അബുദാബി : ഇ. എം. എസ്സി ന്റെയും എ. കെ. ജി. യുടെയും ചരമ ദിനത്തോടനു ബന്ധിച്ച് അബുദാബി ശക്തി തിയറ്റേഴ്‌സിന്റെ ആഭിമുഖ്യത്തില്‍ ഇ. എം. എസ്., എ. കെ. ജി. സ്മൃതി എന്ന പേരില്‍ മൂന്നു ദിവസം നീണ്ടു നില്‍ക്കുന്ന അനുസ്മരണ പരിപാടികള്‍ മാര്‍ച്ച് 8 വ്യാഴാഴ്ച ആരംഭിക്കും.
പരിപാടികള്‍ ഇ. എം. രാധ ഉദ്ഘാടനം ചെയ്യും. സമ്മേളന ത്തില്‍ കോഴി ക്കോട് സര്‍വ കലാശാല ഫാക്കല്‍റ്റി അംഗം ഡോ. വി.പി.പി. മുസ്തഫ മുഖ്യാ തിഥി ആയിരിക്കും.
മാര്‍ച്ച് 29 വ്യാഴാഴ്ച രാത്രി 8 മണിക്ക് പത്മശ്രീ മട്ടന്നൂര്‍ ശങ്കരന്‍ കുട്ടിമാരാരും സംഘവും അവതരിപ്പിക്കുന്ന തായമ്പകയും രാജശ്രീ വാര്യര്‍ അവതരിപ്പിക്കുന്ന നൃത്ത സന്ധ്യയും ഇന്ത്യാ സോഷ്യല്‍ സെന്ററില്‍ അരങ്ങേറും.
പരിപാടി യെ ക്കുറിച്ച് വിശദീകരിക്കാന്‍ വിളിച്ച വാര്‍ത്താ സമ്മേളന ത്തില്‍ ശക്തി പ്രസിഡന്റ് പത്മനാഭന്‍, സെക്രട്ടറി കൃഷ്ണകുമാര്‍, ഇ. എം. രാധ, ഡോ. വി. പി. പി. മുസ്തഫ, പ്രമോദ് മങ്ങാട്ട്, എന്‍. വി. മോഹനന്‍ എന്നിവര്‍ സംബന്ധിച്ചു.
അബുദാബി : ഗള്‍ഫ് പ്രവാസവും നവോത്ഥാന മൂല്യങ്ങളും എന്ന വിഷയ ത്തെ ആസ്പദമാക്കി അബുദാബി കേരള സോഷ്യല്‍ സെന്ററില്‍ യുവ കലാ സാഹിതി അബുദാബി കമ്മിറ്റി ഒരുക്കുന്ന ഓപ്പണ്‍ ഫോറ ത്തില്‍ സംസ്ഥാന സെക്രട്ടറി ഇ. എം. സതീശന്‍ പങ്കെടുക്കും. മാര്‍ച്ച് 17 ശനിയാഴ്ച രാത്രി 8.30 ന് നടക്കുന്ന പരിപാടി യില്‍ അബുദാബി യിലെ സാംസ്‌കാരിക സാമൂഹിക രംഗത്തെ പ്രമുഖര്‍ സംബന്ധിക്കും. കൂടുതല്‍ വിവരങ്ങള്‍ക്ക് 050 72 02 348 എന്ന നമ്പരില്‍ ബന്ധപ്പെടുക.
