യു. എ. ഇ. ലോകത്തിന് മാതൃക : എം. എ. യൂസഫലി

December 6th, 2022

ma-yusuffali-speech-indian-islamic-centre-ePathram
അബുദാബി : യു. എ. ഇ. മുന്നോട്ടു വെക്കുന്ന മാനവിക സന്ദേശം അതി മഹത്തരം എന്നും സമാധാനവും സഹിഷ്ണുതയും സഹവർത്തിത്വവും മുഖ മുദ്ര യാക്കിയ യു. എ. ഇ. വികസനത്തിലും സാമൂഹിക ക്ഷേമ പ്രവർത്തനങ്ങളിലും ലോകത്തിനു മാതൃക യാണ് എന്നും ലുലു ഗ്രൂപ്പ് ചെയർമാൻ എം. എ. യൂസഫലി.

ദേശീയ ദിന ആഘോഷങ്ങളോട് അനുബന്ധിച്ച് അബുദാബി ഇന്ത്യന്‍ ഇസ്ലാമിക് സെന്‍റര്‍ സംഘടിപ്പിച്ച പരിപാടി കളില്‍ വിശിഷ്ട അതിഥിയായി സംബന്ധിച്ച് സംസാരിക്കുക യായിരുന്നു അദ്ദേഹം. യു. എ. ഇ. ഔഖാഫ് ചെയർമാൻ മുഹമ്മദ് മത്തർ സാലിം അൽ കഅബി ഉദ്ഘാടനം ചെയ്തു. പ്രസിഡണ്ടിന്‍റെ മത കാര്യ മുന്‍ ഉപദേഷ്ടാവ് സയ്യിദ് അലി അല്‍ ഹാഷിമി മുഖ്യ പ്രഭാഷണം നടത്തി. ഔഖാഫ് ഇമാമും ശൈഖ് സായിദ് ഗ്രാന്‍ഡ് മസ്ജിദ് മുഅദ്ദിന്‍ അല്‍ ഹാഫിള് അഹ്മദ് നസീം ബാഖവി ഖുര്‍ ആന്‍ പാരായണം നടത്തി.

islamic-center-celebrate-uae-51-national-day-ePathram

ഇന്ത്യന്‍ എംബസി കോണ്‍സല്‍ ഡോ. ബാലാജി രാമ സ്വാമി, ഷംസുദ്ധീന്‍ ബിന്‍ മുഹിയുദ്ധീന്‍ (റീജന്‍സി ഗ്രൂപ്പ്), മാര്‍ഗിറ്റ് മുള്ളര്‍, (ഫാല്‍ക്കണ്‍ ഹോസ്പിറ്റല്‍) കെ. എം. സി. സി. നേതാക്കളായ യു. അബ്ദുല്ല ഫാറൂഖി, അഡ്വ. കെ. വി. മുഹമ്മദ് കുഞ്ഞി, ഹാരിസ് ബാഖവി തുടങ്ങിയവര്‍ ആശംസകള്‍ നേര്‍ന്നു.

ഇന്ത്യന്‍ ഇസ്ലാമിക് സെന്‍റര്‍ പ്രസിഡണ്ട് പി. ബാവ ഹാജി അദ്ധ്യക്ഷത വഹിച്ച ആഘോഷ പരിപാടി യില്‍ ജനറല്‍ സെക്രട്ടറി ടി. കെ. അബ്ദുല്‍ സലാം സ്വാഗതവും ട്രഷറര്‍ എ. വി. ഷിഹാബുദ്ദീന്‍ നന്ദിയും പറഞ്ഞു.  *  F B Page

- pma

വായിക്കുക: , , , , ,

അഭിപ്രായം എഴുതുക »

1000 ദിർഹത്തിന്‍റെ പുതിയ പോളിമര്‍ കറൻസി നോട്ടുകൾ

December 5th, 2022

uae-central-bank-launched-new-bank-note-1000-denomination-ePathram
അബുദാബി : യു. എ. ഇ. യുടെ 51-ാമത് ദേശീയ ദിന ആഘോഷങ്ങളുടെ ഭാഗമായി സെൻട്രൽ ബാങ്ക് (സി. ബി. യു. എ. ഇ.) പുതിയ 1000 ദിർഹ ത്തിന്‍റെ പോളിമര്‍ കറൻസി നോട്ടുകള്‍ പുറത്തിറക്കി.

രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍, അബുദാബി ബറാഖ ആണവോർജ്ജ നിലയം, ചൊവ്വാഗ്രഹ പര്യവേക്ഷണത്തിനായി യു. എ. ഇ. വിക്ഷേപിച്ച ഹോപ്പ് പ്രോബ് എന്നീ ചിത്രങ്ങള്‍ നോട്ടില്‍ ആലേഖനം ചെയ്തിട്ടുണ്ട്.

2023 ആദ്യ പകുതി യോടെ പുതിയ നോട്ടുകൾ ബാങ്ക് വഴിയും എ. ടി. എം. വഴിയും പൊതു ജനങ്ങൾക്ക് ലഭ്യമാവും. ഇപ്പോള്‍ നിലവിലുള്ള 1000 ദിർഹം നോട്ടുകൾ തുടർന്നും പ്രാബല്യത്തില്‍ ഉണ്ടാവും.

അതി നൂതന സുരക്ഷാ സംവിധാനങ്ങളും അന്ധർക്ക് കൈകാര്യം ചെയ്യുവാനായി ബ്രെയ്ലി ഭാഷയും പോളിമര്‍ നോട്ടിൽ ഉള്‍പ്പെടുത്തിയിട്ടുണ്ട്. പോളിമർ നോട്ട് നാഷണൽ കറൻസി പ്രോജക്റ്റിന്‍റെ മൂന്നാമത്തെ ഇഷ്യുവിൽ നാലാമതാണ് ആയിരം ദിര്‍ഹം നോട്ടുകള്‍.

- pma

വായിക്കുക: , ,

അഭിപ്രായം എഴുതുക »

വടകര പ്രവാസോത്സവം ശ്രദ്ധേയമായി

December 4th, 2022

pravasolsvam-2022-vatakara-nri-forum-20-th-anniversary-ePathram
ദുബായ് : വടകര എൻ. ആർ. ഐ. അസ്സോസിയേഷന്‍ ഇരുപതാം വാർഷിക ആഘോഷങ്ങളുടെ ഭാഗമായി ദുബായില്‍ സംഘടിപ്പിച്ച ‘പ്രവാസോത്സവം -2022’ പ്രവാസ ഭൂമികയിലെ വേറിട്ട അനുഭവമായി.

സാംസ്‌കാരിക ഘോഷ യാത്രയിൽ കുട്ടികളും മുതിര്‍ന്നവരും അണി നിരന്നു. വടകരയുടെ തനതു ശില്പങ്ങൾ, മുത്തുക്കുട, ചെണ്ട മേളം, മയിലാട്ടം, കരകാട്ടം, തുടങ്ങിയവ ഘോഷ യാത്രക്ക്‌ മാറ്റു കൂട്ടി.

dubai-vadakara-nri-forum-20-th-anniversary-pravasolsvam-2022-ePathram

ദുബായ് ക്രസൻ്റ് സ്‌കൂൾ അങ്കണത്തിൽ നടന്ന സാംസ്‌കാരിക സമ്മേളനം ഗ്ലോബൽ പീസ് അംബാസഡർ ഹുസൈഫ ഇബ്രാഹിം ഉദ്ഘാടനം ചെയ്തു. നബാദ്‌ അൽ ഇമാറാത് ടീ൦ ലീഡർ ഉമ്മു മർവാൻ മുഖ്യ അതിഥിയായി പങ്കെടുത്തു. പ്രസിഡണ്ട് ഇ. കെ. ദിനേശൻ അദ്ധ്യക്ഷത വഹിച്ചു. കെ. പി. മുഹമ്മദ്, അഡ്വ. സാജിദ് അബൂബക്കർ, ഡോ. മുഹമ്മദ് ഹാരിസ്, സത്യൻ എസ്. ആർ., രാജൻ കൊളാവിപ്പാലം, മോഹൻ എന്നിവർ സംസാരിച്ചു. സാമൂഹ്യ സാംസ്‌കാരിക വ്യവസായ പ്രമുഖരെ ചടങ്ങിൽ ആദരിച്ചു. ജനറൽ സെക്രട്ടറി മനോജ് കെ. വി. സ്വാഗതവും ട്രഷറർ അഡ്വ. മുഹമ്മദ് സാജിദ് നന്ദിയും പറഞ്ഞു.

