സ്വർഗ്ഗത്തിന്റെ സ്വർണ്ണ വാതിലുകൾ പ്രകാശനം ചെയ്തു

September 16th, 2026

swargathinte-swarna-vathilukal-book-release-ePathram
അബുദാബി : പ്രിയപ്പെട്ട മാതാവിനെ ക്കുറിച്ച് 28 എഴുത്തുകാർ ചേർന്ന് എഴുതി തയ്യാറാക്കിയ ‘സ്വർഗ്ഗത്തിന്റെ സ്വർണ്ണ വാതിലുകൾ’ എന്ന ഓർമ്മ ക്കുറിപ്പുകളുടെ സമാഹാരം, അബുദാബി ഇന്ത്യൻ ഇസ്‌ലാമിക് സെന്റർ വൈസ് പ്രസിഡണ്ട് വി. പി. കെ. അബ്ദുല്ലയും എഴുത്തുകാരൻ കെ. ഗോപി നാഥനും ചേർന്ന് പ്രകാശനം ചെയ്തു.

മുസ്തഫ വാഫി പുസ്തകം പരിചയപ്പെടുത്തി. ഫത്താഹ് മുള്ളൂർക്കര അദ്ധ്യക്ഷത വഹിച്ചു. കമറുദ്ദീൻ ആമയം ഉദ്ഘാടനം ചെയ്തു. പുസ്തകം യാഥാർത്ഥ്യമായ നാൾ വഴികളെ കുറിച്ച് എഡിറ്റർ ജുബൈർ വെള്ളാടത്ത് വിശദീകരിച്ചു.

മാതൃസ്നേഹം എന്ന വിഷയത്തെ അധികരിച്ച് നടന്ന ചർച്ചയിൽ എഴുത്തുകാരായ ഡോ. ഹസീന ബീഗം, ഹുസ്ന റാഫി, ഷെറീന ടീച്ചർ എന്നിവർ പങ്കെടുത്തു സംസാരിച്ചു.

സുഹൈൽ നിസാമി, ടി. ഹിദായത്തുള്ള, ടി. കെ. അബ്ദുസ്സലാം, സഫറുള്ള പാലപ്പെട്ടി, അഷ്റഫ് പൊന്നാനി, ഷാനവാസ് പുളിക്കൽ, റഷീദ് പട്ടാമ്പി, ജാഫർ കുറ്റിക്കോട്, മുത്തലിബ് അരയാലൻ തുടങ്ങിയവർ ആശംസകൾ നേർന്നു സംസാരിച്ചു.

- pma

വായിക്കുക: , , , , ,

അഭിപ്രായം എഴുതുക »

കോൺസുലാർ സേവനങ്ങൾക്ക് നിയന്ത്രണം

June 27th, 2026

indian-passport-cover-page-ePathram
അബുദാബി: യുഎഇയിലുള്ള ഇന്ത്യൻ പൗരന്മാർക്കായി കോൺസുലേറ്റ് നൽകിവരുന്ന പാസ്‌പോർട്ട്, വിസ, അറ്റസ്റ്റേഷൻ സേവനങ്ങൾക്ക് ജൂൺ 26 മുതൽ 30 വരെ താൽക്കാലിക നിയന്ത്രണം ഏർപ്പെടുത്തി. പുതിയ ഔട്ട്‌സോഴ്‌സിങ് സേവനദാതാക്കളായ ‘അൽ ഹിന്ദ് ടൂർസ് ആൻഡ് ട്രാവൽസ്’ ജൂലൈ 1 മുതൽ ചുമതലയേൽക്കുന്ന പശ്ചാത്തലത്തിലാണ് ഈ ക്രമീകരണം. എന്നാൽ ഈ ദിവസങ്ങളിൽ അടിയന്തര ആവശ്യങ്ങൾക്കുള്ള വിസ, പാസ്‌പോർട്ട് സേവനങ്ങൾ അബുദാബിയിലെ ഇന്ത്യൻ എംബസിയിലും ദുബായിലെ കോൺസുലേറ്റിലും നേരിട്ട് ലഭ്യമായിരിക്കുമെന്ന് അധികൃതർ അറിയിച്ചു.

- ജെ.എസ്.

