തൊട്ടാവാടി : പ്രകൃതിയെ തൊട്ടറിഞ്ഞ കുട്ടികളുടെ പരിസ്ഥിതി ക്യാമ്പ്

December 22nd, 2013

അബുദാബി : ഖലീഫാ പാര്‍ക്കില്‍ പ്രസക്തി സംഘടി പ്പിച്ച കുട്ടികളുടെ പരിസ്ഥിതി ക്യാമ്പ് വിനോദ ത്തോടോപ്പം വിജ്ഞാനവും പകരുന്ന തായിരുന്നു. നേഴ്സറി മുതൽ പ്ലസ്‌ ടു വരെ യുള്ള 40 കുട്ടികൾ പങ്കെടുത്ത പരിസ്ഥിതി ക്യാമ്പ്, പ്രമുഖ സാമൂഹിക പ്രവർത്ത കനായ വി. ടി. വി. ദാമോദരൻ ക്യാമ്പ് ഉദ്ഘാടനം ചെയ്തു. ദേവിക രമേശ്‌ എൻഡോസൾഫാന് എതിരായ കവിത ആലപിച്ചു.

പരിസ്ഥിതി പ്രവർത്ത കനായ സുജിത്ത് നമ്പ്യാരുടെ ‘കേരള ത്തിലെ ചെടികൾ’ എന്ന വിഷയ ത്തിൽ നടന്ന ക്ലാസ് കുട്ടി കളില്‍ പരിസ്ഥിതി ആഭിമുഖ്യം വളര്‍ത്താന്‍ പര്യാപ്ത മായിരുന്നു. തുടര്‍ന്നു കുട്ടികളെ മൂന്നു വിഭാഗ ങ്ങളായി തിരിച്ച് ‘പ്രകൃതി യിലൂടെ – സസ്യ ങ്ങളുടെ പേരുകൾ ചേർത്തു വച്ച കളി’, ”ഔഷധ സസ്യ ങ്ങളെക്കുറിച്ചുള്ള പഴംചൊല്ലുകള്‍’, സസ്യങ്ങളെ തിരിച്ചറിയല്‍’, എന്നിവ സംഘടിപ്പിച്ചു.

പരിസ്ഥിതി പ്രവർത്ത കരായ പ്രസന്ന വേണു, ഫൈസൽ ബാവ, മുഹമ്മദ്‌ അലി, ജാസ്സിർ എരമംഗലം, കെ. ജി. അഭിലാഷ് എന്നിവർ വിവിധ പഠന പ്രവർത്തന ങ്ങൾക്ക് നേതൃത്വം നല്കി.

ക്യാമ്പിൽ പങ്കെടുത്ത കുട്ടി കളുടെ രക്ഷ കർത്താക്കൾക്കായി സംഘടിപ്പിച്ച ‘പ്രകൃതി സൌഹൃദ ഭക്ഷണ രീതികളെ’ക്കുറിച്ചു ചർച്ച വേറിട്ട അനുഭവ മായിരുന്നു. ചർച്ച യിൽ കെ. വി. ചന്ദ്രന്‍, അഡ്വ. മുഹമ്മദ്‌ റഫീക്ക്‌, റഫീക്ക്‌ എടപ്പാള്‍, മുഹമ്മദ്‌ അസ്ലാം, ഗീത സുബ്രഹ്മണ്യന്‍, രാജേഷ് കോടോത്ത്, ഡോ. രാഖി രമേഷ്, മുഹമ്മദ്‌ ഇക്ബാൽ എന്നിവർ പങ്കെടുത്തു.

പങ്കെടുത്ത കുട്ടികൾക്ക് സർട്ടിഫിക്കറ്റും സമ്മാനവും ക്യാമ്പ് ഡയറക്ടർ രമേശ്‌ നായർ, കവി അസ്മോ പുത്തൻചിറ, ടി. എ. ശശി, ഷീജ ഇക്ബാൽ, അഷ്റഫ്‌ ചമ്പാട്, ശശിൻ സാ, സുബ്രഹ്മണ്യന്‍ കാഞ്ഞിരമുക്ക്, അജി രാധാകൃഷ്ണൻ എന്നിവർ വിതരണം ചെയ്തു.

- കറസ്പോണ്ടന്റ്

വായിക്കുക: , , ,

Comments Off on തൊട്ടാവാടി : പ്രകൃതിയെ തൊട്ടറിഞ്ഞ കുട്ടികളുടെ പരിസ്ഥിതി ക്യാമ്പ്

മുലയൂട്ടല്‍ യു. എ. ഇ. യില്‍ നിര്‍ബന്ധമാക്കുന്നു

December 21st, 2013

feeding-baby-ePathram
അബുദാബി : രണ്ട് വയസ്സ് വരെയുള്ള കുട്ടികളെ മുലയൂട്ടുന്നത് രാജ്യത്ത് നിര്‍ബന്ധമാക്കുന്നു. യു. എ. ഇ. ഫെഡറല്‍ നാഷനല്‍ കൗണ്‍സി ലിന്‍െറ ആരോഗ്യ, തൊഴില്‍, സാമൂഹിക കാര്യ സമിതി തയാറാക്കിയ പുതിയ ചൈല്‍ഡ് പ്രൊട്ടക്ഷന്‍ നിയമ ത്തില്‍ ഇക്കാര്യം ഉള്‍പ്പെടുത്തും. രണ്ട് വയസ്സു വരെ യുള്ള കുട്ടികളെ മുലയൂട്ടിയില്ല എങ്കില്‍ ശിക്ഷി ക്കുവാനുള്ള വ്യവസ്ഥ കളും പുതിയ നിയമത്തില്‍ ഉള്‍പ്പെടുത്തും.

മുലപ്പാല്‍ കുടിച്ചു വളരുന്നത് കുട്ടികളുടെ വികാസ ത്തില്‍ നിര്‍ണായക മാണ് എന്നും മാതാവും കുട്ടിയും തമ്മിലെ ബന്ധ ത്തിന് മുലയൂട്ടലിന് നിര്‍ണായക പങ്കുണ്ടെന്ന് പഠന ങ്ങള്‍ തെളിയിച്ചിട്ടുണ്ട്.

കുട്ടികളെ മുലയൂട്ടുന്നുണ്ടോ എന്ന് പരിശോധി ക്കുന്നത് ബുദ്ധി മുട്ടാണ്. എന്നാല്‍, നിയമം വരുന്ന തോടെ മാതാക്കള്‍ കുട്ടികളെ അവഗണി ക്കുന്നത് കുറയും. നിയമ ലംഘ കര്‍ക്ക് ശിക്ഷ ലഭിക്കുക യും ചെയ്യും. മുലയൂട്ടു ന്നതിലൂടെ കുട്ടികള്‍ക്ക് പാല്‍ നല്‍കുക മാത്രമല്ല, മാതാവും ശിശുവും തമ്മിലെ ബന്ധം ഉടലെടുക്കുക യാണ് ചെയ്യുന്നത്.

മുലയൂട്ട ലിന്‍െറ പ്രാധാന്യവും ഗുണങ്ങളും സംബന്ധിച്ച് വിപുല മായ ബോധ വത്കരണം നടത്തു ന്നതിന് സര്‍ക്കാറി നോട് നിര്‍ദേശിക്കുന്ന വകുപ്പും പുതിയ നിയമ ത്തില്‍ ഉള്‍ക്കൊള്ളി ച്ചിട്ടുണ്ട്.

ജോലി ചെയ്യുന്ന സ്ത്രീ കളില്‍ മുലയൂട്ടാന്‍ അവസരം നല്‍കുന്ന തിന് സര്‍ക്കാര്‍ സ്ഥാപന ങ്ങളില്‍ നഴ്സറി നിര്‍ബന്ധം ആക്കുന്നുണ്ട്. നിരവധി വര്‍ഷമായി ഇത്തര മൊരു വിഷയം ചര്‍ച്ച ചെയ്യുന്നുണ്ട് എണ്ടെങ്കിലും പുര്‍ണമായി നടപ്പാക്കി യിട്ടില്ല.

