പ്രവാസി « e പത്രം – Gulf News – അറബിനാടുകള്‍

നബിദിനം : സ്വകാര്യമേഖലയിൽ ശമ്പളത്തോടു കൂടിയുള്ള അവധി

October 12th, 2021

green-dome-masjid-ul-nabawi-ePathram
അബുദാബി : നബി ദിനം പ്രമാണിച്ച് 2021 ഒക്ടോബർ 21 വ്യാഴാഴ്ച, യു. എ. ഇ. യിലെ സ്വകാര്യ മേഖലയിലെ സ്ഥാപനങ്ങളിലെ ജീവനക്കാർക്ക് ശമ്പളത്തോടു കൂടി യുള്ള അവധി ആയിരിക്കും എന്ന് മാനവ വിഭവ ശേഷി മന്ത്രാലയം അറിയിച്ചു.

#MOHRE announces Thursday, October 21, a paid leave for all employees in the private sector’s establishments, institutions and companies, on the occasion of Mawlid al-Nabawi. #UAE pic.twitter.com/M7SzsWmGAp

— MOHRE_UAE وزارة الموارد البشرية والتوطين (@MOHRE_UAE) October 10, 2021

വ്യാഴം, വെള്ളി ദിവസങ്ങള്‍ കൂടി സ്വകാര്യ മേഖലാ ജീവനക്കാർക്ക് 2 ദിവസവും അവധി ആയിരിക്കും. സർക്കാർ ജീവനക്കാർക്ക് വാരാന്ത്യ അവധി ദിവസങ്ങൾ കൂടി ചേർത്ത് തുടർച്ചയായി 3 ദിവസം. സർക്കാർ ഓഫീസുകൾ ഒക്ടോബർ 24 ഞായറാഴ്ച മുതൽ പ്രവർത്തനം തുടരും.

MOHRE_UAE :Twitter , W A M

- pma

വായിക്കുക: jobs, തൊഴിലാളി, നിയമം, പ്രവാസി, മതം, യു.എ.ഇ.

അഭിപ്രായം എഴുതുക »

കാലാവധി തീരുന്നതിന് ഒരു വർഷം മുമ്പ് പാസ്സ് പോര്‍ട്ട് പുതുക്കാം

October 9th, 2021

indian-passport-cover-page-ePathram
ദുബായ് : ഇന്ത്യന്‍ പ്രവാസികളുടെ പാസ്സ് പോര്‍ട്ടു കളുടെ കാലാവധി തീരുന്നതിനു ഒരു വര്‍ഷം മുമ്പ് തന്നെ പുതുക്കാം. അവസാന തിയ്യതി വരെ പുതുക്കുവാനായി കാത്തിരി ക്കരുത് എന്ന്‍ ദുബായിലെ ഇന്ത്യൻ കോൺ സുലേറ്റ് ഓര്‍മ്മിപ്പിച്ചു.

പാസ്സ് പോര്‍ട്ടു പുതുക്കുന്നതിന് കാലാവധി തീരുന്നത് വരെ പലരും കാത്തിരിക്കുകയാണ്. അവസാന സമയ ത്തെ തിരക്ക് ഒഴിവാക്കാൻ മുൻകൂട്ടി പ്ലാൻ ചെയ്ത് പുതുക്കുന്നത് ഏറ്റവും ഗുണകരം എന്നും പാസ്സ് പോര്‍ട്ട് വിഭാഗം കോൺസുൽ രാം കുമാർ തങ്കരാജ് പറഞ്ഞു.

പാസ്സ് പോര്‍ട്ട് പുതുക്കുന്നതിനുള്ള പോലീസ് വെരിഫി ക്കേഷൻ പ്രക്രിയ, 2020 സെപ്റ്റംബര്‍ മുതൽ യു. എ. ഇ. ഇന്ത്യൻ കോൺസുലേറ്റ് പുന: സ്ഥാപിച്ചിരുന്നു. എന്നാല്‍ പോലീസ് വെരി ഫിക്കേഷൻ വേണ്ടാത്ത വർക്ക് അപേക്ഷ നൽകി രണ്ട് ദിവസം കൊണ്ട് പാസ്സ്പോര്‍ട്ട് പുതുക്കി കിട്ടും എന്നും അദ്ദേഹം വ്യക്തമാക്കി.

- pma

വായിക്കുക: ഇന്ത്യന്‍ കോണ്സുലേറ്റ്, ദുബായ്‌, നിയമം, പ്രവാസി

അഭിപ്രായം എഴുതുക »

അഞ്ഞൂറില്‍ അധികം ഡോക്ടർമാർക്ക് ഗോൾഡൻ വിസ സമ്മാനിച്ചു.

