അഹല്യ എക്‌സ്‌ ചേഞ്ച് വിന്‍റര്‍ പ്രമോഷന്‍ : 111 പേര്‍ക്ക് 10 ലക്ഷ്വറി കാറുകളും ഒരു കിലോ സ്വർണ്ണവും സമ്മാനങ്ങള്‍

December 22nd, 2022

ahalia-exchange-winter-promotion-2022-ePathram
അബുദാബി : ആഘോഷ നാളുകളില്‍ പ്രവാസികള്‍ക്ക് സ്വര്‍ണ്ണവും കാറുകളും അടങ്ങുന്ന ഒട്ടനവധി സമ്മാന ങ്ങളു മായി അഹല്യ എക്‌സ്‌ ചേഞ്ച് വിന്‍റര്‍ പ്രമോഷന് തുടക്കമായി. 2022 ഡിസംബർ 22 മുതൽ 2023 ഏപ്രിൽ 20 വരെ നടക്കുന്ന വിന്‍റര്‍ പ്രമോഷനില്‍ 10 ലക്ഷ്വറി എസ്‌. യു. വി. കാറുകളും ഒരു കിലോ സ്വർണ്ണവും സമ്മാനിക്കും എന്ന് അബുദാബിയില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ അധികൃതർ അറിയിച്ചു.

ക്രിസ്തുമസ്, പുതുവത്സരം, റമദാന്‍, ഈദുൽ ഫിത്വർ അടക്കമുള്ള ആഘോഷ നാളുകൾ ഉൾപ്പെടുത്തി ഒരുക്കുന്ന പ്രൊമോഷൻ കാലത്ത് അഹല്യ എക്‌സ്‌ ചേഞ്ച് വഴി പണം അയക്കുന്ന ഉപഭോക്താക്കളിൽ നിന്ന് നറുക്കെടുപ്പിലൂടെ തെരഞ്ഞെടുക്ക പ്പെടുന്ന 111 പേർക്ക് സമ്മാനങ്ങൾ നൽകും.

press-meet-ahalia-exchange-winter-promotion-2022-2023-ePathram

ഗ്രാൻഡ് നറുക്കെടുപ്പിൽ ഒരാൾക്ക് അരക്കിലോ സ്വർണ്ണവും 100 വിജയികൾക്ക് ഒരു പവൻ, അരപ്പവൻ സ്വർണ്ണ സമ്മാനങ്ങളും നൽകും എന്ന് അഹല്യ എക്‌സ്‌ ചേഞ്ച് കമ്പനി സീനിയർ മാർക്കറ്റിംഗ് മാനേജർ സന്തോഷ് നായർ, ഡെപ്യൂട്ടി ഓപ്പറേഷൻസ് മാനേജർ ഷാനിഷ് കൊല്ലാറ, ബാങ്കിംഗ് ഓപ്പറേഷൻസ് മാനേജർ മുഹമ്മദ് മർഗുബ്, ഫിനാൻസ് മാനേജർ അതീഖുർ റഹ്മാൻ, ട്രഷറി ഡീൽ പ്രദീഷ് എം. സി. എന്നിവർ അറിയിച്ചു.

alahalia-money-exchange-winter-promotion-ePathram

മികച്ച നിരക്കും മികച്ച സേവനവും വാഗ്ദാനം ചെയ്യുന്ന യു. എ. ഇ. യിലെ ഏറ്റവും മികച്ച മണി എക്‌സ്‌ ചേഞ്ചു കളില്‍ ഒന്നാണ് അഹല്യ എക്‌സ്‌ ചേഞ്ച്. 1996 ൽ ആരംഭിച്ച അഹല്യ എക്‌സ്‌ ചേഞ്ചിന് നിലവിൽ യു. എ. ഇ. യിൽ ഉട നീളം 30 ശാഖകള്‍ പ്രവര്‍ത്തിക്കുന്നു.