വായിക്കുക: , , , , , ,

അഭിപ്രായം എഴുതുക »

പ്രൗഡ് ഓഫ് യു. എ. ഇ. സെലിബ്രേഷൻ ജൂൺ 13 ശനിയാഴ്ച

June 11th, 2026

proud-of-uae-islamic-center-celebration-2026-ePathram

അബുദാബി : ഇന്ത്യൻ ഇസ്ലാമിക് സെന്റർ (IIC) സംഘടി പ്പിക്കുന്ന ‘പ്രൗഡ് ഓഫ് യു. എ. ഇ. സെലിബ്രേഷൻ’ എന്ന പ്രത്യേക പരിപാടി 2026 ജൂൺ 13 ശനിയാഴ്ച വൈകു ന്നേരം 7 മണിക്ക് സെന്റർ ഹാളിൽ നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

sheikh-nahyan-bin-mubarak-attend-proud-of-uae-celebration-in-indian-islamic-center-ePathram

യു. എ. ഇ. സഹിഷ്ണുത സഹവർത്തിത്വ വകുപ്പ് മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ, യു. എ. ഇ. പ്രസിഡണ്ടിന്റെ മത കാര്യ ഉപദേഷ്ടാവ് ശൈഖ് അലി അൽ ഹാഷിമി, കമ്മ്യൂണിറ്റി ഡെവലപ്‌ മെന്റ് വകുപ്പ് ചെയർമാൻ ഷാമിസ് അലി ഖൽഫാൻ അൽ ദാഹിരി, യു. എ. ഇ. യിലെ ഇന്ത്യൻ അംബാസഡർ ഡോ. ദീപക് മിത്തൽ, എമിറേറ്റ്സ് സെന്റർ ഫോർ സ്ട്രാറ്റ ജിക് സ്റ്റഡീസ് ആൻഡ് റിസർച്ച് (ECSSR) വൈസ് ചെയർമാൻ പ്രൊഫ. ജമാൽ സനദ് അൽ സുവൈദി, ലുലു ഗ്രൂപ്പ് ചെയർമാൻ യൂസഫലി എം. എ. ലുലു ഫിനാൻഷ്യൽ ഹോൾഡിംഗ്‌ മാനേജിംഗ് ഡയറക്ടർ അദീബ് അഹമ്മദ്, പി. ബാവ ഹാജി കൂടാതെ നിരവധി സർക്കാർ പ്രതിനിധികളും സാമൂഹിക സാംസ്‌കാരിക നേതാക്കളും പങ്കെടുക്കും.

യുണൈറ്റഡ് അറബ് എമിറേറ്റ്സിന്റെ വികസന നേട്ടങ്ങളെ ആദരിക്കുകയും, രാജ്യത്തിന്റെ പുരോഗതിയെ ശക്തി പ്പെടുത്തുന്ന ഐക്യം, സഹിഷ്ണുത, സഹ വാസം, നവീകരണം എന്നീ അടിസ്ഥാന മൂല്യങ്ങളെ ആഘോഷിക്കുകയും ചെയ്യുകയാണ് “പ്രൗഡ് ഓഫ് യു. എ. ഇ. സെലിബ്രേഷൻ” പ്രോഗ്രാമിന്റെ ലക്‌ഷ്യം.

പ്രതിസന്ധി ഘട്ടങ്ങളിൽ സ്വന്തം രാജ്യത്തെ ജനങ്ങൾക്കൊപ്പം വിദേശികളെയും ചേർത്ത് പിടിച്ച, ഓരോ പൗരനും ഇമാറാത്തി തന്നെ എന്ന് ഊന്നി പ്പറഞ്ഞ മഹത്തായ ഈ രാജ്യത്തിന്റെ ഭരണ നേതൃത്വത്തിനുള്ള ഇന്ത്യൻ പ്രവാസ സമൂഹത്തിന്റെ സ്നേഹവും നന്ദിയും കടപ്പാടും അറിയിക്കുക കൂടിയാണ് ഇതിലൂടെ എന്നും ഭാരവാഹികൾ അറിയിച്ചു.

യു. എ. ഇ. യുടെ ഐക്യവും പുരോഗതിയും ആഘോഷിക്കുന്നതിനൊപ്പം ഇരു രാജ്യങ്ങളും തമ്മിലുള്ള ദീർഘ കാല സൗഹൃദം കൂടുതൽ ശക്തി പ്പെടുത്തുന്ന ഒരു മനോഹരമായ സാംസ്‌കാരിക വേദിയായി മാറും. ഇന്ത്യയും അറബ് ലോകവും തമ്മിലുള്ള സൗഹൃദത്തെ പ്രതിഫലിപ്പിക്കുന്ന സാംസ്കാരിക–സംഗീത നിശയും അരങ്ങേറും.

