ലുലു ഹൈപ്പർ മാർക്കറ്റ് റബ്ദാന്‍ മാളില്‍ തുറന്നു

February 7th, 2023

inauguration-lulu-hyper-market-in-rabdan-mall-ePathram
അബുദാബി : ലുലു ഗ്രൂപ്പിൻ്റെ 246 ആമത് ഹൈപ്പർ മാർക്കറ്റ് അബുദാബി ബൈന്‍ അല്‍ ജസ്രൈനിലെ റബ്ദാൻ മാളിൽ തുറന്നു.

ബൈനൽ ജസ്രൈൻ കോപ്പറേറ്റീവ് ബോർഡ് ചെയർമാൻ ശൈഖ് ഹമദ് ബിൻ ബുത്തി അൽ ഹമദ്,  ലുലു ഗ്രൂപ്പ് ചെയർമാൻ എം. എ. യൂസഫലി യുടെയും മറ്റ് വിശിഷ്ട അതിഥികളുടെയും സാന്നിദ്ധ്യത്തിൽ ഹൈപ്പർ മാർക്കറ്റിൻ്റെ ഉദ്ഘാടനം നിർവ്വഹിച്ചു.

പുതുതായി ആരംഭിച്ച റബ്ദാൻ മാളിലെ 80,000 ചതുരശ്രയടി വിസ്തീർണ്ണത്തിലുള്ള ലുലു ഹൈപ്പർ മാർക്കറ്റില്‍ ഗ്രോസറി, ഫ്രഷ് ഉൽപ്പന്നങ്ങൾ, ഇലക്ടോണിക്സ്, ഗാർമെൻ്റ്സ്, ഫാഷൻ, സ്റ്റേഷനറി, ഗൃഹോപകരണങ്ങൾ ഉൾപ്പെടെ വിശാലമായ ശേഖരമാണ്.

അബുദാബി എമിറേറ്റിലെ നാല്പതാമത്തെ ഹൈപ്പർ മാർക്കറ്റ് ബൈനൽ ജസ്രൈനിലും പരിസര പ്രദേശ ങ്ങളിലും താമസിക്കുന്ന വർക്കായി ഏറ്റവും മികച്ച ഷോപ്പിംഗ് അനുഭവം നൽകാൻ സാധിക്കും.

m-a-yousufali-with-guests-in-246-th-lulu-hyper-market-ePathram

സഹകരണ രംഗത്തെ പ്രമുഖ സ്ഥാപനമായ ബൈനൽ ജസ്രൈനുമായി ചേർന്ന് പുതിയ ഹൈപ്പർ മാർക്കറ്റ് ആരംഭിക്കുവാൻ കഴിഞ്ഞതിൽ ഏറെ സന്തോഷം  എന്ന് എം. എ. യൂസഫലി പറഞ്ഞു.

യു. എ. ഇ. യിൽ കൂടുതൽ ഹൈപ്പർ മാർക്കറ്റു കൾ ആരംഭിക്കുന്നതിനുള്ള പദ്ധതികൾ നടപ്പിലാക്കി വരികയാണ്. ഇതിനായി എല്ലാ സൗകര്യങ്ങളും ചെയ്തു തരുന്ന യു. എ. ഇ. ഭരണ കർത്താക്കൾക്ക് നന്ദി പറയുന്നു എന്നും അദ്ദേഹം പറഞ്ഞു.

മലയാളികൾ ഉൾപ്പെടെയുള്ള പ്രവാസി സമൂഹത്തിൻ്റെ നിർലോഭമായ പിന്തുണയും ലുലു ഗ്രൂപ്പിൻ്റെ വളർച്ചക്കു പങ്ക് വഹിക്കുന്നു എന്നും യൂസുഫലി കൂട്ടിച്ചേർത്തു.

