 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : പൊതു നിരത്തിൽ അപകടകരമായ വിധത്തിൽ ബൈക്കുകള് ഓടിച്ചവരെ ദുബായ് പോലീസ് പിടികൂടി വാഹനങ്ങൾ കണ്ടു കെട്ടി.
ഒറ്റച്ചക്രത്തിൽ ബൈക്ക് ഓടിക്കുക, പൊതു നിരത്തിൽ ബൈക്ക് സ്റ്റണ്ട് നടത്തുക തുടങ്ങി റോഡ് സുരക്ഷയെ മറി കടക്കുന്ന കുറ്റ കൃത്യങ്ങൾ നടത്തിയ വീഡിയോ ദുബായ് പോലീസ് സോഷ്യൽ മീഡിയ യിലൂടെ പുറത്തു വിട്ടു.
നിയമ ലംഘകരെ പിടികൂടി ശിക്ഷകൾ നടപ്പിലാക്കി. ഇത്തരം നിയമ ലംഘനങ്ങൾ Police EYE എന്ന App വഴി റിപ്പോർട്ട് ചെയ്യാം.
- pma
വായിക്കുക: social-media, traffic-fine, ഗതാഗതം, ദുബായ്, നിയമം, പോലീസ്
റാസ് അൽ ഖൈമ : നിലവിൽ വിപണിയിൽ ലഭ്യമായ നിരക്കിനേക്കാൾ കുറഞ്ഞ നിരക്കില് വാഹന ഇൻഷ്വറൻസ് നൽകും എന്ന തരത്തിൽ സാമൂഹിക മാധ്യമങ്ങളിൽ പ്രചരിക്കുന്ന പരസ്യങ്ങൾ വ്യാജം എന്ന് പോലീസ് മുന്നറിയിപ്പ്.
വിശ്വസനീയമായ ഇൻഷ്വറൻസ് കമ്പനികളുടെയും അംഗീകൃത ബ്രോക്കര് മാരുടെയും പേരില് തന്നെ യാണ് ഇത്തരം പരസ്യങ്ങള് വരുന്നത് എന്നതിനാൽ ഇതിൽ ആകൃഷ്ടരായി പണം കൈമാറുന്നതിന് മുൻപായി പരസ്യ സ്രോതസ്സുകളുടെ ആധികാരികത ഉറപ്പു വരുത്തണം എന്നും റാസ് അൽ ഖൈമ പോലീസ് അറിയിച്ചു.
വളരെ കുറഞ്ഞ നിരക്കുകൾ ഓഫർ ചെയ്യുന്നവരെ സംശയത്തോടെ സമീപിക്കുക, അത്തരം സോഷ്യല് മീഡിയ എക്കൗണ്ടുകളെയും വെബ് സൈറ്റു കളെയും ജാഗ്രതയോടെ മാത്രം സമീപിക്കുക എന്നിങ്ങനെയുള്ള നിർദ്ദേശങ്ങൾ അധികൃതര് മുന്നോട്ടു വെക്കുന്നു.
ഡ്രൈവിംഗ് ലൈസൻസ് ഇല്ലാത്തവർക്കും വാഹനം സ്വന്തമായി ഇല്ലാത്തവർക്കും ഇത്തരത്തിൽ ഇൻഷ്വറൻസ് പുതുക്കുവാനും ഡ്രൈവിംഗ് ലൈസൻസിൽ പിഴ ഇല്ലാതാക്കുവാനും പാർക്കിംഗ് ഫീസ് കുറഞ്ഞ നിരക്കിൽ അടക്കാം എന്നുള്ള തരത്തിൽ ഫോണിൽ sMs ആയും വാട്സ് ആപ്പ് അടക്കമുള്ള സോഷ്യൽ മീഡിയ വഴിയും സന്ദേശങ്ങൾ ലഭിക്കാറുണ്ട്.
വിപണിയിൽ ആരും ഒന്നും നമുക്ക് വെറുതെ തരുന്നില്ല! അതിനാൽ ഇത്തരം സൗജന്യ വാഗ്ദാന ങ്ങളിൽ ചതി ഉണ്ടെന്നു മനസ്സിലാക്കുക.
