 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : 2023 യു. എ. ഇ. യുടെ സുസ്ഥിരതാ വർഷം (ഇയർ ഓഫ് സസ്റ്റൈനബിലിറ്റി) എന്ന് പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ.
ഐക്യ രാഷ്ട്ര സഭയുടെ ആഗോള കാലാവസ്ഥ വ്യതിയാന ഉച്ച കോടി ‘കോപ് 28 ന്‍റെ ആതിഥേയർ എന്ന നിലയിൽ യു. എ. ഇ. യുടെ പങ്ക് നിറവേറ്റാൻ പ്രതിജ്ഞാ ബദ്ധമായിരിക്കും എന്ന് അദ്ദേഹം ട്വീറ്റ് ചെയ്തു. 2023 നവംബർ 30 മുതൽ ഡിസംബർ 12 വരെ ദുബായ് എക്സ്പോ സിറ്റിയിലാണ് ഉച്ചകോടി നടക്കുക.
- pma
അബുദാബി : ക്രെഡിറ്റ് കാര്‍ഡ് ഉപയോഗിച്ച് വിമാന ടിക്കറ്റ് എടുത്തവര്‍ യാത്രയില്‍ ക്രെഡിറ്റ് കാര്‍ഡ് കൈയ്യില്‍ കരുതണം എന്ന് എയര്‍ ഇന്ത്യ എക്സ്പ്രസ്സ് അധികൃതര്‍ മുന്നറിയിപ്പു നല്‍കി. എയര്‍ പോര്‍ട്ടില്‍ എത്തുമ്പോൾ ക്രെഡിറ്റ് കാർഡ് കൈയിൽ ഇല്ലെങ്കിൽ സ്വയം സാക്ഷ്യപ്പെടുത്തിയ പകർപ്പ് കരുതണം എന്നും അധികൃതർ ഓര്‍മ്മിപ്പിച്ചു. ഇനി മുതൽ ചെക്ക് ഇൻ സമയത്ത് അധികൃതർ ആവശ്യപ്പെട്ടാല്‍ ക്രെഡിറ്റ് കാർഡ് വിവരങ്ങള്‍ നൽകേണ്ടി വരും. റാൻഡം ചെക്കിംഗ് ആയിരിക്കും നടത്തുക.
#FlyWithIX : A tip for guests using their credit card for making reservations with us! pic.twitter.com/gZyCpLWkrU
— Air India Express (@FlyWithIX) January 17, 2023
മറ്റൊരാളുടെ ക്രെഡിറ്റ് കാര്‍ഡ് ഉപയോഗിച്ചാണ് ടിക്കറ്റ് എടുത്തതെങ്കില്‍ അയാളുടെ ഓതറൈസേഷന്‍ ലെറ്ററും കാര്‍ഡിന്‍റെ കോപ്പിയും കയ്യില്‍ വെക്കണം. ഈ നിബന്ധനകള്‍ മുന്‍പും ഉണ്ടായിരുന്നു എങ്കിലും പല ഇടങ്ങളിലും ക്രെഡിറ്റ് കാര്‍ഡ് തട്ടിപ്പുകള്‍ റിപ്പോര്‍ട്ട് ചെയ്ത സാഹചര്യത്തിലാണ് വീണ്ടും കര്‍ശ്ശനമാക്കിയത്. എന്നാല്‍ അംഗീകൃത ട്രാവൽ ഏജൻസികൾ വഴി ടിക്കറ്റ് എടുക്കുന്നവരെ ഈ നിയമം ബാധിക്കില്ല.
യാത്രാ വേളകളില്‍ പണം, ആഭരണങ്ങള്‍, അവശ്യ മരുന്നുകള്‍, ഡോക്യുമെന്‍റുകള്‍, മൊബൈല്‍ ഫോണ്‍ തുടങ്ങിയവ യാത്രക്കാര്‍ ഹാന്‍ഡ് ബാഗില്‍ കരുതണം എന്നും എയര്‍ ഇന്ത്യാ എക്സ് പ്രസ്സ് ഓര്‍മ്മിപ്പിച്ചു.
