 |
 |
 |
 |
 |
 |
 |
 |
 |
 |
 |
 |
 |
 |
ഷാര്‍ജ : മലയാളി അദ്ധ്യാപിക ഷാർജ യിൽ ഹൃദയാ ഘാതംമൂലം മരണപ്പെട്ടു. ഗള്‍ഫ് ഏഷ്യന്‍ സ്കൂള്‍ അദ്ധ്യാപിക യും തലശ്ശേരി ചിറക്കല്‍ നേതാജി റോഡില്‍ ‘തപസ്യ’യില്‍ പരേതനായ ജയരാമന്‍െറ മകളുമായ സംഗീത രഞ്ജിത് (41) ആണ് മരിച്ചത്.
ഭര്‍ത്താവ് രഞ്ജിത് എ. എഫ്. പി. വാര്‍ത്താ ഏജന്‍സി യുടെ ദുബായ് ഓഫീസില്‍ ജോലി ചെയ്യുന്നു. ഏക മകന്‍ : നവനീത്.
മാതാവ് : വിശാലാക്ഷി. സഹോദരങ്ങള്‍ : ദിവ്യ, സോണിയ. നിയമ നടപടികള പൂർത്തിയാക്കി മൃതദേഹം നാട്ടിലേക്ക് കൊണ്ട് പോകും.
- pma
അബുദാബി : സാഹിത്യ സാംസ്കാരിക പ്രവര്‍ത്ത കര്‍ക്കായി കവി അസ്മോ പുത്തഞ്ചിറ ഒരുക്കി യിരുന്ന ‘കോലായ’ യുടെ ഒത്തു ചേരല്‍ അബുദാബി കേരള സോഷ്യൽ സെന്ററിൽ അദ്ദേഹ ത്തിന്റെ കൂട്ടുകാരുടെ നേതൃത്വ ത്തിൽ നടന്നു.
അസ്മോ ഇല്ലാത്ത ആദ്യത്തെ കോലായ, കവി യുടെ വേർപാടിന്റെ നൊമ്പര ത്തിൽ ഇടറിയ ശബ്ദ ത്തോടെ യാണ് എല്ലാവരും അസ്‌മോയെ പറ്റി സംസാരിച്ചത്. പലർക്കും സംസാരം മുഴുമിപ്പിക്കാന്‍ ആയില്ല.
പണ്ട് ഇറങ്ങിയ തന്റെ ‘കാലം’ എന്ന ഇൻലൻഡ് മാസിക യിൽ വന്ന വാണിഭം എന്ന അസ്മോ യുടെ കുഞ്ഞു കവിത വായിച്ചാണ് ഫൈസൽ ബാവ ആ ഓർമകളിലേക്ക് ഇറങ്ങി യത്. ജാനിബ് ജമാലും നസീർ പാങ്ങോടും ചൊല്ലിയ കവിതകൾ ഹൃദയ ത്തിൽ തട്ടി. ഏറെ കാലത്തെ സൗഹൃദ ത്തിന്റെ വേരിനെ കുറിച്ചാണ് കവി കമറുദ്ദീൻ ആമയം സംസാരി ച്ചത്.
സാജിദ് മരക്കാറിനു പറഞ്ഞു തുടങ്ങാനെ കഴിഞ്ഞുള്ളു. ഗദ്ഗദത്തോടെ അവസാനി പ്പിക്കുമ്പോൾ വേദനി ക്കുന്ന ഓർമ കളിലേക്ക് നിശബ്ദ നായി ഇറങ്ങി നടക്കുക യായിരുന്നു. അഡ്വ. റഫീക്ക് തന്റെ മകനു മായുള്ള അസ്മോയുടെ ആത്മ ബന്ധത്തെ യാണ് ഓർമിച്ചത്. ഫൈസലും നിഷയും തങ്ങളു മായുള്ള ബന്ധം എത്ര ആഴ ത്തില്‍ ആയിരുന്നു എന്നും ഒരു മരണം വലിയ ഒരു ശൂന്യത നൽകിയത് എന്നും ഓര്‍മ്മിച്ചു.
ടി. എ. ശശി, കൃഷ്‌ണകുമാർ, അജി രാധാകൃഷ്‌ണൻ, നിഷാദ്, തോമസ്, ജോഷി, റഹ്‌മത്തലി, അഹമ്മദ് കുട്ടി ശാന്തിപറമ്പിൽ, മണികണ്‌ഠൻ, ധനേഷ് തുടങ്ങീ ഒത്തു കൂടിയവരുടെ എല്ലാം വാക്കിലും മനസ്സിലും അസ്മോ നിറഞ്ഞു.