- കറസ്പോണ്ടന്റ്

വായിക്കുക: , , ,

Comments Off on മുലയൂട്ടല്‍ യു. എ. ഇ. യില്‍ നിര്‍ബന്ധമാക്കുന്നു

കുട്ടികൾക്കായി പരിസ്ഥിതി ക്യാമ്പ് : തൊട്ടാവാടി

December 16th, 2013

thottavadi-prasakthi-environmental-camp-ePathram
അബുദാബി : യു. എ. ഇ. യിലെ സാംസ്കാരിക സംഘടന യായ പ്രസക്തി, കുട്ടികളുടെ പരിസ്ഥിതി ആഭിമുഖ്യം വളർത്താൻ “തൊട്ടാവാടി” എന്ന പേരിൽ ഒരു പരിസ്ഥിതി ക്യാമ്പ് സംഘടി പ്പിക്കുന്നു. ഡിസംബർ 20, വെള്ളിയാഴ്ച 3 മണിക്ക് അബുദാബി ഖലീഫാ പാർക്കിലാണ് പരിസ്ഥിതി ക്യാമ്പ്.

പ്രമുഖ പരിസ്ഥിതി പ്രവർത്തക രായ  ഫൈസൽ ബാവ, പ്രസന്ന വേണു എന്നിവർ നേതൃത്വം നല്കുന്ന ക്യാമ്പിൽ പ്രവേശനം സൗജന്യ മായിരിക്കും.

കൂടുതൽ വിവര ങ്ങൾക്കും പങ്കെടുക്കുവാനും വിളിക്കുക : രമേശ്‌ നായർ : 050 – 799 67 59

- കറസ്പോണ്ടന്റ്

വായിക്കുക: , , , , , ,

Comments Off on കുട്ടികൾക്കായി പരിസ്ഥിതി ക്യാമ്പ് : തൊട്ടാവാടി

അബുദാബി ഇന്ത്യന്‍ സ്‌കൂളിന്റെ പുതിയ ശാഖ അല്‍ വത് ഭയില്‍

December 10th, 2013

abudhabi-indian-school-new-building-in-al-watba-ePathram
അബുദാബി : ഇന്ത്യന്‍ സ്‌കൂളിന്റെ പുതിയ ശാഖ അടുത്ത അധ്യയന വര്‍ഷം അല്‍ വത് ഭയില്‍ പ്രവര്‍ത്തനം ആരംഭിക്കുന്നതോടെ 3, 450 വിദ്യാര്‍ ത്ഥി കള്‍ക്ക് പഠന സൗകര്യം ലഭ്യമാകും.

27, 500 ചതുരശ്ര മീറ്ററില്‍ പുതിയ ക്യാമ്പസ് നിര്‍മിക്കുന്നതിനുള്ള ധാരണാ പത്രത്തില്‍ സ്‌കൂള്‍ അധികൃതരും നിര്‍മാണ കമ്പനി യായ എയര്‍ ലിങ്ക് ഇന്‍റര്‍നാഷണലും ഒപ്പു വെച്ചു.

രണ്ടു ഘട്ട മായാണ് സ്‌കൂള്‍ നിര്‍മാണം പൂര്‍ത്തി യാക്കുക. ഇതില്‍ ആദ്യ ഘട്ടം 2014 ഏപ്രിലില്‍ പൂര്‍ത്തിയാകും. ഇതോടെ കിന്‍റര്‍ഗാര്‍ട്ടന്‍ മുതല്‍ ആറു വരെ യുള്ള ക്ലാസു കളില്‍ പ്രവേശനം ലഭിക്കും. തുടര്‍ന്ന് രണ്ടാം ഘട്ട നിര്‍മാണം ഒരു വര്‍ഷം കൊണ്ട് പൂര്‍ത്തിയാക്കും.

അബുദാബി ഇന്ത്യന്‍ സ്‌കൂളില്‍ നടന്ന ചടങ്ങില്‍ സ്‌കൂള്‍ ചെയര്‍മാന്‍ ബി. ആര്‍. ഷെട്ടിയും എയറോലിങ്ക് കമ്പനി സി. ഇ. ഒ. അനില്‍ പിള്ളയും ധാരണാ പത്ര ത്തില്‍ ഒപ്പു വെച്ചു. സ്‌കൂള്‍ ഡയറക്ടര്‍മാരായ പി. ബാവ ഹാജി, സര്‍വോത്തം ഷെട്ടി, സ്‌കൂള്‍ പ്രിന്‍സിപ്പല്‍ എന്‍. സി. വിജയ ചന്ദ്ര എന്നിവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on അബുദാബി ഇന്ത്യന്‍ സ്‌കൂളിന്റെ പുതിയ ശാഖ അല്‍ വത് ഭയില്‍

കുട്ടികളുടെ നാടകോല്‍സവം ശ്രദ്ധേയമായി

November 17th, 2013

അബുദാബി : കേരള സോഷ്യല്‍ സെന്‍റര്‍ ബാല വേദി യുടെ ഇരുപത്തി അഞ്ചാം വര്‍ഷികത്തോട് അനുബന്ധിച്ച് ശിശു ദിനാചാരണ ത്തിന്റെ ഭാഗ മായി കുട്ടികള്‍ക്കായി സംഘടി പ്പിച്ച ‘നാടകോല്‍സവം’ നവ്യാനുഭവമായി.

പ്രശസ്ത നാടക സംവിധായകന്‍ സാംകുട്ടി പട്ടംകരി നാടകോല്‍സവം ഉദ്ഘാടനം ചെയ്തു.

പ്രമുഖ നാടക പ്രവര്‍ത്തകനും നര്‍ത്തകനും സംവിധായ കനുമായ ബഹുമുഖ പ്രതിഭ കൃഷ്ണന്‍ വേട്ടാംപള്ളിയെ കലാ രംഗത്തെ മികച്ച പ്രകടന ത്തിനും കെ. എസ്. സി. യിലെ നാടക പ്രവര്‍ത്തന ത്തിന് നല്‍കിയ സംഭാവനകളും മാനിച്ച് മൊമെന്‍റോ നല്കി ആദരിച്ചു.

ബാലവേദി പ്രസിഡന്റ് അറഫ താജുദ്ദീന്‍ അധ്യക്ഷത വഹിച്ചു. ബാലവേദി സെക്രട്ടറി ഐശ്വര്യ ഗൗരി നാരായണന്‍ സ്വാഗതം പറഞ്ഞു.

കുട്ടി അഭിനേതാക്കളുടെ അഭിനയം ഏറെ ശ്രദ്ധ നേടി. അല്‍ ഐന്‍ മലയാളി സമാജം അവതരിപ്പിച്ച ‘ഇച്ഛ’ എന്ന നാടകം വിഷയ ത്തിന്റെ വൈവിധ്യം കൊണ്ട് ശ്രദ്ധേയ മായി. അബുദാബി ശക്തി ബാലവേദി രണ്ട് നാടക ങ്ങളാണ് അരങ്ങില്‍ എത്തിച്ചത്. ‘ചെന്നായ്ക്കള്‍ വരുന്നുണ്ട്’ എന്ന നാടക ത്തില്‍ കൗമാര പ്രായക്കാരായ കുട്ടികളെ ശ്രദ്ധി ക്കാത്ത മാതാ പിതാക്കള്‍ നേരിടുന്ന ദുരന്തം തുറന്നുകാണിച്ചു. സോഷ്യല്‍ നെറ്റ് വര്‍ക്കിലൂടെ ചതിക്ക പ്പെടുന്ന രേവതി എന്ന പെണ്‍കുട്ടി യുടെ കഥ യാണിത്. ‘ഫേസ്ബുക്ക്’ എന്ന നാടകം അതേ വിഷയം തന്നെയാണ് കൈകാര്യം ചെയ്യുന്നത്. എങ്കിലും പുതിയ സാങ്കേതിക തലം തേടി. ദുബായ് ദല അവതരിപ്പിച്ച ‘സീത’ എന്ന നാടകം പുരുഷാധിപത്യ ലോകത്ത് സ്ത്രീകള്‍ നേരിടുന്ന പ്രശ്‌നങ്ങള്‍ അവതരിപ്പിച്ചു. ഭരത് മുരളി സ്മാരക നാടകോത്സവ ത്തിന്റെ മുന്നോടി യായി നടന്ന കുട്ടികളുടെ നാടകോത്സവ ത്തോടെ അബുദാബി യുടെ നാടക ക്കാലത്തിന് തുടക്കമായി.

- കറസ്പോണ്ടന്റ്

വായിക്കുക: , , , ,

Comments Off on കുട്ടികളുടെ നാടകോല്‍സവം ശ്രദ്ധേയമായി

Page 79 of 84« First...102030...7778798081...Last »

« Previous Page« Previous « കൊയ്ത്തുല്‍സവം ആഘോഷിച്ചു
Next »Next Page » സെന്റ് ജോര്‍ജ് പള്ളിയില്‍ കൊയ്ത്തുത്സവം വെള്ളിയാഴ്ച »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha