ഐ. എസ്. സി. ഇന്ത്യാ ഫെസ്റ്റ് ഡിസംബര്‍ രണ്ടു മുതല്‍

November 24th, 2022

logo-isc-abudhabi-india-social-center-ePathram
അബുദാബി : ഇന്ത്യാ സോഷ്യൽ സെന്‍റര്‍ (ഐ. എസ്. സി.) ഒരുക്കുന്ന ഇന്ത്യാ ഫെസ്റ്റ് സീസൺ–11, ഡിസംബർ 2, 3, 4 തീയ്യതി കളിലായി (വെള്ളി, ശനി, ഞായര്‍ ദിവസങ്ങളില്‍) വൈവിധ്യമാര്‍ന്ന കലാ സാംസ്കാരിക പരിപാടികളോടെ നടക്കും.

യു. എ. ഇ. യുടെ 51ാം ദേശീയ ദിന ആഘോഷം പ്രമാണിച്ച് ഇന്തോ അറബ് സാംസ്കാരിക ഉല്‍സവം എന്ന നിലയില്‍ ആദ്യ ദിവസം പ്രത്യേക പരിപാടികളും അരങ്ങേറും. അറബിക് പരമ്പരാഗത നൃത്തത്തോടെ യാണ് ഒന്നാം ദിനം പരിപാടികൾക്ക് തുടക്കമാവുക എന്നു ഭാര വാഹികള്‍ വാര്‍ത്താ സമ്മേളനത്തില്‍ അറിയിച്ചു.

isc-india-fest-11-th-season-press-meet-ePathram

പതിനൊന്നാമത് ഐ. എസ്. സി. ഇന്ത്യാ ഫെസ്റ്റ് വാര്‍ത്താ സമ്മേളനം

രണ്ടാം ദിവസം ഡിസംബർ 3 ശനിയാഴ്ച രാത്രി 8 മണിക്ക് ചലച്ചിത്ര പിന്നണി ഗായകന്‍ ശ്രീനിവാസ്, ശരണ്യ എന്നിവര്‍ അവതരിപ്പിക്കുന്ന സംഗീത സന്ധ്യ അരങ്ങേറും.

ചെണ്ടമേളം, നൃത്ത നൃത്യങ്ങള്‍, സംഗീത മേളകള്‍ തുടങ്ങി 3 ദിവസങ്ങളിലും വിവിധ കലാ പരിപാടി കൾ. ഭക്ഷ്യ മേള, പുസ്തക മേള, വസ്ത്ര-ആഭരണ വിപണി, ട്രാവൽ -ടൂറിസം, റിയൽ എസ്റ്റേറ്റ് തുടങ്ങി വിവിധ സ്റ്റാളുകൾ ഉണ്ടാകും. കുട്ടികൾക്കായി പ്രത്യേക വിനോദ പരിപാടികളും ഒരുക്കും.

10 ദിർഹം വിലയുള്ള പ്രവേശന ടിക്കറ്റ് നറുക്കെടുത്ത് മെഗാ വിജയിക്ക് അൽ മസഊദ് ആട്ടോ മൊബൈൽസ് നൽകുന്ന കോലിയോസ് റിനോ കാർ സമ്മാനിക്കും. കൂടാതെ 20 പേർക്ക് വിവിധ ആകർഷക സമ്മാന ങ്ങളും സമാപന ദിവസം നല്‍കും.

യു. എ. ഇ. യിലെ വിവിധ ഇന്ത്യൻ സ്‌കൂളുകളിൽ എണ്ണായിരം വിദ്യാർത്ഥികൾക്ക് ഇന്ത്യാ ഫെസ്റ്റിന്‍റെ എൻട്രി ടിക്കറ്റ് സൗജന്യമായി നൽകും. വ്യാപാര പ്രദര്‍ശന പവലിയനുകൾ, പുസ്തക വില്‍പന ശാലകൾ, വിനോദ യാത്രാ സ്റ്റാളുകൾ, സൗന്ദര്യ വസ്തുക്കളുടെ വിപണിയും കളിക്കോപ്പ് വില്‍പന കേന്ദ്രങ്ങൾ അടക്കം 80 സ്റ്റോളു കളാണ് ഇത്തവണ ഇന്ത്യാ ഫെസ്റ്റിന് മാറ്റു കൂട്ടുക.

