അബുദാബി : കവിയും പത്ര പ്രവര്‍ത്ത കനുമായ ഇസ്മായില്‍ മേലടി യുടെ രണ്ടാമത് കവിതാ സമാഹാരമായ ‘ചിന്തേരിട്ട കാലം’ പ്രകാശനം ചെയ്തു. കോഴിക്കോട് ലിപി പബ്ലിക്കേഷന്‍സ് പ്രസിദ്ധീകരിച്ച പുസ്തക ത്തിന്റെ ആദ്യ പ്രതി, കവിയും നിരൂപകനു മായ കല്പറ്റ നാരായണന്‍ , കവി വീരാന്‍ കുട്ടിക്ക് നല്‍കി കൊണ്ട് പ്രകാശനം ചെയ്തു.
കോഴിക്കോട് പ്രസ്‌ ക്ലബ്ബില്‍ നടന്ന ചടങ്ങില്‍ എം. എന്‍ . കാരശ്ശേരി അദ്ധ്യക്ഷത വഹിച്ചു. പി. കെ. ഗോപി, കാനേഷ് പൂനൂര്‍, കെ. പി. കുഞ്ഞിമൂസ, നവാസ് പൂനൂര്‍, അഹ്മദ് ശരീഫ്, കെ. വി. അബ്ദുള്ള, കെ. പി. രാജീവന്‍ , കെ. പി. വഹാബ്, അമ്മാര്‍ കീഴുപറമ്പ്‌ , എം. ഗോകുല്‍ദാസ് എന്നിവര്‍ ആശംസകള്‍ അര്‍പ്പിച്ചു. അബ്ദുള്ള പേരാമ്പ്ര സ്വാഗതം പറഞ്ഞു.
അബുദാബി : പൊന്നാനി എം. ഇ. എസ്സ്. കോളേജ് അലൂംനി (മെസ്പോ) പത്താം വാര്‍ഷികം ഫെബ്രുവരി 10 വെള്ളിയാഴ്ച രാത്രി 7 മണിക്ക് അബുദാബി കേരളാ സോഷ്യല്‍ സെന്ററില് വിവിധ പരിപാടി കളോടെ ആഘോഷിക്കും.
