അബുദാബി : കേരളാ സോഷ്യല്‍ സെന്ററിലും അല്‍ ഐന്‍ ഐ. എസ്. സി. യിലും അവതരിപ്പിച്ച് പ്രേക്ഷകരുടെ പ്രശംസ നേടിയ ‘നക്ഷത്ര സ്വപ്നം’ എന്ന സംഗീത നാടകം മെയ്‌ 25 വെള്ളിയാഴ്ച രാത്രി എട്ടു മണിക്ക് അബുദാബി ഇന്ത്യ സോഷ്യല്‍ സെന്ററില് അരങ്ങേറുന്നു.
ഫ്രാന്‍സിസ് ടി. മാവേലിക്കര എഴുതി, വക്കം ഷക്കീര്‍ സംവിധാനം ചെയ്ത ഈ നാടകം കേരള ത്തില്‍ 240 വേദികളില്‍ കളിച്ചിരുന്നു.
പ്രവാസി, ശ്രീഭൂവിലസ്ഥിര എന്നീ നാടക ങ്ങളുടെ വിജയ ങ്ങള്‍ക്ക് ശേഷം വക്കം ജയലാല്‍ അബുദാബി യിലെ കലാകാരന്മാരെ അണിനിരത്തി അവതരിപ്പിക്കുന്ന ‘നക്ഷത്ര സ്വപ്ന’ ത്തില്‍ ട്രീസ ഗോമസ്, ബിന്നി ടോമി, ഷാബു, സാലിഹ് കല്ലട, വിനോദ് കരിക്കാട്‌, നൌഷാദ് കുറ്റിപ്പുറം, വക്കം ജയലാല്‍, ഹരി അഭിനയ, മജീദ്‌ കോട്ടക്കല്‍ എന്നിവര്‍ അഭിനയിക്കുന്നു.
അണിയറയില്‍ ആര്‍ട്ടിസ്റ്റ് സുജാതന്‍ (രംഗപടം), രാജീവ് ആലുങ്കല്‍ (ഗാനങ്ങള്‍), ആലപ്പി വിവേകാനന്ദ് (സംഗീതം), ജിതിന്‍നാഥ് (സംഗീത നിയന്ത്രണം), രമേഷ് രവി, ഷാഹിദ് കോക്കാട് (ദീപ വിതാനം), അന്‍വര്‍ ബാബു, ഐശ്വര്യ ജയലാല്‍ (രംഗ സജ്ജീകരണം) എന്നിവര്‍ പ്രവര്‍ത്തിക്കുന്നു.
- pma
അനുബന്ധ വാര്‍ത്തകള്‍
വായിക്കുക: അബുദാബി, ഇന്ത്യ സോഷ്യല്‍ സെന്റര്‍, നാടകം
