 |
 |
 |
 |
 |
 |
 |
 |
 |
 |
 |
 |
 |
 |
അജ്മാന്‍ തുറമുഖത്ത്‌ ഇന്ധനകപ്പലിന് തീ പിടിച്ച് മൂന്നുപേര്‍ മരിച്ചു. ഗുരുതരമായി പൊള്ളലേറ്റ അഞ്ചുപേരെ അജ്മാന്‍ ഖലീഫ ആശുപത്രിയില്‍ പ്രവേശിപ്പിച്ചു, രണ്ടു പേരെ കാണാതായതായും റിപ്പോര്‍ട്ട് ഉണ്ട്, അപകടത്തില്‍ പെട്ടവരെല്ലാം ഏഷ്യന്‍ വംശക്കാരാണ്, തീ പിടുത്തത്തെ തുടര്‍ന്നുണ്ടായ ശക്തമായ വിഷപുക ശ്വസിച്ചാണ് മരണം സംഭവിച്ചത്‌ എന്ന് അജ്മാന്‍ സിവില്‍ ഡിഫന്‍സ്‌ വിഭാഗം ഡയറക്ടര്‍ ജനറല്‍ ബ്രി:സലിഹ് അല്‍ മത്രൂഷി പറഞ്ഞു.
- ന്യൂസ് ഡെസ്ക്
ദോഹ : വിമാന ത്തില്‍ വച്ച് ഹൃദയാഘാതം ഉണ്ടായ യാത്രക്കാരനെ സഹ യാത്രികയായ നഴ്‌സ് രക്ഷിച്ചു. ദോഹ യിലെ ഹമദ് ആശുപത്രി യിലെ മലയാളി നഴ്‌സായ ആന്‍സി ഫിലിപ്പാണ് അവസരോചിതമായ ഇടപെടല്‍ നടത്തി രോഗിയെ രക്ഷിച്ചത്. ഫെബ്രുവരി 19ന് കൊച്ചിയില്‍ നിന്നും ദോഹ യിലേക്ക് പുറപ്പെട്ട എയര്‍ഇന്ത്യ എക്‌സ്പ്രസ്സിലെ യാത്രക്കാരനാണ് ബോധ രഹിതനായി കുഴഞ്ഞു വീണത്.
ഡോക്ടര്‍മാര്‍ ആരെങ്കിലും ഉണ്ടെങ്കില്‍ മുന്നോട്ട് വരണമെന്ന് വിമാനത്തില്‍ അനൗണ്‍സ്‌മെന്റു നടത്തിയെങ്കിലും ആരും ഉണ്ടായിരുന്നില്ല. ഇത് മനസ്സിലാക്കിയ ആന്‍സി മുന്നോട്ട് വന്ന് വിമാന ത്തിലെ പരിമിതമായ സംവിധാനങ്ങള്‍ ഉപയോഗിച്ച് കൃത്രിമ ശ്വാസം നല്‍കുകയും തുടര്‍ന്ന് അടിയന്തിര ശുശ്രൂഷ കള്‍ നല്‍കുകയും ചെയ്തു.
ആന്‍സിയുടെ കൃത്യമായ പരിചരണ ത്താല്‍ രോഗിക്ക് ഏതാനും മിനിറ്റു കള്‍ക്കകം ബോധം തെളിയുകയും ശ്വാസോച്ഛാസം ശരിയായ രീതിയില്‍ ആകുകയും ചെയ്തു. തുടര്‍ന്ന് ചികിത്സ ക്കായി വിമാനം അടിയന്തിരമായി കൊച്ചിയില്‍ ഇറക്കുകയും രോഗിയെ ആശുപത്രി യിലേക്ക് മാറ്റുകയും ചെയ്തു. അടിയന്തിര ഘട്ടത്തില്‍ ഉചിതമായ ഇടപെടല്‍ നടത്തിയതിന് വിമാന കമ്പനി അധികൃതരും പ്രത്യേകം ആന്‍സിക്ക് നന്ദി അറിയിച്ചു.
