അബുദാബി : കല അബുദാബി യുടെ ആഭിമുഖ്യത്തില്‍ അബുദാബി ഇന്ത്യാ സോഷ്യല്‍ സെന്ററില്‍ നടന്ന ‘സീതാ സ്വയംവരം’ കഥകളിയില്‍ പരശുരാമന്റെ തീക്ഷ്ണ ഭാവങ്ങള്‍ക്ക് അസാധാരണമായ ചാരുത പകര്‍ന്ന് കലാനിലയം ഗോപിയാശാന്‍ നിറഞ്ഞാടി.

പരശുരാമനൊപ്പം ശ്രീരാമനായി കലാനിലയം രാജീവ്, ദശരഥനായി ഇ. കെ. വിനോദ് വാര്യര്‍ എന്നിവര്‍ വേഷമിട്ടു. കല അബുദാബിയിലെ ഗോപികാ ദിനേശ്ബാബു സീതയായും മഹേഷ് ശുകപുരം ലക്ഷ്മണനായും രംഗത്ത്‌ എത്തി.

ചുട്ടികുത്തിയത് പ്രശസ്ത കഥകളി കലാകാരനും ശില്പിയുമായ കലാനിലയം ജനാര്‍ദ്ദനന്‍. സീതാ സ്വയംവര ത്തിന്റെ കഥ ജനാര്‍ദ്ദനന്‍ ലളിതമായി അവതരിപ്പിച്ചു കൊണ്ടാണ് അബുദാബിയില്‍ കഥകളി അരങ്ങേറിയത്‌. രാജീവ്, കൂടല്ലൂര്‍ നാരായണന്‍ എന്നിവര്‍ സംഗീത വിഭാഗവും കലാമണ്ഡലം ശിവദാസ് (ചെണ്ട),കലാനിലയം ഓമനക്കുട്ടന്‍ (മദ്ദളം)ആസ്തികാലയം ഗോപന്‍, പ്രദീപ്‌വര്‍മ, സുരേഷ് നമ്പൂതിരി എന്നിവരും തിരശ്ശീലയ്ക്ക് പിന്നിലുണ്ടായിരുന്നു.

അബുദാബി : കല അബുദാബി യുടെ ആഭിമുഖ്യ ത്തില്‍ ജൂണ്‍ ഒന്ന് വെള്ളിയാഴ്ച വൈകുന്നേരം 8 മണിക്ക് അബുദാബി ഇന്ത്യാ സോഷ്യല്‍ സെന്ററില്‍ ‘സീതാ സ്വയംവരം’ കഥകളി അരങ്ങേറും.

കല അബുദാബി തുടര്‍ച്ചയായി ആറാം വര്‍ഷമാണ് അബുദാബി യിലെ അരങ്ങില്‍ കഥകളി അവതരിപ്പിക്കുന്നത്. ‘കേരളീയം – 2012’ എന്ന പേരില്‍ നടക്കുന്ന പരിപാടി യില്‍ കലാനിലയം ഗോപി യുടെ നേതൃത്വ ത്തില്‍ കേരള ത്തിലെ പ്രശസ്തരായ കഥകളി കലാ കാരന്മാരാണ് അരങ്ങിലെത്തുന്നത്.

കലാമണ്ഡലം ശിവദാസ്, ഡോ. രാജീവ്, കലാ നിലയം ഓമനക്കുട്ടന്‍, കലാ നിലയം ജനാര്‍ദനന്‍, കലാ നിലയം വിനോദ് വാര്യര്‍ തുടങ്ങിയവര്‍ ചേര്‍ന്നാണ് ‘സീതാസ്വയംവരം’ ദൃശ്യ വത്കരിക്കുന്നത്.

കലാനിലയം രാജീവനും കൂടല്ലൂര്‍ നാരായണനും ചേര്‍ന്ന് കഥകളി പ്പദങ്ങള്‍ ചൊല്ലും. കലാമണ്ഡലം ശിവദാസും ആസ്തി കാലയം ഗോപ കുമാറും ചെണ്ടയില്‍ അകമ്പടി നല്‍കും. കലാനിലയം ഓമന ക്കുട്ടനാണ് മദ്ദള ത്തില്‍ നാദ വിസ്മയം ഒരുക്കുക.

അബുദാബി മലയാളി സമാജം കലാ തിലകമായി തിരഞ്ഞെടുക്കപ്പെട്ട ഗോപികാ ദിനേശ് സീത യുടെ വേഷത്തില്‍ ആദ്യമായി അരങ്ങിലെത്തും.

കല അബുദാബി യുടെ ഈ വര്‍ഷത്തെ പ്രവര്‍ത്തന ഉദ്ഘാടനം നിര്‍വഹിച്ചു കൊണ്ടാണ് ‘കേരളീയം 2012’ ഇന്ത്യാ സോഷ്യല്‍ സെന്ററില്‍ ആരംഭിക്കുക.

വൈകുന്നേരം 7.30ന് ആരംഭി ക്കുന്ന ചടങ്ങില്‍ കല യുവജനോത്സവ ത്തിലെ വിജയി കള്‍ക്ക് ട്രോഫികള്‍ സമ്മാനിക്കും. യുവജനോത്സവ ത്തിലെ കാലതിലകത്തെയും ചടങ്ങില്‍ പ്രഖ്യാപിക്കും.