ദുബായ് : ആശയങ്ങളുമായി സംവദിക്കാനുള്ള അവസരം കേരളത്തില്‍ നഷ്ടപ്പെട്ടു കൊണ്ടിരിക്കു കയാണെന്ന് ദുബായ് തൃശൂര്‍ ജില്ലാ കെ. എം. സി. സി. സര്‍ഗ ധാര സംഘടിപ്പിച്ച സൌഹൃദ സംഗമത്തില്‍ പങ്കെടുത്തവര്‍ അഭിപ്രായപ്പെട്ടു. ബഷീര്‍, എം. ടി. മുതലായ സാംസ്കാരിക നായകന്മാര്‍ കേരളത്തില്‍ നിലനിര്‍ത്തിയ സാംസ്കാരിക മതേതര പാരമ്പര്യം നില നിര്‍ത്താന്‍ നമുക്ക്‌ കഴിയണം. അടയാളങ്ങള്‍ അവശേഷിപ്പിക്കാന്‍ കഴിയാതെ പോകുന്ന ജന്മം വ്യര്‍ത്ഥമാണെന്നും ഇത്തരം സാംസ്കാരിക കൂട്ടായ്മകള്‍ അടയാള പ്പെടുത്തലുക ളാണെന്നും അവര്‍ പറഞ്ഞു.
ചെയര്‍മാന്‍ കെ. എ. ജബ്ബാരി അദ്ധ്യക്ഷത വഹിച്ചു. സി.വി.എം. വാണിമേല്‍ ഉദ്ഘാടനം ചെയ്തു. സാമൂഹ്യ പ്രവര്‍ത്തകനായ ബഷീര്‍ തിക്കോടി, മാധ്യമ പ്രവര്ത്തകന് മസ്ഹര്‍, അഡ്വ. ജയരാജ്‌, റീന സലിം, ജില്ലാ പ്രസിഡണ്ട് ജമാല്‍ മനയത്ത്‌, ആഷ്റഫ്‌ പിള്ളക്കാട്, ആഷ്റഫ്‌ കൊടുങ്ങല്ലൂര്‍, എന്‍. കെ. ജലീല്‍, ഉമ്മര്‍ മണലാടി തുടങ്ങിയവര്‍ സംസാരിച്ചു. ബഷീര്‍ മാമ്പ്ര, അബ്ദുള്ളക്കുട്ടി ചേറ്റുവ എന്നിവര്‍ കവിതകള്‍ ആലപിച്ചു. ജന. സെക്രട്ടറി മുഹമ്മദ് വെട്ടുകാട്‌ സ്വാഗതവും, ജന. കണ്‍വീനര്‍ അഷ്‌റഫ്‌ കിള്ളിമംഗലം നന്ദിയും പറഞ്ഞു.