– മുഹമ്മദ് സഗീര്‍ പണ്ടാരത്തില്‍ , ദോഹ
- pma
അബുദാബി : ആരോഗ്യ സേവന മേഖല യിലെ മികച്ച സംഭാവനകള്‍ പരി ഗണിച്ച് ഡോ. ബി ആര്‍ ഷെട്ടിക്ക് ഹെല്ത്ത് കെയര്‍ സി ഇ ഓ ഓഫ് ദ ഇയര്‍ പുരസ്കാരം സമ്മാനിച്ചു. അറേബ്യന്‍ ബിസിനസ്സ് ഗ്രൂപ്പ് സഹോദര സ്ഥാപന മായ സി. ഇ. ഓ. മിഡില്‍ ഈസ്റ്റ്‌ മാഗസിന്‍ ആണ് ദുബായ് ബുര്‍ജ്‌ ഖലീഫ യില്‍ ചടങ്ങ് സംഘടിപ്പിച്ചത്
- pma
വായിക്കുക: nri, personalities, ആരോഗ്യം, ബഹുമതി
ഷാര്‍ജ : പ്രവാസി സംഘടന യായ ഏകത യുടെ ആഭിമുഖ്യ ത്തില്‍ ഡോ.സണ്ണി ഹെല്ത്ത് കെയര്‍ ഗ്രൂപ്പിന്റെ സഹകരണ ത്തോടെ സംഘടിപ്പിക്ക പ്പെട്ട ആരോഗ്യ ബോധവത്കരണ സെമിനാര്‍ ഷാര്‍ജ ഇന്ത്യന്‍ അസോസിയേഷന്‍ കോണ്‍ഫറന്‍സ് ഹാളില്‍ നടന്നു.
ഏകത പ്രസിഡന്റ് രാജീവ് സി. പി. ഡോക്ടര്‍ മാരോടൊപ്പം ഭദ്രദീപം കൊളുത്തി സെമിനാര്‍ ഉദ്ഘാടനം ചെയ്തു. പ്രവാസി കളെ അലട്ടുന്ന നിരവധി ആരോഗ്യ പ്രശ്‌നങ്ങളെ ക്കുറിച്ചും ആധുനിക ചികിത്സാ സൗകര്യങ്ങളെ ക്കുറിച്ചും വൈദ്യ ശാസ്ത്ര ത്തിലെ പ്രധാനപ്പെട്ട ശാഖ കളിലെ പ്രഗല്ഭരായ ഡോക്ടര്‍മാര്‍ നടത്തിയ ബോധവത്കരണ – സംശയ നിവാരണ ക്ലാസുകള്‍ വളരെ വിജ്ഞാനപ്രദ മായിരുന്നു.
ക്യാമ്പിനു ശേഷം നടന്ന ചടങ്ങില്‍ ഏകത ഭാരവാഹികള്‍ സെമിനാറില്‍ പങ്കെടുത്ത ഡോക്ടര്‍മാരെ അനുമോദിച്ചു. ഏകത ഭാവിയില്‍ നടത്താന്‍ ഉദ്ദേശി ക്കുന്ന പരിപാടി കളില്‍ എല്ലാവിധ സഹായ സഹകരണ ങ്ങളും സണ്ണി ഗ്രൂപ്പ് വാഗ്ദാനം ചെയ്തു. ഇത്തരം പരിപാടി കളില്‍ പങ്കു ചേരാന്‍ ആഗ്രഹിക്കുന്ന വര്‍ക്ക് ekata.sharjah at gmail dot com എന്ന ഇ – മെയില്‍ വിലാസ ത്തില്‍ ബന്ധപ്പെടാ വുന്നതാണ്.
- pma
വായിക്കുക: ആരോഗ്യം, സാമൂഹ്യ സേവനം
അബുദാബി : പ്രവാസി പുനരധിവാസ പദ്ധതികള്‍ ആസൂത്രണം ചെയ്തു കൊണ്ട് ‘അല്‍സലാമ കണ്ണാശുപത്രി’ യുടെ ഷോണ്‍ ഒപ്റ്റിക്കല്‍ & വിഷന്‍ സെന്ററുകള്‍ കേരള ത്തില്‍ 30 സുപ്രധാന നഗരങ്ങളില്‍ പ്രവര്‍ത്തനം ആരംഭിക്കുന്നു. ഇതിന്റെ ആദ്യ പടിയായി മഞ്ചേരി, മലപ്പുറം, കൊണ്ടോട്ടി, പട്ടാമ്പി, വേങ്ങര, കോട്ടയ്ക്കല്‍ ,തിരൂര്‍ എന്നിവിടങ്ങളില്‍ വിഷന്‍ സെന്ററുകള്‍ വിജയകരമായി മുന്നേറുന്നു.
