ബഹ്‌റൈന്‍: ബഹ്‌റൈനിലെ പ്രമുഖ സാമൂഹികപ്രവര്‍ത്തകനായ പി. വി. രാധാകൃഷ്ണ പിള്ളക്ക് ഈ വര്‍ഷത്തെ ‘പ്രവാസി ഭാരതീയ സമ്മാന്‍‘ നിന് തിരഞ്ഞെടുത്തു. ബഹ്‌റൈനിലെ ജല-വൈദ്യുതി മന്ത്രാലയത്തില്‍ എഞ്ചിനീയറായ രാധാകൃഷ്ണ പിള്ള മാവേലിക്കര സ്വദേശിയാണ്. മാവേലിക്കര ലക്ഷ്മി നിലയത്തില്‍ വാസുദേവന് പിള്ള -സരസമ്മ ദമ്പതികളുടെ മകനാണ്. ലതയാണ് ഭാര്യ രാധിക, രഞ്ജിനി എന്നിവര്‍ മക്കളാണ്.
തൊണ്ണൂറുകളുടെ ആദ്യത്തില്‍ ബഹ്‌റൈനില്‍ എത്തിയ രാധാകൃഷ്ണ പിള്ള വളരെ പെട്ടെന്ന് തന്നെ സാമൂഹിക സാംസ്കാരിക രംഗത്ത് സജീവമായി. മികച്ച പ്രാസംഗികനും സംഘാടകനുമായ അദ്ദേഹം ഇന്ത്യന്‍ സ്കൂള്‍ ചെയര്‍മാന്‍ എന്ന നിലയില്‍ വിദ്യാഭ്യാസ രംഗത്ത് പല പരിഷ്കരണങ്ങള്‍ക്കും തുടക്കം കുറിച്ചു. മലയാള ഭാഷ പഠിക്കുന്നവര്‍ക്കായി പ്രത്യേകമായി സ്കൂള്‍ ഓഫ് മലയാളം സ്ഥാപിച്ചു. കേരള സംഗീത നാടക അക്കാദമിയുടെ സെന്റര്‍ ബഹ്‌റൈനില്‍ സ്ഥാപിച്ചു. ബഹ്‌റൈനിലെ വിവിധ കലാ-സാംസ്കാരിക സംഘടനകളുടെയും അമരക്കാനായി ഇരുന്നിട്ടുണ്ട്. നിലവില്‍ കേരളീയ സമാജത്തിന്റെ പ്രസിഡണ്ടാണ്.
അബുദാബി : ദീര്‍ഘ കാലത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന മലയാളി സമാജം സജീവ പ്രവര്‍ത്തകനും ഇന്ദിരാ ഗാന്ധി വീക്ഷണം ഫോറം യു. എ. ഇ. കമ്മിറ്റി വൈസ് പ്രസിഡണ്ടുമായ എ. കെ. ഗോപിക്ക് സമാജ ത്തിന്‍റെ ആഭിമുഖ്യ ത്തില്‍ യാത്രയയപ്പ് നല്‍കുന്നു. 
അബുദാബി : തളിപ്പറമ്പ് താലൂക്ക് നിവാസി കളുടെ യു. എ. ഇ. യിലെ കൂട്ടായ്മ തപസ്സ് വാര്‍ഷി കാഘോഷം ‘സര്‍ഗോത്സവം’ ദുബായ് വിമെന്‍സ് കോളേജില്‍ വെച്ചു നടന്നു. വിശിഷ്ട അതിഥി കളായി ചലച്ചിത്ര സംവിധായകരായ ബ്ലെസ്സി, ലാല്‍ജോസ് എന്നിവര്‍ പങ്കെടുത്തു. കേന്ദ്രമന്ത്രി കെ. സി. വേണു ഗോപാല്‍, കേരള ധനകാര്യമന്ത്രി കെ. എം. മാണി, തളിപ്പറമ്പ് മണ്ഡലം നിയമസഭാ പ്രതിനിധി ജെയിംസ് മാത്യു എന്നിവര്‍ ആശംസാ സന്ദേശം നല്‍കി.
തപസ്സ് ചെയര്‍മാന്‍ മുരളീവാര്യര്‍ അദ്ധ്യക്ഷത വഹിച്ചു. വൈസ് ചെയര്‍മാന്‍ ജയശങ്കര്‍ സ്വാഗതം പറഞ്ഞു. സര്‍ഗോത്സവ ത്തിന്‍റെ മുഖ്യസഹകാരി യായിരുന്ന രാജേഷ്, ട്രഷറര്‍ മാധവന്‍, വിജി ജോണ്‍ എന്നിവര്‍ നന്ദിയും അറിയിച്ചു.
