അബുദാബി : ഇന്ത്യന്‍ മീഡിയ അബുദാബി യുടെ ആഭിമുഖ്യ ത്തില്‍ ഗാന്ധി ജയന്തിയോട് അനുബന്ധിച്ച് ഒക്ടോബര്‍ 4 വെള്ളിയാഴ്ച രാവിലെ ഒമ്പതു മുതല്‍ രാത്രി പത്തു വരെ ഇന്ത്യന്‍ ഇസ്ലാമിക് സെന്ററില്‍ വിവിധ പരിപാടി കളോടെ രാജ്യാന്തര അഹിംസാ ദിനം ആചരിക്കും.
യു. എ. ഇ. യുവജന സാമൂഹിക കാര്യ മന്ത്രി ശൈഖ് നഹ്യാന്‍ ബിന്‍ മുബാറക്‌ അല്‍ നഹ്യാന്‍ രാവിലെ 10. 30 ന് ഉദ്ഘാടനം ചെയ്യും. ഇന്ത്യന്‍ മീഡിയ അബുദാബി യുടെ പുതിയ ലോഗോ പ്രകാശനവും അദ്ദേഹം നിര്‍വഹിക്കും.
ഇന്ത്യന്‍ എംബസി സാംസ്കാരിക വിഭാഗം, ഇന്ത്യന്‍ ഇസ്ലാമിക് സെന്റര്‍, ഗാന്ധി സാഹിത്യ വേദി എന്നിവ യുമായി സഹകരിച്ചു കൊണ്ട് നടത്തുന്ന പരിപാടി യില്‍ കേരള നിയഭ സഭാ സ്പീക്കര്‍ ജി. കാര്‍ത്തി കേയന്‍, ഇന്ത്യന്‍ സ്ഥാനപതി കാര്യാലയ ത്തിലെ സാമൂഹിക ക്ഷേമ വിഭാഗം കൗണ്‍സിലര്‍ ആനന്ദ് ബര്‍ദന്‍ എന്നിവര്‍ സംബന്ധിക്കും.
തുടര്‍ന്ന് നൂറിലേറെ രാജ്യങ്ങളില്‍ പുറത്തിറക്കിയ ഗാന്ധിജി യുടെ വൈവിധ്യമാര്‍ന്ന സ്റ്റാമ്പ് ഉള്‍പ്പെടെ ഇന്ത്യന്‍ സ്വാതന്ത്യ സമരവും ഗാന്ധിജി യുടെ ജീവിത വുമായി ബന്ധപ്പെട്ട ചിത്ര ങ്ങളുടെ പ്രദര്‍ശനവും നടക്കും. യു. എ. ഇ. യിലെ വിവിധ എമിറേറ്റു കളില്‍ നിന്നുള്ള ഇരുന്നൂറിലേറെ വിദ്യാര്‍ഥികള്‍ ക്കായി മൂന്നു ഗ്രൂപ്പു കളിലായി ചിത്ര രചനാ പെയിന്റിംഗ് മല്‍സര ങ്ങള്‍ നടക്കും.
വൈകീട്ട് മൂന്നര മുതല്‍ യു. എ. ഇ. തല ത്തിലുള്ള ഇന്റര്‍ സ്കൂള് ക്വിസ് മല്‍സരം നടക്കും.
വൈകീട്ട് ഏഴിന് നടക്കുന്ന സാംസ്കാരിക സമ്മേളനം കേരള നിയമ സഭാ സ്പീക്കര്‍ ജി. കാര്‍ത്തി കേയന്‍ ഉദ്ഘാടനം ചെയ്യും. ഇന്റര്‍ സ്കൂള് ക്വിസ് മല്‍സര വിജയി കളാവുന്ന സ്‌കൂളുക ള്‍ക്ക് ഷീല്‍ഡും വിദ്യാര്‍ഥികള്‍ക്ക് ക്യാഷ് അവാര്‍ഡും പെയിന്റിങ് മല്‍സര വിജയി കള്‍ക്ക് ക്യാഷ് അവാര്‍ഡും ഇന്ത്യന്‍ സ്ഥാനപതി കാര്യാലയ ത്തിന്റെയും ഇന്ത്യന്‍ മീഡയ യുടെയും സര്‍ട്ടിഫിക്കറ്റുകള്‍ വിജയി കള്‍ക്കും പങ്കെടുക്കുന്ന വര്‍ക്കും സമ്മാനിക്കും.
ഇന്ത്യന്‍ മീഡിയ പ്രസിഡന്റ് ടി. എ. അബ്ദുല്‍ സമദ് അധ്യക്ഷത വഹിക്കുന്ന ചടങ്ങില്‍ ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, ഗാന്ധി സാഹിത്യ വേദി പ്രസിഡന്റ് വി. ടി. വി. ദാമോദരന്‍, യൂണിവേഴ്‌സല്‍ ആശുപത്രി എം. ഡി. ഡോ. ഷെബീര്‍ നെല്ലിക്കോട്, മൈഫുഡ് റസ്‌റ്റോറന്റ് എം. ഡി. ഷിബു വര്‍ഗീസ് എന്നിവര്‍ സമ്മാന ദാനം നിര്‍വഹിക്കും.
വിവിധ ഇന്ത്യന്‍ സ്‌കൂളു കളിലെ നൂറിലധികം വിദ്യാര്‍ഥികള്‍ ഭാരതീയ ദേശ ഭക്തിയും ഗാന്ധി സ്മരണകളും പകരുന്ന വര്‍ണാഭമായ കലാ സംസ്കാരിക പരിപാടികളും ഗാന്ധി സാഹിത്യ വേദി യുടെ ‘മഹാത്മാ’ എന്ന ലഘു നാടകവും അവതരിപ്പിക്കും.
