അബുദാബി : അബുദാബി ബ്ലഡ്‌ ബാങ്കും സിറാജ് ദിനപത്രവും സംയുക്തമായി സംഘടിപ്പിക്കുന്ന രക്തദാന ക്യാമ്പ് ഫെബ്രുവരി 17 വെള്ളിയാഴ്ച രാവിലെ പത്തു മണി മുതല്‍ നാല് മണി വരെ അബുദാബി ഖാലിദിയ ബ്ലഡ്‌ ബാങ്കിലെ മെയിന്‍ ബ്ലോക്കില്‍ നടക്കും.
മാനവികതയെ ഉണര്‍ത്തുന്നു എന്ന പ്രമേയ ത്തില്‍ നടക്കുന്ന കാന്തപുര ത്തിന്റെ കേരള യാത്ര യോടനു ബന്ധിച്ചു ഗള്‍ഫ് നാടുകളില്‍ നടക്കുന്ന സാമൂഹിക ജന ജാഗരണ ക്യാമ്പിന്റെ ഭാഗമായാണ് രക്തദാന ക്യാമ്പ് സംഘടിപ്പി ച്ചിട്ടുള്ളത്.
ഖാലിദിയ മാളിന്റെ പിറകു വശത്തുള്ള ബ്ലഡ്‌ ബാങ്കിലേക്ക് സിറ്റി യില്‍ നിന്നും എട്ടാം നമ്പര്‍ ബസ്സില്‍ എത്തിച്ചേരാം.
പങ്കെടുക്കാന്‍ ആഗ്രഹിക്കുന്നവര്‍ 050 52 15 997 എന്ന നമ്പറില്‍ ബന്ധപ്പെടുക
ദുബായ് : സീതി സാഹിബ് വിചാര വേദി പുതിയ ഭാരവാഹി കളായി സീതി പടിയത്ത് (പ്രസിഡന്റ് ) കുട്ടി കൂടല്ലൂര്‍ , ഹനീഫ് കല്‍മാട്ട, മുസ്തഫ മുട്ടുങ്ങല്‍ , ബീരാവുണ്ണി തൃത്താല, (വൈസ് പ്രസിഡന്റ് മാര്‍ ) അഷ്‌റഫ് കൊടുങ്ങല്ലൂര്‍ (ജനറല്‍ സെക്രട്ടറി), ഇസ്മയില്‍ ഏറാമല (ഓര്‍ഗനൈസിംഗ് സെക്രട്ടറി) ടി.എന്‍ .എ.കാദര്‍ , നാസര്‍ കുറുമ്പത്തുര്‍ , ബാവ തോട്ടത്തില്‍ , അബ്ദുല്‍ ഹമീദ് വടക്കേകാട് (സെക്രട്ടറിമാര്‍ ) വി. പി. അഹമ്മദ് കുട്ടി മദനി (ട്രഷറര്‍ ) എന്നിവര്‍ അടങ്ങിയ കമ്മിറ്റിയെ തിരഞ്ഞെടുത്തു. കെ. എം. സി. സി. യു. എ. ഇ. നാഷണല്‍ കമ്മിറ്റി ആക്ടിംഗ് പ്രസിഡന്റ് കെ. എച്. എം. അഷ്‌റഫ്, ഡോ. വി. എ. അഹമ്മദ് കബീര്‍ , കെ. എ. ജബ്ബാരി എന്നിവര്‍ ആശംസകള്‍ നേര്‍ന്നു.