- pma
വായിക്കുക: air-india, social-media, ഗതാഗതം, പ്രവാസി
അബുദാബി : നാഷണല്‍ മീഡിയാ ഓഫീസ് ചെയർ മാനായി ശൈഖ് സായിദ് ബിൻ ഹംദാൻ ബിൻ സായിദ് അൽ നഹ്യാനെ നിയമിച്ചു കൊണ്ട് യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ ഉത്തരവ് പുറപ്പെടുവിച്ചു. മന്ത്രി പദവിയുള്ള കാബിനറ്റ് റാങ്കോടെയാണ് നിയമനം.
അബുദാബി ഗവൺമെൻ്റ് മീഡിയ ഓഫീസിന് പകരമാണ് പുതിയ നാഷണല്‍ മീഡിയാ ഓഫീസ് എന്ന സ്ഥാപനം രൂപീകരിച്ചിട്ടുള്ളത്. ക്രിയേറ്റീവ് മീഡിയ അഥോറിറ്റിയും അബുദാബി മീഡിയ കമ്പനിയും ഇതിന്‍റെ കീഴിൽ പ്രവർത്തിക്കും.
രാജ്യത്തെ മാധ്യമ നിയമങ്ങളും ചട്ടങ്ങളും നിർദ്ദേശി ക്കുക, വികസിപ്പിക്കുക, അവലോകനം ചെയ്യുക, രാജ്യത്തിന്‍റെ മാധ്യമ കാഴ്ചപ്പാടും സന്ദേശവും ഏകോപിപ്പിച്ച് പ്രസിദ്ധം ചെയ്യുക, പ്രാദേശിക – രാജ്യാന്തര മാധ്യമ മേഖലയെ ശക്തിപ്പെടുത്തുക, രാജ്യതാൽപര്യം സംരക്ഷിക്കുക, രാജ്യത്തെ മാധ്യമ വ്യവസായത്തെ നയിക്കാൻ വൈദഗ്ധ്യമുള്ള തലമുറയെ ശാക്തീകരിക്കുക, മാധ്യമങ്ങൾക്ക് ഇടയിൽ സഹകരണം വർദ്ധിപ്പിക്കുക എന്നിവയാണ് പ്രധാന ദൗത്യങ്ങള്‍. സ്വദേശത്തും വിദേശത്തുമുള്ള യു. എ. ഇ. യുടെ മാധ്യമ വിവരണങ്ങൾ തയ്യാറാക്കുക, വിലയിരുത്തുക, അവലോകനം ചെയ്യുക എന്നിവ നാഷണല്‍ മീഡിയാ ഓഫീസിന്‍റെ ഉത്തരവാദിത്വമാണ്.
- pma
വായിക്കുക: social-media, അബുദാബി, നിയമം, ബഹുമതി, മാധ്യമങ്ങള്‍, യു.എ.ഇ.
അബുദാബി : ആഘോഷ നാളുകളില്‍ പ്രവാസികള്‍ക്ക് സ്വര്‍ണ്ണവും കാറുകളും അടങ്ങുന്ന ഒട്ടനവധി സമ്മാന ങ്ങളു മായി അഹല്യ എക്സ് ചേഞ്ച് വിന്‍റര്‍ പ്രമോഷന് തുടക്കമായി. 2022 ഡിസംബർ 22 മുതൽ 2023 ഏപ്രിൽ 20 വരെ നടക്കുന്ന വിന്‍റര്‍ പ്രമോഷനില്‍ 10 ലക്ഷ്വറി എസ്. യു. വി. കാറുകളും ഒരു കിലോ സ്വർണ്ണവും സമ്മാനിക്കും എന്ന് അബുദാബിയില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ അധികൃതർ അറിയിച്ചു.
ക്രിസ്തുമസ്, പുതുവത്സരം, റമദാന്‍, ഈദുൽ ഫിത്വർ അടക്കമുള്ള ആഘോഷ നാളുകൾ ഉൾപ്പെടുത്തി ഒരുക്കുന്ന പ്രൊമോഷൻ കാലത്ത് അഹല്യ എക്സ് ചേഞ്ച് വഴി പണം അയക്കുന്ന ഉപഭോക്താക്കളിൽ നിന്ന് നറുക്കെടുപ്പിലൂടെ തെരഞ്ഞെടുക്ക പ്പെടുന്ന 111 പേർക്ക് സമ്മാനങ്ങൾ നൽകും.