ആദ്യ രണ്ടു ദിവസങ്ങളിലും വൈകുന്നേരം 5 മണി മുതൽ രാത്രി 12 മണി വരെയാണ് ഫെസ്റ്റിവല്‍ നടക്കുക. മൂന്നാം ദിവസം രാത്രി പത്തു മണിയോടെ കലാ സാംസ്കാരിക പരിപാടികള്‍ അവസാനി ക്കുകയും തുടര്‍ന്ന് എന്‍ട്രി കൂപ്പണ്‍ നറുക്കെടുപ്പിലൂടെ വിജയികള്‍ക്ക് സമ്മാനങ്ങള്‍ വിതരണവും നടക്കും.

വാര്‍ത്താ സമ്മേളനത്തില്‍ ഐ. എസ്. സി. പ്രസിഡണ്ട് ഡി. നടരാജൻ, വൈസ് പ്രസിഡണ്ട് സന്തോഷ് മൂർക്കോത്ത്, ജനറൽ സെക്രട്ടറി പി. സത്യ ബാബു, ട്രഷറർ ലിംസൻ കെ. ജേക്കബ്ബ്, മുഖ്യ പ്രായോജകരായ ജെമിനി ഗ്രൂപ്പ് ഡയറക്ടർ വിനീഷ് ബാബു, അൽ മസഊദ് ആട്ടോ മൊബൈൽസ് അബുദാബി ജനറൽ മാനേജർ ജീൻ പിയറെ ഹോംസി, മാർക്കറ്റിംഗ് സ്പെഷ്യലിസ്റ്റ് ദിക്ഷ ജെറെല്ല എന്നിവർ സംബന്ധിച്ചു.

- pma

വായിക്കുക: , , , , , , , , ,

അഭിപ്രായം എഴുതുക »

പെരുമ പയ്യോളി പുനഃസംഘടിപ്പിച്ചു

October 31st, 2022

logo-peruma-payyyoli-ePathram
ഷാർജ : സാംസ്കാരിക കൂട്ടായ്മ പെരുമ പയ്യോളി യു. എ. ഇ. കമ്മിറ്റി പുനഃസംഘടിപ്പിച്ചു.സാജിദ് പുറത്തൂട്ട് (പ്രസിഡണ്ട്), സുനിൽ പാറേമ്മൽ (ജനറല്‍ സെക്രട്ടറി), ഷമീർ കാട്ടടി (ട്രഷറർ) എന്നിവരാണ് പ്രധാന ഭാരവാഹികള്‍.

payyoli-peruma-uae-committee-2022-2023-ePathram

രാജൻ കൊളാവിപ്പാലം, ബഷീർ തിക്കോടി, ഇസ്മായിൽ മേലടി, അസിസ് മേലടി, അബ്ദുറഹിമാൻ അങ്ങാടി കടവത്ത്, സഹദ് പുറക്കാട് (രക്ഷാധികാരികൾ). അഡ്വ. മുഹമ്മദ് സാജിദ്, ജ്യോതിഷ് ഇരിങ്ങൽ, സുരേഷ് പള്ളിക്കര (വൈസ് പ്രസിഡണ്ട്). കരീം വടക്കയിൽ, ശ്രീജേഷ് കൊടക്കാട്, ഷഹനാസ് തിക്കോടി (ജോയിന്‍റ് സെക്രട്ടറി). വേണു പുതുക്കുടി (ജോയിന്‍റ് ട്രഷറർ) എന്നിവരെയും തെരഞ്ഞെടുത്തു.

ചടങ്ങിൽ അസീസ് മേലടി, പ്രമോദ് തിക്കോടി, ബിജു പണ്ടാരപ്പറമ്പിൽ, ഷാജി ഇരിങ്ങൽ, സതീശൻ പള്ളിക്കര, റമീസ് മേലടി, റിയാസ് കാട്ടടി, സത്യൻ പള്ളിക്കര, മൊയ്തീൻ പട്ടായി, ഷാമിൽ മൊയ്തീൻ, ഷാജി പള്ളിക്കര എന്നിവർ സംസാരിച്ചു. ബാബു വയനാട് തെരഞ്ഞെടുപ്പ് നിയന്ത്രിച്ചു.

