 |
 |
 |
 |
 |
 |
 |
 |
 |
 |
 |
 |
 |
 |
ഇന്ത്യന്‍ സ്ക്കൂള്‍ ദാര്‍‍‍സൈറ്റിന് സ്വന്തമായി സ്ക്കൂള്‍ കെട്ടിടം പണിയുന്നതിന് ഒമാന്‍ സര്‍ക്കാര്‍ ഭൂമി അനുവദിച്ച് നല്‍കിയതായി സ്ഥാനപതി അനില്‍ വാദ്വ അറിയിച്ചു.
സ്ക്കൂള്‍ മാനേജ് മെന്റ് കമ്മിറ്റിയില്‍ രക്ഷകര്‍ത്താക്കളുടെ സാന്നിധ്യം തെരഞ്ഞെടുപ്പിലൂടെ ഉറപ്പിക്കുമെന്നും അദേഹം അറിയിച്ചു. രക്ഷാകര്‍ത്താക്കളുടെ പ്രതിനിധികളുമായി നടന്ന കൂടിക്കാഴ്ച്ചയിലാണ് അദേഹം ഇക്കാര്യം അറിയിച്ചത്.
- ജെ.എസ്.
ഷാര്‍ജ ആസ്ഥാനമായ ശ്രോതസ്സ് എന്ന സംഘടന ഭവനരഹിതര്‍ക്ക് വീടുവച്ചുനല്‍കുന്ന പദ്ധതി ആരംഭിക്കുന്നു. വയനാട്ടിലെ സുല്‍ത്താന്‍ ബത്തേരിയില്‍ ഒരേക്കര്‍ ഭൂമി വാങ്ങി ഇവിടെ വീട് വച്ചുനല്‍കുന്ന പദ്ധതിക്ക് ശ്രോതസ്സ് വില്ലേജ് എന്നാണ് പേര് നല്‍കിയിരിക്കുന്നത്. 10 വീടുകളാണ് പദ്ധതി പ്രകാരം വെച്ചുനല്‍കുക എന്ന് ഭാരവാഹികള്‍ ദുബായില്‍ വാര്‍ത്താസമ്മേളനത്തില്‍ അറിയിച്ചു.
ഏപ്രില്‍ 9ന് നടക്കുന്ന ചടങ്ങില്‍ 10 ഭവനങ്ങളുടേയും താക്കോല്‍ ദാനം മലങ്കര ഓര്‍ത്തഡോക്സ് സഭ നിയുക്ത കാതോലിക്ക ബാവ പൗലോസ് മാര്‍ മിലിത്തിയോസ് മെത്രാപ്പോലീത്തയുടെ അദ്യക്ഷതയില്‍ പ്രതിപക്ഷനേതാവ് ഉമ്മന്‍ ചാണ്ടി നിര്‍വഹിക്കും. ഡെപ്യൂട്ടി സ്പീക്കര്‍ ജോസ് ബേബി, മറ്റ് ജനപ്രതിനിധികള്‍ തുടങ്ങിയവര്‍ പങ്കെടുക്കും. പ്രസിഡന്‍റ് പിഎം ജോസ്, സെക്രട്ടറി സഖറിയ ഉമ്മന്‍, ജോണ്‍ മത്തായി തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
- ജെ.എസ്.
ഖത്തര്‍ കെഎംസിസി വരവേല്‍പ്പ് എന്ന പേരില്‍ പൊതുസമ്മേളനം സംഘടിപ്പിക്കുന്നു. കേന്ദ്ര റെയില്‍വെ സഹമന്ത്രിയായതിനു ശേഷം ആദ്യമായി ഖത്തറിലെത്തുന്ന ഇ.അഹമ്മദിനും മുസ്ലീം ലീഗ് അധ്യക്ഷന്‍ സയ്യിദ് ഹൈദരലി തങ്ങള്‍ക്കും വന്‍ സ്വീകരണമാണ് നല്‍കുന്നത്.
മാര്‍ച്ച് 26 വെള്ളിയാഴ്ച വൈകീട്ട് ഏഴരക്കാണ് പൊതുസമ്മേളനം. മുസ്ലീം ലീഗ് സംസ്ഥാന ജനറല്‍ സെക്രട്ടറി പി.കെ കുഞ്ഞാലിക്കുട്ടിയും പൊതുസമ്മേളനത്തില്‍ പങ്കെടുക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
- ജെ.എസ്.
നെസ്റ്റോ ഇന്ത്യന്‍ ഫെസറ്റ് 2010 ലെ കായികമത്സരങ്ങള്‍ റിയാദിലെ ഉമ്മുല്‍ ഹമ്മാമിലെ മഹ്‍‍ദര്‍ ഗ്രൗണ്ടില്‍ ന്യൂ സഫ മക്ക ക്രിക്കറ്റ് മത്സരങ്ങളോടെ തുടങ്ങി. ന്യൂ സഫമക്ക പോളിക്ലീനിക്ക് എഡിഎം വിഎം അഷറഫ് ടൂര്‍ണ്ണമെന്‍റ് ഉദ്ഘാടനം ചെയ്തു. ആദ്യമത്സരത്തില്‍ തലശ്ശേരി ജിസിസി 105 റണ്‍സിന് ബിസിസി ഇലവനുമായി 105 റണ്‍സിന് തോല്‍പ്പിച്ചു. കെ.യു ഇഖ്ബാല്‍, സിദ്ധാര്‍ത്ഥനാശാന്‍, നാസര്‍ മാസ്റ്റര്‍ എന്നിവര്‍ മുഖ്യാതിഥികളായിരുന്നു.
- ജെ.എസ്.
മസ്ക്കറ്റ് ഇന്ത്യന്‍ എംബസിയും ഇന്ത്യയിലെ വിജ്ഞാന്‍ ഭാരതിയും സംഘടിപ്പിച്ച ശാസ്ത്ര പ്രതിഭ മത്സര വിജയികളെ പ്രഖ്യാപിച്ചു. ഏപ്രില്‍ എട്ട്, ഒമ്പത് തിയ്യതികളില്‍ ആണവ ശാസ്ത്രജ്ഞന്‍ അനില്‍ കാക്കോദ്ക്കര്‍ ശാസ്ത്രപ്രതിഭകള്‍ക്ക് പുരസ്ക്കാരങ്ങള്‍ സമ്മാനിക്കും. മൂവായിരത്തിലധികം പ്രതിഭകളാണ് ഈ വര്‍ഷം മത്സരത്തില്‍ പങ്കെടുത്തത്.
- ജെ.എസ്.
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
