അബുദാബി : ബലി പെരുന്നാളിനോട് അനുബന്ധിച്ച് ഇശല്‍ എമിറെറ്റ്സ് അബുദാബി ഒരുക്കുന്ന ‘ഈദിന്‍ ഇശല്‍ മര്‍ഹബ’ എന്ന സംഗീത ആല്‍ബ ത്തിന്റെ ബ്രോഷര്‍ പ്രകാശനം അബുദാബി യില്‍ നടന്നു. ഗള്‍ഫ് എയര്‍ മാര്‍ക്കറ്റിംഗ് എക്സിക്യൂട്ടീവ് പ്രശാന്ത് നായര്‍, പ്രവാസി ഗായകനും ഇശല്‍ എമിറേറ്റ്സ് കലാ വിഭാഗം സെക്രട്ടറി യുമായ ബഷീര്‍ തിക്കൊടി, റാസിഖ് തിക്കോടി, നൗഷാദ്‌ കൊയിലാണ്ടി, ജിഹാദ്‌, മുഹമ്മദലി തുടങ്ങിയവര്‍ സംബന്ധിച്ചു.
രണ്ടാം പെരുന്നാള്‍ ദിവസം മലയാളത്തിലെ പ്രമുഖ ചാനലില്‍ സംപ്രേഷണം ചെയ്യുന്ന ‘ഈദിന്‍ ഇശല്‍ മര്‍ഹബ’ യില്‍ മാപ്പിളപ്പാട്ട് ഗാന ശാഖ യിലെ പുതു തലമുറക്കാരായ അന്‍വര്‍ സാദത്ത്‌, താജുദീന്‍ വടകര, സജല സലിം, ബഷീര്‍ തിക്കോടി, ജമാല്‍ തിരൂര്‍ തുടങ്ങിയ വരുടെ ഇമ്പമാര്‍ന്ന പാട്ടുകളുടെ ദൃശ്യാവിഷ്കാരം ചെയ്തു യു. എ. ഇ. യിലെ കലാ കാരന്മാര്‍ വേഷമിടുന്നു.
സത്താര്‍ കാഞ്ഞങ്ങാട്, സജി മില്ലേനിയം, മുഹമ്മദ്‌ സഹല്‍, പി. എം. അബ്ദുല്‍ റഹിമാന്‍, താഹിര്‍ ഇസ്മയില്‍ ചങ്ങരംകുളം തുടങ്ങിയവര്‍ ഇതിന്റെ പിന്നണി യില്‍ പ്രവര്‍ത്തിക്കുന്നു.
പതിനാലു വര്‍ഷമായി മാപ്പിളപ്പാട്ടു ഗാനാസ്വാദകരുടെ മനസ്സറിഞ്ഞു ടെലിവിഷന്‍ പ്രോഗ്രാ മുകളും സ്റ്റേജ് ഷോകളും അവതരിപ്പിച്ചു വരുന്ന ഇശല്‍ എമിറെറ്റ്സ് അബുദാബി യുടെ ‘ഈദിന്‍ ഇശല്‍ മര്‍ഹബ’ കേരളത്തിലും ഗള്‍ഫിലുമായിട്ടാണ് ചിത്രീകരി ച്ചിരിക്കുന്നത്.
