 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : മുന്‍ കേരള മുഖ്യമന്ത്രി ഇ. കെ. നായനാരെ അനുസ്മരിക്കുന്നതിന് ദല വേദി ഒരുക്കുന്നു. മെയ്‌ 20 വെള്ളിയാഴ്ച വൈകുന്നേരം 6:30ന് ദല ഹാളിലാണ് ചടങ്ങ് നടക്കുക. റോജിത് കുറ്റൂര്‍ നായനാര്‍ അനുസ്മരണ പ്രഭാഷണം നടത്തും. “സമകാലിക രാഷ്ട്രീയ” ത്തെ അധികരിച്ച് സി. വി. സലാം മുഖ്യ പ്രഭാഷണം നടത്തും.
(അയച്ചു തന്നത് : സജീവന്‍ കെ. വി.)
- ജെ.എസ്.
വായിക്കുക: കേരള രാഷ്ട്രീയ നേതാക്കള്‍, ദല
അബുദാബി : പാവങ്ങ ളോടുള്ള പ്രതിബദ്ധത എന്തെങ്കിലും അവശേഷി ച്ചിട്ടുണ്ടെങ്കില്‍ അത് ഇടതു പക്ഷ പ്രസ്ഥാന ങ്ങളുടെ കൂടെയാണ് എന്ന് ഡോ. ഹുസൈന്‍ രണ്ടത്താണി അഭിപ്രായപ്പെട്ടു.
അബുദാബി കേരളാ സോഷ്യല്‍ സെന്റര് ജീവകാരുണ്യ വിഭാഗ ത്തിന്‍റെ ആഭിമുഖ്യ ത്തില്‍ സംഘടിപ്പിച്ച കലാസന്ധ്യ ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം.
ആതുരാലയങ്ങള്‍ ഏറ്റവും വലിയ വ്യവസായ സംരംഭമായി പാവങ്ങള്‍ക്കു കടന്നു ചെല്ലാന്‍ പറ്റാത്ത അവസ്ഥ ഉണ്ടായപ്പോള്‍ കേരള ത്തിലെ ചെറിയ ചെറിയ ഡിസ്‌പെന്‍സറികള്‍ ആംബുലന്‍സു കളോടു കൂടിയ മെഗാ ആസ്പത്രി കളാക്കി മാറ്റാന്‍ കഴിഞ്ഞ അഞ്ചു വര്‍ഷത്തെ ഇടതു പക്ഷ ഭരണം കൊണ്ടു കഴിഞ്ഞു എന്നും രോഗി കളായാല്‍ മരണം മാത്രം ആശ്രയി ക്കേണ്ടി വന്നിരുന്ന പാവപ്പെട്ട വര്‍ക്ക് അതു വഴി ജീവിക്കാന്‍ അവസരം നല്‍കി എന്നും ഹുസൈന്‍ രണ്ടത്താണി ചൂണ്ടിക്കാട്ടി.
വിശപ്പിന് നിറവും മണവുമില്ല. മുസ്‌ലിം ലീഗു കാരന്‍റെയും കമ്യൂണിസ്റ്റു കാരന്‍റെയും വിശപ്പ് ഒന്നു തന്നെ യാണ്. സുനാമി തിരമാല കള്‍ ആഞ്ഞടി ക്കുമ്പോള്‍ പാവപ്പെട്ടവരെ തിരഞ്ഞു പിടിച്ചു കൊണ്ടായി രിക്കില്ല കോരി എടുത്തു പോകുക. എത്ര പണം സ്വന്തമായി ഉണ്ടായിട്ടും കാര്യമില്ല. എല്ലാവരും ആ തിരകളില്‍ പെട്ടു പോകും. അതു കൊണ്ട് നമ്മുടെ ജീവിത കാലത്ത് മറ്റുള്ളവരെ സഹായിച്ച് ഒരാളുടെ കണ്ണു നീരെങ്കിലും ഒപ്പാന്‍ കഴിഞ്ഞാല്‍ അതിനേക്കാളും മഹത്തര മായി ഒന്നുമില്ല. അദ്ദേഹം കൂട്ടിച്ചേര്‍ത്തു.
