 |
 |
 |
 |
 |
 |
 |
 |
 |
 |
 |
 |
 |
 |
- pma
അബുദാബി : പ്രമുഖ നാടക പ്രവര്‍ത്തകന്‍ വക്കം ജയലാല്‍ പ്രവാസി തിയ്യറ്റേഴ്സിന്‍റെ ബാനറില്‍ ഒരുക്കുന്ന ‘നക്ഷത്ര സ്വപ്നം ‘ എന്ന പുതിയ നാടക ത്തിന് അബുദാബി യില്‍ തുടക്കം കുറിച്ചു. കേരളാ സോഷ്യല്‍ സെന്ററില്‍ നടന്ന ചടങ്ങില്‍ അബുദാബി യിലെ കലാ സാംസ്കാരിക രംഗത്തെ പ്രമുഖര്‍ പങ്കെടുത്തു.
കെ. എസ്. സി. പ്രസിഡന്റ് കെ. ബി. മുരളി, അഹല്യ എക്സ്ചേഞ്ച് ബ്യൂറോ ജനറല്‍ മാനേജര്‍ വി. എസ്. തമ്പി, മലയാളീ സമാജം പ്രതിനിധി അമര്‍സിംഗ് വലപ്പാട്, നാടക സൌഹൃദം പ്രസിഡന്റ് പി. എം. അബ്ദുല്‍ റഹിമാന്‍, യുവ കലാ സാഹിതി പ്രതിനിധി പ്രേംലാല്‍ എന്നിവര്‍ ചേര്‍ന്ന് ദീപം തെളിയിച്ചു.
കലാ സാംസ്കാരിക കൂട്ടായ്മകളുടെ പ്രതിനിധികള്‍ നക്ഷത്ര സ്വപ്നം ഉദ്ഘാടന വേദിയില്‍
തദവസര ത്തില്‍ പ്രമുഖ കലാ -സാംസ്കാരിക കൂട്ടായ്മകളായ നാടക സൌഹൃദം, കല അബുദാബി, യുവകലാസാഹിതി, ഫ്രണ്ട്സ് എ. ഡി. എം. എസ്, അനോര, എന്നിവരുടെ പ്രതിനിധി കള്‍ ആശംസകള്‍ അര്‍പ്പിച്ചു. സ്മിതാ ബാബു അവതാരകയായിരുന്നു.
ഇരട്ടയം രാധാ കൃഷ്ണന്‍, വിനോദ് കരിക്കാട്‌, സഗീര്‍ ചെന്ത്രാപ്പിന്നി, ബാബു, മന്‍സൂര്‍, എ. കെ. എം. അലി, ദേവദാസ്, ഹരി അഭിനയ, സന്തോഷ്‌, പി. എം. കുട്ടി എന്നിവര്‍ പിന്നണിയില്‍ പ്രവര്‍ത്തിക്കുന്നു.
യു. എ. ഇ. യിലെ നിരവധി വേദികളില്‍ അവതരിപ്പിച്ച പ്രവാസി, ശ്രീഭൂവിലസ്ഥിര എന്നീ നാടക ങ്ങള്‍ക്ക് ശേഷം വക്കം ജയലാല്‍ ഒരുക്കുന്ന ‘നക്ഷത്ര സ്വപ്നം’ പ്രശസ്ത നാടക കൃത്ത് ഫ്രാന്‍സിസ് ടി. മാവേലിക്കര യുടെ രചനയാണ്. സംവിധാനം : വക്കം ഷക്കീര്‍. മെയ്‌ നാലിന് ‘നക്ഷത്ര സ്വപ്നം’ കേരളാ സോഷ്യല്‍ സെന്ററില്‍ അരങ്ങേറും.
- pma
വായിക്കുക: കേരള സോഷ്യല്‍ സെന്റര്‍, നാടകം, പ്രവാസി
അബുദാബി : മലയാളി സമാജം സംഘടിപ്പിച്ച അമേച്വര്‍ നാടക മത്സര ത്തില്‍ മികച്ച നാടകം ആയി ശക്തി തിയ്യറ്റേഴ്സ് അവതരിപ്പിച്ച ‘ബെഹബക് ‘ തെരഞ്ഞെടുത്തു. ഈ നാടകം ഒരുക്കിയ ടി. കെ. ജലീല്‍ മികച്ച സംവിധായകന്‍ ആയി. മികച്ച നടന്‍ ഓ. റ്റി. ഷാജഹാന്‍ . തിയ്യേറ്റര്‍ ദുബായ് അവതരിപ്പിച്ച ‘സൂ സ്റ്റോറി’ യിലെ പ്രകടന ത്തിലൂടെയാണ് ഷാജഹാന്‍ മികച്ച നടന്‍ ആയി തെരഞ്ഞെടുക്കപ്പെട്ടത്. അബുദാബി നാടക സൗഹൃദം അവതരിപ്പിച്ച ‘മതിലുകള്‍ക്കപ്പുറം’ എന്ന നാടക ത്തിലൂടെ അനന്ത ലക്ഷ്മി മികച്ച നടിയായി. ‘മതിലുകള്‍ക്കപ്പുറം’ ജൂറി യുടെ പ്രത്യേക പരിഗണന യും നേടി.