ഇന്ത്യ, നേപ്പാൾ, ബംഗ്ലാദേശ്, ശ്രീലങ്ക, യു. എ. ഇ. , ആഫ്രിക്ക, പാകിസ്ഥാൻ, ഫിലിപ്പീൻസ് തുടങ്ങിയ വിവിധ രാജ്യ ങ്ങളിൽ നിന്നുള്ള പ്രവാസികള്‍ അടക്കമുള്ള ആളുകള്‍ക്ക് അഹല്യ എക്‌സ്‌ ചേഞ്ചിലുള്ള ഉന്നതമായ വിശ്വാസം തന്നെയാണ് ഇത്തരം പദ്ധതികളുമായി തങ്ങള്‍ അവരിലേക്ക് ഇറങ്ങി ച്ചെല്ലുന്നത് എന്നും അധികൃതര്‍ അറിയിച്ചു.

- pma

വായിക്കുക: , , , , , , ,

അഭിപ്രായം എഴുതുക »

സൈബർ തട്ടിപ്പുകൾ : ജാഗ്രതാ നിര്‍ദ്ദേശവുമായി അധികൃതര്‍

August 15th, 2022

cyber-pulse-beware-e-fraud-hacker-attack-ePathram
അബുദാബി : സൈബര്‍ ഇടങ്ങളിലെ അപകട സാദ്ധ്യതകൾ മനസ്സിലാക്കുന്നതിന് പൊതു ജനങ്ങളെ പ്രാപ്തരാക്കുവാന്‍ അബുദാബി ഡിജിറ്റൽ അഥോറിറ്റി ബോധവത്കരണ ക്യാമ്പയിന്‍ ആരംഭിച്ചു. ഓൺ ലൈൻ തട്ടിപ്പിന് ഇരകള്‍ ആവാതിരിക്കുവാന്‍ ശ്രദ്ധിക്കണം എന്നും നിയമപരവും സുരക്ഷിതവുമായ രീതികൾ പിന്തുടരണം. സൈബർ തട്ടിപ്പുകളിൽപ്പെട്ടു പോകാതിരിക്കുവാന്‍ പൊതു സമൂഹം ജാഗ്രത പാലിക്കണം എന്നും അധികൃതർ.

ബാങ്ക് എക്കൗണ്ട് വിവരങ്ങൾ ഓൺ ലൈനിൽ നല്‍കുമ്പോള്‍ ജാഗ്രത പുലര്‍ത്തുക, പാസ്സ് വേർഡുകൾ ഉപയോഗിക്കുമ്പോൾ സൂക്ഷിക്കുക, അജ്ഞാത ഫോൺ വിളികൾ ലഭിക്കുമ്പോള്‍ അവര്‍ക്ക് നമ്മുടെ വ്യക്തി ഗത വിവരങ്ങള്‍ നല്‍കരുത്. അത്തരം ഫോണ്‍ വിളി കൾ നിരുത്സാഹപ്പെടുത്തുക, സംശയാസ്പദമായ വെബ് സൈറ്റുകള്‍ സന്ദർശിക്കുന്നത് ഒഴിവാക്കുക തുടങ്ങിയ കാര്യങ്ങളില്‍ സൂക്ഷമത പാലിച്ചാല്‍ സൈബർ ഇടങ്ങളിൽ സുരക്ഷിതര്‍ ആകുവാന്‍ സാധിക്കും എന്നും അധികൃതർ ഓര്‍മ്മിപ്പിച്ചു.

തട്ടിപ്പുകൾക്ക് ഇരയാകുന്നവർ 8002626 എന്ന ടോൾ ഫ്രീ നമ്പറിൽ വിളിച്ച് അറിയിക്കണം എന്നും അധികൃതർ അറിയിച്ചു.