- pma

വായിക്കുക: , , , ,

അഭിപ്രായം എഴുതുക »

പി. എസ്. വി. അച്ചീവ്‌ മെന്‍റ് അവാര്‍ഡ് സമ്മാനിച്ചു

September 21st, 2022

payyannur-sauhrudha-vedhi-achievement-award-ePathram
അബുദാബി : പയ്യന്നൂർ സൗഹൃദ വേദി അബുദാബി ചാപ്റ്ററിന്‍റെ ഈ വര്‍ഷത്തെ അച്ചീവ്‌ മെന്‍റ് അവാര്‍ഡ്, പത്താം തരം പരീക്ഷയില്‍ ഉന്നത വിജയം നേടിയ വിദ്യാര്‍ത്ഥി ധന്വന്ത് നന്ദന് സമ്മാനിച്ചു.

പയ്യന്നൂർ സൗഹൃദ വേദി ഓണം -2022 എന്ന പേരില്‍ അബുദാബി ഇന്ത്യാ സോഷ്യല്‍ സെന്‍ററില്‍ സംഘടിപ്പിച്ച ഓണാഘോഷ പരിപാടി യിലെ സാംസ്കാരിക സമ്മേളനത്തിലാണ് പുരസ്കാരം സമ്മാനിച്ചത്.

dr-haseena-beegum-psv-onam-2022-ePathram

ഉപന്യാസ രചന മത്സരവിജയി ഡോ. ഹസീന ബീഗം പുരസ്കാരം സ്വീകരിക്കുന്നു

കൂടാതെ ഇന്ത്യയുടെ സ്വാതന്ത്ര്യദിന ആഘോഷ ത്തിന്‍റെ ഭാഗമായി സംഘടിപ്പിച്ച ഉപന്യാസ രചന മത്സര വിജയി കളായ ഡോ. ഹസീന ബീഗം, അനു ജോൺ, അബ്ദുൽ കബീർ എന്നിവർക്കും സമ്മാനങ്ങൾ വിതരണം ചെയ്തു.

പയ്യന്നൂർ സൗഹൃദ വേദി മുൻ പ്രസിഡണ്ടും ഐ. എസ്. സി. ഓണ സദ്യയുടെ കോഡിനേറ്ററും ആയിരുന്ന യു. ദിനേശ് ബാബുവിനെ പൊന്നാട അണിയിച്ച് ആദരിച്ചു.

psv-abudhabi-onam-2022-ePathram

എക്സലന്‍സ് അവര്‍ഡ് : യു. ദിനേശ് ബാബുവിനെ പൊന്നാട നല്‍കി ആദരിച്ചു

ഐ. എസ്. സി. ജനറൽ സെക്രട്ടറി പി. സത്യ ബാബു ഉദ്‌ഘാടനം ചെയ്തു. പയ്യന്നൂർ സൗഹൃദവേദി പ്രസിഡണ്ട് കെ. കെ. ശ്രീവത്സൻ അദ്ധ്യക്ഷത വഹിച്ചു.ജനറല്‍ സെക്രട്ടറി രാജേഷ് കോടൂർ സ്വാഗതം ആശംസിച്ചു. ട്രഷറര്‍ വൈശാഖ് ദാമോദരൻ നന്ദി പ്രകാശിപ്പിച്ചു. അബുദാബി യിലെ വിവിധ അംഗീകൃത സംഘടന, അമേച്വര്‍ സംഘടനാ സാരഥി കളും വിവിധ കൂട്ടായ്മ കളുടെ പ്രവര്‍ത്തകരും ചടങ്ങില്‍ സംബന്ധിച്ചു.

തിരുവാതിരക്കളി, ഗ്രൂപ്പ് ഡാന്‍സ്, ഓണപ്പാട്ടുകള്‍ തുടങ്ങി അംഗങ്ങളുടേയും കുട്ടികളുടേയും വിവിധ കലാ പരിപാടികളും വിഭവ സമൃദ്ധമായ ഓണ സദ്യയും നടന്നു. അഹല്യ ആശുപത്രി യുമായി സഹകരിച്ചു കൊണ്ട് അംഗങ്ങൾക്ക് ഏർപ്പെടുത്തിയ പ്രവിലേജ് കാർഡിന്‍റെ വിതരണ ഉദ്ഘാടനവും നടന്നു.