കേരളാ സോഷ്യല്‍ സെന്റര് പ്രസിഡന്റ് കെ. ബി. മുരളി യുടെ അദ്ധ്യക്ഷത യില്‍ ചേര്‍ന്ന സമ്മേളന ത്തില്‍ വെച്ച് സാമ്പത്തിക മായി ബുദ്ധിമുട്ട് അനുഭവിക്കുന്ന ഇടക്കൊച്ചി സ്വദേശി ജമീല യുടെ ചികിത്സ യ്ക്കു വേണ്ടതായ സഹായ ധനം ഐ ബ്ലാക്ക് മാനേജിംഗ് ഡയറക്ടര്‍ ഹുസൈന്‍ വിതരണം ചെയ്തു.
യു. എ. ഇ. എക്‌സ്‌ചേഞ്ച് സെന്റര് മീഡിയ മാനേജര്‍ കെ. കെ. മൊയ്തീന്‍ കോയ, നസീര്‍, ഇഖ്ബാല്‍, അസീസ് ചങ്ങരംകുളം എന്നിവര്‍ വിവിധ സ്ഥാപനങ്ങളെ പ്രതിനിധീകരിച്ച് ചടങ്ങില്‍ പങ്കെടുത്തു.
കെ. എസ്. സി. യുടെ ജീവകാരുണ്യ പ്രവര്‍ത്തന ങ്ങളെ കുറിച്ച് വെല്‍ഫെയര്‍ സെക്രട്ടറി ഷെരീഫ് കാളച്ചാല്‍ വിശദീകരിച്ചു. ജനറല്‍ സെക്രട്ടറി അഡ്വ. അന്‍സാരി സൈനുദ്ദീന്‍ സ്വാഗതവും ജോ. സെക്രട്ടറി ഷെറിന്‍ വിജയന്‍ നന്ദിയും പറഞ്ഞു. തുടര്ന്ന് വൈവിധ്യമാര്‍ന്ന കലാപരിപാടി കള്‍ അരങ്ങേറി.
-അയച്ചു തന്നത്: സഫറുള്ള പാലപ്പെട്ടി.
- pma
വായിക്കുക: കേരള രാഷ്ട്രീയ നേതാക്കള്‍, കേരള സോഷ്യല്‍ സെന്റര്
അബുദാബി : മുഖ്യമന്ത്രി വി. എസ്. അച്യുതാനന്ദനെ ക്കുറിച്ച് എന്‍. എസ്. എസ്. ജനറല്‍ സെക്രട്ടറി സുകുമാരന്‍ നായരുടെ പ്രസ്താവന അങ്ങേയറ്റം പ്രതിഷേധാര്‍ഹവും എന്‍. എസ്. എസ്. സംസ്‌കാര ത്തിന് യോജിക്കാ ത്തതുമാണ് എന്ന് അബുദാബി ശക്തി തിയ്യറ്റേഴ്‌സ് അഭിപ്രായപ്പെട്ടു.
ജാതി – മത ചിന്തകള്‍ക്ക് അതീതമായി ഏഴു പതിറ്റാണ്ടിലേറെ യായി കേരള ത്തിലെ മുഴുവന്‍ ജനങ്ങ ളുടെയും സമഗ്ര പുരോഗതി ക്കായി പോരാടുന്ന വി. എസ്. അച്യുതാനന്ദനെ നെപ്പറ്റി കേരള ത്തിലെ ഓരോ മണ്‍തരിക്കു പോലും അറിയാം എന്നിരിക്കെ സുകുമാരന്‍ നായരുടെ ജല്‍പ്പനങ്ങള്‍ എന്‍. എസ്. എസ്സു കാരുള്‍പ്പെടെ ഒരു കേരളീയനും മുഖവിലക്ക് എടുക്കില്ല എന്നുറപ്പാണ്.
മഹത്തായ പാരമ്പര്യമുള്ള ഒരു സംഘടന യുടെ തലപ്പത്ത്‌ ഇരിക്കുന്ന വ്യക്തികള്‍ പറയുന്ന വാക്കുകള്‍ സംഘടന യ്ക്കുതന്നെ അപമാനം ഉണ്ടാക്കുന്നത് ആകരുത്.
