 |
 |
 |
 |
 |
 |
 |
 |
 |
 |
 |
 |
 |
 |
(മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ വലുതായി കാണാം)
ദുബായ്‌ : ദുബായ്‌ കെ. എം. സി. സി. കൊല്ലം ജില്ലാ കമ്മിറ്റിയും അജ്മാന്‍ ഇബിന്‍ സിനാ മെഡിക്കല്‍ സെന്ററും ചേര്‍ന്ന് കെ. എം. സി. സി. ഓഡിറ്റോറിയത്തില്‍ നടത്തിയ സൌജന്യ മെഡിക്കല്‍ ക്യാമ്പ്‌ എം. കെ. ഗ്രൂപ്പ്‌ റീജ്യണല്‍ ഡയറക്ടര്‍ എം. എ. സലിം ഉദ്ഘാടനം ചെയ്യുന്നു. നിസാമുദ്ദീന്‍ കൊല്ലം, എം. ഷഹീര്‍, എന്‍. എം. പണിക്കര്‍ തുടങ്ങിയവര്‍ വേദിയില്‍.
- ജെ.എസ്.
വായിക്കുക: കെ.എം.സി.സി., വൈദ്യശാസ്ത്രം, സാമൂഹ്യ സേവനം
അബുദാബി : ഇക്കഴിഞ്ഞ ഏപ്രില്‍ മാസത്തില്‍ അബൂദാബി എയര്‍പോര്‍ട്ട് റോഡില്‍ വെച്ചുണ്ടായ വാഹനാ പകടത്തില്‍ മരണ പ്പെട്ടിരുന്ന മലപ്പുറം ആതവനാട് സ്വദേശി ശിഹാബുദ്ദീന്‍ സഖാഫി യുടെ കുടുംബ ത്തിനായി അബുദാബി എസ്. വൈ. എസ്. കമ്മിറ്റി സമാഹരിച്ച ധന സഹായം, എ. പി. അബൂബക്കര്‍ മുസ്ലിയാര്‍ സഖാഫി യുടെ പിതാവിന് കൈമാറി. തദവസരത്തില്‍ അബൂ ദാബി എസ്. വൈ. എസ്. മര്‍ക്കസ്‌ ഭാരവാഹികളും ആതവനാട് മഹല്ല് പ്രതിനിധികളും സന്നിഹിതരായിരുന്നു.
എ. പി. അബൂബക്കര്‍ മുസ്ലിയാര്‍ ശിഹാബുദ്ദീന്‍ സഖാഫി യുടെ വീട്ടില്‍ എത്തി ധന സഹായം കൈമാറി.
സുന്നി മര്‍കസ് അബൂദാബി ഓഫീസ് മുന്‍ സെക്രട്ടറിയും എസ്. വൈ. എസ്. സജീവ പ്രവര്‍ത്തക നുമായിരുന്നു പരേതന്‍.
- pma
വായിക്കുക: അപകടം, അബുദാബി, ചരമം, സാമൂഹ്യ സേവനം
അബുദാബി: മത സാംസ്കാരിക വിദ്യാഭ്യാസ ജീവകാരുണ്യ പ്രവര്‍ത്തന രംഗത്ത് പ്രവര്‍ത്തിച്ചു വരുന്ന വൈ. എം. സി. എ. യുടെ അബുദാബി ഘടകം ഒരുക്കുന്ന ‘സാന്ത്വനം 2010’ എന്ന പരിപാടി യുടെ ഭാഗമായി ആലപ്പുഴ ജില്ല യിലെ 25 നിര്‍ദ്ധന വിദ്യാര്‍ത്ഥി കള്‍ക്ക് സ്‌കോളര്‍ ഷിപ്പ് നല്‍കും. 10, 12 ക്ലാസ് കഴിഞ്ഞ് ഉപരി പഠന ത്തിനായി 5000 രൂപ വീത മാണ് നല്‍കുക എന്ന് അബുദാബി യില്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ വൈ. എം. സി. എ. ഭാരവാഹി കള്‍ അറിയിച്ചു.
കഴിഞ്ഞ ആറു വര്‍ഷ ങ്ങളായി ഓരോ ജില്ല യിലെയും കുട്ടികള്‍ക്ക് വൈ. എം. സി. എ. അബുദാബി ഘടകം സാമ്പത്തിക സഹായം നല്‍കി വരുന്നുണ്ട്. ആഗസ്റ്റ് ഒന്നിന് ആലപ്പുഴ യില്‍വെച്ച് നടക്കുന്ന ചടങ്ങില്‍ സ്‌കോളര്‍ ഷിപ്പ് വിതരണം നടത്തും.