അബിദ് കണ്ണൂർ, ആദിൽ അത്തു തുടങ്ങിയ കലാകാരന്മാർ ഈ സായാഹ്നത്തിൽ ഗാന വിരുന്നൊരുക്കും.

സെന്റർ ഭാരവാഹികളായ അബ്ദുൽ റൗഫ് അഹ്സനി, വി. പി. കെ. അബ്ദുള്ള, യു. അബ്ദുള്ള ഫാറൂഖി, അഡ്വ. കെ. വി. മുഹമ്മദ് കുഞ്ഞി, അസീസ് കാളിയാടാൻ, അബ്ദുള്ള നദ്‌വി, അബ്ദുൽ ബാസിത് കായക്കണ്ടി, സലിം നാട്ടിക, ഹൈദർ ബിൻ മൊയ്ദു, അഷ്‌റഫ് നജാത്ത് എന്നിവർ വാർത്താ സമ്മേളനത്തിൽ സംബന്ധിച്ചു.

മുസഫ, ബനിയാസ് തുടങ്ങിയ സ്ഥലങ്ങളിൽ നിന്നും വാഹന സൗകര്യം ലഭ്യമാണ്. വിവരങ്ങൾക്ക് സെന്റർ ഓഫീസുമായി ബന്ധപ്പെടുക :  02-642 44 88.

- pma

വായിക്കുക: , , , , , , , , , , , , , ,

അഭിപ്രായം എഴുതുക »

അനോര ഗ്ലോബൽ പ്രവർത്തന ഉദ്ഘാടനവും വിദ്യാഭ്യാസ പുരസ്‌കാര സമർപ്പണവും

June 8th, 2026

logo-anora-tvm-ePathram
അബുദാബി : തിരുവനന്തപുരം ജില്ലാ പ്രവാസികളുടെ ആഗോള കൂട്ടായ്മയായ ‘അനോര ഗ്ലോബൽ’പുതിയ ഭരണ സമിതിയുടെ പ്രവർത്തന ഉദ്ഘാടനവും സ്‌കോളാസ്റ്റിക് അവാർഡ് വിതരണവും നടന്നു.  ചടങ്ങിൽ മുഖ്യാതിഥി റാക്കോ ജനറൽ ട്രാൻസ്‌പോർട്ട് മാനേജിംഗ് ഡയറക്ടർ അജീഷ് ജയപ്രകാശ് ഭദ്രദീപം കൊളുത്തി ഉത്ഘാടനം ചെയ്തു.

anora-global-scholastic-award-2026-and-new-committee-ePathram

അനോര ഗ്ലോബൽ പ്രസിഡണ്ട് ഫാക്‌സൺ ലോറൻസ് അദ്ധ്യക്ഷ വഹിച്ചു. കഴിഞ്ഞ രണ്ടു പതിറ്റാണ്ടിലെ അനോര യുടെ പ്രവർത്തനങ്ങളെ കുറിച്ചും പുതിയ കമ്മിറ്റി യുടെ ഭാവി പരിപാടികളെ കുറിച്ചും വിശദീകരിച്ചു.

2025/26 അദ്ധ്യയന വർഷം 10, 12 ക്‌ളാസ്സുകളിൽ വിജയിച്ച അംഗങ്ങളുടെ മക്കൾക്ക് സ്‌കോളാസ്റ്റിക് അവാർഡുകൾ വിതരണം ചെയ്തു.

ജനറൽ സെക്രട്ടറി സന്തോഷ് കുമാർ സ്വാഗതം ആശംസിച്ചു. ഇന്ത്യ സോഷ്യൽ സെന്റർ പ്രസിഡണ്ട് ബിജി തോമസ്, ജനറൽ സെക്രട്ടറി ലിംസൺ ജേക്കബ് മറ്റ് കമ്മിറ്റി അംഗങ്ങൾ അനോര വൈസ് പ്രസിഡണ്ട് നസീർ, മുൻ പ്രസിഡണ്ടു മാരായ ബി. യേശുശീലൻ, എ, എം, ബഷീർ, മുൻ ജനറൽ സെക്രട്ടറിമാരായ താജുദ്ദീൻ, രാജേഷ് നായർ, ജയചന്ദ്രൻ നായർ തുടങ്ങിയവർ ആശംസകൾ നേർന്നു.