അസ്‌മോയ്ക്ക് ജീവിച്ചിരിക്കുമ്പോൾ വേണ്ട പരിഗണന നൽകാത്ത തിന്റെ ഈർഷ്യ വി. ടി. വി. ദാമോദരൻ, സൈനുദ്ദീൻ ഖുറൈഷി എന്നിവർ മറച്ചു വച്ചില്ല. ചിത്രകാരൻ ശശിന്‍സാ അസ്മോ യുടെ ചിത്രം വരച്ചതു മായാണ് എത്തിയത്. അസ്മോ ഒട്ടും ഔപചാരികത ഇല്ലാതെ തുടർന്നു വന്ന മാതൃക യിൽ എല്ലാ മാസവും ഒത്തു ചേരാനും സാഹിത്യ സൃഷ്‌ടികൾ ചർച്ചക്ക് എടുക്കാനും തീരുമാനമായി.
ചിത്രകാരൻ രാജീവ് മുളക്കുഴ തയാറാക്കിയ കോലായയുടെ പുതിയ ലോഗോ എല്ലാവരും ചേർന്ന് പ്രകാശനം ചെയ്തു. ജൂൺ 10 ബുധനാഴ്‌ച വീണ്ടും കോലായ ചേരാനും തീരുമാനിച്ചു.
- pma
വായിക്കുക: ചരമം, പ്രവാസി, സംഘടന, സാംസ്കാരികം, സാഹിത്യം
അബുദാബി : പ്രമുഖ കവി അസ്മോ പുത്തന്‍‌ചിറ മരണപ്പെട്ടു. തിങ്കളാഴ്ച വൈകുന്നേരം ഏഴര മണിയോടെ അബുദാബി മുസ്സഫ യിലെ താമസ സ്ഥലത്ത് കുഴഞ്ഞു വീണു മരിക്കുക യായിരുന്നു. (62 വയസ്സായിരുന്നു). പോലീസ് എത്തി മരണം സ്ഥിരീകരിച്ചു. മൃതദേഹം ശൈഖ് ഖലീഫ ആശുപത്രി യിലേക്ക് മാറ്റി യിട്ടുണ്ട്.
തൃശൂര്‍ ജില്ലയിലെ മാള ക്കു സമീപം പുത്തഞ്ചിറ ഗ്രാമത്തില്‍ ഉമ്മര്‍ – ആയിഷ ദമ്പതി കളുടെ മകനായ അസ്മോ 1974 മുതല്‍ അബുദാബി യില്‍ ജോലി ചെയ്യുന്നു. ഭാര്യ റസിയ.
മലയാള ത്തിലെ പ്രമുഖ ദിനപ്പത്ര ങ്ങളിലും മാസിക കളിലും കവിത കള്‍ പ്രസിദ്ധീ കരിച്ചിട്ടുണ്ട്. 70 കവിത കള്‍ ഉള്‍പ്പെടുത്തി ‘ചിരിക്കുരുതി’ എന്ന കവിതാ സമാഹാരം പുറത്തിറക്കിയിട്ടുണ്ട്.
അബുദാബി യിലെ കോലായ എന്ന സാഹിത്യ കൂട്ടായ്മയുടെ അമരക്കാരന്‍ ആയിരുന്നു. ഷാര്‍ജ യിലെ പാം പുസ്തകപ്പുര യുടെ അക്ഷരമുദ്ര പുരസ്കാരം അടക്കം നിരവധി അംഗീകാര ങ്ങള്‍ അദ്ദേഹത്തെ തേടി എത്തിയിട്ടുണ്ട്.
- pma
ദോഹ : കത്ത് പാട്ടിലൂടെ പ്രവാസ ലോകത്തിന്റെ വിരഹവും വേദനയും ലോകത്തിനു മുന്നില്‍ എത്തിച്ച പ്രമുഖ ഗായകനും ഗാന രചയി താവു മായ എസ്. എ. ജമീലിനെ അനുസ്മരിച്ചു കൊണ്ട് സോഷ്യോ കെയർ ഫൌണ്ടേഷൻ, ഖത്തറിലെ സൽവാ റോഡി ലുള്ള ക്വാളിറ്റി ഹൈപ്പർ മാർക്കറ്റ് ഹാളിൽ വെച്ച് സംഘടിപ്പിച്ച “കത്തിന്‍റെ കതിർ മാല” പരിപാടി യുടെ വൈവിധ്യത്താല്‍ ഏറെ ശ്രദ്ധേയമായി.