അതു കൊണ്ട് സമൂഹം ജാഗ്രത പുലർത്തുക. ഇത്തരം കാര്യങ്ങൾ ശ്രദ്ധയിൽ പെട്ടാൽ അത് അധികൃതരെ അറിയിക്കാൻ മടിക്കരുത്.
- pma
വായിക്കുക: ras-al-khaima, scam, social-media, തട്ടിപ്പ്, പോലീസ്, സാമ്പത്തികം
അബുദാബി : മുണ്ടത്തിക്കോട് വെടിക്കെട്ട് അപകടത്തില് അഗാധമായ ദുഃഖം രേഖപ്പെടുത്തി ലുലു ഗ്രൂപ്പ് ചെയർമാൻ എം. എ. യൂസഫലി. ജീവൻ നഷ്ടപ്പെട്ടവരുടെ കുടുംബങ്ങൾക്കും പരുക്കേറ്റവർക്കും അടിയന്തര സാമ്പത്തിക സഹായം അദ്ദേഹം പ്രഖ്യാപിച്ചു. മരിച്ചവരുടെ കുടുംബങ്ങൾക്ക് ഒരു ലക്ഷം രൂപ വീതവും പരുക്കേറ്റവർക്ക് 50, 000 രൂപ വീതവുമാണ് ധന സഹായം നൽകുക. തൃശ്ശൂർ ജില്ലാ കളക്ടർ മുഖേനയാണ് ഈ തുക കൈമാറുന്നത്.
തൃശൂർ പൂരത്തിനായി വെടിക്കെട്ട് നടത്താൻ തിരുവമ്പാടി വിഭാഗം വെടിക്കോപ്പുകൾ തയ്യാറാക്കിയ ഷെഡുകളിലാണ് ചൊവ്വാഴ്ച ഉച്ചക്ക് ശേഷം തീപിടുത്തം ഉണ്ടാകയും ഒൻപതു പേര് മരിക്കുകയും നിരവധി പേർക്ക് പരിക്കേൽക്കുകയും ചെയ്തത്.
അപ്രതീക്ഷിതമായി ഉണ്ടായ ദുരന്തത്തിൽ താൻ ഏറെ മനോവിഷമത്തിൽ ആണെന്നും അപകടത്തിൽ ഉറ്റവരെ നഷ്ടപ്പെട്ട കുടുംബങ്ങളുടെ ദുഃഖത്തിൽ പങ്കു ചേരുന്നു പരുക്കേറ്റവർ എത്രയും വേഗം സുഖം പ്രാപിക്കട്ടെ എന്നും അദ്ദേഹം പ്രസ്താവനയിൽ പറഞ്ഞു.
- pma
വായിക്കുക: ജീവകാരുണ്യം, യൂസഫലി, സാമൂഹ്യ സേവനം
ദുബായ് : യു. എ. ഇ. യിൽ എത്തുന്ന സന്ദർശകരുടെയും വിനോദ സഞ്ചാരികളുടെയും ആഗോള സംഗമ ഭൂമി യായ ദുബായ് ഗ്ലോബൽ വില്ലേജ് വീണ്ടും തുറന്നു.
ശക്തമായ സുരക്ഷാ ക്രമീകരണങ്ങളോടെ 5 ഗേറ്റുകൾ വഴിയാണ് പ്രവേശനം ഒരുക്കിയിരിക്കുന്നത്. മാത്രമല്ല, സ്മാർട്ട് പാർക്കിംഗ് സംവിധാനവും വിവിധ എമിറേറ്റു കളിൽ നിന്നുമുള്ള ബസ്സ് സർവ്വീസുകളും ഉണ്ട്.
