അബുദാബി : വാണിമേൽ പഞ്ചായത്ത് കെ. എം. സി. സി. അബുദാബി ഇന്ത്യൻ ഇസ്ലാമിക് സെന്‍ററിൽ സംഘടിപ്പിച്ച വാണിമേൽ സംഗമത്തില്‍ മുസ്ലിം ലീഗ് അഖിലേന്ത്യ സെക്രട്ടറി സി. കെ. സുബൈർ മുഖ്യാതിഥിയായി.
റാഷിദ് പൂമാടം (സിറാജ് ദിനപത്രം) പുരസ്കാരം സ്വീകരിക്കുന്നു
അബുദാബി വാണിമേൽ പഞ്ചായത്ത് കെ. എം. സി. സി. ഏർപ്പെടുത്തിയ പ്രഥമ മാധ്യമ പ്രതിഭ പുരസ്കാരം മാധ്യ പ്രവർത്തകരായ റാഷിദ് പൂമാടം (സിറാജ് ദിന പത്രം), സമീര്‍ കല്ലറ (അബുദാബി 24/7 ന്യൂസ്) എന്നിവര്‍ക്കു സമ്മാനിച്ചു.
സമീര്‍ കല്ലറ (അബുദാബി 24 /7) പുരസ്കാരം സ്വീകരിക്കുന്നു
ഷാർജ ഖാസിമിയ സർവ്വ കലാ ശാലയിൽ നിന്നും ബിരുദം നേടിയ റഹീബ മുജീബ് റഹ്മാൻ, എസ്. എസ്. എൽ. സി. പരീക്ഷയിൽ മുഴുവൻ വിഷയത്തിലും എ പ്ലസ് നേടിയ ഷജ ഷെറിൻ, പ്ലസ് ടു പരീക്ഷയിൽ ഉന്നത വിജയം നേടിയ ഷിഫ ഷെറിൻ, എസ് എസ് എൽ സി പരീക്ഷയിൽ ഉന്നത വിജയം നേടിയ ഫിദ ഫാത്തിമ എന്നിവർക്ക് സി. കെ. സുബൈർ ഉപഹാരം നൽകി.
പ്രസിഡണ്ട് എ. കെ. മുജീബ് അദ്ധ്യക്ഷത വഹിച്ചു. കെ. എം. സി. സി. പ്രസിഡണ്ട് ഷുക്കൂർ അലി കല്ലിങ്ങൽ ഉൽഘാടനം ചെയ്തു. അബ്ദുൽ ബാസിത്, അബ്ദുല്ല കാക്കുനി, കെ. പി. മുഹമ്മദ് എന്നിവർ സംസാരിച്ചു.
ഷൗക്കത്ത് വാണിമേൽ, സി. പി. അഷ്റഫ്, അസ്ഹർ വാണിമേൽ, റഷീദ് വാണിമേൽ, സലിം വാണിമേൽ, ശിഹാബ് തങ്ങൾ എന്നിവർ ചടങ്ങിൽ പങ്കെടുത്തു. ജനറൽ സെക്രട്ടറി പി. വി. റാഷിദ് സ്വാഗതവും സമീർ തയ്യുള്ളതിൽ നന്ദിയും പറഞ്ഞു.
ഗായകൻ കണ്ണൂർ ശരീഫ്, ഗായിക ഫാസില ബാനു, റാശിദ് ഖാൻ, ഹിഷാന അബൂബക്കർ എന്നിവരുടെ നേതൃത്വത്തിൽ സംഗീത വിരുന്നൊരുക്കി.