എന്‍. എസ്. എസ്. ന്‍റെ സമുന്നത നേതൃത്വം സുകുമാരന്‍ നായരുടെ പ്രസ്താവന യെ തള്ളി പ്പറയുമെന്ന് പ്രതീക്ഷി ക്കുന്നതായി അബുദാബി ശക്തി തിയ്യറ്റേഴ്‌സ് പ്രസിഡന്റ് റഹിം കൊട്ടുകാട് പ്രസ്താവന യില്‍ പറഞ്ഞു.
-അയച്ചു തന്നത്: സഫറുള്ള പാലപ്പെട്ടി.
- pma
വായിക്കുക: കേരള രാഷ്ട്രീയ നേതാക്കള്‍, പ്രതിഷേധം, ശക്തി തിയേറ്റഴ്സ്
ദുബായ് : മെഹബൂബെ മില്ലത്ത്‌ ഇബ്രാഹിം സുലൈമാന്‍ സേട്ട് സാഹിബിന്‍റെ ആദര്‍ശ ജീവിതം യുവത ക്ക് ഇന്നും പ്രചോദനവും, പ്രേരണയും ആണെന്ന് സേട്ട് സാഹിബിന്‍റെ വിയോഗ ത്തിന്‍റെ ആറാമതു വാര്‍ഷിക ത്തോട് അനുബന്ധിച്ച് ദുബായില്‍ നടന്ന ചടങ്ങില്‍ പങ്കെടുത്ത് സംസാരിച്ച നേതാക്കള്‍ അഭിപ്രായപ്പെട്ടു.
ദേരാ ഫ്ലോറാ ഹോട്ടലില്‍ ഐ. എം. സി. സി. യു. എ. ഇ. കമ്മിറ്റി സംഘടിപ്പിച്ച അനുസ്മരണ പരിപാടി യില്‍ വിവിധ സംഘടന കളുടെ പ്രതിനിധി കളായി നാരായണന്‍ വെളിയങ്കോട്‌ (ദല), സി. എം. എ ചേരൂര്‍ (ഐ. സി. എഫ്), റഹ്മാന്‍ എലങ്കമല്‍ (മാധ്യമം), ബി. എ. മഹ്മൂദ് (കെസെഫ്), തുടങ്ങിയവര്‍ സംസാരിച്ചു.
ടി. സി. എ. റഹ്മാന്‍ മുഖ്യ അനുസ്മരണ പ്രഭാഷണം നടത്തി. തുടര്ന്ന് സേട്ട് സാഹിബ് അനുസ്മരണ ബ്രോഷര്‍ പ്രകാശനം നിര്‍വ്വഹിച്ചു.
ഐ. എം. സി. സി. യു. എ. ഇ. കമ്മിറ്റി പ്രസിഡന്റ് ടി. എസ്. ഗഫൂര്‍ ഹാജി അദ്ധ്യക്ഷത വഹിച്ചു. ജനറല്‍ സെക്രട്ടറി എം. എ. ലത്തീഫ് സ്വാഗതവും സഫ് വാന്‍ ഏരിയാല്‍ നന്ദിയും പറഞ്ഞു.
-അയച്ചു തന്നത്: ഷിബു മുസ്തഫ
- pma
വായിക്കുക: കേരള രാഷ്ട്രീയ നേതാക്കള്‍, ദുബായ്, സംഘടന
അബുദാബി: മൂന്ന് പതിറ്റാണ്ടിലേറെ പ്രവാസ ലോകത്തെ സാമൂഹ്യ സാംസ്കാരിക മണ്ഡലത്തില്‍ വിശിഷ്ട സേവനമര്‍പ്പിച്ചു അകാലത്തില്‍ വിട പറഞ്ഞ ചിറയിന്‍കീഴ്‌ അന്‍സാര്‍ പ്രവാസ ലോകത്തെ പൊതു പ്രവര്‍ത്തനത്തിന്റെ അപൂര്‍വ്വ മാതൃകയാണെന്ന് ഡോ. ശശി തരൂര്‍ എം. പി. അനുസ്മരിച്ചു. അന്‍സാറിന്റെ നിത്യ സ്മരണക്കായി ഫ്രണ്ട്സ് ഓഫ് എ. ഡി. എം. എസ്. ഏര്‍പ്പെടുത്തിയ അന്‍സാര്‍ മെമ്മോറിയല്‍ എന്‍ഡോവ്മെന്റിന്റെ പ്രഥമ പുരസ്കാരം തിരുവനന്തപുരം റീജണല്‍ കാന്‍സര്‍ സെന്റര് ഏറ്റുവാങ്ങി.