- pma

വായിക്കുക: , , , , , ,

അഭിപ്രായം എഴുതുക »

ഭിക്ഷാടനം : ജാഗ്രതാ നിര്‍ദ്ദേശവുമായി പോലീസ്

March 23rd, 2022

penalties-managing-organised-begging-offence-in-uae-ePathram
ദുബായ് : ഓൺ ലൈൻ ഭിക്ഷാടകര്‍ക്ക് എതിരെ ജാഗ്രത പാലിക്കണം എന്ന് ദുബായ് പോലീസ്. e-ഭിക്ഷാടകരെ പിടി കൂടാൻ പോലീസ് നടപടികൾ കർശ്ശനമാക്കി. ഇതിനായി പ്രത്യേക ക്യാമ്പയില്‍ ആരംഭിച്ചിട്ടുണ്ട്.

സാമ്പത്തിക സഹായം അഭ്യർത്ഥിച്ച് നവ മാധ്യമ ങ്ങളിലൂടെ വീഡിയോ ആയും മറ്റു പോസ്റ്റുകളിലൂടെ യും ഇ-മെയിലുകൾ അയച്ചും പലരും സഹായം തേടുന്നത് അധികൃതരുടെ ശ്രദ്ധയില്‍ ഉണ്ട്. കൂടുതൽ സഹതാപം കിട്ടാൻ കെട്ടിച്ചമച്ച കദന കഥ കളും പോസ്റ്റ് ചെയ്യുന്നുണ്ട്. ഇത്തരം സമൂഹ മാധ്യമ പോസ്റ്റുകളോ ഇ-മെയിലുകളോ പൊതു ജനങ്ങളുടെ ശ്രദ്ധയിൽ പെട്ടാല്‍ e-Crime പോര്‍ട്ടല്‍ വഴി അറിയിക്കണം എന്നും അധികൃതര്‍ അഭ്യര്‍ത്ഥിച്ചു.

റമദാന്‍ മാസത്തിലെ സവിശേഷ സംഭാവനകളെ മുതലെടുക്കുന്ന രീതികൾ പ്രോത്സാഹിപ്പിക്കരുത് എന്നും ഓര്‍മ്മിപ്പിച്ചു. ഭിക്ഷാടനം ശ്രദ്ധയിൽ പ്പെട്ടാൽ 901 എന്ന നമ്പറിൽ വിളിച്ച് റിപ്പോർട്ട് ചെയ്യാം.

രാജ്യത്തെ നിലവിലെ നിയമം അനുസരിച്ച് ഭിക്ഷാടനം ചെയ്യുന്നവര്‍ക്ക് കുറഞ്ഞത് ആറു മാസം വരെ തടവും ഒരു ലക്ഷം ദിർഹം പിഴയും ശിക്ഷ ചുമത്തും. മോഷണം, പോക്കറ്റടി തുടങ്ങിയ വിവിധ കുറ്റ കൃത്യങ്ങളു മായി യാചകർക്ക് ബന്ധം ഉള്ളതായി കണ്ടെത്തിയിട്ടുണ്ട്.

സര്‍ക്കാര്‍ അംഗീകൃത ജീവ കാരുണ്യ സംഘടനകള്‍ വഴി, സഹായം ആവശ്യമുള്ളവർക്ക് എത്തിക്കാന്‍ കഴിയും. അതിനായി തങ്ങളുടെ സംഭാവനകൾ ഇത്തരം ജീവകാരുണ്യ സംഘടന കളിലേക്ക് നൽ‌കണം എന്നും ദുബായ് പോലീസ് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്‍റ് ഡയറക്ടർ ബ്രിഗേഡിയർ ജമാൽ സാലം അൽ ജലാഫ് അറിയിച്ചു.

