അബുദാബി : ഇന്ദിരാ ഗാന്ധി വീക്ഷണം ഫോറം അബുദാബി ഘടകം രണ്ടാം പെരുന്നാളിന് നടത്തുന്ന ഈദ് പരിപാടി യായ ‘സുറുമ’ യുടെ ബ്രോഷര് പ്രകാശനം സമാജം പ്രസിഡന്റ് മനോജ് പുഷ്കറിന് ബ്രോഷര് നല്കി, കേന്ദ്ര ഊര്ജ്ജ വകുപ്പ് സഹമന്ത്രി കെ. സി. വേണു ഗോപാല് നിര്വ്വഹിച്ചു.
അബുദാബി മലയാളി സമാജം അങ്കണ ത്തില് നടന്ന പ്രകാശന ചടങ്ങില് പദ്മശ്രീ എം. എ. യൂസഫ് അലി, സമാജം ജനറല് സെക്രട്ടറി കെ. എച്ച്. താഹിര്, വൈസ് പ്രസിഡന്റ് യേശുശീലന്, വീക്ഷണം പ്രസിഡന്റ് ശുക്കൂര് ചാവക്കാട്, സെക്രട്ടറി അബ്ദുഖാദര് തിരുവത്ര എന്നിവര് പങ്കെടുത്തു.
കണ്ണൂര് ഷരീഫ്, രഹന, അന്വര് സാദത്ത്, റെജിയ, ഐ. പി. സിദ്ധീഖ്, ആദില് അത്തു, യൂസഫ് കാരക്കാട് എന്നിവര് പങ്കെടുക്കുന്ന ‘സുറുമ’ രണ്ടാം പെരുന്നാള് ദിവസം അബുദാബി നാഷണല് തിയ്യേറ്ററിലാണ് അരങ്ങേറുന്നത്. മാപ്പിളപ്പാട്ട്, ഒപ്പന, അറബിക് ഡാന്സ് എന്നിവ ഉള്ക്കൊള്ളുന്ന ‘സുറുമ’ എല്ലാതരം പ്രേക്ഷകര്ക്കും ഇഷ്ടപ്പെടും വിധമാണ് അണിയിച്ചൊരുക്കുന്നത്.
