ദോഹ : ഗായകന് ഉദിത് നാരായണനും സംഘവും ദോഹയില് എത്തുന്നു. ഖത്തറിലെ സംഗീത പ്രേമികള്ക്കായി ‘ദോഹ വേവ്സ്’ അവതരിപ്പിക്കുന്ന ”ഉദിത് നാരായണ് ലൈവ് ഇന് കണ്സെര്ട്ട് – 2013″ എന്ന ഷോ ഏപ്രില് 26 വെള്ളിയാഴ്ച വൈകീട്ട് 7 മണി ക്ക് ദോഹ യിലെ പഴയ ഐഡിയല് ഇന്ത്യന് സ്കൂളില് അരങ്ങേറും.
പരിപാടിയെ കുറിച്ച് വിശദീകരിക്കാന് വിളിച്ചു ചേര്ത്ത വാര്ത്താ സമ്മേളന ത്തിലാണു സംഘാടകര് ഇക്കാര്യം അറിയിച്ചത്.
ഗായകരും നര്ത്തകരും അടക്കം ഇരുപത്തി രണ്ട് കലാകാരന്മാര് പങ്കെടുക്കും എന്ന് ഡയറക്ടര് മുഹമ്മദ് തൊയ്യിബ് പറഞ്ഞു. കഴിഞ്ഞ വര്ഷം അരങ്ങേറിയ ശ്രേയ ഘോഷാല് സംഗീത സന്ധ്യ യുടെ വമ്പിച്ച വിജയ ത്തിന് ശേഷം ദോഹ വേവ്സ് കാഴ്ച വെക്കുന്ന ഈ ഷോയില് ഉദിത് നാരായണോട് കൂടെ പിന്നണി ഗായിക ദീപ നാരായണ്, പ്രാച്ചി ശ്രീവാസ്തവ, ആഷിഷ് അതുല്കുമാര് എന്നിവര് ഗാനങ്ങള് ആലപിക്കുന്നു. മൂന്ന് മണിക്കൂറ നീണ്ടു നില് ക്കുന്ന ഈ സംഗീത സന്ധ്യക്ക് വര്ണ്ണ പ്പകിട്ടേകാന് ഗാന ങ്ങള്ക്കൊപ്പം നര്ത്തക സംഘ ങ്ങളും ഉണ്ടാകും.
ടിക്കറ്റ് നിരക്കുകള് : – ഖത്തര് റിയാല് 500 (വി. വി. ഐ. പി ഒരാള്ക്ക്), 250 വി. ഐ. പി, 800 (4 പേര്ക്ക് ), 125, 75 എന്നിങ്ങനെയാണ്. ടിക്കറ്റുകള് ലഭ്യമാകുന്ന സ്ഥലങ്ങള് പിന്നീട് അറിയിക്കും.
ഖത്തറിലെ സംഗീത വേദികള് എക്കാലവും ഏറ്റവും മനോഹര മാക്കുന്ന ദോഹ വേവ്സിന്റെ ഈ പരിപാടി യും കാണികളെ ആവേശം കൊള്ളിക്കുന്ന തായിരിക്കും എന്ന് പ്രോഗ്രാം ഡയറക്ടര് മുഹമ്മദ് തൊയ്യിബും കോഡിനേറ്റര്മാരായ നവാസും തൈസീറും ഇ -പത്രത്തോട് പറഞ്ഞു.
കൂടുതല് വിവരങ്ങള്ക്ക് : – 66 55 82 48 – 700 32 101 – 555 16 626
eMail : uditnarayanqatar at gmail dot com
– കെ. വി. അബ്ദുല് അസീസ് ചാവക്കാട്, ദോഹ – ഖത്തര്.