ലുലു ഗ്രൂപ്പ് സി. ഇ. ഒ. സൈഫി രൂപാവാല, എക്സിക്യൂട്ടീവ് ഡയറക്ടർ എം. എ. അഷ്റഫ് അലി തുടങ്ങിയവരും പൗര പ്രമുഖരും ലുലു ഉന്നത ഉദ്യോഗസ്ഥരും സംബന്ധിച്ചു. LuLu FB Page

- pma

വായിക്കുക: , , ,

അഭിപ്രായം എഴുതുക »

രക്തം ദാനം ചെയ്ത് തവക്കല്‍ ടൈപ്പിംഗ് ഗ്രൂപ്പ് ജീവനക്കാര്‍

February 1st, 2023

mass-blood-donation-drive-al-tawakkal-team-ePathram
അബുദാബി : അൽതവക്കൽ ടൈപ്പിംഗ് സെന്‍റര്‍ സംഘടിപ്പിച്ച മാസ്സ് ബ്ലഡ് ഡൊണേഷൻ ഡ്രൈവും ആൽഫ തവക്കൽ ലോഗോ പ്രകാശനവും മുസ്സഫ യിലെ തവക്കൽ ടൈപ്പിംഗ് ഹെഡ് ഓഫീസിൽ വെച്ച് നടന്നു.

അബുദാബി ബ്ലഡ് ബാങ്കുമായി സഹകരിച്ചു നടത്തിയ മാസ്സ് ബ്ലഡ് ഡൊണേഷൻ ഡ്രൈവ്, പൗര പ്രമുഖനും വ്യവസായിയുമായ ഖാദിം സുൽത്താൻ റാഷിദ് അൽ ജുനയ്ബി ഉദ്ഘാടനം ചെയ്തു. അഹമ്മദ് അബ്ദുൽ മുഈൻ അഹമ്മദ് മുഹമ്മദ് ബുഅയ്നയ്ന്, അഹമ്മദ് അലവി അഹമ്മദ് സാലിം എന്നിവർ മുഖ്യാതിഥികള്‍ ആയിരുന്നു.

al-tawakkal-typing-alpha-digital-logo-release-ePathram

ആൽഫ തവക്കല്‍ ലോഗോ പ്രകാശനം

അൽതവക്കൽ ഗ്രൂപ്പിനു കീഴിലെ 150 ഓളം ജീവനക്കാർ രക്തം ദാനം ചെയ്തു. തവക്കല്‍ ഗ്രൂപ്പിന്‍റെ ഡിജിറ്റൽ വിഭാഗമായ ആൽഫ തവക്കല്‍ ലോഗോ പ്രകാശനം ചെയ്തു.

മാനേജിംഗ് ഡയറക്ടർ സി. കെ മൻസൂർ, ജനറൽ മാനേജർ സി. മുഹിയുദ്ധീന്‍, സീനിയർ ജനറൽ മാേനജർമാരായ കെ. ദേവദാസൻ, എം. ഷാജഹാൻ, പി. ഫൈസൽ അലി, കെ. വി. മുഹമ്മദ് ഷരീഫ്, സി. ഷമീർ, എൻ. മുഹമ്മദ് ആസിഫ് തുടങ്ങിയവര്‍ നേതൃത്വം നല്‍കി. Altawakkal : Twitter

- pma

വായിക്കുക: , , , , , , , ,

അഭിപ്രായം എഴുതുക »

ലുലു ഇന്ത്യാ ഉത്സവ് 2023 : 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം

January 28th, 2023

indian-ambassedor-sanjay-sudheer-inaugurate-lulu-utsav-2023-ePathram
അബുദാബി : ഇന്ത്യയുടെ വൈവിധ്യ പൂർണ്ണമായ സംസ്‌കാരവും പാരമ്പര്യവും രുചികളും ലോക ജനതക്കു കൂടുതല്‍ പരിചയ പ്പെടു ത്തുന്ന തിനായി യു. എ. ഇ. യിലെ ലുലു ഹൈപ്പർ മാർക്കറ്റുകളിൽ ‘ഇന്ത്യ ഉത്സവ്’ വൈവിധ്യമാര്‍ന്ന പരിപാടികളോടെ തുടക്കം കുറിച്ചു. ഇന്ത്യയുടെ 74 ആമത് റിപ്പബ്ലിക് ദിനത്തോട് അനുബന്ധച്ച് ഇരു രാജ്യങ്ങളും തമ്മിലുള്ള സാംസ്‌കാരിക ബന്ധം ശക്തി പ്പെടുത്തുന്നതിനുള്ള ലുലു വിന്‍റെ ശ്രമങ്ങളുടെ ഭാഗമായാണിത്.

അബുദാബി അൽ വഹ്ദ മാളിലെ ലുലു വിൽ നടന്ന ചടങ്ങിൽ ലുലു ഗ്രൂപ്പ് ഇന്‍റർ നാഷണൽ ചീഫ് എക്‌സി ക്യൂട്ടീവ് ഓഫീസർ സൈഫി രൂപവാല യുടെ സാന്നിദ്ധ്യ ത്തിൽ ഇന്ത്യൻ സ്ഥാനപതി സഞ്ജയ് സുധീർ ഉദ്ഘാടനം നിർവ്വഹിച്ചു.

ഇന്ത്യയും യു. എ. ഇ. യും തമ്മിലുള്ള ഊഷ്മള ബന്ധത്തെ വാണിജ്യം, പാചക രീതി, സംസ്കാരം എന്നിവ യിലൂടെ ലുലു ഇന്ത്യ ഉത്സവ് മനോഹരമായി രൂപപ്പെടു ത്തുന്നു എന്ന് ഇന്ത്യൻ സ്ഥാനപതി സഞ്ജയ് സുധീർ പറഞ്ഞു. ഇന്ത്യയുടെ സംസ്‌കാരം, പാചക രീതികൾ, ജീവിത ശൈലി, ഫാഷൻ, ഭക്ഷണ പാനീയ ങ്ങൾ തുടങ്ങിയവ അടുത്തറിയാനുള്ള മികച്ച അവസരമായി ‘ഇന്ത്യ ഉത്സവ്’ മാറും.

lulu-utsav-2023-win-gold-promotion-ePathram

പരിപാടിയുടെ ഭാഗമായി മികച്ച ഓഫറുകൾ ഇന്ത്യൻ ഉത്പന്നങ്ങൾക്ക് പ്രഖ്യാപിച്ചിട്ടുണ്ട്. ലോകം എങ്ങുമുള്ള ആളുകൾക്ക് ഇന്ത്യൻ കര കൗശല വസ്തുക്കൾ, ഖാദി ഉത്പ്പന്നങ്ങൾ, പ്രാദേശിക പാചക രീതികൾ, ലഘു ഭക്ഷണങ്ങൾ എന്നിവ പരിചയപ്പെടുത്തുന്ന തിനും പ്രോത്സാഹി പ്പിക്കുന്നതിനുമായി പ്രത്യേക സ്റ്റാളുകളും ലുലു വില്‍ ഒരുക്കിയിട്ടുണ്ട്.

ഇന്ത്യയിൽ നിന്നുള്ള ഉത്പ്പന്നങ്ങൾ കൂടുതല്‍ ജനങ്ങളിലേക്ക് എത്തിക്കുവാന്‍ ലുലു ഹൈപ്പർ മാർക്കറ്റ് നടപ്പാക്കിയ ‘ഇന്ത്യ ഉത്സവ്’ ഉദ്ഘാടനം ചെയ്യാൻ കഴിഞ്ഞതിൽ സന്തോഷം ഉണ്ടെന്നും ഇന്ത്യൻ സ്ഥാനപതി പറഞ്ഞു.

lwahda-mall-lulu-utsav-2023-ePathram

ഭക്ഷ്യ ഉത്പന്നങ്ങൾ, വസ്ത്രങ്ങൾ, ഗിഫ്റ്റ് സെറ്റുകൾ, പരമ്പരാഗത മധുര പലഹാരങ്ങൾ, അവശ്യ വസ്തുക്കൾ തുടങ്ങിയവ സീസണില്‍ ഉടനീളം ലഭ്യമാകും. ഉത്സവ ത്തിന്‍റെ ഭാഗമായി വൈവിധ്യമാര്‍ന്ന കലാ സാംസ്‌കാരിക പരിപാടി നടക്കും.

ഈ വർഷം ആദ്യ പാദത്തിൽ ലുലുവിൽ നിന്നും സാധനം വാങ്ങുന്ന ഉപഭോക്താകൾക്ക് ലുലു ‘വിൻ ഗോൾഡ് പ്രൊമോഷന്‍’ പദ്ധതിയില്‍ പങ്കാളികള്‍ ആകുവാന്‍ അവസരം ലഭിക്കും.

നൂറ് ദിർഹത്തിന് സാധനങ്ങള്‍ വാങ്ങിക്കുന്നവർക്ക് ഇലക്ട്രോണിക് റാഫിളിൽ പങ്കാളികള്‍ ആവാന്‍ അവസരം ലഭിക്കും. 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം നല്‍കും.

പ്രൊമോഷൻ കാലയളവിൽ യു. എ. ഇ. യിലെ ലുലു ഹൈപ്പർ മാർക്കറ്റ് സന്ദർശിക്കുന്ന അതിഥിയോടൊപ്പം നൃത്തം ചെയ്യാനുള്ള അവസരം ലഭിക്കും. LuLu UTSAV 2023

- pma

വായിക്കുക: , , , , ,

അഭിപ്രായം എഴുതുക »

പേലി മിഡിൽ ഈസ്റ്റ് ക്ലിനിക്ക് ബുർജീൽ മെഡിക്കൽ സിറ്റിയിൽ

January 11th, 2023

dr-paley-middle-east-clinic-in-burjeel-medical-city-ePathram
അബുദാബി : മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ ഒന്നായ ബുർജീൽ ഹോൾഡിംഗ്സ്, പ്രശസ്ത അസ്ഥി രോഗ വിദഗ്ദൻ ഡോ. ഡ്രോർ പേലിയുമായി ചേർന്ന് സങ്കീർണ്ണ ശസ്ത്ര ക്രിയകളും സേവനങ്ങളും പ്രദാനം ചെയ്യുന്ന ക്ലിനിക്ക് അബുദാബിയിൽ തുറന്നു.

സങ്കീർണ മെഡിക്കൽ സേവനങ്ങളിലും ശിശു രോഗ ചികിത്സാ വിഭാഗത്തിലെ ഉപ സ്പെക്ഷ്യാലിറ്റി കളിലും ശ്രദ്ധ ചെലുത്തുന്നതിന്‍റെ ഭാഗമായാണ് ഡോ. പേലിയു മായുള്ള ബുർജീൽ ഹോൾഡിംഗ്സിന്‍റെ പുതിയ പങ്കാളിത്തം. ബുർജീൽ മെഡിക്കൽ സിറ്റിയിൽ (ബി. എം. സി.) സ്ഥാപിച്ച പേലി മിഡിൽ ഈസ്റ്റ് ക്ലിനിക്ക്, മസ്കുലോസ്കെലെറ്റൽ പ്രശ്നങ്ങളുള്ളവർക്ക് ലോകോത്തര പരിചരണം നൽകി സങ്കീർണ്ണ ചികിത്സാ കേന്ദ്രമായി മാറുവാനാണ് ലക്ഷ്യം വെക്കുന്നത്.