വൈ. എം. സി. എ. നാഷണല്‍ ചെയര്‍മാന്‍ കെ. ജോണ്‍ ചെറിയാന്‍, സ്റ്റേറ്റ് ചെയര്‍മാന്‍ വി. സി. സാബു, പ്രോഗ്രാം കോ – ഓര്‍ഡിനേറ്റര്‍ സാബു പരിമനം, ആലപ്പുഴ ജില്ലാ പ്രസിഡന്‍റ് തോമസ് പോള്‍ എന്നിവര്‍ പങ്കെടുക്കും.
കേരളത്തിലെ തിരഞ്ഞെ ടുക്കപ്പെട്ട അനാഥ മന്ദിര ങ്ങളിലെ രോഗി കള്‍ക്ക് ചികിത്സാ സഹായം, അബുദാബി യില്‍ പാവപ്പെട്ട തൊഴിലാളി കള്‍ക്ക് നിയമ സഹായം, നാട്ടിലേക്ക് വിമാന ടിക്കറ്റ് എന്നിവ യും വൈ. എം. സി. എ. യുടെ ജീവകാരുണ്യ പദ്ധതി കളാണ്. ഈ വരുന്ന ഒക്ടോബര്‍ മാസ ത്തില്‍ പ്രമുഖ രായ ഗായകരെ പങ്കെടുപ്പിച്ചു കൊണ്ട് അബുദാബി യില്‍ സ്റ്റേജ്‌ഷോ സംഘടിപ്പി ക്കുവാനും തീരുമാനി ച്ചിട്ടുണ്ട്.
വൈ. എം. സി. എ. അബുദാബി ഘടകം ഭാരവാഹികള്‍ വാര്‍ത്താ സമ്മേളനത്തില്‍
വാര്‍ത്താ സമ്മേളനത്തില്‍ വൈ. എം. സി. എ. അബുദാബി ഘടകം പ്രസിഡന്‍റ് സാമുവല്‍ മത്തായി, വൈസ് പ്രസിഡന്‍റ് ബിജു ജോണ്‍, ജനറല്‍ സെക്രട്ടറി റജി സി. യു, ട്രഷറര്‍ ബിനു തോമസ്, ചാരിറ്റി കണ്‍വീനര്‍ കോശി സാം, ജോ.സെക്രട്ടറി അനില്‍ ജോര്‍ജ്, വനിതാ വിഭാഗം കണ്‍വീനര്‍ മോളി മാത്യു എന്നിവരും പങ്കെടുത്തു.
- pma
വായിക്കുക: മതം, വൈ.എം.സി.എ., സംഘടന, സാമൂഹ്യ സേവനം
ദുബായ്‌ : ലോക മലയാളി കൌണ്‍സില്‍ ദുബായ്‌ പ്രവിശ്യയുടെ ഏഴാമത് വാര്‍ഷിക ആഘോഷങ്ങളും കുടുംബ സംഗമവും ദുബായില്‍ നടന്നു. ജൂണ്‍ 25ന് ദുബായ്‌ ദൈറയിലെ മാര്‍ക്കോ പോളോ ഹോട്ടലില്‍ വെച്ച് നടന്ന സമ്മേളനം ലോക മലയാളി കൌണ്‍സില്‍ ആഗോള ചെയര്‍മാന്‍ സോമന്‍ ബേബി ഉദ്ഘാടനം ചെയ്തു.
ദുബായ്‌ പ്രൊവിന്‍സ്‌ പ്രസിഡണ്ട് തോമസ് കൊരത്ത് അദ്ധ്യക്ഷത വഹിച്ചു. കേരളത്തിലും ഗള്‍ഫിലും ആരോഗ്യ മേഖലയിലും, സാമൂഹിക പ്രവര്‍ത്തനത്തിലും തനതായ സംഭാവനകള്‍ നല്‍കി ശ്രദ്ധേയനായ ഡോ. ആസാദ്‌ മൂപ്പനെ തദവസരത്തില്‍ ആദരിച്ചു. മിഡില്‍ ഈസ്റ്റ്‌ ജനറല്‍ സെക്രട്ടറി സാം മാത്യു (റിയാദ്‌) മുഖ്യ സന്ദേശം നല്‍കി.