ബഹബക്‌
മികച്ച സംവിധായകന്‍ : ജലീല്‍ ടി. കുന്നത്ത്
മികച്ച നടന്‍ : ഷാജഹാന്‍
മികച്ച നടി : അനന്ത ലക്ഷ്മി
മികച്ച രണ്ടാമത്തെ നാടകമായി കല അബുദാബി യുടെ ‘ മണ്ണ് ’ തെരഞ്ഞെടുത്തു. മൂന്നാം സ്ഥാനത്ത്‌ സോഷ്യല്‍ ഫോറം അവതരിപ്പിച്ച ‘ കുഞ്ഞിരാമന്‍ ‘ . കുഞ്ഞിരാമനിലെ അഭിനയത്തിന് റഫീക്ക്‌ മികച്ച രണ്ടാമത്തെ നടന്‍ ആയും മണ്ണിലെ പ്രകടനത്തിന് ബിന്‍സി മോള്‍ മികച്ച രണ്ടാമത്തെ നടി ആയും തെരഞ്ഞെടുത്തു .
സര്‍പ്പകാലം എന്ന നാടകത്തി ലൂടെ ലുഖ്മാന്‍ മികച്ച ബാല നടന്‍ ആയി. ആവണി പ്പാടത്തെ പേര മരങ്ങള്‍ എന്ന നാടകത്തിലെ അഭിനയത്തിലൂടെ ഡോണ മേരി ആന്‍റണി, ബാബു, ആള്‍ഡിന്‍ സാബു എന്നീ ബാല താരങ്ങള്‍ ജൂറിയുടെ പ്രത്യേക പുരസ്കാരം സ്വന്തമാക്കി.
മികച്ച രംഗ സജ്ജീകരണം : ജയേഷ്, ദീപവിതാനം : രമേശ്‌ രവി ( ബെഹബക് ), ചമയം : പവിത്രന്‍ ( കുഞ്ഞിരാമന്‍ ) എന്നിവയാണ് മറ്റു പുരസ്കാരങ്ങള്‍ .
വെള്ളിയാഴ്ച രാവിലെ 11 മണിമുതല്‍ ആരംഭിച്ച നാടക മത്സരത്തില്‍ 8 നാടകങ്ങള്‍ അവതരിപ്പിക്കപ്പെട്ടു. തിയേറ്റര്‍ ദുബായ്, കല അബുദാബി, അബുദാബി സോഷ്യര്‍ ഫോറം, ക്‌നാനായ കുടുംബവേദി, അബുദാബി ശക്തി തിയേറ്റേഴ്‌സ്, അലൈന്‍ യുവ കലാ സാഹിതി , അബുദാബി നാടക സൗഹൃദം , ദുബായ് ഡി 2 കമ്യൂണിക്കേഷന്‍സ് എന്നീ കലാ സമിതി കളാണ് നാടകങ്ങള്‍ അവതരിപ്പിച്ചത്. യവനിക ഗോപാലകൃഷ്ണന്‍, കെ. പി. കെ. വേങ്ങര എന്നിവര്‍ ആയിരുന്നു ജൂറി.
- pma
വായിക്കുക: നാടകം, ബഹുമതി, മലയാളി സമാജം, ശക്തി തിയേറ്റഴ്സ്
അബുദാബി : മലയാളി സമാജം സംഘടിപ്പിക്കുന്ന അമേച്വര്‍ നാടക മത്സരം ‘നാടകോത്സവം 2012 ‘ ജനുവരി 13 വെള്ളിയാഴ്ച രാവിലെ 9 മണിക്ക് മുസ്സഫ എമിറേറ്റ് ഫ്യൂച്ചര്‍ ഇന്റര്‍നാഷണല്‍ സ്‌കൂളില്‍ നടക്കും. യു. എ. ഇ. യിലെ ഒന്‍പത് നാടക സംഘങ്ങള്‍ നാടകങ്ങള്‍ അവതരിപ്പിക്കും.
