 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യു. എ. ഇ. ദേശീയ ദിന ആഘോഷത്തോട് അനുബന്ധിച്ചു 2023 ഡിസംബര്‍ 2, 3, 4 തിയ്യതികളിൽ (ശനി,ഞായർ, തിങ്കൾ) രാജ്യത്ത് മൂന്നു ദിവസത്തെ പൊതു അവധി ആയിരിക്കും. നേരത്തെ രണ്ടു ദിവസത്തെ അവധിയാണ് പ്രഖ്യാപിച്ചിരുന്നത് എങ്കിലും പിന്നീട് മാനവ വിഭവ ശേഷി മന്ത്രാലയം തിങ്കളാഴ്ച കൂടി അവധി നല്‍കുകയായിരുന്നു.
സ്വകാര്യ മേഖലയിലെ തൊഴിലാളികൾക്ക് ഡിസംബർ 2, 3 തീയ്യതികളിൽ ശമ്പളത്തോടു കൂടിയ പൊതു അവധി നൽകും. MOHRE_UAE
- pma
ദുബായ് : മെട്രോ ബ്ലൂലൈൻ പദ്ധതിക്ക് യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്‌തൂം അംഗീകാരം നൽകി. 1800 കോടി ദിർഹം ചെലവിൽ 30 കിലോ മീറ്റർ നീളത്തിലാണ് പുതിയ ബ്ലൂ ലൈൻ റെയിൽപ്പാത ഒരുക്കുന്നത്.
നിലവിലെ റെഡ്, ഗ്രീൻ ലൈനുകളുമായി ബന്ധിപ്പിച്ച് നിർമ്മിക്കുന്ന ഇതിന്‍റെ 15.5 കിലോമീറ്റർ പാത ഭൂമിക്ക് അടിയിലും 14.5 കിലോ മീറ്റർ ഉപരി തലത്തിലും ആയിരിക്കും.
ബ്ലൂ ലൈനിലെ മൊത്തം14 സ്റ്റേഷനുകളിൽ അഞ്ചു സ്റ്റേഷനുകൾ ഭൂഗർഭ പാതകളിലൂടെ ബന്ധിപ്പിക്കും. കൂടാതെ ഒരു ഇന്‍റർ ചേഞ്ച് സ്റ്റേഷനും സെന്‍റർ പോയൻര് സ്റ്റേഷനുമായി ബന്ധിപ്പിക്കുന്ന രണ്ട് എലിവേറ്റഡ് ട്രാൻസ്ഫർ സ്റ്റേഷനുകളും ഉണ്ടാവും.
പുതിയ പാതയിലൂടെ മിർദിഫ്, ഇന്‍റർ നാഷണൽ സിറ്റി, ദുബായ് ക്രീക്ക്, അൽ വർഖ, ദുബായ് ഫെസ്റ്റിവൽ സിറ്റി, അക്കാദമിക് സിറ്റി, സിലിക്കൺ ഒയാസിസ് എന്നിവിടങ്ങളിലായി പ്രതിദിനം 3,20,000 യാത്രക്കാർക്ക് മെച്ചപ്പെട്ട യാത്രാ സേവനങ്ങൾ ലഭ്യമാക്കും. 2009 ൽ 10 സ്റ്റേഷനുകളോടെ ആരംഭിച്ച ദുബായ് മെട്രോ 200 കോടി യാത്രക്കാർ ഉപയോഗിച്ചു. HHShkMohd & RTA
- pma
വായിക്കുക: dubai-metro, ഗതാഗതം, ദുബായ്, യു.എ.ഇ.
അബുദാബി : ഗസ്സയിൽ ഇസ്രായേൽ ആക്രമണത്തിൽ പരിക്കേറ്റ് ചികിത്സക്കായി യു. എ. ഇ. യില്‍ എത്തിച്ച് അബുദാബി ബുർജീൽ മെഡിക്കൽ സിറ്റിയിൽ ചികിത്സയിൽ കഴിയുന്ന ഫലസ്തീൻ കുട്ടികളേയും അവരുടെ കുടുംബാംഗങ്ങളേയും ശൈഖ് ദിയാബ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ സന്ദര്‍ശിച്ചു.