മുകളിലെ ചിത്രത്തില്‍ ക്ലിക്ക്‌ ചെയ്‌താല്‍ കൂടുതല്‍ ചിത്രങ്ങള്‍ കാണാം
ലോക മലയാളി കൌണ്‍സില്‍ നടപ്പിലാക്കുന്ന ഒട്ടേറെ സാമൂഹിക സേവന പദ്ധതികളുടെ ഉദ്ഘാടനം സമ്മേളനത്തില്‍ വെച്ച് നടന്നു. കേരളത്തിലെ 14 ജില്ലകളിലെയും തെരഞ്ഞെടുക്കപ്പെട്ട ഗ്രാമങ്ങളില്‍ നിര്‍ധന വിദ്യാര്‍ത്ഥികളുടെ വിദ്യാഭ്യാസത്തിനും, സ്ത്രീകള്‍ക്ക് സ്വയം തൊഴില്‍ കണ്ടെത്തുന്നതിനും, ഗ്രാമോദ്ധാരണ പ്രവര്‍ത്തനങ്ങള്‍ക്കും ഊന്നല്‍ നല്‍കി ആരംഭിക്കുന്ന “നവകേരള” പദ്ധതിയുടെ ഭാഗമായി കേരളത്തിലെ 1000 നിര്‍ധന വിദ്യാര്‍ത്ഥികള്‍ക്ക് ഈ വര്ഷം കൌണ്‍സില്‍ വിദ്യാഭ്യാസ സഹായം ചെയ്യും.
ലോകത്തില്‍ ഏറ്റവും അധികം മലയാളികള്‍ പ്രവാസികളായി പാര്‍ക്കുന്ന യു. എ. ഇ. യും കേരളവും തമ്മിലുള്ള ബന്ധം മെച്ചപ്പെടുത്തുന്നതിന്റെ ഭാഗമായി നടത്തുന്ന “ഡിസ്കവര്‍ കേരള” എന്ന നൂതന പദ്ധതിയിലൂടെ യു. എ. ഇ. യിലെ വിവിധ മേഖലകളിലെ പ്രമുഖരായ 20 സ്വദേശികളെ തെരഞ്ഞെടുത്ത് കേരളത്തിന്റെ പ്രകൃതി സൌന്ദര്യം ആസ്വദിക്കുന്നതിനും, കായല്‍ ടൂറിസം, എക്കോ ടൂറിസം, വന്യ മൃഗ സംരക്ഷണം എന്നിവ പരിചയപ്പെടുത്തുന്നതിനും, കേരളത്തിന്റെ സംസ്കാരത്തെയും, തനത് കലകളെയും, ആയുര്‍വേദ ചികില്‍സയുടെ അനന്ത സാദ്ധ്യതകളെ കുറിച്ച് മനസിലാക്കുന്നതിനുമായി ദുബായ്‌ പ്രവിശ്യയുടെ സ്പോണ്സര്‍ഷിപ്പില്‍ കേരളത്തിലേക്ക്‌ കൊണ്ട് പോകും.
കേരള പ്രവിശ്യയുടെ ആഭിമുഖ്യത്തില്‍ തിരുവനന്തപുരം മുതല്‍ മഞ്ചേശ്വരം വരെയുള്ള 44 നദികളുടെ സാമ്പിളുകള്‍ ശേഖരിച്ച്‌ പരിശോധിക്കുകയും, റിപ്പോര്‍ട്ട് തയ്യാറാക്കി നദീജല മലിനീകരണ ത്തിനെതിരെ നടത്തുന്ന ബോധവല്‍ക്കരണ പര്യടന പരിപാടിക്കും ദുബായ്‌ പ്രൊവിന്‍സ്‌ സഹായം ചെയ്യും.
യു.എ.ഇ. യുടെ വിവിധ പ്രദേശങ്ങളില്‍ ദുരിതം അനുഭവിക്കുന്നവര്‍ക്ക് നല്‍കുന്ന സഹായ പദ്ധതികളുടെ ഉദ്ഘാടനം സമ്മേളനത്തില്‍ വെച്ച് നിയാസ്‌ അലി നിര്‍വഹിച്ചു. ചെയര്‍മാന്‍ വര്‍ഗ്ഗീസ്‌ ഫിലിപ്‌ മുക്കാട്ട് വിശിഷ്ടാതിഥികള്‍ക്ക്‌ ഉപഹാരങ്ങള്‍ നല്‍കി.
ജൂലൈ 28 മുതല്‍ ദോഹയില്‍ നടക്കുന്ന ലോക മലയാളി സമ്മേളനത്തില്‍ ദുബായ്‌ പ്രോവിന്‍സില്‍ നിന്ന് 20 പ്രതിനിധികള്‍ പങ്കെടുക്കും.
