ദുബായ്‌: എലമെന്റ്സ് വിഷന്‍സ്‌ സംഘടിപ്പിക്കുന്ന ‘യോര്‍ക്കര്‍ 2011 ഇന്‍ഡോര്‍ ക്രിക്കറ്റ്‌ ടൂര്‍ണമെന്റ്’ ദുബായില്‍ പുരോഗമിക്കുന്നു. അല്‍ ഖൂസ്‌ ഇന്‍ സ്പോര്‍ട്സ്‌ ക്ലബില്‍ ജൂണ്‍ 30ന് തുടക്കമിട്ട മല്‍സരം കൂടുതല്‍ കൂടുതല്‍ ആവേശത്തോടെ മുന്നേറുകയാണ്. കേരളത്തിലെ എല്ലാ ജില്ലകളെയും പ്രതിനിധീകരിച്ച് എത്തുന്ന 14 ടീമുകളാണ് മല്‍സരത്തില്‍ പങ്കെടുത്തു കൊണ്ടിരിക്കുന്നത്. ജൂലായ്‌ 7 വ്യാഴാഴ്ച 7:30നു നടക്കുന്ന സെമി ഫൈനലുകളില്‍ കണ്ണൂര്‍ ഫൈറ്റെഴ്സ് കാസര്‍ക്കോട്‌ കിങ്ങ്സിനെയും, പത്തനംതിട്ട ബ്രദേഴ്സ് ഇടുക്കി ചാര്‍ജേഴ്സ്നെയും നേരിടും. ജൂലായ്‌ 8 വെള്ളിയാഴ്ച 7:30നു ഫൈനല്‍ നടക്കും. കൂടുതല്‍ വിവരങ്ങള്‍ക്ക് ഈ നമ്പറില്‍ ബന്ധപ്പെടുക 050 4298690.
(വാര്‍ത്ത അയച്ചു തന്നത് : അനില്‍ വടക്കേക്കര)
അബുദാബി : 3 0 വര്‍ഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന മണ്ണാര്‍ക്കാട് സ്വദേശി മുഹമ്മദലിക്ക് അബുദാബി അല്‍തൈഫ് ജീവനക്കാര്‍ യാത്രയയപ്പ് നല്കി. പ്രവാസ ജീവിത ത്തില്‍ നിന്ന് തനിക്ക് ലഭിച്ച പ്രവൃത്തി പരിചയവും സുഹൃദ്ബന്ധങ്ങളും അദ്ദേഹം സ്മരിച്ചു. ഗോപാലന്‍ അദ്ധ്യക്ഷത വഹിച്ച യാത്രയയപ്പ് യോഗത്തില്‍ നീരജ്, ബാബു, അരുണ്‍, രാജു എന്നിവര്‍ പ്രസംഗിച്ചു.
