 |
 |
 |
 |
 |
 |
 |
 |
 |
 |
 |
 |
 |
 |
കുവൈറ്റ് സിറ്റി : കുവൈത്ത് കേരള ഇസ്ലാഹി സെന്റർ മെയ് 4,5 തിയ്യതികളിൽ മസ്ജിദുൽ കബീറിൽ വെച്ച് സംഘടിപ്പിക്കുന്ന ഇസ്ലാമിക് സ്റ്റുഡന്റ്സ് കോൺഫറൻസിന്റെ (ഇസ്കോൺ 2012 കുവൈത്ത്) പ്രചാരണാർത്ഥം പ്രമുഖ ഇസ് ലാഹി പണ്ഡിതൻ ശംസുദ്ദീൻ പാലത്ത് ഇന്ന് വെള്ളിയാഴ്ച (13/04/2012) വൈകുന്നേരം കുവൈത്തിൽ എത്തിച്ചേരുമെന്ന് ഇസ് ലാഹി സെന്റർ ഭാരവാഹികൾ അറിയിച്ചു. സമ്മേളന പ്രചാരണത്തിന്റെ ഭാഗമായി കുവൈറ്റിന്റെ വിവിധ ഭാഗങ്ങളിൽ സംഘടിപ്പിക്കുന്ന പരിപാടികളിൽ ശംസുദ്ദീൻ പാലത്തിന്റെ പ്രഭാഷണങ്ങൾ ഉണ്ടായിരിക്കുന്നതാണ്.
- ജെ.എസ്.
അബുദാബി : മാനവികതയെ ഉണര്‍ത്തുന്നു എന്ന പ്രമേയ ത്തില്‍ കാന്തപുരം എ. പി. അബൂബക്കര്‍ മുസ്‌ലിയാര്‍ നയിക്കുന്ന കേരളയാത്ര യുടെ ഭാഗമായി ഗള്‍ഫ് നാടുകളില്‍ നടത്തുന്ന സാമൂഹിക ജനജാഗരണ കാമ്പയിനിന്റെ ഭാഗമായി അബുദാബി കേരള സോഷ്യല്‍ സെന്ററില്‍ നടക്കുന്ന മാനവിക സദസ്സിന്റെ ഒരുക്കങ്ങള്‍ പൂര്‍ത്തിയായി.
കേരള സോഷ്യല്‍ സെന്ററിലെ പ്രധാന വേദിയില്‍ ഏപ്രില്‍ 13 വെള്ളിയാഴ്ച വൈകുന്നേരം 7 മണിക്ക് പരിപാടി ആരംഭിക്കും. സയ്യിദ് ഇബ്രാഹിം ഖലീലുല്‍ ബുഖാരി തങ്ങള്‍ മുഖ്യാതിഥി ആയിരിക്കും ‘മാനവികത ഉണര്‍ത്തുന്നു’ എന്ന ഫോട്ടോ പ്രദര്‍ശനവും നടക്കും.
ജി. സി. സി. തല ത്തില്‍ നടത്തിയ ബുക്ക് ടെസ്റ്റിന്റെ വിജയികള്‍ക്കും അബുദാബിയില്‍ വിദ്യാര്‍ത്ഥി കളെ കേന്ദ്രീകരിച്ച് നടത്തിയ വിവിധ കലാമത്സര ങ്ങളുടെയും വിജയി കള്‍ക്കുള്ള സമ്മാനങ്ങള്‍ വേദിയില്‍ വിതരണം ചെയ്യുമെന്ന് സെന്‍ട്രല്‍ എക്‌സിക്യൂട്ടീവ് കൗണ്‍സില്‍ കണ്‍വീനര്‍ അബ്ദു സമദ് സഖാഫി പറഞ്ഞു.
ജനവരി യില്‍ തുടങ്ങിയ കാമ്പയി നിന്റെ ഭാഗമായി സമൂഹത്തെ ബോധവത്കരി ക്കാനായി വിവിധ പരിപാടി കള്‍ ആസൂത്രണംചെയ്ത് നടപ്പില്‍ വരുത്തുക യായിരുന്നു. അബുദാബി ബ്ലഡ് ബാങ്കുമായി സഹകരിച്ച് രക്തദാന ക്യാമ്പ്, ലേബര്‍ ക്യാമ്പ് സന്ദര്‍ശനം, ലഘു ലേഖ വിതരണം, വെളിച്ചം, ബുക്ക് ടെസ്റ്റ്, കുടുംബ സദസ്സ്, കുട്ടികള്‍ ക്കായി സ്‌നേഹ സംഘം, ജലയാത്ര തുടങ്ങിയവ ഇതില്‍ പ്രധാനപ്പെട്ട പരിപാടികള്‍ ആയിരുന്നു.
- pma
വായിക്കുക: മതം
ഷാര്‍ജ : കാസര്‍കോട്‌ മുള്ളേരിയ മേഖല എസ്. വൈ. എസ്. പ്രചരണാര്‍ത്ഥം യു. എ. ഇ. യില്‍ എത്തിയ കാസര്‍കോട്‌ മുള്ളേരിയ മേഖല എസ്. വൈ. എസ്. പ്രസിഡണ്ടും പ്രഭാഷകനുമായ ദേലംപാടി റഫീഖ്‌ സഅദിക്ക് കര്‍ണാടക എസ്. വൈ. എസ്. ഷാര്‍ജ ഫ്രീസോണ്‍ കമ്മിറ്റി സ്വീകരണം നല്‍കി. യോഗത്തില്‍ ലതീഫ്‌ സഅദി അദ്ധ്യക്ഷത വഹിച്ചു. ദേലംപാടി റഫീഖ്‌ സഅദിയെ യോഗം ആദരിച്ചു.