ആയിരം ഫലസ്തീൻ കുട്ടികളെ ചികിത്സിക്കുവാന്‍ യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്‍റെ നിർദ്ദേശ പ്രകാരം എത്തിച്ചവരെയാണ് അദ്ദേഹം സന്ദർശിച്ചത്.
ബുർജീൽ മെഡിക്കൽ സിറ്റിയിൽ ചെയർമാൻ ഡോ. ഷംഷീർ വയലിലും ഡിപ്പാർട്ട്മെന്‍റ് ഓഫ് ഹെൽത്ത് ഉന്നത ഉദ്യോഗസ്ഥരും ശൈഖ് ദിയാബ് ബിന്‍ മുഹമ്മദ് ബിന്‍ സായിദ് അല്‍ നഹ്യാനെ സ്വീകരിച്ചു.
പരിക്കേറ്റ കുട്ടികളുടെ ആരോഗ്യ നില ചോദിച്ചറിഞ്ഞ അദ്ദേഹം മെഡിക്കൽ സംഘവുമായി ആശയ വിനിമയം നടത്തി. വേഗത്തിൽ സുഖം പ്രാപിക്കാനുള്ള ആശംസകൾ ചികിത്സയിലുള്ളവരെ അറിയിച്ചാണ് അദ്ദേഹം മടങ്ങിയത്.
- pma
വായിക്കുക: social-media, vps-burjeel, അബുദാബി, ജീവകാരുണ്യം, യു.എ.ഇ., സാമൂഹ്യ സേവനം, സ്ത്രീ
അബുദാബി : ചെറിയ വാഹന അപകടങ്ങള്‍ ഉണ്ടായാല്‍ നടു റോഡിൽ വാഹനം നിര്‍ത്തി ഇടുന്നവര്‍ക്ക് 1000 ദിർഹവും ഡ്രൈവിംഗ് ലൈസന്‍സില്‍ ആറു ബ്ലാക്ക് പോയന്‍റു കളും പിഴ ചുമത്തും എന്ന് അബുദാബി പോലീസ് വീണ്ടും മുന്നറിയിപ്പു നല്കി.
ഓടിക്കൊണ്ടിരിക്കുമ്പോള്‍ വാഹനങ്ങൾക്ക് സാങ്കേതിക തകരാറുകൾ സംഭവിക്കുക, ടയറുകൾ പൊട്ടുക തുടങ്ങിയ അനിഷ്ട സംഭവങ്ങള്‍ ഉണ്ടായാൽ തന്നെ ഗതാഗത തടസ്സം ഉണ്ടാകാതെ വാഹനം റോഡിൽ നിന്നും സുരക്ഷിത സ്ഥാനത്തേക്ക് മാറ്റി ഇടണം.
ചെറിയ വാഹന അപകടങ്ങളിലെ കുറ്റക്കാരെ കണ്ടെത്താൻ എളുപ്പമാണ്. അതു കൊണ്ടു തന്നെ പോലീസ് എത്തുന്നതു വരെ അപകട സ്ഥലത്ത് വാഹനം അതേപടി നിര്‍ത്തി ഇടേണ്ടതില്ല. അബുദാബി പോലീസ് കമാൻഡ് ആൻഡ് കൺട്രോൾ സെന്‍ററിൽ വിളിച്ച് സഹായം ആവശ്യപ്പെടാം.
- pma
വായിക്കുക: abu-dhabi-police, social-media, traffic-fine, നിയമം, പ്രവാസി, യു.എ.ഇ., സാമ്പത്തികം
അബുദാബി : അബുദാബി ഇന്‍റര്‍ നാഷണല്‍ എയര്‍ പോര്‍ട്ടിന്‍റെ പേര്, സായിദ് ഇന്‍റര്‍ നാഷണല്‍ എയര്‍ പോര്‍ട്ട് എന്നു പുനര്‍ നാമകരണം ചെയ്യുന്നു. യു. എ. ഇ. പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ ഉത്തരവ് പ്രകാരം, 2024 ഫെബ്രുവരി 9 മുതൽ പുതിയ പേരില്‍ ആയിരിക്കും അബുദാബി എയർ പോർട്ട് അറിയപ്പെടുക എന്ന് അബുദാബി മീഡിയ ഓഫീസ് അറിയിച്ചു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