ട്രഷറർ ഷൈജു എം. പി. നന്ദി പറഞ്ഞു. ആൻസർ വെഞ്ഞാറമൂട് നേതൃത്വം നൽകിയ സംഗീത-നൃത്ത കലാ പരിപാടികളും  അരങ്ങേറി. അംഗങ്ങളും കുടുംബാംഗങ്ങളും അഭ്യുദയ കാംക്ഷികളും സാംസ്കാരിക രംഗത്തെ പ്രമുഖരും അടക്കം ഇരുന്നോറോളം പേർ സംബന്ധിച്ചു

- pma

വായിക്കുക: , , , , , , , ,

അഭിപ്രായം എഴുതുക »

ലുലു മാംഗോ മാനിയ വൈറലായി

May 26th, 2026

lulu-mango-mania-23-rd-edition-viral-ePathram

അബുദാബി : മാമ്പഴ പ്രേമികളെ ആകർഷിച്ചു കൊണ്ട് ലുലു മാംഗോ മുന്നേറുന്നു. ഗൾഫ് രാജ്യങ്ങളിലെ ലുലു സ്റ്റോറുകളില്‍ ഇക്കഴിഞ്ഞ ശനിയാഴ്ചയാണ് മാംഗോ മാനിയ എന്ന പേരിൽ മാംഗോ ഫെസ്റ്റിന് തുടക്കം കുറിച്ചത്. ഇന്ത്യയിൽ നിന്നുള്ള 85 ൽ അധികം മാമ്പഴ വൈവിധ്യങ്ങളും വിഭവങ്ങളുമാണ് ലുലു സ്റ്റോറു കളിൽ ഒരുക്കിയിട്ടുള്ളത്.

കേരളം അടക്കം ഇന്ത്യയിലെ വിവിധ മേഖലകളില്‍ നിന്നുള്ള മാമ്പഴങ്ങളാണ് പ്രദര്‍ശനത്തിലുള്ളത്. ഗുജറാത്തിലെ ജുന ഗഢില്‍ നിന്നുള്ള ‘മാമ്പഴങ്ങളുടെ രാജ്ഞി’ എന്നറിയപ്പെടുന്ന ജി. ഐ. ടാഗുള്ള കേസര്‍ ഈ പ്രദര്‍ശനത്തിലെ പ്രധാന ആകര്‍ഷണം.

കൂടാതെ അല്‍ഫോണ്‍സോ, ബദാമി, നീലം, മല്‍ഗോവ, തുടങ്ങി വൈവിധ്യങ്ങളായ ഇന്ത്യൻ മാമ്പഴങ്ങളും മറ്റു രാജ്യങ്ങളിലെ മാമ്പഴ രുചി വൈവിധ്യങ്ങളും അറിയാനും ഈ മേള സഹായകമാവും.

അബുദാബി ഖാലിദിയ മാളിൽ നടന്ന ഉദ്ഘാടന ചടങ്ങിൽ യു. എ. ഇ. യിലെ ഇന്ത്യന്‍ അംബാസഡര്‍ ഡോ ദീപക് മിത്തല്‍, ലുലു ഗ്രൂപ്പ് ചെയര്‍മാന്‍ എം. എ യൂസഫലി, അപ്പേഡ സെക്രട്ടറി ഡോ സുധാന്‍ഷു എന്നിവരും ലുലു ഗ്രൂപ്പ് ഉന്നത ഉദ്യോഗസ്ഥരും സംബന്ധിച്ചു.

ഇന്ത്യയും യു. എ. ഇ. യും തമ്മിലുള്ള മികച്ച വാണിജ്യ ബന്ധത്തിന്റെ പ്രതിഫലനമാണ് ലുലു മാംഗോ മാനിയ എന്നും ഇന്ത്യന്‍ കാര്‍ഷിക ഉത്പന്ന ങ്ങള്‍ക്ക് ലുലു നല്‍കിവരുന്ന പിന്തുണ മാതൃകാ പരമാണു എന്നും ഇന്ത്യന്‍ അംബാസഡര്‍ ഡോ. ദീപക് മിത്തല്‍ വ്യക്തമാക്കി.

കാര്‍ഷിക മേഖലക്കും കയറ്റുമതി രംഗത്തിനും മികച്ച ഉണർവ്വ് നൽകുന്നതാണ് ഇത്തരം ഫെസ്റ്റിവലുകൾ എന്നും മാംഗോ മാനിയ ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.

