ദുബായ് : അന്തരിച്ച പ്രശസ്ത ചലച്ചിത്ര നടൻ മാമു ക്കോയ യുടെ സ്മരണാർത്ഥം മലബാർ പ്രവാസി (യു. എ. ഇ.) സംഘടിപ്പിക്കുന്ന ‘നമ്മുടെ സ്വന്തം മാമു ക്കോയ’ എന്ന പരിപാടിയുടെ ബ്രോഷര്‍ പ്രകാശനം ദുബായിൽ നടന്ന ചടങ്ങിൽ കോഴിക്കോട് പാർലമെൻറ് അംഗം എം. കെ. രാഘവൻ നിര്‍വ്വഹിച്ചു.
മോഹൻ വെങ്കിട്ട്, ജമീൽ ലത്തീഫ്, വിജയൻ കാലിക്കറ്റ് നോട്ട് ബുക്ക്, ഹാരിസ് കോസ് മോസ്, മൊയ്തു കുറ്റിയാടി, ഇഖ്ബാൽ ചെക്യാട്, ബി. എ. നാസർ, ജിജു കാർത്തികപ്പള്ളി, മൊയ്തു പേരാമ്പ്ര, നൗഷാദ് ഫറോഖ്, മുഹമ്മദ് ഏറാമല, ഷംസീർ തുടങ്ങിയവർ പങ്കെടുത്തു.
2024 ജനുവരി 27 ന് ദുബായ് ഖിസൈസിലെ ക്രസന്‍റ് സ്കൂൾ ഗ്രൗണ്ടിൽ ഒരുക്കുന്ന ‘നമ്മുടെ സ്വന്തം മാമു ക്കോയ’ യില്‍ അദ്ദേഹത്തിന്‍റെ അഭിനയ ജീവിത ത്തിലെ ശ്രദ്ധേയ രംഗങ്ങള്‍ ഉള്‍ക്കൊള്ളിച്ച ഡോക്യൂമെന്‍ററി പ്രദര്‍ശനം, പ്രശസ്ത മിമിക്രി കലാ കാരന്മാരും ഗായകരും പങ്കെടുക്കുന്ന കലാ വിരുന്നും അരങ്ങേറും.
മാമുക്കോയയുടെ നാടക-സിനിമാ അഭിനയ യാത്ര യിൽ അദ്ദേഹത്തോടൊപ്പം ഉണ്ടായിരുന്ന അഭിനേതാക്കൾ, സംവിധായകർ, സാംസ്കാരിക നായകർ, മാമുക്കോയയുടെ കുടുംബാംഗങ്ങളും പരിപാടിയിൽ പങ്കെടുക്കും എന്നും സംഘാടകർ അറിയിച്ചു. Remembering Actor Mamukkoya : തുടരും…
- Image Credit ; FB PAGE
- മാമുക്കോയയുടെ നിര്യാണത്തിൽ അനുശോചിച്ചു