സൗഹൃദവേദി എക്സിക്യൂട്ടീവ് അംഗങ്ങളായ എം. അബ്ബാസ്, പി. എസ്. മുത്തലീബ്, രഞ്ജിത്ത് പൊതുവാൾ, സി. കെ. രാജേഷ്, സന്ദീപ് വിശ്വനാഥൻ, ജ്യോതിഷ് പോത്തേര, യു. ദിനേശ് ബാബു, അജിൻ പോത്തേര, അബ്ദുൾ ഗഫൂർ, ബി. ജ്യോതി ലാൽ, രാജേഷ് പൊതുവാൾ, രമേഷ് മാധവൻ, സുരേഷ് പയ്യന്നൂർ എന്നിവർ പരിപാടികൾക്ക് നേതൃത്വം നൽകി. ചിത്രാ ശ്രീവത്സൻ അവതാരക ആയിരുന്നു.

- pma

വായിക്കുക: , , , , , , , , ,

അഭിപ്രായം എഴുതുക »

ഇസ്ലാമിക് സെന്‍ററില്‍ സെമിനാര്‍ : ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’

September 15th, 2022

islamic-center-parenting-class-ePathram
അബുദാബി : ഇന്ത്യൻ ഇസ്ലാമിക് സെന്‍റർ പബ്ലിക് റിലേഷൻ വിഭാഗം രക്ഷകർത്താക്കൾക്കായി ‘പാഠ്യ പദ്ധതിക്ക് പുറത്തുള്ള രക്ഷാ കര്‍തൃത്വം’ എന്ന പേരിൽ സെമിനാർ സംഘടിപ്പിക്കുന്നു. 2022 സെപ്റ്റംബർ 16 വെള്ളിയാഴ്ച വൈകുന്നേരം 7.30 നു ഇന്ത്യൻ ഇസ്ലാമിക് സെന്‍ററില്‍ നടക്കുന്ന പരിപാടിയിൽ പ്രമുഖ ശിശു രോഗ വിദഗ്ദ്ധ ഡോക്ടർ ഹസീന ജാസ്മിൻ (എല്‍. എല്‍. എച്ച്. ആശുപത്രി), എഴുത്തുകാരിയും പരിശീലക യുമായ അജിഷ മുഹമ്മദ് എന്നിവർ നേതൃത്വം നൽകും.

തിരക്കേറിയ പ്രവാസ ജീവിത സാഹചര്യങ്ങളിൽ രക്ഷിതാക്കളും കുട്ടികളും അനുഭവിക്കുന്ന ആരോഗ്യകരവും മാനസികവുമായ ബുദ്ധി മുട്ടുകളും അവക്കുള്ള പരിഹാരവും മുൻ നിർത്തിയാണ് സെമിനാർ സംഘടിപ്പിച്ചിട്ടുള്ളത്.

വിവരങ്ങൾക്ക് സെന്‍റര്‍ ഓഫീസുമായി ബന്ധപ്പെടുക : ഫോണ്‍ : 02 642 44 88

- pma

വായിക്കുക: , , , , , , ,

അഭിപ്രായം എഴുതുക »

ഷാരൂഖ് ഖാന്‍ ബുര്‍ജീല്‍ ഹോള്‍ഡിംഗ്സ് ബ്രാന്‍ഡ് അംബാസഡര്‍

September 10th, 2022

shahrukh-khan-burjeel-holdings-ambassador-ePathram

അബുദാബി : പ്രമുഖ ആരോഗ്യ സേവന ദാതാക്കളായ ബുര്‍ജീല്‍ ഹോള്‍ഡിംഗ്സ് ബ്രാന്‍ഡ് അംബാസഡര്‍ ആയി ബോളിവുഡ് സൂപ്പര്‍ സ്റ്റാർ ഷാരൂഖ് ഖാനെ പ്രഖ്യാപിച്ചു.

കിംഗ് ഖാന്‍റെ സാന്നിദ്ധ്യത്തിൽ അബുദാബിയില്‍ നടന്ന ചടങ്ങില്‍ വെച്ചായിരുന്നു പ്രഖ്യാപനം. ബുര്‍ജീല്‍ ഹോൾഡിംഗ്‌സിന്‌ വേണ്ടി പരസ്യ പ്രചാരണവുമായി ഷാരൂഖ് എത്തും. ആരോഗ്യ രംഗത്ത് കിംഗ് ഖാൻ ബ്രാൻഡ് അംബാസിഡർ സ്ഥാനം ഏറ്റെടുക്കുന്നത് ആദ്യമായിട്ടാണ്.