ഇന്ത്യന്‍ കര്‍ഷകര്‍ക്കും ഉല്പന്നങ്ങൾക്കും ഏറ്റവും മികച്ച പിന്തുണയാണ് ലുലു നൽകി വരുന്നത് എന്ന് ലുലു ഗ്രൂപ്പ്  ചെയര്‍മാന്‍ എം. എ. യൂസഫലി പറഞ്ഞു. മാംഗോ ഫെസ്റ്റിവല്‍ 23 ആം വര്‍ഷമാണ് സംഘടിപ്പിക്കുന്നത്.

ഇത്തവണ 3,200 ടണ്‍ മാമ്പഴങ്ങളാണ് ജി. സി. സി. യില്‍ ലുലു ലഭ്യമാക്കുന്നത് എന്നും അദ്ദേഹം വ്യക്തമാക്കി.

ഇന്ത്യന്‍ ഉത്പന്നങ്ങള്‍ക്ക് ആഗോള വിപണിയാണ് ലുലു മാംഗോ ഫെസ്റ്റിലൂടെ ലഭിക്കുന്നതെന്നും അപ്പേഡ സെക്രട്ടറി ഡോ. സുധാന്‍ഷു പറഞ്ഞു.

* Image Credit : F B Page  Mango Mania

- pma

വായിക്കുക: , , , , , , ,

അഭിപ്രായം എഴുതുക »

2 of 701231020»|

« Previous Page — « Previous « ഈദ് രാവ് : സംഗീത നിശയുമായി കണ്ണൂർ ഷെരീഫ്
Next » — Next Page » ബൂ-സുനൈദ : പെരുന്നാൾ നിസ്കരിച്ച് വൈറലായ റോബോട്ട് »



  • നസീർ രാമന്തളിയുടെ പുസ്തകം പ്രകാശനം ചെയ്തു
  • വാദിയൻസ് വിദ്യാലയ ഓർമ്മകൾ ‘കിതാബിലെ കിസ്സകൾ’ പ്രകാശനം ചെയ്തു
  • ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?
  • സുല്‍ത്വാനിയ ‘ഹൃദയ വെളിച്ചം’ ആറാം ഭാഗം പ്രകാശിതമായി
  • ഈദ് അൽ ഇത്തിഹാദ് : പൊതുഅവധി പ്രഖ്യാപിച്ചു
  • സെന്റ് ജോർജ് ഓർത്തഡോക്സ് കത്തീഡ്രൽ കൊയ്ത്തുത്സവം ഞായറാഴ്ച
  • സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ
  • വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്
  • ഇസ്‌ലാമിക് സെന്ററിൽ ‘ഫാമിലി ഗെറ്റ് ടുഗെതർ-2026’
  • കടയ്ക്കൽ പ്രവാസി ഫോറം : പുതിയ ഭാരവാഹികൾ
  • പെരുമ പയ്യോളി : പുതിയ കമ്മിറ്റി നിലവിൽ വന്നു
  • കെ. എം. സി. സി. നിയമ സെമിനാർ : നവംബർ 15 ന്
  • ഗ്ലോബൽ വില്ലേജിൽ ‘ദീപാവലി മേള’ അരങ്ങേറും
  • അല്‍ മദീന ‘വിന്‍റര്‍ ഡ്രൈവ്’ സീസണ്‍-15 : ലോഗോ പ്രകാശനം ചെയ്തു
  • ഗ്ലോബൽ വില്ലേജ് : ‘എ മോർ വണ്ടർഫുൾ വേൾഡ്’ എന്ന പ്രമേയത്തിൽ 31-ാമത് പതിപ്പ്
  • മിറാക്കിൾ ഗാർഡൻ : 15-ാമത് പതിപ്പ് തുടക്കമായി
  • അല്‍ ഐന്‍ വിമാന ത്താവളം ഇനി മുതല്‍ തഹ്‍നൂൻ ഇന്റർ നാഷണൽ എയർ പോർട്ട്
  • അക്ഷര ജാലകം അവാർഡ് സമ്മാനിച്ചു
  • ആയുർവ്വേദ ദിനാചരണം സംഘടിപ്പിച്ചു
  • ബുക്കിഷ് : സൃഷ്ടികൾ ക്ഷണിക്കുന്നു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine