഹമ്മദ് നാറാത്ത്‌, സി. ബി. റാസിഖ് കക്കാട്, താജ് കമ്പില്‍ എന്നിവര്‍ അറിയിച്ചു.
- pma
വായിക്കുക: കെ.എം.സി.സി., ബഹുമതി, മാധ്യമങ്ങള്‍
അബുദാബി : ഗള്ഫ് മലയാളി കളുടെ യാത്രാ ക്ലേശം പരിഹരി ക്കുന്നതില്‍ ദയനീയമായി പരാജയപ്പെട്ട എയര്‍ ഇന്ത്യ യുടെ ഡയരക്ടര്‍ സ്ഥാനം രാജി വെച്ചു എയര്‍ കേരള യുടെ പ്രവര്‍ത്തന ങ്ങള്‍ക്ക് മുന്നിട്ടിറങ്ങിയ പദ്മശ്രീ എം. എ. യൂസഫലിയെ ഇന്ത്യന്‍ മീഡിയ അബുദാബി ( ഇമ ) അഭിനന്ദിച്ചു.
ജനകീയ പ്രശ്നങ്ങള്‍ ഏറ്റെടുക്കാന്‍ മുന്നിട്ടിറങ്ങിയ അദ്ദേഹത്തിന്റെ നടപടി മാതൃകാ പരമാണ്. ഗള്ഫ് യാത്രക്കാരുടെ പ്രശ്നങ്ങള്‍ എത്രയും വേഗം പരിഹരിക്കാന്‍ എയര്‍ കേരള തുടങ്ങാന്‍ കേരള സര്‍ക്കാരും പ്രവാസി സമൂഹവും ഒരുമിച്ചു ശ്രമിക്കണം എന്നും എയര്‍ കേരള യുടെ പരിശ്രമങ്ങള്‍ക്ക് പരിപൂര്‍ണ്ണ പിന്തുണയേകാനും ഇമ തീരുമാനിച്ചു.
- pma
വായിക്കുക: മാധ്യമങ്ങള്‍, യൂസഫലി
ദുബായ് : ജനകീയ വിഷയങ്ങളിൽ ഇടപെടാൻ രാഷ്ട്രീയ നേതൃത്വങ്ങളിൽ ഫലപ്രദമായി സമ്മർദ്ദം ചെലുത്തി യു. എ. ഇ. യിലെ മാദ്ധ്യമ രംഗത്ത് തികച്ചും വ്യത്യസ്തമായ വ്യക്തി മുദ്ര പതിപ്പിച്ച ഷാബു കിളിത്തട്ടിൽ ഓൺലൈൻ മാദ്ധ്യമ രംഗത്തേയ്ക്കുള്ള ചുവടു വെപ്പ് കുറിച്ചു. ഷാബുവിന്റെ നേതൃത്വത്തിൽ ആരംഭിച്ച വായനമുറി ഡോട്ട് കോം എന്ന ഓൺലൈൻ മാസിക ശനിയാഴ്ച്ച ഇന്ത്യൻ കോൺസുൽ ജനറൽ സഞ്ജയ് വർമ്മ പ്രൌഡ ഗംഭീരമായ സദസ്സിന്റെ സാന്നിദ്ധ്യത്തിൽ ദുബായ് ഇന്ത്യൻ കോൺസുലേറ്റിൽ ഉദ്ഘാടനം ചെയ്തതോടെ നവീന മാദ്ധ്യമ സാദ്ധ്യതകൾ ദുബായിലെ മലയാളി സമൂഹത്തിന് ലഭ്യമാവും.
സൈബർ യുഗത്തിലെ ജീവിത വേഗത്തിനിടക്ക് പുതിയൊരു വായന സംസ്കാരം രൂപപ്പെടേണ്ടത് അത്യാവശ്യമാണെന്ന് മാസിക ഉദ്ഘാടനം ചെയ്തു കൊണ്ട് സഞ്ജയ് വർമ്മ അഭിപ്രായപ്പെട്ടു. നല്ല വായനയിലൂടെ മാത്രമേ നന്മയുടെ വിത്തുകൾ മുളപ്പിച്ചെടുക്കാൻ സാധിക്കൂ. എല്ലാ സമൂഹത്തിനും അവരുടെതായ സാംസ്കാരിക പൈതൃകം അവകാശപ്പെടാനുണ്ട്. സ്വന്തം സംസ്കാരം ആണ് മികച്ചത് എന്ന് വിചാരിക്കുമ്പോഴാണ് പരസ്പരം ശത്രുതയുണ്ടാകുന്നത്. അതിലുപരി സ്വന്തം സംസ്കാരത്തെ പാലിച്ചും മറ്റു സംസ്കാരങ്ങളെ അറിഞ്ഞും ബഹുമാനിച്ചും ജീവിക്കുമ്പോഴാണ് മനുഷ്യ ജീവിതം അർത്ഥ പൂർണ്ണമാകുന്നത്. ഇതിനു വായന കൊണ്ട് മാത്രമേ സാധിക്കൂ എന്നും അതിനു വായനമുറി ഡോട്ട് കോം പോലുള്ള പുതിയകാല വായനമുറികൾ ഉണ്ടാകേണ്ടത് ആവശ്യമാണെന്നും അദ്ദേഹം പറഞ്ഞു.
വായനമുറി ഡോട്ട് കോം ഡിസൈൻ ചെയ്ത് നിർമ്മിച്ച ഗ്രെഡെൻസ ഇന്റർനാഷ്ണലിന്റെ ചീഫ് സിസ്റ്റംസ് അനലിസ്റ്റ് നിഷാദ് കൈപ്പള്ളി മാസികയെ വ്യത്യസ്തമാക്കുന്ന നൂതന സങ്കേതങ്ങൾ വിശദീകരിച്ചു.
ചടങ്ങിൽ കോൺസുൽ അശോക് ബാബു, ജെ. ആർ. ജി. സി. ഇ. ഓ. സജിത്ത് കുമാർ, മായ കർത്താ, കൃഷ്ണൻ കൂനിചേരിൽ, പി. മണികണ്ഠൻ, ഭാസ്കർ രാജ്, ലീൻ ജെസ്മാസ് എന്നിവർ പങ്കെടുത്തു. തുടർന്ന് ജതിൻ സുബ്രഹ്മണ്യം, ശ്രുതി സുബ്രഹ്മണ്യം എന്നിവരുടെ നൃത്തവും, ആത്മയിലെ കലാകാരന്മാർ അവതരിപ്പിച്ച ഗസൽ സന്ധ്യയും അരങ്ങേറി. റിയാസ് ചെന്ത്രാപ്പിന്നി, ശശികുമാർ, മചിങ്ങൾ രാധാകൃഷ്ണൻ എന്നിവർ ചടങ്ങുകൾ നിയന്ത്രിച്ചു.
- ജെ.എസ്.
വായിക്കുക: മാധ്യമങ്ങള്‍, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