ആദ്യ നാടകം രാവിലെ 9.30 ന് തിയേറ്റര്‍ ദുബായ് അവതരിപ്പിക്കുന്ന ‘സൂ സ്റ്റോറി’ അരങ്ങിലെത്തും. 10.45 ന് ദുബായ് പ്ലാറ്റ്‌ഫോറം തിയേറ്റര്‍ അവതരി പ്പിക്കുന്ന ‘പാലം’ എന്ന നാടകം. പിന്നീട് 2 മണിക്ക് കല അബുദാബി അവതരി പ്പിക്കുന്ന ‘മണ്ണ്’ നാടകം. 3.15 ന് സോഷ്യല്‍ ഫോറം അവതരിപ്പിക്കുന്ന കുഞ്ഞിരാമന്‍ . 4.30 മണിക്ക് ക്‌നാനായ കുടുംബ വേദി യുടെ ആവണി പ്പാടത്തെ പേര മരങ്ങള്‍ . 5.45 ന് ശക്തി തിയറ്റേഴ്‌സിന്‍റെ ബെഹബക് . വൈകീട്ട് 7 മണിക്ക് അലൈന്‍ യുവ കലാ സാഹിതിയുടെ സര്‍പ്പകാലം. രാത്രി 8.15 ന് അബുദാബി നാടക സൗഹൃദം അവതരിപ്പിക്കുന്ന ‘മതിലുകള്‍ക്കപ്പുറം’ അരങ്ങേറും. 9.30 ന് ദുബായ് ഡി2 കമ്യൂണിക്കേഷന്‍സ് ഒരുക്കുന്ന പ്രതിരൂപങ്ങള്‍ രംഗത്തെത്തും.
നാടക ങ്ങള്‍ വിലയിരുത്താന്‍ പ്രശസ്ത നാടക – സീരിയല്‍ നടനും സംവിധാ യകനുമായ യവനിക ഗോപാലകൃഷ്ണന്‍ എത്തും. യു. എ. ഇ. യില്‍ നിന്ന് പ്രമുഖ നായ ഒരു നാടക പ്രവര്‍ത്തകനും വിധി കര്‍ത്താവാകും എന്ന് സമാജം ഭാരവാഹികള്‍ അറിയിച്ചു.
ജനവരി 14 ന് ശനിയാഴ്ച രാത്രി 8 മണിക്കാണ് വിധി പ്രഖ്യാപിക്കുക. മികച്ച നാടകം, രണ്ടാമത്തെ നാടകം, മൂന്നാമത്തെ നാടകം, മികച്ച സംവിധായകന്‍ , മികച്ച നടന്‍ , നടി, സഹനടന്‍ , സഹനടി, ബാലതാരം, ചമയം എന്നീ വിഭാഗ ങ്ങളിലാണ് അവാര്‍ഡുകള്‍ നല്‍കുക. കൂടുതല്‍ വിവര ങ്ങള്‍ക്ക് സമാജം കലാ വിഭാഗം സെക്രട്ടറി ബഷീറുമായി 050 27 37 406 എന്ന നമ്പരില്‍ ബന്ധപ്പെടുക.
- pma
വായിക്കുക: നാടകം, മലയാളി സമാജം
ദുബായ് : പ്രശസ്ത നാടക സംവിധായകനും നടനുമായ സുവീരനും കണ്ണൂര്‍ വാസുട്ടിക്കും ദല ഗംഭിര സ്വീകരണം നല്‍കി. പ്രശസ്ത നാടകകൃത്ത് പി. എം. ആന്‍റണി യുടെ വേര്‍പാടില്‍ അനുശോചനം രേഖപ്പെടുത്തി ക്കൊണ്ടാണു യോഗം ആരംഭിച്ചത്. പി. പി. അഷറഫ് സ്വഗതം പറഞ്ഞു. നാരായണന്‍ വെളിയംകോട് അധ്യക്ഷത വഹിച്ചു. ഉമ്മര്‍ സുവിരനും രാജന്‍ മാഹി കണ്ണൂര്‍ വാസുട്ടിക്കും ദലയുടെ ഉപഹാരം കൊടുത്തു. സ്വീകരണത്തിന് നന്ദിയും സ്വീകരണ യോഗത്തില്‍ പങ്കെടുത്തവരുടെ ചോദ്യങ്ങള്‍ക്ക് മറുപടിയും പറഞ്ഞു കൊണ്ട് സുവീരനും കണ്ണൂര്‍ വാസുട്ടിയും സംസാരിച്ചു. മനോഹര്‍ ലാല്‍ നന്ദിയും പറഞ്ഞു.
- ജെ.എസ്.
വായിക്കുക: കേരള സാംസ്കാരിക വ്യക്തിത്വം, ദല, നാടകം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
