അബുദാബി : ചാവക്കാട് നിവാസികളുടെ അബുദാബി യിലെ പ്രവാസി കൂട്ടായ്മ യായ ‘ ബാച്ച് ചാവക്കാട് ‘ സംഘടിപ്പിച്ച ‘സ്നേഹ സംഗമം’ അബുദാബി എയര്‍പോര്‍ട്ട് റോഡിലെ കെ. എഫ്. സി. ക്കു സമീപമുള്ള പാര്‍ക്കില്‍ വെച്ച് നടന്നു.
സാഹിത്യകാരനായ പുതൂര്‍ ഉണ്ണികൃഷ്ണന്റെ നിര്യാണത്തില്‍ അനുശോചനം രേഖപ്പെടുത്തി തുടക്കം കുറിച്ച സ്നേഹ സംഗമ ത്തില്‍ അംഗ ങ്ങള്‍ക്കും കുട്ടികള്‍ക്കു മായി വിവിധ കായിക വിനോദ – വിജ്ഞാന പരിപാടി കളും മല്‍സര ങ്ങളും സംഘടിപ്പിച്ചു.
വിവിധ റേഡിയോ നിലയങ്ങളിലെ സംഗീത മല്‍സര ങ്ങളില്‍ പങ്കെടുത്ത് വിജയി ആയിട്ടുള്ള ഗായിക റംസീന്‍ ഡാനിഫ്‌ പുറത്തിറക്കുന്ന സംഗീത ആല്‍ബ ത്തിന്റെ യു. എ. ഇ. യിലെ പ്രകാശന കര്‍മ്മവും സംഗമ ത്തില്‍ നടന്നു.
യു. എ. ഇ. യിലെ വിവിധ എമിറേറ്റുകളില്‍ നിന്നുള്ള ചാവക്കാട് നിവാസികളായ സ്ത്രീകളും കുട്ടികളും അടക്കം മുന്നൂറോളം പേര്‍ അഞ്ചാം വാര്‍ഷിക കുടുംബ സംഗമ ത്തില്‍ പങ്കെടുത്തു.
എം. കെ. ഷറഫുദ്ധീന്‍, ബഷീര്‍ കുറുപ്പത്ത്, ബാബു രാജ്, സുനില്‍ നമ്പീരകത്ത്, സാദിഖ്അലി, സി. എം. കരീം, താഹിര്‍ താമരയൂര്‍ തുടങ്ങിയവര്‍ പരിപാടി കള്‍ക്ക് നേതൃത്വം നല്‍കി.