അന്താരാഷ്ട്ര തലത്തില്‍ ഷാരൂഖിനുള്ള വലിയ സ്വീകാര്യതയും വിശ്വാസ്യതയും ഗ്രൂപ്പിന്‍റെ വരും കാല പ്രവര്‍ത്തനങ്ങള്‍ക്ക് മുതല്‍ ക്കൂട്ടാകും. ഡോ. ഷംഷീർ വയലില്‍ എന്ന പ്രവാസി സംരംഭകന്‍റെ ഉടമസ്ഥതയില്‍ ഉള്ള ഗ്രൂപ്പിന് നിലവില്‍ മിഡില്‍ ഈസ്റ്റ് – നോര്‍ത്ത് ആഫ്രിക്ക (MENA) മേഖലയില്‍ 39 ആശുപത്രികളും മെഡിക്കൽ സെന്‍ററുകളും പ്രവര്‍ത്തിക്കുന്നു.

ഗള്‍ഫ് രാജ്യങ്ങളില്‍ ഉടനീളം ആശുപത്രി ശൃംഖല വ്യാപിപ്പിച്ചു കൊണ്ടിരിക്കുന്ന ബുര്‍ജീല്‍, മെഡിക്കല്‍ ഗവേഷണ രംഗത്തും പ്രവർത്തനം വിപുലമാക്കുക യാണ്. സൗദി അറേബ്യയിലേക്കും പ്രവര്‍ത്തനം ഉടന്‍ വ്യാപിപ്പിക്കുവാന്‍ ഉള്ള ബുർജീൽ ഹോൾഡിംഗ്‌സ് തീരുമാനത്തിന് പിന്നാലെയാണ് പുതിയ ബ്രാൻഡ് അംബാസിഡർ നിയമനം. 2030 ഓടെ ഒരു ബില്യണ്‍ യു. എസ്. ഡോളര്‍ നിക്ഷേപം സൗദി യിൽ നടത്താനുള്ള സാദ്ധ്യതകള്‍ ഗ്രൂപ്പ് പരിഗണിക്കുന്നു എന്നും വാര്‍ത്താ ക്കുറിപ്പില്‍ ബുർജീൽ അധികൃതര്‍ വ്യക്തമാക്കി.

ലോകമെങ്ങും ആരാധകര്‍ ഉള്ള വ്യക്തിത്വത്തിന് ഉടമയാണ് ഷാരൂഖ്. ജന ജീവിതം കൂടുതല്‍ മനോഹരം ആക്കുക എന്ന പൊതു ലക്ഷ്യ ത്തിലാണ് അദ്ദേഹവും ബുര്‍ജീല്‍ ഹോള്‍ഡിംഗ്സും പ്രവര്‍ത്തിക്കുന്നത്. ഷാരൂഖിന്‍റെ ജീവിത ദര്‍ശനങ്ങളും വ്യക്തിത്വവും ബുര്‍ജീല്‍ ഹോള്‍ഡിംഗ്സ് ബ്രാന്‍ഡിലും പ്രതിഫലിക്കും. ലോകോത്തര നിലവാരത്തില്‍ ഉള്ള ആരോഗ്യ പരിരക്ഷ യിലൂടെ സമൂഹത്തെ സേവിക്കാന്‍ ഈ പങ്കാളിത്തം ഞങ്ങളെ പ്രചോദിപ്പിക്കുന്നു. എന്നും ബുര്‍ജീല്‍ സ്ഥാപകനും സി. ഇ. ഒ. യുമായ ഡോ. ഷംഷീര്‍ വയലില്‍ പറഞ്ഞു.

ആരോഗ്യ സേവനം നമുക്ക് എല്ലാവര്‍ക്കും ആവശ്യം ഉള്ളതും അനുഭവിക്കാന്‍ ആവുന്നതുമായ മേഖലയാണ് എന്നും ബുര്‍ജീല്‍ മെഡിക്കല്‍ സിറ്റിയിലെ സന്ദര്‍ശന വും ഡോ. ഷംഷീർ വയലിന്‍റെ വാക്കുകളും ഉള്‍ക്കാഴ്ച ഉളവാക്കുന്നതും പ്രചോദനപരവും ആണെന്നും ഷാരൂഖ് ഖാൻ പറഞ്ഞു.