സമ്മേളനത്തോടനുബന്ധിച്ചു ഒട്ടേറെ കലാ സാംസ്കാരിക പരിപാടികളും അരങ്ങേറി.
- ജെ.എസ്.
വായിക്കുക: ലോകമലയാളി കൌണ്‍സില്‍, സംഘടന, സാമൂഹ്യ സേവനം, സാംസ്കാരികം
ദുബായ്‌ : ലോകത്തിന്റെ വിവിധ രാജ്യങ്ങളില്‍ വ്യാപിച്ചു കിടക്കുന്ന മലയാളികളുടെ അംഗീകൃത കൂട്ടായ്മയായ വേള്‍ഡ്‌ മലയാളി കൌണ്‍സില്‍ ദുബായ്‌ പ്രോവിന്‍സിന്റെ ഏഴാമത് വാര്‍ഷികവും, കുടുംബ സംഗമവും ജൂണ്‍ 25നു ദുബായ്‌ ദൈറ മാര്‍ക്കോ പോളോ ഹോട്ടലില്‍ നടക്കും. ദുബായില്‍ ഇന്നലെ നടന്ന പത്ര സമ്മേളനത്തിലാണ് ലോക മലയാളി കൌണ്‍സില്‍ ഭാരവാഹികളായ വര്‍ഗ്ഗീസ്‌ ഫിലിപ്‌ മുക്കാട്ട് (ചെയര്‍മാന്‍), തോമസ് കൊരത്ത് (പ്രസിഡണ്ട്), എം. ഡി. ഡേവിസ്‌ മണവാളന്‍ (സെക്രട്ടറി), ലിജു മാത്യു (ജോയന്റ് സെക്രട്ടറി), സാജന്‍ വേളൂര്‍ (പബ്ലിസിറ്റി ആന്‍ഡ്‌ മീഡിയാ കണ്‍വീനര്‍), ചാള്‍സ് മാത്യു (പ്രോഗ്രാം കണ്‍വീനര്‍) എന്നിവര്‍ പരിപാടിയുടെ വിശദാംശങ്ങള്‍ അറിയിച്ചത്.
ലോക മലയാളി കൌണ്‍സില്‍ ഗ്ലോബല്‍ ചെയര്‍മാന്‍ സോമന്‍ ബേബിയാണ് സമ്മേളനം ഉദ്ഘാടനം ചെയ്യുന്നത്. ദുബായ്‌ പ്രൊവിന്‍സ്‌ പ്രസിഡണ്ട് തോമസ് കൊരത്ത് അദ്ധ്യക്ഷത വഹിക്കും. കേരളത്തിലും ഗള്‍ഫിലും ആരോഗ്യ മേഖലയിലും, സാമൂഹിക പ്രവര്‍ത്തനത്തിലും തനതായ സംഭാവനകള്‍ നല്‍കി ശ്രദ്ധേയനായ ഡോ. ആസാദ്‌ മൂപ്പനെ തദവസരത്തില്‍ ആദരിക്കും. ലോക മലയാളി കൌണ്‍സില്‍ ആഗോള ചെയര്‍മാന്‍ സോമന്‍ ബേബി പുരസ്കാര ദാനം നിര്‍വഹിക്കും. മിഡില്‍ ഈസ്റ്റ്‌ ജനറല്‍ സെക്രട്ടറി സാം മാത്യു (റിയാദ്‌) മുഖ്യ സന്ദേശം നല്‍കും. വിവിധ സാമൂഹിക സേവന പദ്ധതികളുടെ ഉല്‍ഘാടനവും നിര്‍വഹിക്കും.
യു.എ.ഇ. യുടെ വിവിധ പ്രദേശങ്ങളില്‍ ദുരിതം അനുഭവിക്കുന്നവര്‍ക്ക് നല്‍കുന്ന സഹായ പദ്ധതികളുടെ ഉദ്ഘാടനം സമ്മേളനത്തില്‍ വെച്ച് നിയാസ്‌ അലി നിര്‍വഹിക്കും. ചെയര്‍മാന്‍ വര്‍ഗ്ഗീസ്‌ ഫിലിപ്‌ മുക്കാട്ട് വിശിഷ്ടാതിഥികള്‍ക്ക്‌ ഉപഹാരങ്ങള്‍ സമര്‍പ്പിക്കും.
- ജെ.എസ്.
വായിക്കുക: ലോകമലയാളി കൌണ്‍സില്‍, സംഘടന, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
