അബുദാബി : വൈ. എം. സി. എ. സ്ഥാപകദിന ആചരണ വും 2013-2014 വര്‍ഷത്തെ കമ്മിറ്റിയുടെ പ്രവര്‍ത്തന ഉദ്ഘാടനവും നടന്നു. സെന്റ് ജോര്‍ജ് ഓര്‍ത്തഡോക്‌സ് കത്തീഡ്രല്‍ വികാരി ഫാ. വി. സി. ജോസ് ചടങ്ങ് ഉദ്ഘാടനം ചെയ്തു. പ്രസിഡന്റ് എബ്രഹാം വര്‍ഗീസ് അധ്യക്ഷത വഹിച്ചു. പുതിയ അംഗ ങ്ങള്‍ക്കുള്ള സത്യവാചകം രക്ഷാധി കാരി വി. ജി. ഷാജി ചൊല്ലി ക്കൊടുത്തു.

വിവിധ സഭ കളിലെ വികാരി മാരായ ഫാ. വര്‍ഗീസ് അറക്കല്‍, ഫാ. മത്തായി, ഫാ. ജോസഫ് സക്കറിയ എന്നിവര്‍ സംസാരിച്ചു. വൈ. എം. സി. എ. അബുദാബി യൂണിറ്റ് സെക്രട്ടറി സന്തോഷ് പവിത്ര മംഗലം സ്വാഗതവും ട്രഷറര്‍ കെ. പി. സൈജി നന്ദിയും പറഞ്ഞു.

അബുദാബി : ഹ്രസ്വ സന്ദര്‍ശനാര്‍ത്ഥം അബുദാബി യില്‍ എത്തിയ ബ്ലാങ്ങാട് ജുമാ അത്ത് പള്ളി കമ്മിറ്റി സെക്രട്ടറി എം. മുഹമ്മദുണ്ണിക്ക്, ബ്ലാങ്ങാട് നിവാസികളുടെ കൂട്ടായ്മ അബുദാബി മഹല്ല് അസ്സോസ്സി യേഷന്‍ സ്വീകരണം നല്‍കി.

തൃശൂര്‍ ജില്ലയിലെ ഏറ്റവും പുരാതന പള്ളികളില്‍ ഒന്നായ ചേര്‍ക്കല്‍ ബ്ലാങ്ങാട് ജുമാ മസ്ജിദ്, സുന്നത്ത് ജമാ അത്തിന്റെ നിബന്ധനകള്‍ തുടര്‍ന്നു വരുന്നതും സുന്നീ ആശയ പ്രകാരം പ്രവര്‍ത്തിക്കാന്‍ റജിസ്റ്റര്‍ ചെയ്തതുമാണ്.

പള്ളിയുടെ കീഴില്‍ പ്രവര്‍ത്തിക്കുന്ന ബ്ലാങ്ങാട് സുല്ലമുല്‍ ഇസ്ലാം മദ്രസ്സ യുടെ പുനരുദ്ധാരണ പ്രവര്‍ത്തനങ്ങളെ കുറിച്ചു എം. മുഹമ്മദുണ്ണി വിശദീകരിച്ചു.

മഹല്ല് നിവാസികളുടെ കൂട്ടായ്മയായ അസ്സോസിയേഷന്‍, ജാതി മത ഭേത മന്യേ നാട്ടില്‍ നടത്തുന്ന ജീവകാരുണ്യ പ്രവര്‍ത്തന ങ്ങളെ അദ്ദേഹം അഭിനന്ദിച്ചു.

ചടങ്ങില്‍ പ്രസിഡന്റ് എ. പി. മുഹമ്മദ് ഷെറീഫ് അദ്ധ്യക്ഷത വഹിച്ചു. എം. വി. ബഷീര്‍, സഹീര്‍ അറക്കല്‍, എം. വി അബ്ദുല്‍ ലത്തീഫ്, മുഹമ്മദ്‌ ഇജാസ്‌, മുഹമ്മദ്‌ അന്‍വര്‍, സഹീര്‍ ബാബു എന്നിവര്‍ പരിപാടി കള്‍ക്ക് നേതൃത്വം നല്‍കി.

ഉപദേശക സമിതി അംഗ ങ്ങളായ പി. എം. അബ്ദുല്‍ കരീം ഹാജി, കെ. വി. ഇബ്രാഹിം കുട്ടി എന്നിവര്‍ ആസംസകള്‍ നേര്‍ന്നു.

അബുദാബി : എക്യുമെനിക്കല്‍ സഭ കളുടെ കൂട്ടായ്മ യായ കേരള കൗണ്‍സില്‍ ഓഫ് ചര്‍ച്ചസ് അബുദാബി യൂണിറ്റി ന്റെ പുതിയ ഭാര വാഹികളെ തെരഞ്ഞെടുത്തു.

പ്രസിഡന്റ് ആയി യാക്കോബായ സഭയിലെ റവ. ഫാദര്‍ വര്‍ഗീസ് അറയ്ക്കല്‍, വൈസ് പ്രസിഡണ്ടുമാരായി റവ. ഡോ. ജോണ്‍ ഫിലിപ്പ്, റവ. ഷാജി തോമസ് (മാര്‍ത്തോമ), റവ. ഫാദര്‍ വി. സി. ജോസ്, റവ. ഫാദര്‍ ജോബി കെ. ജേക്കബ് (ഓര്‍ത്തഡോക്‌സ്), റവ. മാത്യു മാത്യു (സി.എസ്.ഐ.), റവ. ഫാദര്‍ സി. സി. ഏലിയാസ് , റവ. ഫാദര്‍ ജോസഫ് സ്‌കറിയ (ക്‌നാനായ) എന്നിവരും ജനറല്‍ സെക്രട്ടറി യായി ഓര്‍ത്തഡോക്‌സ് സഭയിലെ ജോണ്‍ തോമസ്, ജോയന്റ് സെക്രട്ടറി യായി മാര്‍ത്തോമ സഭയിലെ ബിജു ഫിലിപ്പ് എന്നിവരെയും തെരഞ്ഞെടുത്തു.

അഡ്വ. മാത്യു എബ്രഹാം, ജോണി ഈപ്പന്‍, സ്റ്റീഫന്‍ മല്ലേല്‍, പി. ഡി. മാത്യു , ബെന്നി കെ. പൗലോസ്, ബിജു ജോണ്‍, ജിബു ഫിലിപ്പ് എന്നിവരാണ് എക്‌സിക്യൂട്ടീവ് കമ്മിറ്റി അംഗങ്ങള്‍.