അബുദാബി : വിശുദ്ധ റമദാന്, വിശുദ്ധ ഖുര്ആന് എന്ന പ്രമേയ ത്തെ ആസ്പദമാക്കി അഖിലേന്ത്യാ സുന്നി ജംഇയ്യത്തുല് ഉലമ ജനറല് സെക്രട്ടറി കാന്തപുരം എ. പി. അബൂബക്കര് മുസ്ലിയാര് ആഗസ്റ്റ് 12 ന് അബുദാബി നാഷണല് തിയ്യേറ്ററില് റമദാന് പ്രഭാഷണം നടത്തും.
പരിപാടി യുടെ നടത്തിപ്പിനായി സ്വാഗത സംഘം രൂപീകരിച്ചു.
പി. വി. അബൂബക്കര് മുസ്ലിയാര് ( ചെയര്മാന്), സിദ്ദിഖ് അന്വരി, ഉമര് മുസ്ലിയാര്, ഉസ്മാന് സഖാഫി തിരുവത്ര (വൈസ് ചെയര്മാന്), അബ്ദുല് ഹമീദ് ഈശ്വര മംഗലം (ജനറല് കണ്വീനര്), അബ്ദുല്ല പൊന്മുണ്ടം, ഷാഫി പട്ടുവം, ഖാസിം പുറത്തീല്, മുസമ്മില് കടാങ്കോട് (ജോയിന്റ.കണ്വീനര്മാര്), മാട്ടൂല് മുസ്തഫ ഹാജി (ട്രഷറര്) മുസ്തഫ ദാരിമി കടാങ്കോട്, ഡോ. ഷാജു ജമാല്, കുറ്റൂര് അബ്ദുല് റഹ്മാന് ഹാജി, ഡോ. അബ്ദുല് സലാം, അബൂട്ടി ഹാജി ചെമ്മാട് എന്നിവര് രക്ഷാധികാരി കളാണ്.
കുവൈറ്റ് : ആത്മീയ ചൂഷണങ്ങള്ക്ക് എതിരെ എന്ന കാമ്പെയിന്റെ ഭാഗമായി ജൂലൈ 1 വെള്ളിയാഴ്ച മഗ് രിബ് നമസ്കാരാനന്തരം ഫഹാഹീലില് പൊതു പ്രഭാഷണം സംഘടിപ്പിക്കുമെന്ന് സെന്റര് ഭാരവാഹികള് പത്രക്കുറിപ്പില് അറിയിച്ചു. ഫഹാഹീല് ഗള്ഫ് മാര്ട്ടിന് പിന്വശത്തുള്ള മസ്ജിദുല് മസീദ് ഹിലാല് അല് ഉതൈബിയില് (പാക്കിസ്ഥാനി പള്ളി) വെച്ച് നടക്കുന്ന പരിപാടിയില് ‘സ്വഹാബികളുടെ ജീവിതത്തിലൂടെ’ എന്ന വിഷയം യുവ പ്രഭാഷകന് മുജാഹിദ് ബാലുശ്ശേരി അവതരിപ്പിക്കും. 