October 7th, 2021

അബുദാബി : യു. എ. ഇ. യിൽ അഞ്ഞൂറില്‍ ഏറെ ഡോക്ടർമാർക്ക് ഗോൾഡൻ വിസ നല്‍കി. ആരോഗ്യ മേഖലക്ക് സർക്കാർ നൽകുന്ന പ്രാധാന്യത്തെയും ആരോഗ്യ മേഖല യിൽ കഴിവു തെളിയിച്ചവരെ രാജ്യത്ത് നില നിർത്തേണ്ട ആവശ്യകതയും പരിഗണിച്ചു കൊണ്ടാണ് ഇത്രയധികം പേർക്ക് ഗോൾഡന്‍ വിസ നല്‍കിയത്.

വിജയകരമായ അപേക്ഷകർക്ക് 10 വർഷം വരെ വിസ നൽകുന്നു, ഗോൾഡൻ ഉടമകൾക്ക് ഒരു സ്പോൺസറുടെ ആവശ്യം ഇല്ലാതെ എമിറേറ്റിൽ ജീവിക്കാനും ജോലി ചെയ്യു വാനും പഠിക്കുവാനും കഴിയും.

ആരോഗ്യ പരിപാലനം ഉൾപ്പെടെ എമിറേറ്റിന്റെ പ്രധാന മേഖലകളിൽ ജോലി ചെയ്യുന്നവര്‍ക്കും പഠിക്കുന്നവര്‍ക്കും മറ്റു വിവിധ മേഖലകളില്‍ മികവ് പുലർത്തുന്നവര്‍ക്കും എല്ലാ അപേക്ഷകർക്കും വിശാലമായ വിസ ഓപ്ഷനുകൾ ലഭ്യമാണ് എന്നും അധികൃതര്‍ പറഞ്ഞു. ആഗോള പ്രതിഭകൾക്കും നിക്ഷേപകർക്കും യു. എ. ഇ. യുടെ ഗോൾഡൻ വിസ അബുദാബിയിൽ ലഭ്യമാണ്.

ഡോക്ടർമാർക്കും അവരുടെ കുടുംബങ്ങൾക്കും 10 വർഷത്തെ ദീർഘകാല റസിഡൻസി പ്രയോജനപ്പെടു ത്തുന്നതിന് രാജ്യത്ത് താമസിക്കുന്ന ഡോക്ടർമാരോട് ഗോൾഡൻ വിസക്കു വേണ്ടി അപേക്ഷിക്കുവാൻ യു. എ. ഇ. സർക്കാർ ആവശ്യപ്പെട്ടു.

ഗോൾഡൻ വിസയിലൂടെ ഈ മേഖല യിലെ മികച്ച പ്രതിഭകളെ ആകർഷിക്കുവാനും രാജ്യത്തും ലോകത്തും ഉയർന്ന നിലവാരമുള്ള ആരോഗ്യ പരിരക്ഷാ സേവന ങ്ങൾ തുടർച്ചയായി എത്തിക്കുവാനും സാധിക്കും.

W A M News

- pma

വായിക്കുക: expat, golden-visa, nri, visa-rules, ആരോഗ്യം, നിയമം, പ്രവാസി, ബഹുമതി, യു.എ.ഇ.

അഭിപ്രായം എഴുതുക »

കാന്തപുരത്തിന് ഗോൾഡൻ വിസ

October 7th, 2021

kantha-puram-in-icf-dubai-epathram
ദുബായ് : ജാമിഅ മർക്കസ് ചാൻസലറും ഗ്രാൻഡ് മുഫ്തിയുമായ കാന്തപുരം എ. പി. അബൂബക്കർ മുസ്ലിയാര്‍ക്ക് യു. എ. ഇ. ഗോള്‍ഡന്‍ വിസ.

ദുബായ് താമസ കുടിയേറ്റ വകുപ്പ് ആസ്ഥാനത്തു നടന്ന ചടങ്ങിൽ കാന്തപുരം എ. പി. അബൂബക്കർ മുസ്ലിയാർ ഗോൾഡൻ വിസ ഏറ്റു വാങ്ങി.

യു. എ. ഇ. യും ജാമിഅ മർക്കസും തമ്മിലുള്ള അന്താ രാഷ്ട്ര ബന്ധം, വിദ്യാഭ്യാസ വിനിമയം, ജീവ കാരുണ്യ പ്രവർത്തനങ്ങൾ എന്നിവയെ മുൻ നിർത്തി യാണ് ആദരം.