സമര്‍പ്പണത്തോടെയും അഭിമാനത്തോടെയും ജോലി ചെയ്യുന്ന ആരോഗ്യ പ്രവര്‍ത്തകരെ കാണുവാന്‍ കഴിഞ്ഞത് മികച്ച അനുഭവമായി. ജനങ്ങളാല്‍ ജനങ്ങള്‍ക്കു വേണ്ടി എന്ന തത്വം ഏറ്റെടുത്താണ് അവരുടെ പ്രവർത്തനം. അങ്ങനെയുള്ള ഒരു സ്ഥാപനത്തിന്‍റെ ഭാഗമാവുക എന്നത് കൂടുതല്‍ ഊര്‍ജ്ജം പകരുന്നു. എന്നും കിംഗ് ഖാന്‍ കൂട്ടിച്ചേര്‍ത്തു

- pma

വായിക്കുക: , , , , , , ,

അഭിപ്രായം എഴുതുക »

1 of 431231020»|

« Previous « ‘ആരോഗ്യകരമായ വേനൽ ക്കാലം’ കൂൾ ഡൗൺ ബൂത്തിലെ സേവനങ്ങൾ 20,000 പേർ ഉപയോഗിച്ചു
Next Page » യു. എ. ഇ. യിലെ ഉച്ചവിശ്രമ നിയമം ഈ മാസം 15 വരെ തുടരും »



  • വടകര എൻ. ആർ. ഐ. ഫോറം ‘പ്രവാസോത്സവം -2022’ ഞായറാഴ്ച
  • സെന്‍റ് ജോർജ്ജ് ഓർത്തഡോൿസ്‌ കത്തീഡ്രല്‍ കൊയ്ത്തുത്സവം നവംബർ 27 ന്
  • യു. എ. ഇ. ഹെറിറ്റേജ് ഫെസ്റ്റ് നവംബര്‍ 27 ന് ഇസ്ലാമിക് സെന്‍ററില്‍
  • കെസ്സ് 2022 മാപ്പിളപ്പാട്ട് ഗ്രാൻഡ് ഫിനാലേ : റാഫി മഞ്ചേരി വിജയി
  • മാർത്തോമ്മാ ഇടവക കൊയ്ത്തുത്സവം ഞായറാഴ്ച മുസ്സഫയിൽ
  • ലുലു ഗ്രൂപ്പും ആമസോണും കൈ കോർത്തു – വ്യാപാര രംഗത്ത് ലുലു വിൻ്റെ പുതിയ മുന്നേറ്റം
  • എൻ. എം. അബൂബക്കറിനെ ആദരിച്ചു
  • ഐ. എസ്. സി. ഇന്ത്യാ ഫെസ്റ്റ് ഡിസംബര്‍ രണ്ടു മുതല്‍
  • മാധ്യമ പ്രവർത്തകരുടെ തിരിച്ചറിയൽ കാർഡ് പുറത്തിറക്കി
  • ബോധവത്കരണ സെമിനാർ സംഘടിപ്പിച്ചു
  • അർത്ഥ പൂർണ്ണമായ ജീവിതം : പി. എം. എ. ഗഫൂർ അബുദാബിയിൽ
  • എഴുത്തുകാരെ ആദരിക്കുന്ന സൗഹൃദ സായാഹ്നം ശ്രദ്ധേയമായി
  • കുഞ്ഞാലി മരക്കാർ സ്മാരകം : എം. എൽ. എ. ക്ക് നിവേദനം നൽകി
  • കേരളത്തിലെ വൈജ്ഞാനിക മുന്നേറ്റം മാതൃകാപരം: ശൈഖ് അലി അൽ ഹാഷിമി
  • വടകര എൻ. ആർ. ഐ. ഫോറം ഇരുപതിന്‍റെ നിറവിൽ
  • ബി. വി. സീതി തങ്ങൾ സ്മാരക ഫുട് ബോൾ : പാവറട്ടി പഞ്ചായത്ത് ജേതാക്കൾ
  • അബുദാബിയിലേക്ക് അജ്മാനിൽ നിന്നും പുതിയ ബസ്സ് സർവ്വീസ്
  • നെഹ്റു ; ഇന്ത്യയുടെ ജനാധിപത്യന്‍റെയും മതേതരത്വത്തിന്‍റെയും ശില്പി
  • ബ്ലഡ് ഡൊണേഷൻ ഡ്രൈവ് സംഘടിപ്പിച്ചു
  • കാനത്തിൽ ജമീല എം. എൽ. എ. ക്ക് സ്വീകരണം നൽകി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine