 |
 |
 |
 |
 |
 |
 |
 |
 |
 |
 |
 |
 |
 |
ജിദ്ദ: നിലമ്പൂര്‍ ആകംമ്പാടം ആര്‍ക്കോണത്ത് അനസ് പുതുവീട്ടില്‍ (24) എന്ന മലയാളി യുവാവ് സൌദിയിലെ മക്കയില്‍ വെടിയേറ്റ് മരിച്ചു. കഴുത്തിനും നെഞ്ചിലുമായി നാലിടത്ത് വെടിയേറ്റിട്ടുണ്ട്. ഈ മാസം ആദ്യത്തിലാണ് അനസ് ഡ്രൈവര്‍ വിസയില്‍ സൌദിയില്‍ എത്തിയത്. സ്‌പോണ്‍സറുടെ മകനാണ് വെടി വെച്ചത് എന്നാണ് റിപ്പോര്‍ട്ട്. ആക്രമണം നടത്തിയയാളെ പോലീസ് അറസ്റ്റു ചെയ്തു. അനസിന്റെ മൃതദേഹം മക്കയിലെ കിംഗ് ഫൈസല്‍ ആശുപത്രിയില്‍ സുക്ഷിച്ചിരിക്കുകയാണ്.
- ന്യൂസ് ഡെസ്ക്
വായിക്കുക: കുറ്റകൃത്യം, തൊഴിലാളി, പ്രവാസി, സൗദി അറേബ്യ
റിയാദ് : സാർസ് വൈറസിനെ പിന്തുടർന്ന് വന്ന മെർസ് വൈറസ് ആക്രമണം മൂലം ആഗോള തലത്തിൽ മരിച്ചവരുടെ എണ്ണം 33 ആയി. കഴിഞ്ഞ ദിവസം സൌദി അറേബ്യയിൽ മെർസ് മൂലം രണ്ടു പേർ കൂടി മരിച്ചതായി ലോകാരോഗ്യ സംഘടന അറിയിച്ചു. സൌദിയിലെ മൂന്നാമത്തെ റിപ്പോർട്ട് ചെയ്യപ്പെട്ട രോഗിയുടെ നില ഗുരുതരമാണ്.
കഴിഞ്ഞ ഒൻപത് മാസം കൊണ്ട് ലോകമെമ്പാടും 58 കേസുകളാണ് റിപ്പോർട്ട് ചെയ്യപ്പെട്ടത്. ഇതിൽ 33 പേർ രോഗത്തിന് കീഴടങ്ങി.
കഴിഞ്ഞ മാസം വരെ നോവൽ കൊറോണ വൈറസ് എന്ന് അറിയപ്പെട്ടിരുന്ന രോഗത്തെ ഇപ്പോൾ മിഡിൽ ഈസ്റ്റ് റെസ്പിറേറ്റൊറി സിൻഡ്രോം കൊറോണ വൈറസ് എന്നാണ് വിളിക്കുന്നത്. രോഗത്തിന്റെ ഉദ്ഭവം മദ്ധ്യപൂർവ്വേഷ്യയിലാണ് എന്നതാണ് ഈ പേർ നൽകാൻ കാരണം.
സൌദിയിലെ 44 കേസുകളിൽ 28 എണ്ണം മാരകമാണ് എന്നാണ് കണക്ക്. ബ്രിട്ടനിൽ മരിച്ച ഒരാൾ സൌദിയിൽ നിന്നും വന്നതാണ്. ഫ്രാൻസിൽ മരിച്ച രോഗി ദുബായിൽ നിന്നും ജെർമ്മനിയിൽ മരിച്ചയാൾ അബുദാബിയിൽ നിന്നും വന്നവരാണ്.
- ജെ.എസ്.
വായിക്കുക: ആരോഗ്യം, സൗദി അറേബ്യ
മക്ക : വിശുദ്ധ ഗേഹങ്ങളുടെ സൂക്ഷിപ്പുകാരായ ഇരുഹറം കാര്യാലയ ത്തിന്റെ മേധാവി ശൈഖ് അബ്ദുറഹ്മാന്‍ സുദൈസു മായി അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍സെക്രട്ടറി കാന്തപുരം എ. പി. അബൂബക്കര്‍ മുസ്‌ലിയാര്‍ കൂടിക്കാഴ്ച നടത്തി.
ഹറമു കളുടെ വികസന പ്രവര്‍ത്തന ങ്ങള്‍ക്ക് ചുക്കാന്‍പിടിക്കുന്ന ശൈഖ് സുദൈസ് ഹറം വികസന പ്രവൃത്തി കളെക്കുറിച്ച് കാന്തപുര ത്തോട് വിശദീകരിച്ചു. ഹറമു കളുടെ വികസന കാര്യങ്ങളിലും ഹാജി മാര്‍ക്കു വേണ്ടി ചെയ്യുന്ന സേവന കാര്യങ്ങളിലും തിരുഗേഹ ങ്ങളുടെ സേവകന്‍ അബ്ദുല്ലാ രാജാവ് തുല്യത യില്ലാത്ത മാതൃക യാണ് കാഴ്ച വെക്കുന്നതെന്ന് കാന്തപുരം പറഞ്ഞു.
