കുവൈറ്റ്‌ : സി. കെ. ചന്ദ്രപ്പന് ആദരാഞ്ജലികള്‍ അര്‍പ്പിച്ചു കൊണ്ട് കേരള അസോസിയേഷന്‍ സംഘടിപ്പിച്ച ‘ജ്വലിക്കും സ്മരണ’ അബ്ബാസിയ റിഥം ഹാളില്‍ നടന്നു. സഖാവ്. സി. കെ. യുടെ സഹപാഠിയും സുഹൃത്തുമായിരുന്ന ജോണ്‍ മാത്യൂ മുഖ്യ പ്രഭാഷണം നടത്തി.
മൂല്യങ്ങള്‍ നിര്‍മാര്‍ജ്ജനം ചെയ്യപ്പെട്ടു കൊണ്ടിരിക്കുന്ന ഇക്കാലത്ത് സഖാവ്. സി. കെ. യെ പോലെ മൂല്യബോധമുള്ള നേതാക്കളുടെ വിടവാങ്ങല്‍ ഇന്ത്യ യിലെ തന്നെ സാമൂഹ്യ രാഷ്ട്രീയ രംഗങ്ങളില്‍ കനത്ത ശൂന്യതകള്‍ സൃഷ്ടിക്കുമെന്ന് അദ്ദേഹം സൂചിപ്പിച്ചു.
തുടര്‍ന്ന് സംസാരിച്ച സാഹിത്യകാരന്‍ കൈപ്പട്ടൂര്‍ തങ്കച്ചന്‍ വിശ്വസിക്കുന്ന പ്രസ്ഥാനത്തോടുള്ള സി. കെ. ചന്ദ്രപ്പന്റെ യുടെ അര്‍പ്പണ ബോധത്തെ അനുസ്മരിച്ചു. കുവൈറ്റിലെ വിവിധ സാമൂഹ്യ സാംസ്കാരിക സംഘടനകളെ പ്രതിനിധീകരിച്ചു കൊണ്ട് പ്രമുഖര്‍ അനുശോചന പ്രസംഗങ്ങള്‍ നടത്തി.
പ്രവീണ്‍ നന്തിലത്ത് അനുശോചന പ്രമേയം അവതരിപ്പിച്ചു. അബ്ദുല്‍കലാം അദ്ധ്യക്ഷത വഹിച്ച യോഗ ത്തില്‍ മനോജ്കുമാര്‍ ഉദയപുരം സ്വാഗതവും ഉബൈദ് പള്ളുരുത്തി നന്ദിയും പറഞ്ഞു.