ഇരുപതിനായിരത്തില്‍ അധികം കാൽ നീട്ടൽ ശസ്ത്ര ക്രിയകൾ ചെയ്തിട്ടുള്ള ഡോ. പേലിയുടെ മിഡിൽ ഈസ്റ്റിലെ ആദ്യ ക്ലിനിക്ക് ആണിത്. നൂറില്‍ അധികം വ്യത്യസ്‌ത ശസ്‌ത്ര ക്രിയകൾ വികസിപ്പിച്ച ഡോ. പേലി കാൽ നീട്ടൽ ശസ്ത്രക്രിയ, അസ്ഥി പുനർനിർമ്മാണം, കുട്ടികളുടെയും മുതിർന്നവരുടെയും കാൽ സന്ധി കളുടെ സംരക്ഷണം എന്നിവ കൈകാര്യം ചെയ്യുന്ന തിൽ ആഗോള തലത്തിൽ ശ്രദ്ധേയനാണ്.

ജന്മനായുള്ള അസ്ഥി വൈകല്യങ്ങൾ, പരിക്കുകളെ തുടർന്നുള്ള അസ്ഥികളുടെ സംരക്ഷണം, കാൽ വൈകല്യങ്ങൾ, സ്കെലെറ്റൽ ഡിസ്പ്ലാസിയ എന്നിവ ഉൾപ്പെടെയുള്ള പ്രത്യേക ഓർത്തോപീഡിക് അവസ്ഥ കളുടെ രോഗ നിർണ്ണയ ത്തിലും ചികിത്സ യിലും പുതിയ ക്ലിനിക്ക് നിർണ്ണായക സേവനങ്ങൾ ലഭ്യമാക്കും.

യു. എ. ഇ. യിൽ സേവനം ആരംഭിക്കുന്നതിൽ ഏറെ സന്തോഷം ഉണ്ട് എന്നും ലോകം എമ്പാടും ഉള്ള രോഗികളെ അത്യാധുനിക ചികിത്സകൾക്കായി ആകർഷിച്ച് സങ്കീർണ്ണ അസ്ഥിരോഗ ചികിത്സാ കേന്ദ്രമായി യു. എ. ഇ. യെ മാറ്റുകയാണ് ലക്ഷ്യം വെക്കുന്നത് – ഡോ. പേലി പറഞ്ഞു.

അന്താരാഷ്ട്ര തലത്തിലെ ഏറ്റവും മികച്ച ഡോക്ടർ മാരിലൂടെ ഏറ്റവും മികച്ച ചികിത്സാ സേവനങ്ങൾ യു. എ. ഇ. യിൽ ലഭ്യമാക്കാനുള്ള ബുർജീലിന്‍റെ ശ്രമ ങ്ങളുടെ തുടർച്ചയാണ് പേലി ക്ലിനിക്ക് എന്ന് ബുർജീൽ ഹോൾഡിംഗ്‌സ് സി. ഇ. ഒ. ജോൺ സുനിൽ പറഞ്ഞു.

ബുര്‍ജീല്‍ ഹോള്‍ഡിംഗ്സ് സ്ഥാപകനും ചെയര്‍മാനുമായ ഡോ. ഷംഷീര്‍ വയലില്‍ ബുര്‍ജീല്‍ ഹോള്‍ഡിംഗ്സ് ബിസിനസ്സ് ഡെവലപ്പ് മെന്‍റ് പ്രസിഡണ്ട് ഒമ്രാന്‍ അല്‍ഖൂരി, ബുര്‍ജീല്‍ ഹോള്‍ഡിംഗ്സ് സി. ഒ. ഒ. സഫീര്‍ അഹമ്മദ് എന്നിവരും പേലി ക്ലിനിക്ക് ഉദ്ഘാടന ചടങ്ങില്‍ പങ്കെടുത്തു.