ഹറം കാര്യാലയ ത്തില്‍ നടന്ന കൂടിക്കാഴ്ച യില്‍ കാന്തപുര ത്തിനോടൊപ്പം ഡോ. അബ്ദുല്‍ഹക്കീം അസ്ഹരി, ഡോ. ഹുസൈന്‍ സഖാഫി ചുള്ളിക്കോട് എന്നിവരും സംബന്ധിച്ചു.
- pma
വായിക്കുക: മതം, സൗദി അറേബ്യ
മക്ക : ഗള്‍ഫിലെ ഏറ്റവും വലിയ തൊഴില്‍ പ്രശ്നം ആയി തീര്‍ന്ന സൗദി അറേബ്യ യിലെ നിതാഖാത്, ഹുറൂബ് പ്രശ്നത്തില്‍ മക്കാ ഗവര്‍ണര്‍ ശൈഖ് ഖാലിദ് ബിന്‍ ഫൈസല്‍ ബിന്‍ അബ്ദുല്‍ അസീസ് രാജ കുമാരനുമായി ജിദ്ദ യിലെ കൊട്ടാര ത്തില്‍ വെച്ച് അഖിലേന്ത്യാ സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍ ചര്‍ച്ച നടത്തി.
നിയമ ക്കുരുക്കില്‍ അകപ്പെട്ട ഇന്ത്യന്‍ തൊഴിലാളി കളുടെ പ്രശ്‌നങ്ങള്‍ ധരിപ്പിക്കുകയും ഇതുസംബന്ധ മായി ഖാലിദ് രാജകുമാരന് മെമ്മോറാണ്ടവും സമര്‍പ്പിച്ചു.
നിതാഖാത് രാജ്യ ത്തിന്റെ തൊഴില്‍ നിയമ വ്യവസ്ഥയുടെ ഭാഗ മാണെന്നും സൗദി സര്‍ക്കാറിന്റെ എല്ലാ പിന്തുണയും ഇന്ത്യന്‍ ജനതക്ക് ഉണ്ടാകുമെന്നും ഗവര്‍ണര്‍ അറിയിച്ചു. നിയമത്തിനു വിധേയ മായി തൊഴില്‍ നഷ്ടപ്പെട്ട വര്‍ക്ക് നാട്ടിലേക്ക് പോകാന്‍ സുതാര്യമായ നിയമ നടപടി കള്‍ കൈ ക്കൊള്ളു മെന്നും നിതാഖാത് പ്രശ്നം അനുഭാവ പൂര്‍വം പരിഗണിക്കു മെന്നും അമീര്‍ പറഞ്ഞു.
മര്‍കസ് ഡയറക്ടര്‍ ഡോ. അബ്ദുല്‍ ഹകീം അസ്ഹരി, മര്‍കസ് വൈസ് ചാന്‍സലര്‍ ഡോ. ഹുസൈന്‍ സഖാഫി ചുള്ളിക്കോട്, ശൈഖ് മുഹമ്മദ് റഫീഖ് ഗാമന്‍ എന്നിവര്‍ സംബന്ധിച്ചു.
- pma
വായിക്കുക: നിയമം, പ്രവാസി, സൗദി അറേബ്യ
റിയാദ് : സൗദി അറേബ്യയില്‍ അറുപതു വയസ്സു കഴിഞ്ഞ വിദേശികളെ ജോലിയില്‍ നിന്നും പിരിച്ചു വിടാനുള്ള നിയമം ഉടന്‍ നിലവില്‍ വരുമെന്നു അധികൃതര്‍ അറിയിച്ചു. തൊഴില്‍ മന്ത്രാലയം നിയമത്തിന്റെ കരട് രൂപം തയ്യാറാക്കി വിവിധ വകുപ്പുകള്‍ക്കു സമര്‍പ്പിച്ചു. അറുപതു വയസ്സു കഴിഞ്ഞ അഞ്ചു ലക്ഷം വിദേശ തൊഴിലാളികളാണ് നിലവില്‍ സൌദിയില്‍ ജോലി ചെയ്യുന്നത്. ഇതില്‍ ഭൂരിപക്ഷവും ഇന്ത്യക്കാരാണ്. ഇവരെ ഈ നിയമം പ്രതികൂലമായി ബാധിക്കും. എന്നാല്‍ രാജ്യത്ത് ഒഴിച്ചുകൂടാന്‍ കഴിയാത്ത നിര്‍ണ്ണായക മേഖലകളില്‍ ഈ നിയമം ബാധകമാകില്ല എന്നും നിയമ ഭേദഗതിയെ കുറിച്ചുള്ള തീരുമാനം ഉടന്‍ ഉണ്ടാകുമെന്നും അധികൃതര്‍ പറഞ്ഞു.
- ജെ.എസ്.
വായിക്കുക: തൊഴിലാളി, പ്രവാസി, സൗദി അറേബ്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