വിവിധ മേഖലകളിൽ കഴിവ് തെളിയിക്കുന്ന പ്രതിഭ കൾക്ക് യു. എ. ഇ. ഭരണകൂടം നൽകുന്നതാണ് പത്തു വർഷത്തെ ഗോൾഡൻ വിസ. വിദ്യാഭ്യാസ ജീവ കാരുണ്യ പ്രവർ ത്തനങ്ങൾക്ക് ഇന്ത്യയിൽ നിന്ന് ഗോൾഡൻ വിസ ലഭിക്കുന്ന ആദ്യ വ്യക്തിയാണ് കാന്തപുരം എ. പി. അബൂബക്കർ മുസ്ലിയാർ.

- pma

വായിക്കുക: golden-visa, rsc-icf, പ്രവാസി, മതം, യു.എ.ഇ.

അഭിപ്രായം എഴുതുക »

സാംസ്കാരിക പരിപാടി കളോടെ എക്സ്പോ യില്‍ ഇന്ത്യന്‍ പ്രാതിനിധ്യം

October 3rd, 2021

dubai-expo-2020-al-wasl-plaza-dome-ePathram
ദുബായ് : വൈവിദ്ധ്യമാർന്ന കലാ സാംസ്കാരിക പരിപാടികളോടെ ദുബായ് വേള്‍ഡ് എക്സ്പോ – 2020 യിലെ ഇന്ത്യൻ പവിലിയൻ ഉല്‍ഘാടനം ചെയ്തു. ഒക്ടോബർ ഒന്നിന് നടന്ന വർണ്ണാഭമായ ചടങ്ങിൽ കേന്ദ്ര വാണിജ്യ വ്യവസായ വകുപ്പു മന്ത്രി പിയൂഷ് ഗോയൽ ഇന്ത്യൻ പവിലിയൻ ഉല്‍ഘാടനം ചെയ്തു.

Hosting Expo 2020 Dubai during the current challenging situation across the globe shows the resilience of the UAE and its people, Piyush Goyal, Indian Minister tells @WAMNEWS_ENG #Expo2020 #WamNews pic.twitter.com/997Ut1PMbR

— WAM English (@WAMNEWS_ENG) October 1, 2021

ഇന്ത്യയിലെ യു. എ. ഇ. സ്ഥാനപതി ഡോ. അഹമദ് അൽ ബന്ന, ഇന്ത്യൻ കോൺസുൽ ജനറൽ ഡോ. അമൻ പുരി, സ്പെഷ്യൽ സെക്രട്ടറി എസ്. കിഷോർ, ലുലു ഗ്രൂപ്പ് ചെയർമാന്‍ എം. എ. യൂസഫലി, ലുലു ഫിനാൻഷ്യൻ ഹോൾഡിംഗ്സ് എം. ഡി. അദീബ് അഹമദ്, മറ്റു വ്യവസായ വാണിജ്യ രംഗ ത്തെ പ്രമുഖര്‍, എംബസ്സി പ്രതി നിധികൾ, സംഘടനാ സാരഥി കളും അടക്കം നിരവധി പേര്‍ സംബന്ധിച്ചു.

Indian pavilion inaugurated today at the historic Dubai Expo 2020 by CIM Shri Piyush Goyal is a great symbol of the friendship between both our countries. pic.twitter.com/0BiYbfsTaJ

— vipul (@vipulifs) October 1, 2021

450 കോടി രൂപ ചെലവില്‍ നാലു നിലകളില്‍ ഒരുക്കി യിരിക്കുന്ന ഇന്ത്യന്‍ പവിലിയൻ, ദുബായ് എക്സ്പോ യിലെ ഏറ്റവും വലിയ പവിലിയനു കളില്‍ ഒന്നാണ്. സ്വയം തിരിയുന്ന അറുനൂറില്‍ അധികം ഡിജിറ്റൽ ബ്ലോക്കുകള്‍ കൊണ്ടാണ് പവിലിയൻ കെട്ടിട ത്തിന്റെ പുറം ഭാഗം രൂപ കല്‍പ്പന ചെയ്തിരിക്കുന്നത്.

- pma

വായിക്കുക: expat, expo, ആഘോഷം, ഇന്ത്യന്‍ കോണ്സുലേറ്റ്, പൂര്‍വ വിദ്യാര്‍ത്ഥി, പ്രവാസി, വിദ്യാഭ്യാസം, വ്യവസായം

അഭിപ്രായം എഴുതുക »