അബുദാബി യില്‍ എത്തിയ ‘അല്‍സലാമ ഗ്രൂപ്പി’ന്റെ പ്രതിനിധി സംഘം വാര്‍ത്താ സമ്മേളന ത്തില്‍ പറഞ്ഞതാണ് ഇക്കാര്യം. നേത്ര ചികിത്സാ രംഗത്ത് ചുരുങ്ങിയ കാലം കൊണ്ട് കേരള ത്തില്‍ ശ്രദ്ധേയരായ ‘അല്‍സലാമ’ പ്രവാസി കളുടെ പങ്കാളിത്ത ത്തോടെ വിപുലീകരി ക്കാനുള്ള പദ്ധതികള്‍ ആവിഷ്‌കരിക്കുന്നു എന്നും പ്രതിനിധി സംഘം പറഞ്ഞു. ഈ വിഷന്‍ സെന്ററുകളില്‍ നിശ്ചിത തുക നിക്ഷേപിക്കുന്ന പ്രവാസി മലയാളികള്‍ക്ക്‌ ഇവിടെ ഡയറക്ടര്‍ സ്ഥാനം കൂടാതെ ശമ്പളവും നിക്ഷേപിച്ച തുക യുടെ ലാഭ വിഹിതവും നല്‍കും.
നേത്ര പരിശോധനാ രംഗത്ത് ഇന്ത്യയിലും വിദേശത്തും ലക്ഷ ക്കണക്കിന് ഒപ്‌ട്രോമെട്രിസ്റ്റുകളെ ആവശ്യ മുള്ളപ്പോള്‍ വളരെ കുറച്ച് സ്ഥാപന ങ്ങള്‍ മാത്രമാണ് ഈ മേഖല യില്‍ പരിശീലനം നല്കുന്നത്. കേരളത്തില്‍ ഈ രംഗത്ത് പ്രവര്‍ത്തിക്കുന്നത് ഏതാനും സ്ഥാപനങ്ങള്‍ മാത്ര മാണ്.കേരള ത്തില്‍ ബി. എസ്സ്. സി. ഒപ്‌റ്റോ മെട്രിക്കിന് കേരള മെഡിക്കല്‍ യൂണിവേഴ്‌സിറ്റി യുടെ അംഗീകാരം ലഭിച്ച ഏക സ്ഥാപനമാണ് അല്‍സലാമ ആശുപത്രി. ഈ കോഴ്സിനു പുറമെ എം. ബി. എ. കോഴ്‌സും അല്‍ സലാമ നടത്തുന്നുണ്ട്.
കേരളത്തില്‍ ആദ്യമായി സഞ്ചരിക്കുന്ന ഐ ടെസ്റ്റിംഗ് യൂണിറ്റ് അല്‍ സലാമ പുറത്തിറക്കിക്കഴിഞ്ഞു. ഗ്ലൂക്കോമ, ഡയബറ്റിക് റെറ്റിനോപ്പതി, കോങ്കണ്ണ് തുടങ്ങിയ നേത്ര സംബന്ധമായ എല്ലാ അസുഖ ങ്ങളുടെയും പ്രാഥമിക പരിശോധനാ സൗകര്യങ്ങള്‍ തികച്ചും സൗജന്യ മായി ഇതില്‍ ഒരുക്കിയിട്ടുണ്ട്.
വാര്‍ത്താ സമ്മേളന ത്തില്‍ അല്‍ സലാമ ആശുപത്രി ചെയര്‍മാന്‍ മുഹമ്മദ്കുട്ടി, മാനേജിംഗ് ഡയറക്ടര്‍ അഡ്വ. എം. ഷംസുദ്ദീന്‍ ,മെഡിക്കല്‍ ഡയറക്ടര്‍ ഡോ. മുഹമ്മദ് സാദിഖ്, വൈസ് ചെയര്‍മാന്‍ അഷറഫ് കിഴിശ്ശേരി, എക്‌സിക്യൂട്ടീവ് ഡയറക്ടര്‍ അലവി ഹാജി പാട്ടശ്ശേരി എന്നിവര്‍ പങ്കെടുത്തു.
കൂടുതല്‍ വിവര ങ്ങള്‍ക്ക് അല്‍സലാമ വെബ്‌സൈറ്റ് സന്ദര്‍ശിക്കുകയോ 056 121 82 84 ( മുഹമ്മദ്കുട്ടി ) , 055 11 34 025 (അഷറഫ് കിഴിശ്ശേരി) എന്നീ നമ്പറുകളില്‍ ബന്ധപ്പെടുകയോ ചെയ്യാം.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്‍) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