സംഗീത പ്രേമികള്‍ ഏറെ ചര്‍ച്ച ചെയ്യപ്പെട്ടതും മാപ്പിളപ്പാട്ട് സംഗീത ശാഖ യിലെ എക്കാല ത്തെയും ഹിറ്റ് ഗാന ങ്ങളില്‍ ഒന്നാം നിരയില്‍ നില്‍ക്കുന്നതുമായ ദുബായ് കത്ത് പാട്ടിന്റെ മുപ്പത്തി എട്ടാം വാർഷിക മാണ് “കത്തിന്‍റെ കതിർ മാല” എന്ന പരിപാടി യിലൂടെ ദോഹയില്‍ അരങ്ങേറിയത്.
ഇതിനു മുന്നോടിയായി നടന്ന അനുസ്മരണ യോഗ ത്തിൽ, ഗാന രചയിതാവ് കാനേഷ് പൂനൂരിൻറെ സഹോദരനും സോഷ്യോ കെയർ മുഖ്യ രക്ഷാധികാരി യുമായ മുഹമ്മദലി പൂനൂർ, എസ്. എ. ജമീലിന്റെ ഗാനങ്ങളേയും രചനാ രീതിയും വിശദീകരിച്ചു കൊണ്ട് പരിപാടി ഉദ്ഘാടനം ചെയ്തു.
സോഷ്യോ കെയർ ഖത്തർ ഘടകം പ്രസിഡണ്ട് പി. കെ. ഖാലിദ്‌, ജനറൽ സെക്രട്ടറി സിജു നിലമ്പൂർ, കേരള മാപ്പിള കലാ അക്കാദമി ജി. സി. സി. കോർഡിനേറ്റർ അഹമ്മദ് പി . സിറാജ്, എം .ടി . നിലമ്പൂർ, അൻവർ ബാബു വടകര, മശ്ഹൂദ് തിരുത്തിയാട്, യതീന്ദ്രൻ മാസ്റ്റർ, കെ. വി. അബ്ദുൽ അസീസ്‌ തുടങ്ങിയവര്‍ ചടങ്ങിൽ പങ്കെടുത്തു സംസാരിച്ചു.
പ്രമുഖ ഗായകന്‍ എം. എ. ഗഫൂറിന്റെ നേതൃത്വത്തില്‍ നടന്ന സംഗീത സന്ധ്യ യില്‍ ആഷിത ബക്കർ, ഹിബ ഷംന, സിജു നിലമ്പൂർ, റിയാസ് കരിയാട്, ഷഹീബ് തിരൂര്‍ തുടങ്ങിയവര്‍ ഗാനങ്ങള്‍ ആലപിച്ചു.
ദോഹയിലെ പ്രമുഖ ഓര്‍ക്കസ്ട്ര യായ സിങ്ങിംഗ് ബേഡ്സ് കലാ കാരന്മാര്‍ നയിച്ച ലൈവ് ഓര്‍ക്കസ്ട്ര ഈ സംഗീത സന്ധ്യ യിലെ ഗാനങ്ങൾക്ക് കൂടുതല്‍ മിഴിവേകി.
എസ്. എ. ജമീൽ എന്ന വലിയ കലാകാരനെ കുറിച്ച് ആസ്വാദകർക്ക് മുമ്പിൽ പരിചയ പ്പെടുത്തിയും അദ്ദേഹത്തിൻറെ സംഗീത ലോകത്തെ എല്ലാ വിശേഷങ്ങളും എടുത്ത് പറഞ്ഞും അവതാരകനായ ആസഫ് അലി ഏറെ തിളങ്ങി. ശബ്ദ നിയന്ത്രണം കണ്ണൂർ സമീർ.
പഴയ തലമുറ നെഞ്ചിലേറ്റിയ ജമീലിന്റെ ഹിറ്റ് ഗാനങ്ങളും അതോടൊപ്പം കത്ത് പാട്ടിനോട് സാമ്യമുള്ള ഗാനങ്ങളും പുതിയ തലമുറയുടെ ഇഷ്ട ഗാനങ്ങളും ആലപിച്ചു കൊണ്ട് എല്ലാ വിഭാഗം ആസ്വാദ കരെയും കയ്യിലെടുത്ത്‌ “കത്തിന്‍റെ കതിർ മാല” വിവിധ്യമുള്ള അവതരണമാക്കി മാറ്റിയതില്‍ പ്രോഗ്രാം ഡയറക്ടർമാർ സിജു നിലമ്പൂർ – ഷഹീബ് തിരൂർ എന്നിവരുടെ പങ്ക് വളരെ വലുതാ യിരുന്നു.