- pma

വായിക്കുക: , , ,

അഭിപ്രായം എഴുതുക »

റീട്ടെയിൽ എം. ഇ. അവാർഡ് ലുലു ഗ്രൂപ്പിന്

January 11th, 2023

lulu-group-won-most-admired-responsible-retailer-of-the-year-awards-ePathram
ദുബായ് : മിഡില്‍ ഈസ്റ്റ് റീട്ടെയില്‍ ഫോറത്തില്‍ മികച്ച റീട്ടെയില്‍ ഓര്‍ഗനൈസേഷനുകള്‍ക്കും ബ്രാന്‍ഡുകള്‍ക്കും നല്‍കി വരുന്ന വാര്‍ഷിക റീട്ടെയില്‍ എം. ഇ. അവാര്‍ഡ് ലുലു ഗ്രൂപ്പിന് സമ്മാനിച്ചു. മോസ്റ്റ് അഡ്മിയേര്‍ഡ് റീട്ടെയില്‍ കമ്പനി എന്ന ബഹുമതിയാണ് ലുലു ഗ്രൂപ്പിന് ലഭിച്ചത്. ഇതു കൂടാതെ ഏറ്റവും ഉത്തരവാദിത്വം ഉള്ള റീട്ടെയിലര്‍, മികച്ച ഓമ്നിചാനല്‍ റീട്ടെയിലര്‍ എന്നിങ്ങനെയുള്ള രണ്ട് അവാര്‍ഡുകള്‍ കൂടി ലുലു ഗ്രൂപ്പ് കരസ്ഥമാക്കി.

റീട്ടെയിൽ വ്യവസായത്തിലെ ഏറ്റവും വലിയ കൂട്ടായ്മയായ മിഡിൽ ഈസ്റ്റ് റീട്ടെയിൽ ഫോറം, ഈ രംഗ ത്തെ പുതിയ സംരംഭങ്ങൾ ചർച്ച ചെയ്യുകയും പ്രദർശിപ്പി ക്കുകയും ചെയ്യുന്ന വേദിയാണ്. യു. എ. ഇ., സൗദി അറേബ്യ, ഒമാന്‍, കുവൈറ്റ്, ഈജിപ്ത് തുടങ്ങിയ രാജ്യങ്ങളിലെ റീട്ടെയിലര്‍മാരില്‍ നിന്ന് 135 ല്‍ അധികം നോമിനേഷനുകള്‍ ലഭിച്ചു. ഇവയില്‍ നിന്നാണ് ലുലു ഗ്രൂപ്പിന് വാര്‍ഷിക റീട്ടെയിലര്‍ എം. ഇ. അവാര്‍ഡ് സ്വന്തമായത്.

സ്റ്റോര്‍ ലേ ഔട്ടുകള്‍, ഉല്‍പ്പന്ന ശ്രേണി, പ്രവര്‍ത്തന മികവ്, ഭൂമിശാസ്ത്ര പരമായ സാന്നിദ്ധ്യം തുടങ്ങി ഏറ്റവും പുതിയ കണ്ടു പിടിത്ത ങ്ങളും വിപണനവും കണക്കിലെടുത്താണ് ലുലുവിനെ തെരഞ്ഞെടുത്തത്. യു. എ. ഇ. യുടെ ഭക്ഷ്യസുരക്ഷയിലും മേഖലയിലെ റീട്ടെയില്‍ വ്യവസായത്തിന്‍റെ വികസനത്തിലും ലുലു വഹിച്ച പങ്ക് ജൂറി പരിഗണിച്ചു. അപ്പാരല്‍ ഗ്രൂപ്പ്, സിക്‌സ് സ്ട്രീറ്റ് എന്നിവ യാണ് വിവിധ വിഭാഗങ്ങ ളിലെ മറ്റ് അവാര്‍ഡ് ജേതാക്കള്‍.

- pma

വായിക്കുക: , ,

അഭിപ്രായം എഴുതുക »


« Previous Page« Previous « വിസാ കാലാവധി കഴിഞ്ഞാല്‍ പിഴ അടച്ച് ഔട്ട് പാസ്സ് വാങ്ങി രാജ്യം വിടണം
Next »Next Page » പ്ലാസ്റ്റിക് ബാഗുകൾക്ക് അടുത്ത വര്‍ഷം മുതല്‍ പൂർണ്ണ നിരോധനം »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine