പൊതു മാപ്പ് പ്രയോജനപ്പെടുത്തണം : മലയാളത്തിലും പ്രചാരണം

October 22nd, 2024

uae-amnesty-belegal-besafe-ePathram
ദുബായ്: വിസ നിയമ ലംഘകരായി ഇനിയും യു. എ. ഇ. യിൽ തുടരുന്ന വിദേശികൾ, എത്രയും വേഗത്തിൽ തന്നെ പൊതു മാപ്പ് സൗകര്യം പ്രയോജനപ്പെടുത്തണം എന്ന് ഓർമ്മിപ്പിച്ചു കൊണ്ടുള്ള പ്രചാരണത്തിൻ്റെ ഭാഗമായി ജി. ഡി. ആർ. എഫ്. എ. മലയാള ത്തിലും പോസ്റ്റർ ഇറക്കി.

അനധികൃത താമസക്കാർക്ക് ശിക്ഷ കൂടാതെ രാജ്യം വിടാനോ രേഖകൾ ശരിയാക്കി രാജ്യത്ത് തുടരാനോ അനുവദിക്കുന്ന ഗ്രേസ് പിരീഡ് (പൊതു മാപ്പ് കാലാവധി) അവസാനിക്കുവാൻ ഇനി ഏതാനും ദിവസങ്ങൾ മാത്രം ബാക്കി നിൽക്കെയാണ് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജി. ഡി. ആർ. എഫ്. എ.) വിവിധ ഭാഷകളിലും മുന്നറിയിപ്പ് നൽകിയിരി ക്കുന്നത്.

യു. എ. ഇ. സർക്കാരിൻ്റെ പൊതു മാപ്പ് ഒരു വലിയ അവസരമാണ്. രാജ്യത്ത് നിയമ ലംഘകരായി തുടരുന്നവർ ഈ ആനുകൂല്യം ഉപയോഗിച്ച് വേഗത്തിൽ ആവശ്യമായ നടപടി ക്രമങ്ങൾ പൂർത്തിയാക്കി കാലാവധി കഴിയുന്നതിന് മുൻപ് നിയമ പരമായ തുടർച്ച ഉറപ്പാക്കണം എന്നും അധികൃതർ അഭ്യർത്ഥിച്ചു.

കാലാവധിക്കുള്ളിൽ രാജ്യം വിടുന്നവർക്ക് യു. എ. ഇ. യിലേക്ക് തിരിച്ചെത്തുന്നതിൽ തടസ്സമില്ല എന്നും വകുപ്പ് വീണ്ടും സ്ഥിരീകരിച്ചു.

സെപ്തംബർ ഒന്നിന് തുടങ്ങിയ പൊതു മാപ്പ് ഉപയോഗപ്പെടുത്തി ഇതിനകം നിരവധി പേരാണ് തങ്ങളുടെ താമസം നിയമ വിധേയമാക്കിയത്. അതിനൊപ്പം തന്നെ ആയിരക്കണക്കിന് ആളുകൾ പിഴ ഒന്നും കൂടാതെ അവരുടെ സ്വദേശത്തേക്ക് മടങ്ങിയത്.

ഒക്ടോബർ 31 ന് ശേഷം നിയമ ലംഘകർ രാജ്യത്ത് തുടരുന്നു എങ്കിൽ വലിയ രീതി യിലുള്ള ശിക്ഷാ നടപടികൾ ഏറ്റു വാങ്ങേണ്ടി വരുമെന്ന് അധികൃതർ അറിയിച്ചു.

പൊതു മാപ്പ് സേവനവുമായി ബന്ധപ്പെട്ട ഏത് അന്വേഷണങ്ങൾക്കും 8005111 എന്ന നമ്പറിൽ വിളിക്കാം എന്നും ജി. ഡി. ആർ. എഫ്. എ. അറിയിച്ചു.

- pma

വായിക്കുക: , , , , ,

അഭിപ്രായം എഴുതുക »

മെട്രോയിലും ട്രാമിലും ഇ-സ്‌കൂട്ടറുകള്‍ കൊണ്ടു പോകാം : ആര്‍. ടി. എ.

October 5th, 2024

roads-transport-authority-dubai-logo-rta-ePathram
ദുബായ് : മടക്കി കൊണ്ടു പോകാവുന്ന ഇ-സ്‌കൂട്ടറുകള്‍ മെട്രോ-ട്രാം യാത്രയിൽ കൊണ്ടു പോകാം എന്ന് ദുബായ് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ.) അറിയിച്ചു. വൃത്തി ഇല്ലാത്തതും നനഞ്ഞതുമായ ഇ-സ്‌കൂട്ടറുകള്‍ അനുവദിക്കില്ല.

പ്ലാറ്റ്‌ ഫോമുകളിലും സ്റ്റേഷനുകളിലും മെട്രോ ട്രെയിനു കളിലേക്കും ട്രാമുകളിലേക്കും പ്രവേശിക്കുമ്പോള്‍ ഇ-സ്‌കൂട്ടറുകള്‍ പവർ ഓഫ് ചെയ്തു മടക്കിയ നിലയിൽ ആയിരിക്കണം എന്നും ആർ. ടി. എ. അറിയിച്ചു.

20 കിലോയില്‍ കൂടുതല്‍ ഭാരം ഇല്ലാത്തതും 120 സെന്റി മീറ്റര്‍, 70 സെന്റി മീറ്റര്‍, 40 സെന്റി മീറ്റര്‍ എന്ന അളവില്‍ ഉള്ളതും ആയിരിക്കണം. മെട്രോയിലും ട്രാമിലും എല്ലാ പ്രവര്‍ത്തന സമയത്തും ഇവ കൊണ്ടു പോകാം.

എന്നാൽ മെട്രോയിലും ട്രാം പരിസരങ്ങളിലും വെച്ച് ഇ-സ്‌കൂട്ടര്‍ ചാര്‍ജ്ജ് ചെയ്യാന്‍ പാടില്ല. മെട്രോ ട്രെയിൻ-ട്രാം വാതിലുകള്‍, ഇരിപ്പിടങ്ങള്‍, ഇടനാഴികള്‍, എമര്‍ജന്‍സി ഉപകരണങ്ങള്‍ എന്നിവ തടയുന്ന വിധത്തില്‍ ഇവ നിർത്താനും പാടില്ല.

മറ്റു യാത്രക്കാർക്ക് ബുദ്ധിമുട്ടുകൾ ഉണ്ടാവാത്ത വിധവും സ്വന്തം ഉത്തരവാദിത്വത്തിലും ഇ-സ്‌കൂട്ടറു കള്‍ സുരക്ഷിതമായി കൊണ്ടു പോകുവാൻ ഏറെ നിബന്ധനകളോടെ ആര്‍. ടി. എ. ഇപ്പോൾ അനുവദിച്ചിരിക്കുന്നത് മലയാളികൾ അടക്കമുള്ള പ്രവാസികൾക്ക് ഏറെ ആശ്വാസം പകരുന്നു. ഇക്കഴിഞ്ഞ മാര്‍ച്ച് മുതലാണ് യാത്രക്കാരുടെ സുരക്ഷ ഉറപ്പാക്കാന്‍ മെട്രോയിലും ട്രാമിലും ഇ-സ്‌കൂട്ടറുകള്‍ നിരോധിച്ചത്.

- pma

വായിക്കുക: , , , , , , ,

അഭിപ്രായം എഴുതുക »

യു. എ. ഇ. പാസ്സ് : സൈബർ തട്ടിപ്പുകൾക്ക് എതിരെ മുന്നറിയിപ്പ്

September 11th, 2024

cyber-pulse-beware-e-fraud-hacker-attack-ePathram
ദുബായ് : സർക്കാർ ഉദ്യോഗസ്ഥർ എന്ന് അവകാശപ്പെട്ട് ഉപഭോക്താക്കളിൽ നിന്നും യു. എ. ഇ. പാസ്സ് ലോഗിൻ കോഡുകൾ തട്ടിയെടുക്കുന്ന സൈബർ തട്ടിപ്പുകൾക്ക് എതിരെ ദുബായ് എമിഗ്രേഷൻ മുന്നറിയിപ്പ് നൽകി.

