ബ്രസ്സല്‍സ് : ഖത്തര്‍ ലോക കപ്പിലെ മല്‍സരത്തില്‍ ബെല്‍ജിയം പരാജയപ്പെട്ടതിനെ തുടര്‍ന്ന് ജനം തെരുവിൽ ഇറങ്ങി. ബെല്‍ജിയന്‍, ഡച്ച് നഗരങ്ങളില്‍ കലാപം അഴിച്ചു വിട്ടു.
ബെല്‍ജിയം തലസ്ഥാനമായ ബ്രസ്സല്‍സില്‍ ഫുട് ബോള്‍ ആരാധകര്‍ അക്രമാസക്തരായി. ഡച്ച് തുറമുഖ നഗരമായ റോട്ടര്‍ ഡാമില്‍ അക്രമാസക്തരായ ആരാധകര്‍ പടക്കങ്ങളും ഗ്ലാസ്സുകളും ഉപയോഗിച്ച് പോലീസിന്ന് എതിരെ നടത്തിയ ആക്രമണത്തില്‍ രണ്ട് പോലീസുകാര്‍ക്ക് പരിക്കേറ്റു.
അക്രമം വ്യാപിച്ചതോടെ ജനക്കൂട്ടത്തെ പിരിച്ചു വിടാന്‍ ജല പീരങ്കിയും കണ്ണീര്‍ വാതകവും പ്രയോഗിച്ചു. നിരവധി പേരെ പോലീസ് അറസ്റ്റ് ചെയ്തു.
ഖത്തറില്‍ നടക്കുന്ന 2022 ഫിഫ ലോക കപ്പ് ഫുട് ബോളിലാണ് മൊറോക്കോ യുമായുള്ള കളിയില്‍ ബെല്‍ജിയം പരാജയപ്പെട്ടത്. ലോക റാങ്കിംങ്ങിലെ രണ്ടാം സ്ഥാനക്കാരും കഴിഞ്ഞ ലോക കപ്പിലെ മൂന്നാം സ്ഥാനക്കാരുമായ ബെൽജിയത്തെ 2-0 ത്തിനാണ് മൊറോക്കോ തറപറ്റിച്ചത്.