ജീവകാരുണ്യ പ്രവര്‍ത്തന രംഗത്ത്‌ ഒട്ടേറെ സംഭാവനകള്‍ നല്‍കിയ സോഷ്യോ കെയര്‍ ഫൌണ്ടേഷൻ ഖത്തർ ഘടക രൂപീകരണ ത്തിൻറെ ഭാഗമായി സംഘടിപ്പിച്ച പരിപാടി യില്‍ ഖത്തർ മമ്മൂട്ടി ഫാൻസ്‌ വെൽഫെയർ അസോസിയേഷൻ പിന്‍ബലം കൂടി ഉണ്ടായിരുന്നു.
– തയ്യാറാക്കിയത് : കെ. വി. അബ്ദുല്‍ അസീസ്‌ – ചാവക്കാട്, ദോഹ ഖത്തര്‍. (ചിത്രങ്ങൾ : ബദറുദ്ധീൻ)
- pma
അബുദാബി : സ്പീക്കര്‍ ജി. കാര്‍ത്തികേയന്‍െറ നിര്യാണ ത്തില്‍ പ്രവാസ ലോക ത്തെ വിവിധ സംഘടന കളും കൂട്ടായ്മകളും അനുശോചനം രേഖപ്പെടുത്തി.
ഒന്നര വര്‍ഷം മുമ്പ് ഇന്ത്യന്‍ മീഡിയ അബുദാബി ഗാന്ധി ജയന്തിയോട് അനുബന്ധിച്ച് സംഘടിപ്പിച്ച സമാധാന സമ്മേളന ത്തില്‍ പങ്കെടു ക്കാനാണ് ജി. കാര്‍ത്തി കേയന്‍ അവസാന മായി ഗള്‍ഫില്‍ എത്തിയത്.
ഇന്ത്യന്‍ ഇസ്ലാമിക് സെന്റര് പ്രസിഡന്റ് പി. ബാവ ഹാജി, ജനറല്‍ സെക്രട്ടറി അഡ്വ. മുഹമ്മദ് കുഞ്ഞി, കേരള സോഷ്യല്‍ സെന്റര് പ്രസിഡന്റ് എം. യു. വാസു, ജനറല്‍ സെക്രട്ടറി സഫറുല്ല പാലപ്പെട്ടി, അബുദാബി മലയാളി സമാജം പ്രസിഡന്റ് ഷിബു വര്‍ഗ്ഗീസ്, ജനറല്‍ സെക്രട്ടറി സുരേഷ് പയ്യന്നൂര്‍ എന്നിവര്‍ സംയുക്ത മായി അനു ശോചന സന്ദേശം അയച്ചു. ഇന്ത്യന്‍ മീഡിയ അബുദാബി, കെ. എസ്. സി. യില്‍ ചേര്‍ന്ന അനുശോചന യോഗ ത്തില്‍ ഇമ പ്രസിഡന്റ് ടി. എ. അബ്ദുല്‍ സമദ് അദ്ധ്യക്ഷത വഹിച്ചു.
സ്ഥാന മാന ങ്ങള്‍ക്ക് വേണ്ടിയല്ല രാഷ്ട്രീയ പ്രവര്‍ത്തനം എന്ന് കേരളത്തെ പഠിപ്പിച്ച സൗമ്യ നായ വ്യക്തിത്വ മായിരുന്നു ജി. കാര്‍ത്തി കേയന്‍ എന്ന് പ്രമുഖ വ്യവസായി യും അബുദാബി ചേംബര്‍ ഡയറക്ടര്‍ ബോര്‍ഡ് അംഗവു മായ എം. എ. യൂസുഫലി അനുശോചന സന്ദേശ ത്തില്‍ പറഞ്ഞു.
ഒ. ഐ. സി. സി., അബുദാബി മഹാത്മാ ഗാന്ധി കള്‍ച്ചറല്‍ ഫോറം, സംസ്ഥാന കെ. എം. സി. സി. തുടങ്ങിയ കൂട്ടായ്മകള്‍ അനുശോചിച്ചു.
- pma
വായിക്കുക: കേരള രാഷ്ട്രീയ നേതാക്കള്‍, ചരമം, പ്രവാസി, സംഘടന, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