വ്യാജ സന്ദേശങ്ങളിലൂടെ തട്ടിപ്പുകാർ UAE PASS ലോഗിൻ വിവരങ്ങൾ ആവശ്യപ്പെടുകയും തുടർന്ന് ഒറ്റത്തവണ പാസ്സ്‌ വേർഡ്‌ (OTP) നമ്പർ പങ്കു വെക്കാൻ നിർബ്ബന്ധിക്കുകയും ചെയ്യുന്നു.

യാതൊരു കാരണ വശാലും അപരിചിതരുമായി തങ്ങളുടെ UAE പാസ്സ് ലോഗിൻ വിവരങ്ങളോ OTP നമ്പറുകളോ പങ്കു വെക്കരുത് എന്ന് അധികൃതർ ആവശ്യപ്പെട്ടു. ഈയിടെ ഇത്തരം തട്ടിപ്പുകൾക്ക് ഇരയായ ചിലരുടെ പരാതികൾ ലഭിച്ചതിനെ തുടർന്നാണ് ജനങ്ങളോട് ജാഗ്രത പാലിക്കാൻ വീണ്ടും ആഹ്വാനം ചെയ്തത്.

ഇത്തരത്തിലുള്ള തട്ടിപ്പിന് ഇരയാകും എന്ന സംശയം തോന്നിയാൽ ഉടൻ തന്നെ 800 5111- എന്ന ടോൾഫ്രീ നമ്പരിൽ വിളിക്കണം എന്നും ദുബായ് എമിഗ്രേഷൻ അഭ്യർത്ഥിച്ചു.

- pma

വായിക്കുക: , , , , , , , , , ,

അഭിപ്രായം എഴുതുക »

മെഹ്ഫിൽ ചെറുകഥാ മത്സരം : ഹുസ്ന റാഫിക്ക് ഒന്നാം സ്ഥാനം

September 11th, 2024

husna-raffi-winner-mehfil-short-story-competition-2024-ePathram

ദുബായ് : മെഹ്ഫിൽ ഇന്‍റർനാഷണൽ നടത്തിയ ചെറുകഥാ മത്സരത്തിൽ ഹുസ്‌ന റാഫിയുടെ ‘ചുഴലി കൂവ’ ഒന്നാം സ്ഥാനം നേടി.

റസീന ഹൈദറിന്‍റെ ‘ഇസഡ്’, മനോജ്‌ കോടിയത്തിന്‍റെ ‘പതക്കറ്റ’ എന്നീ കഥ കൾ യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി.

അഞ്ചു കഥകൾ പ്രത്യേക ജൂറി പരാമർശം നേടി. പഗ്മാർക്ക് (അനൂപ് കുമ്പനാട്), പാറ്റ (റസീന കെ. പി.), കഥാതന്തു (ജാസ്മിൻ അമ്പലത്തിലകത്ത്), ചുവന്ന ലോകം (ആരതി നായർ), ദേശാടന പക്ഷികൾ ഉറങ്ങാറില്ല (വൈ. എ. സാജിദ).

രമേഷ് പെരുമ്പിലാവ്, ഷാനവാസ് കണ്ണഞ്ചേരി എന്നിവർ തെരഞ്ഞെടുത്ത പത്തു കഥകളിൽ നിന്ന് തിരക്കഥാ കൃത്തും സംവിധായകനുമായ പി. ജി. ജോൺസണാണ് സമ്മാനാർഹമായ മികച്ച കഥകൾ കണ്ടെത്തിയത്.

മെഹ്ഫിൽ മ്യൂസിക് ആൽബം ഫെസ്റ്റിൽ വെച്ച് വിജയികൾക്ക് സമ്മാനങ്ങൾ വിതരണം ചെയ്യുമെന്ന് സംഘാടകർ അറിയിച്ചു. FaceBook Instagram

- pma

വായിക്കുക: , , , , , ,

അഭിപ്രായം എഴുതുക »