ഗ്രാൻഡ് നറുക്കെടുപ്പിൽ ഒരാൾക്ക് അരക്കിലോ സ്വർണ്ണവും 100 വിജയികൾക്ക് ഒരു പവൻ, അരപ്പവൻ സ്വർണ്ണ സമ്മാനങ്ങളും നൽകും എന്ന് അഹല്യ എക്സ് ചേഞ്ച് കമ്പനി സീനിയർ മാർക്കറ്റിംഗ് മാനേജർ സന്തോഷ് നായർ, ഡെപ്യൂട്ടി ഓപ്പറേഷൻസ് മാനേജർ ഷാനിഷ് കൊല്ലാറ, ബാങ്കിംഗ് ഓപ്പറേഷൻസ് മാനേജർ മുഹമ്മദ് മർഗുബ്, ഫിനാൻസ് മാനേജർ അതീഖുർ റഹ്മാൻ, ട്രഷറി ഡീൽ പ്രദീഷ് എം. സി. എന്നിവർ അറിയിച്ചു.
മികച്ച നിരക്കും മികച്ച സേവനവും വാഗ്ദാനം ചെയ്യുന്ന യു. എ. ഇ. യിലെ ഏറ്റവും മികച്ച മണി എക്സ് ചേഞ്ചു കളില്‍ ഒന്നാണ് അഹല്യ എക്സ് ചേഞ്ച്. 1996 ൽ ആരംഭിച്ച അഹല്യ എക്സ് ചേഞ്ചിന് നിലവിൽ യു. എ. ഇ. യിൽ ഉട നീളം 30 ശാഖകള്‍ പ്രവര്‍ത്തിക്കുന്നു.
ഇന്ത്യ, നേപ്പാൾ, ബംഗ്ലാദേശ്, ശ്രീലങ്ക, യു. എ. ഇ. , ആഫ്രിക്ക, പാകിസ്ഥാൻ, ഫിലിപ്പീൻസ് തുടങ്ങിയ വിവിധ രാജ്യ ങ്ങളിൽ നിന്നുള്ള പ്രവാസികള്‍ അടക്കമുള്ള ആളുകള്‍ക്ക് അഹല്യ എക്സ് ചേഞ്ചിലുള്ള ഉന്നതമായ വിശ്വാസം തന്നെയാണ് ഇത്തരം പദ്ധതികളുമായി തങ്ങള്‍ അവരിലേക്ക് ഇറങ്ങി ച്ചെല്ലുന്നത് എന്നും അധികൃതര്‍ അറിയിച്ചു.
- pma
വായിക്കുക: bank, social-media, ആഘോഷം, ഇന്റര്‍നെറ്റ്, പൂര്‍വ വിദ്യാര്‍ത്ഥി, പ്രവാസി, വ്യവസായം, സാമ്പത്തികം
അബുദാബി : ഡ്രൈവിംഗിനിടെയുള്ള മൊബൈൽ ഫോൺ ഉപയോഗമാണ് 95% വാഹന അപകടങ്ങൾക്കും കാരണം എന്ന് യു. എ. ഇ. ആഭ്യന്തര മന്ത്രാലയം. ചുവപ്പു സിഗ്നല്‍ മറി കടന്ന് പോയ ഒരു വാഹനം മറ്റു വാഹനങ്ങളെ ഇടിച്ചു തെറിപ്പിക്കുന്ന ദൃശ്യം പങ്കു വെച്ചു കൊണ്ടാണ് മുന്നറിയിപ്പ്.
#أخبارنا | بالفيديو .. شاهد خطورة تجاوز الاشارة الضوئية الحمراء
التفاصيل:https://t.co/7vkKra3P3w#شرطة_أبوظبي#درب_السلامة #لكم_التعليق#تجاوز_الاشارة_الضوئية pic.twitter.com/GLup2Ax9jk
— شرطة أبوظبي (@ADPoliceHQ) December 9, 2022
ഗതാഗത നിയമം പാലിച്ചു കൊണ്ട് വാഹനം ഓടിക്കണം എന്നും സ്വന്തം സുരക്ഷയും മറ്റു യാത്ര ക്കാരുടെ സുരക്ഷിതത്വവും ഉറപ്പു വരുത്തണം എന്നും മന്ത്രാലയം ഓര്‍മ്മിപ്പിച്ചു.
- pma
വായിക്കുക: abu-dhabi-police, social-media, traffic-fine, ഗതാഗതം, നിയമം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