ചടങ്ങില്‍ ആലൂര്‍ ടി. എ. മഹമൂദ്‌ ഹാജി, ഹൈദര്‍ സഖാഫി ഇനോളി, ഫാറൂഖ സഅദി, അബൂ സാലിഹ് സഖാഫി, അബൂബക്കര്‍ മദനി കല്ലൂരാവി, മുഹമ്മദ് കുംബ്ര, കെ. കെ. മൊയ്തു ഹാജി, റഫീഖ്‌ കൊളപ്പു, എന്നിവര്‍ സംസാരിച്ചു. മുഹമ്മദ് കുംബ്ര സ്വാഗതവും ഹുസൈന്‍ ഇനോളി നന്ദിയും പറഞ്ഞു.
അയച്ചു തന്നത് : ആലൂര്‍ ടി. എ. മഹമൂദ്‌ ഹാജി
- pma
വായിക്കുക: മതം
അബുദാബി : സെന്റ് സ്റ്റീഫന്‍സ് യാക്കോബായ സുറിയാനി പള്ളി യിലെ ഈസ്റ്റര്‍ ആഘോഷവും ശുശ്രൂഷ കളും ശ്രേഷ്ഠ കാതോലിക്കാ ആബുന്‍ മോര്‍ തോമസ് പ്രഥമന്‍ ബാവ യുടെ മുഖ്യ കാര്‍മിക ത്വത്തില്‍ നടന്നു.
വികാരി ഫാദര്‍ വര്‍ഗീസ് അറയ്ക്കല്‍, ഫാദര്‍ സാബു കെ. പൗലോസ്, ഡീക്കണ്‍ മാരായ ഷാന്‍ കെ. പൗലോസ്, ബേസില്‍ പി. വി. എന്നിവര്‍ സഹ കാര്‍മികത്വം വഹിച്ചു. അബുദാബി സെന്റ് ജോസഫ് ദേവാലയ ത്തില്‍ നടന്ന ചടങ്ങില്‍ യേശുക്രിസ്തു വിന്റെ ഉയിര്‍ത്തെഴുന്നേല്പിനെ സൂചിപ്പിക്കുന്ന സ്ലീബാ വാഴ്‌വും കുമ്പിടീലും ഉണ്ടായിരുന്നു.
- pma
വായിക്കുക: മതം
ദുബായ്‌ : മാനവികതയെ ഉണര്‍ത്തുന്നു എന്ന പ്രമേയവുമായി കാന്തപുരം എ. പി. അബൂബക്കര്‍ മുസ്‌ലിയാര്‍ ഏപ്രില്‍ 12ന് കാസര്‍ഗോഡ് നിന്ന് ആരംഭിക്കുന്ന കേരള യാത്രയുടെ അതെ ദിവസം തന്നെ മടക്കയാത്ര സഖാഫി സംഗമം എന്ന പേരില്‍ കാസര്‍ഗോഡ് നിന്നും എസ്. കെ. എസ്. എസ്. എഫ്‌. പ്രവര്‍ത്തകര്‍ നടത്തുന്ന സഖാഫി സംഗമ ത്തിന്‍റെ ഉദ്ദേശ്യ ലക്‌ഷ്യം നിഗൂഢവും മുസ്ലിം സമുദായ ത്തിന്നിട യില്‍ വിഭാഗീയതയും വെറുപ്പും വിദ്വേഷവും പകയും അധികരിപ്പിക്കാന്‍ ഉതകുന്നതാണ് എന്നും ആലൂര്‍ യു. എ. ഇ. നുസ്രത്തുല്‍ ഇസ്ലാം സംഘം കേന്ദ്ര കമ്മിറ്റി ചെയര്‍മാന്‍ ആലൂര്‍ ടി. എ. മഹമൂദ്‌ ഹാജി ദുബായില്‍ പ്രസ്താവിച്ചു.
വ്യാജ ത്വരീഖത്തിന്റെ പേരിലും മറ്റും സുന്നി മര്‍കസില്‍ നിന്നും സംഘടന കളില്‍ നിന്നും വര്‍ഷ ങ്ങള്‍ക്ക് മുമ്പ്‌ പുറത്താക്കിയ ചിലരെ സംഘടിപ്പിച്ച് എ. പി. വിഭാഗം സുന്നി വിട്ടു വന്നവരാണ് എന്ന് ജനങ്ങളെ തെറ്റിദ്ധരിപ്പിക്കാന്‍ ശ്രമിക്കുന്ന ഈ വ്യാജ സഖാഫി സംഗമ ത്തിന്‍റെ തനി നിറം പൊതു ജനം തിരിച്ചറിയണം. പ്രസ്തുത വ്യാജ സഖാഫി സംഗമത്തില്‍ കാരന്തൂര്‍ സുന്നി മര്‍കസില്‍ നിന്ന് ബിരുദം നേടിയ സഖാഫി കള്‍ക്ക് യാതൊരു ബന്ധവും ഇല്ല എന്ന വിവരം പൊതു ജനം മനസ്സിലാക്കണം എന്നും ആലൂര്‍ ടി. എ. മഹമൂദ്‌ ഹാജി കൂട്ടിച്ചേര്‍ത്തു.
- pma
വായിക്കുക: മതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