പാസ്സ് പോർട്ട് നഷ്ടപ്പെട്ടവര്‍ ഔട്ട് പാസ്സിന് ഉടൻ അപേക്ഷ നല്‍കണം

September 4th, 2024

indian-passport-cover-page-ePathram
ദുബായ് : യു. എ. ഇ. യിലെ അനധികൃത താമസക്കാർ, ഇപ്പോൾ നടപ്പിലാക്കിയ പൊതു മാപ്പ് സംവിധാനം എത്രയും വേഗം ഉപയോഗപ്പെടുത്തണം എന്നും പാസ്സ് പോർട്ട് നഷ്ടപ്പെട്ടവര്‍, നാട്ടിലേക്ക് പോകാനുള്ള ഔട്ട് പാസ്സിന് എത്രയും പെട്ടെന്ന് തന്നെ അപേക്ഷ നല്‍കണം എന്നും ഇന്ത്യൻ നയതന്ത്ര കാര്യാലയം അറിയിച്ചു.

2024 സെപ്റ്റംബർ ഒന്നിന് തുടക്കമായ പൊതു മാപ്പ് (ഗ്രേസ് പിരീഡ് സംരംഭം) കാലയളവിൽ ഔട്ട് പാസ്സ് നടപടി ക്രമങ്ങള്‍ പൂര്‍ത്തിയാക്കാന്‍ കൂടുതൽ ദിവസങ്ങൾ വേണ്ടി വരും.

പുതിയ പാസ്സ് പോർട്ട് ലഭിക്കാൻ ആവശ്യമായ രേഖകൾ അടക്കം ബി. എല്‍. എസ്. വഴി അപേക്ഷിക്കാം. എംബസി/കോണ്‍സുലേറ്റ് ഔട്ട് പാസ്സ് ഇഷ്യൂ ചെയ്തു കഴിഞ്ഞു മാത്രമേ പൊതു മാപ്പിന് അധികൃതര്‍ക്ക് മുമ്പാകെ അപേക്ഷ നല്‍കാന്‍ സാധിക്കുകയുള്ളൂ.

ഐ. സി. പി. ഇലക്ട്രോണിക് ചാനലുകള്‍ വഴി ഓണ്‍ ലൈനിൽ അല്ലെങ്കിൽ യു. എ. ഇ. യിലെ ഏതൊരു ഐ. സി. പി. സെൻ്റർ, അംഗീകൃത ടൈപ്പിംഗ് സെൻ്റർ എന്നിവരിലൂടെയോ എക്സിറ്റ് പെർമിറ്റ് നു വേണ്ടി അപേക്ഷിക്കാൻ അതാതു നയതന്ത്ര കാര്യാലയ ങ്ങളിൽ നിന്നുള്ള ഔട്ട് പാസ്സ് സമർപ്പിക്കണം.

ആവശ്യമായ വിശദാംശങ്ങളും രേഖകളും ലഭിച്ചു കഴിഞ്ഞാല്‍ പിഴകൾ കൂടാതെ പൊതു മാപ്പിന് അപേക്ഷിക്കാം. അനധികൃത താമസക്കാര്‍ രേഖകൾ ശരിയാക്കി എക്സിറ്റ് പെര്‍മിറ്റ് നേടിക്കഴിഞ്ഞാല്‍ 14 ദിവസത്തിനകം രാജ്യം വിടണം.

യു. എ. ഇ. യില്‍ തന്നെ തുടരുവാൻ സാധിക്കുന്നവർ പുതിയ സ്‌പോൺസറുടെ ഓഫര്‍ ലെറ്റര്‍ മുഖേന യു. എ. ഇ. യില്‍ തുടരാനും 14 ദിവസം ലഭിക്കും. രേഖകൾ കൃത്യമാക്കിയതിനു ശേഷം രാജ്യത്ത് തുടരാന്‍ ആഗ്രഹിക്കുന്നവര്‍ക്കും കോണ്‍സുലേറ്റുമായി ബന്ധപ്പെടാം.

- pma

വായിക്കുക: , , , , , , , , ,

അഭിപ്രായം എഴുതുക »

4 of 1063451020»|

« Previous Page« Previous « ലുലു എക്സ് ചേഞ്ച് പതിനഞ്ചാം വാർഷികം ആഘോഷിച്ചു
Next »Next Page » ഇടപ്പാളയം അബുദാബി ചാപ്റ്റർ പുതിയ കമ്മറ്റി നിലവിൽ വന്നു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine