ദുബായ് : കണ്ണൂര്‍ ജില്ല പ്രവാസി കൂട്ടായ്മയായ ‘വെയ്ക്കി’ന്റെ വാര്‍ഷികത്തോട് അനുബന്ധിച്ച് ലേബര്‍ ക്യാമ്പില്‍ താമസിക്കുന്ന തൊഴിലാളി കള്‍ക്കായി മെട്രോ മെഡിക്കല്‍ സെന്ററിന്റെ സഹകരണ ത്തോടെ സൗജന്യ മെഡിക്കല്‍ ക്യാമ്പ് സംഘടിപ്പിച്ചു.
അജ്മാനിലുള്ള മെട്രോ ക്ലിനിക്കില്‍ മുന്നൂറില്‍പ്പരം ആളുകള്‍ പങ്കെടുത്ത ക്യാമ്പ് ഡോക്ടര്‍ ജമാലുദ്ദീന്‍ ഉദ്ഘാടനം ചെയ്തു. ആരോഗ്യ പരിപാലന ത്തിന്റെ പ്രാധാന്യ ത്തെ ക്കുറിച്ചും വേനല്‍ ക്കാലത്ത് സ്വീകരിക്കേണ്ട മുന്‍ കരുതലുകളെ ക്കുറിച്ചും ഡോക്ടര്‍ വിശദമായി പ്രതിപാദിച്ചു.
വെയ്ക്ക് ജനറല്‍ സെക്രട്ടറി ടി. പി. സുധീഷ് സ്വാഗതം പറഞ്ഞു. മഷൂദ്, മുഹമ്മദ് അന്‍സാരി, ബാലാ നായര്‍, പ്രകാശ്, ശാക്കിര്‍, ഹരിദാസ് എന്നിവര്‍ നേതൃത്വം നല്‍കി. വെല്‍ഫയര്‍ കമ്മറ്റി കണ്‍വീനര്‍ ലസിത് കായക്കല്‍ നന്ദിയും പറഞ്ഞു.