2011 ഏപ്രില്‍ 19, ചൊവ്വാഴ്ച വൈകീട്ട് ഇന്‍ഡ്യ സോഷ്യല്‍ സെന്റര് ഓഡിറ്റോറിയത്തില്‍ ഒരുക്കിയ ചടങ്ങില്‍ വെച്ച് മുന്‍ കേന്ദ്ര മന്ത്രിയും പാര്‍ലിമെന്റ് അംഗവുമായ ഡോ. ശശി തരൂര്‍, തിരുവനന്തപുരം റീജിയണല്‍ കാന്‍സര്‍ സെന്റര് ഡയറക്ടര്‍ ഡോ. പോള്‍ സെബാസ്റ്റ്യന് പുരസ്കാരം സമ്മാനിച്ചു. ആയിരക്കണക്കിന് നിര്‍ധന രോഗികള്‍ക്ക് വേണ്ടി കാന്‍സര്‍ ചികിത്സാ രംഗത്ത് നടത്തിയ സേവന പ്രവര്‍ത്തനങ്ങള്‍ പരിഗണിച്ചാണ് ഒരു ലക്ഷം രൂപയും ശില്പവും പ്രശസ്തി പത്രവും അടങ്ങിയ ഈ പുരസ്കാരത്തിന് ആര്‍. സി. സി. യെ തെരഞ്ഞെടുത്തത്.
പ്രശസ്ത മാധ്യമ പ്രവര്‍ത്തകരായ റ്റി. എന്‍. ഗോപകുമാര്‍, എസ്. ആര്‍. ശക്തിധരന്‍, പ്രവാസ ലോകത്തെ സാംസ്കാരിക നേതാക്കളായ തോമസ്‌ ജോണ്‍, കണിയാപുരം സൈനുദ്ദീന്‍ എന്നിവര്‍ ഉള്‍പ്പെട്ട സമിതിയാണ് പുരസ്കാരം നിര്‍ണ്ണയിച്ചത്.
ഇന്ത്യന്‍ സ്ഥാനപതി എം. കെ. ലോകേഷ് ചടങ്ങ് ഉദ്ഘാടനം ചെയ്തു. എം. കെ. ഗ്രൂപ്പ്‌ മാനേജിംഗ് ഡയറക്ടര്‍ പത്മശ്രീ എം. എ. യൂസഫലി അധ്യക്ഷനായിരുന്നു. എന്‍. എം. സി. ഗ്രൂപ്പ്‌ മാനേജിംഗ് ഡയറക്ടര്‍ ആന്‍ഡ്‌ സി. ഇ. ഒ. പത്മശ്രീ ഡോ. ബി. ആര്‍. ഷെട്ടി, അബുദാബിയിലെ ഔദ്യോഗിക സംഘടനാ പ്രസിഡന്റ്‌മാര്‍ തുടങ്ങിയവര്‍ അന്‍സാറിനെ അനുസ്മരിച്ചു. ഒലിവ് മീഡിയ ക്ക് വേണ്ടി കെ. കെ. മൊയ്തീന്‍ കോയ, താഹിര്‍ ഇസ്മായില്‍, ബഷീര്‍ ചങ്ങരംകുളം എന്നിവര്‍ ഒരുക്കിയ അന്‍സാറിനെ സംബന്ധിച്ച ഡോകുമെന്ററി ശ്രദ്ധേയമായി. ഫ്രണ്ട്സ് എ. ഡി. എം. എസ്. പ്രസിഡന്റ് സെബാസ്റ്റ്യന് സിറിള്‍, കണ്‍വീനര്‍ റ്റി. എ. നാസര്‍, ജനറല്‍ സെക്രട്ടറി റ്റി. എം. സലിം എന്നിവര്‍ നേതൃത്വം നല്‍കി.
- ജെ.എസ്.
വായിക്കുക: കേരള രാഷ്ട്രീയ നേതാക്കള്‍, ജീവകാരുണ്യം, ബഹുമതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