എല്ലാതരം ആളുകൾക്കും ഇഷ്ടപ്പെടുന്ന വിനോദ പരിപാടികൾ, വേറിട്ട കലാ-കായിക വിനോദങ്ങൾ, ലോകത്തിന്റെ വിവിധ ഭാഗങ്ങളിൽ നിന്നുള്ള ഭക്ഷ്യ വിഭവങ്ങളും മധുര പലഹാരങ്ങളും പാനീയങ്ങളും ലോക രാജ്യങ്ങളുടെ ഒരു പരിച്ഛേദമായ ഗ്ലോബൽ വില്ലേജിലേക്കു ജനങ്ങളെ ആകർഷിക്കുന്നു.
ഗ്ലോബൽ വില്ലേജിന്റെ മുപ്പതാം സീസൺ അവസാനിക്കാൻ ഏതാനും ആഴ്ചകൾ ബാക്കി നിൽക്കെ സന്ദർശകർക്കായി വമ്പൻ ഓഫറുകളും സ്പെഷ്യൽ ഡിസ്കൗണ്ടുകളും വ്യാപാരികൾ പ്രഖ്യാപിച്ചിട്ടുണ്ട്.
പശ്ചിമേഷ്യയിലെ സംഘർഷാവസ്ഥയെ തുടർന്ന് ഗ്ലോബൽ വില്ലേജ് ഏഴാഴ്ചകളാണ് അടച്ചിട്ടിരുന്നത്.
- pma
വായിക്കുക: global-village, ആഘോഷം, കുട്ടികള്, ദുബായ്, പ്രവാസി, യു.എ.ഇ., സാമ്പത്തികം
അബുദാബി : രാജ്യത്ത് വിപണിയിൽ ലഭ്യമായ ഫ്ലൈയിംഗ് ടൈഗർ ബ്രാൻഡിന്റെ പ്രത്യേക തരം കപ്പുകൾക്ക് നിരോധനം ഏർപ്പെടുത്തി അധികൃതർ. ഉൽപ്പന്ന സുരക്ഷ, ഗുണ നിലവാരം എന്നിവ വിപണി യിൽ ഉറപ്പാക്കുന്നതിനുള്ള പ്രതിജ്ഞാ ബദ്ധതയുടെ ഭാഗമായി, 2024-ലും 2025-ലും വിറ്റ 220 മില്ലി ഗ്ലാസ് ഡ്രിങ്ക് കപ്പുകൾ ഉപയോഗിക്കുന്നത് ഉടൻ നിർത്തി വെക്കണം എന്നാണു മന്ത്രാലയം ആവശ്യപ്പെട്ടത്.
കപ്പുകളിൽ അടങ്ങിയിരിക്കുന്ന ലെഡ്, കാഡ്മിയം എന്നിവയുടെ അളവ് നിശ്ചിത പരിധിയിൽ കൂടുതൽ ഉണ്ടെന്നു കണ്ടെത്തി. അതിനാൽ ഇപ്പോൾ ഉപയോഗിച്ച് കൊണ്ടിരിക്കുന്ന ഇത്തരം കപ്പുകൾ നശിപ്പിച്ച് കളയണം എന്നും മന്ത്രാലയം അറിയിപ്പിൽ പറയുന്നു.
ഇത് ഉപഭോക്താക്കളുടെ ആരോഗ്യത്തിന് ഭീഷണി ഉയർത്താൻ സാദ്ധ്യത ഉണ്ടെന്നും മന്ത്രാലയം, അവരുടെ സാമൂഹിക മാധ്യമ ങ്ങളിലൂടെ അറിയിച്ചു. സുരക്ഷാ മാനദണ്ഡങ്ങൾ പാലിക്കാത്ത കച്ചവടക്കാർക്ക് എതിരെ കർശ്ശന നടപടി സ്വീകരിക്കും എന്നും മന്ത്രാലയം വ്യക്തമാക്കി.
ഉപഭോക്തൃ സംരക്ഷണം ഉറപ്പാക്കുന്നതിന്റെ ഭാഗമായാണ് മന്ത്രാലയത്തിന്റെ ഈ അടിയന്തര ഇടപെടൽ. insta
- pma
വായിക്കുക: health, social-media, warning, ആരോഗ്യം, മാധ്യമങ്ങള്, യു.എ.ഇ., വ്യവസായം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
