അബുദാബി : കേരളാ സോഷ്യല്‍ സെന്‍റര്‍ ബാലവേദി ഉദ്ഘാടനം ബാല താരങ്ങളായ നിരഞ്ജന യും നിവേദിത യും ചേര്‍ന്ന്‍ നിര്‍വ്വഹിക്കും. ജൂണ്‍ 3 വ്യാഴാഴ്ച രാത്രി 8 മണിക്ക് കെ. എസ്. സി. അങ്കണത്തില്‍ നടക്കുന്ന “നിലാ ശലഭങ്ങള്‍” എന്ന പരിപാടിയില്‍ ഗാനമേള, മോണോ ആക്റ്റ്‌, വിവിധ നൃത്തങ്ങള്‍ എന്നിവ ഉണ്ടായിരിക്കും. 
യു. എ. ഇ. യിലെ സംഘടനകളിലെ കലാ മല്‍സരങ്ങളില്‍ കലാ തിലക ങ്ങള്‍ ആയവരും സമ്മാനാര്‍ഹര്‍ ആയവരുമായ കലാ പ്രതിഭകള്‍ ഒരുക്കുന്ന “നിലാ ശലഭങ്ങള്‍” പുതുമ നിറഞ്ഞ ഒന്നായിരിക്കും എന്ന്‍ സംഘാടകര്‍ അറിയിച്ചു.
(വിവരങ്ങള്‍ക്ക് വിളിക്കുക: 050 68 99 494 എ. പി. ഗഫൂര്‍- ഇവന്‍റ് കോഡിനേറ്റര്‍)
റിയാദ് : സ്നേഹതീരത്തു കൂടി യാത്ര ചെയ്യുന്ന പ്രവാസി കള്‍ക്കിടയില്‍ നിന്ന് നല്ല സാഹിത്യം ഉണ്ടാകുമെന്നാണ് തന്‍റെ പ്രതീക്ഷയെന്ന് നടനും എഴുത്തുകാരനുമായ വി. കെ. ശ്രീരാമന്‍. റിയാദ് ഇന്ത്യന്‍ മീഡിയാ ഫോറം സംഘടിപ്പിച്ച മീറ്റ് ദ പ്രസ്സില്‍ സംസാരി ക്കുകയായിരുന്നു അദ്ദേഹം. പ്രവാസ ലോകത്ത് സമകാലീന വിഷയങ്ങളെ ക്കുറിച്ച് ചര്‍ച്ചകള്‍ സജീമായി നടക്കുന്നുണ്ടെങ്കിലും സമകാലീന സാഹിത്യം വായിക്കുന്നവര്‍ കുറവാണെന്നും, പത്രങ്ങളും മാസികകളും മാത്രം വായിച്ചാല്‍ പോരെന്നും സാഹിത്യ കൃതികള്‍ വായിക്കണമെന്നും അദ്ദേഹം പറഞ്ഞു.
അബുദാബി : മലയാളി ക്രിസ്ത്യന്‍ കോണ്‍ഗ്രിഗേഷന്‍ സംഘടിപ്പിച്ച ‘അവാര്ഡ് നൈറ്റ്‌’ അബുദാബി സെന്‍റ്. ആന്‍ഡ്രൂസ് ചര്‍ച്ച് സെന്‍ററില്‍ നടന്നു. അംഗത്വ സഭകളിലെ അംഗങ്ങളുടെ ടാലന്‍റ് ടെസ്റ്റുകളില്‍ ആദ്യ മൂന്നു സ്ഥാനങ്ങളില്‍ വിജയിച്ചവര്‍ക്ക് സമ്മാനങ്ങള്‍ വിതരണം ചെയ്തു. ബൈബിള്‍ മെമ്മറി ടെസ്റ്റ്‌, ബൈബിള്‍ ക്വിസ്, അന്താക്ഷരി, സോളോ, ഗ്രൂപ്പ്‌ സോംഗ്, ജൂനിയര്‍ സീനിയര്‍ എന്നീ വിഭാഗ ങ്ങളില്‍ സമ്മാനാര്‍ഹമായ പരിപാടികള്‍ അവതരിപ്പിച്ചു.
ഒരുമനയൂര്‍ നിവാസി കളുടെ പ്രവാസി കൂട്ടായ്മ ഒരുമ ഒരുമനയൂര്‍ ഒന്‍പതാം വാര്‍ഷികാ ഘോഷം ‘ഒരുമ സംഗമം 2010’ ദുബായ് സുഡാനീസ് സോഷ്യല്‍ ക്ലബ് ഹാളിലെ നിറഞ്ഞ സദസ്സിനെ സാക്ഷിയാക്കി രമേഷ് പയ്യന്നൂര്‍ ഉദ്ഘാടനം ചെയ്തു. പൊതു സമ്മേളന ത്തില്‍ മുഖ്യാതിഥി കളായി പ്രശസ്ത മാധ്യമ പ്രവര്‍ത്തകനും എഴുത്തു കാരനുമായ ബാബു ഭരദ്വാജ്, എല്‍വിസ് ചുമ്മാര്‍ (ജയ്ഹിന്ദ്‌ ടി. വി), ബഷീര്‍ തിക്കൊടി, ശംസുദ്ദീന്‍ (നെല്ലറ ഗ്രൂപ്പ്‌), ബാവ, അക്ബര്‍ (ഗുരുവായൂര്‍ എന്‍. ആര്‍. ഐ. ഫോറം) തുടങ്ങിയര്‍ പങ്കെടുത്തു.