- pma

വായിക്കുക: , , , , ,

അഭിപ്രായം എഴുതുക »

വി. പി. എൻ. ഉപയോഗിക്കുന്നത് ശിക്ഷാര്‍ഹം

March 16th, 2022

jail-for-social-media-users-to-spread-rumours-false-news-ePathram
അബുദാബി : ടെലികോം ഡിജിറ്റൽ റെഗുലേറ്ററി അഥോറിറ്റി യുടെ നിയന്ത്രണങ്ങള്‍ പാലിക്കാതെ വി. പി. എൻ. ഉപയോഗിക്കുന്നത് സൈബർ കുറ്റകൃത്യം എന്ന് അധികൃതര്‍. ബാങ്കുകൾ ഉൾപ്പെടെയുള്ള സ്ഥാപനങ്ങളുടെ ആഭ്യന്തര കാര്യങ്ങള്‍ക്കായി വി. പി. എൻ. ഉപയോഗിക്കുവാന്‍ മാത്രമേ യു. എ. ഇ. യിൽ അനുമതിയുള്ളൂ. സർക്കാർ നിരോധിച്ച വെബ് സൈറ്റു കള്‍ വി. പി. എൻ. വഴി പ്രവേശിക്കുന്നതും ക്രിമിനൽ നടപടികൾക്കു വേണ്ടി വി. പി. എൻ. ഡൗണ്‍ ലോഡ് ചെയ്യുന്നതും കുറ്റകരം എന്നും അധികൃതര്‍ ഓര്‍മ്മിപ്പിച്ചു.

- pma

വായിക്കുക: , , ,

അഭിപ്രായം എഴുതുക »

പൊതു മാപ്പ് വാര്‍ത്ത : വ്യാജ പ്രചരണങ്ങള്‍ക്ക് എതിരെ മുന്നറിയിപ്പ്

January 4th, 2022

ഷാർജ : വിസാ നിയമങ്ങള്‍ ലംഘിച്ച് അനധികൃതമായി രാജ്യത്ത് തങ്ങുന്നവർക്ക് പൊതു മാപ്പ് നൽകും എന്ന രീതിയില്‍ സാമൂഹിക മാധ്യമങ്ങൾ വഴി പ്രചരിക്കുന്ന വാർത്തകൾ വ്യാജം ആണെന്നും ഇത്തരം അഭ്യൂഹങ്ങള്‍ പ്രചരിപ്പിക്കുന്നവര്‍ക്ക് എതിരെ നിയമ നടപടികള്‍ കൈകൊള്ളും എന്നും ഷാർജ പോലീസ്.

അനധികൃതമായി രാജ്യത്ത് തങ്ങുന്നവർക്ക് താമസം നിയമ വിധേയമാക്കി നൽകും എന്നും ഇതിനായി ചെറിയ തുക ഫീസ് അടക്കണം എന്നും സർവ്വീസ് സെന്‍റർ സന്ദർശിച്ച് അപേക്ഷ നൽകണം എന്നും വാർത്ത പ്രചരിച്ചിരുന്നു.

എന്നാൽ ഇത് വസ്തുതാ വിരുദ്ധമാണ് എന്നും വ്യാജ വാര്‍ത്തകളേയും കുപ്രചരണങ്ങളെയും കരുതി ഇരിക്കണം എന്നും മുന്നറിയിപ്പു നല്‍കി. സാമൂഹിക മാധ്യമങ്ങള്‍ വഴി വരുന്ന വ്യാജ സന്ദേശങ്ങളിൽ വഞ്ചിക്കപ്പെടരുത് എന്നും ഔദ്യോഗിക വാർത്താ സ്രോതസ്സുകളെ ആശ്രയിക്കണം എന്നും ഷാർജ പോലീസ് ഓര്‍മ്മിപ്പിച്ചു.

അഭ്യൂഹങ്ങളും വ്യാജ വാര്‍ത്തകളും പ്രചരിപ്പിക്കുന്ന കുറ്റത്തിന് ചുരുങ്ങിയത് ഒരു വർഷം തടവും ഒരു ലക്ഷം ദിർഹം പിഴയുമാണ് ശിക്ഷ എന്ന് യു. എ. ഇ. പബ്ലിക് പ്രൊസിക്യൂഷൻ കഴിഞ്ഞ ദിവസം അറിയിച്ചിരുന്നു.

- pma

വായിക്കുക: , , ,

അഭിപ്രായം എഴുതുക »

1 of 7123»|

« Previous « ഇടവ സൈഫ് മെമ്മോറിയല്‍ പ്രഥമ അവാര്‍ഡ് ലൂയിസ് കുര്യാക്കോസിന്
Next Page » സൗദി അറേബ്യ യിലേക്ക് ഒഡെപെക് വഴി നിയമനം »



  • ടി. വി. കൊച്ചു ബാവ സ്മാരക സാഹിത്യ പുരസ്കാരങ്ങൾ പ്രഖ്യാപിച്ചു
  • തൊഴിൽ നഷ്ട ഇൻഷ്വറൻസില്‍ അംഗത്വം എടുക്കാത്തവര്‍ക്ക് 400 ദി​ർഹം​ പിഴ
  • ഇന്‍റര്‍ നാഷണൽ പീസ് കോൺഫറൻസിൽ സലാം പാപ്പിനിശ്ശേരി മുഖ്യാതിഥി
  • ഫോറം ഫോർ പീസ് പത്താം പതിപ്പ് അബുദാബിയില്‍
  • കറൻസികൾ അംഗീകൃത മാർഗ്ഗങ്ങളിലൂടെ കൈമാറ്റം ചെയ്യണം
  • നബിദിനം : സെപ്റ്റംബർ 29 വെള്ളിയാഴ്ച പൊതു അവധി
  • ഗർഭ പാത്രത്തിലുള്ള കുഞ്ഞിൻ്റെ സങ്കീർണ്ണ ശസ്ത്ര ക്രിയ വിജയകരം
  • മുജീബ് മൊഗ്രാൽ സ്മരണാര്‍ത്ഥം നാനോ ക്രിക്കറ്റ് ടൂർണ്ണമെന്‍റ് സംഘടിപ്പിച്ചു
  • ഗള്‍ഫ് കര്‍ണാടക രത്‌ന അവാര്‍ഡുകള്‍ സമ്മാനിച്ചു
  • സെസ്സ് യു. എ. ഇ. സംഗമം സംഘടിപ്പിച്ചു
  • സാമൂഹ്യ പ്രവർത്തകർ കൈകോർത്തു : വഴിയോരത്തു കഴിഞ്ഞ മലയാളി നാട്ടിലേക്ക് തിരിച്ചു
  • കെ. എസ്. സി. പൂക്കള മത്സരം ഞായറാഴ്ച
  • വേറിട്ട അനുഭവമായി Inspiro 2023 പ്രവർത്തക ക്യാമ്പ്
  • 1000 പേര്‍ ചേര്‍ന്ന് ഒരുക്കിയ പൂക്കളവും 31 രാജ്യക്കാര്‍ അണി നിരന്ന് ഓണ ക്കളിയും
  • ബുറൈമിയും അൽ ഐനും ബന്ധപ്പെടുത്തി പ്രതിദിന ബസ്സ് സര്‍വ്വീസ്
  • ഏക ദിന പഠന ക്യാമ്പ് ‘RECAP’ ശ്രദ്ധേയമായി
  • മലയാളി സമാജത്തിൽ തിരുവോണം വരെ പൂക്കളം
  • പ്രവാസി സംഘടനകളുടെ സ്വാതന്ത്യ്ര ദിന ആഘോഷം ശ്രദ്ധേയമായി
  • ഉപന്യാസ മത്സരം : റഫീഖ് സക്കറിയ ഒന്നാം സ്ഥാനം നേടി
  • എം. എൻ. കാരശ്ശേരിക്ക് മലയാളി സമാജം സാഹിത്യ പുരസ്കാരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine