അബുദാബി: അബുദാബി കേരള സോഷ്യൽ സെന്ററിന്റെ ആഭിമുഖ്യത്തിൽ സംഘടിപ്പിച്ച പാചക മത്സരത്തിൽ വെജിറ്റബിൾ, നോൺ വെജിറ്റബിൾ എന്നീ ഇനങ്ങളിൽ ഗീതാ സുബ്രമണ്യനും പായസത്തിൽ സീനാ അമർസിംഗും ഒന്നാം സമ്മാനാർഹരായി. നോൺ വെജിറ്റബിൾ ഇനത്തിൽ ബിന്നി തോമസ്‌, സ്വപ്ന സുന്ദർ എന്നിവരും വെജിറ്റബിൾ ഇനത്തിൽ സൈദ മഹബൂബ്‌, സ്വപ്ന സുന്ദർ എന്നിവരും പായസത്തിൽ സീന അമർസിംഗും മുക്തയും യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി.

മുൻ വർഷങ്ങളിൽ കേരള സോഷ്യൽ സെന്റർ നടത്തിയ പാചക മത്സരങ്ങളിൽ വിവിധ ഇനങ്ങളിലായി മൂന്നു തവണ ഒന്നാം സമ്മാനവും രണ്ടു തവണ മൂന്നാം സ്ഥാനവും നേടിയിട്ടുള്ള ഗീതാ സുബ്രമണ്യൻ മുൻ വർഷങ്ങളിൽ അബുദാബി മലയാളി സമാജവും കല അബുദാബിയും നടത്തിയ പാചക മത്സരങ്ങളിൽ ഓരോ തവണ ഒന്നാം സമ്മാനവും കരസ്ഥമാക്കിയിട്ടുണ്ട്‌.

കേരള സോഷ്യൽ സെന്റർ, അബുദാബി മലയാളി സമാജം, കല അബുദാബി, ഇന്ദിരാഗാന്ധി വീക്ഷണം ഫോറം എന്നീ സംഘടനകൾ മുൻ വർഷങ്ങളിൽ നടത്തിയ പാചക മത്സരങ്ങളിൽ വിവിധ ഇനങ്ങളിലായി അഞ്ചു തവണ ഒന്നാം സ്ഥാനവും അഞ്ചു തവണ രണ്ടാം സ്ഥാനവും സീന അമർസിംഗും കരസ്ഥമാക്കിയിട്ടുണ്ട്‌.

യു. എ. ഇ. യിലെ പ്രമുഖ പാചക വിദഗ്ദ്ധർ വിധി കർത്താക്കളായി പങ്കെടുത്ത പാചക മത്സരങ്ങൾ ക്കൊടുവിൽ കേരള സോഷ്യൽ സെന്റർ ഭാരവാഹികളും പൗര പ്രമുഖരും വിജയികൾക്കുള്ള സമ്മാനങ്ങൾ വിതരണം ചെയ്തു.

– അയച്ചു തന്നത് : സഫറുള്ള പാലപ്പെട്ടി

അബുദാബി : കേരളാ സോഷ്യല്‍ സെന്‍റര്‍ വനിതാ വിഭാഗ ത്തിന്റെ ആഭിമുഖ്യ ത്തില്‍ സംഘടിപ്പിക്കുന്ന പാചക മല്‍സരം മാര്‍ച്ച് 23 വെള്ളിയാഴ്ച കെ. എസ്. സി. അങ്കണത്തില്‍ നടക്കും.

കേരള തനിമ യില്‍ ഒരുക്കുന്ന പാചക മല്‍സര ത്തില്‍ പങ്കെടുക്കാന്‍ താല്പര്യം ഉള്ളവര്‍ കെ. എസ്. സി. ഓഫീസുമായി ബന്ധപ്പെടുക. പായസം, വെജിറ്റേറിയന്‍, നോണ്‍ – വെജ് എന്നീ മൂന്നു വിഭാഗ ങ്ങളില്‍ ആയിട്ടാണ് മല്‍സരം നടക്കുക.

അപേക്ഷാ ഫോം സീകരിക്കുന്ന അവസാന തിയ്യതി മാര്‍ച്ച് 20 ചൊവ്വാഴ്ച.

ഒന്നും രണ്ടും മൂന്നും സ്ഥാന ങ്ങള്‍ കൂടാതെ മല്‍സര ത്തില്‍ പങ്കെടുത്ത എല്ലാ വര്‍ക്കും സമ്മാന ങ്ങള്‍ നല്‍കുന്നു എന്നതാണ് ഈ പാചക മത്സര ത്തിന്റെ പ്രത്യേകത എന്ന് വനിതാ വിഭാഗം കണ്‍വീനര്‍ അറിയിച്ചു.

പങ്കെടുക്കാന്‍ താല്പര്യമുള്ളവര്‍ വിളിക്കുക : 02 631 44 55 – 02 631 44 56. eMail : ksc@emirates.net.ae , vasushahi@yahoo.com