വടകരയുടെ പഴയ ഓർമ്മകളെ തൊട്ടുണർത്തുന്ന ദേശക്കാഴ്ചകളുടെ ദൃശ്യാവിഷ്കാരവും വടകരയെ മലബാറിൽ അടയാളപ്പെടുത്തുന്ന അഞ്ചു വിളക്കിന്‍റെ രൂപ കല്പനയും തങ്ങളുടെ പഴയ കാലത്തിലേക്ക് ഒരു തിരിച്ചു നടത്ത മായിരുന്നു. വടകരയുടെ പഴമയുടെ തനതു ആവിഷ്കാരങ്ങളും ക്ഷേത്ര ങ്ങളും പള്ളികളും അനുബന്ധ കാഴ്ചകളുടെ ഫോട്ടോ പ്രദർശനം പ്രവാസി കളെ നാട്ടോർമ്മയിലേക്ക് നയിച്ചു. പുരാതനമായ വടകര ചന്തയുടെ പുനരാവിഷ്കരണം ഏറെ ശ്രദ്ധേയമായി.

കോൽക്കളി, തിരുവാതിര, നൃത്തങ്ങൾ, സിനിമാറ്റിക്ക് ഡാൻസ്, ലഘു നാടകം, പ്രശസ്ത ഗായകർ താജുദ്ധീൻ വടകര, അജയ് ഗോപാൽ, മുനവ്വർ, ഹർഷ ചന്ദ്രൻ എന്നിവ രുടെ നേതൃത്വത്തിൽ ഗാനമേള തുടങ്ങിയ വിവിധ കലാ പരിപാടികള്‍ അരങ്ങേറി .

ഇക്ബാൽ ചെക്യാട്, ഭാസ്കരൻ, സിറാജ് ഒഞ്ചിയം, രജീഷ്, മുഹമ്മദ് ഏറാമല, ജിജു കാർത്തികപ്പള്ളി, മൊയ്‌തു കുറ്റ്യാടി, സുഷി കുമാർ, പുഷ്പരാജ്, മൂസ കോയമ്പ്രം, അസീസ് പുറമേരി, എസ്. പി. മഹമൂദ്, ചന്ദ്രൻ കൊയി ലാണ്ടി, ഷാജി, മൊയ്‌തു പേരാമ്പ്ര, സലാം ചിത്രശാല, നൗഫൽ കടിയങ്ങാട്, അനിൽ കീർത്തി, ബഷീർ മേപ്പയൂർ,സ്വപ്‌നേഷ് തുടങ്ങിയവർ നേതൃത്വം നൽകി. പ്രോഗ്രാം കമ്മറ്റി കൺവീനർ റമൽ നാരായണൻ, യാസിർ, രമ്യ, സൂരജ് പി. കെ., ജിനു കെ. എം. തുടങ്ങിയവർ പരിപാടികള്‍ നിയന്ത്രിച്ചു.

- pma

വായിക്കുക: , , , , , , , , , , ,

അഭിപ്രായം എഴുതുക »

ദേശീയ ദിന ആഘോഷ പരിപാടികളിൽ എം. എ. യൂസഫലി വിശിഷ്ട അതിഥി

December 3rd, 2022

ma-yousufali-epathram
അബുദാബി: ഇന്ത്യൻ ഇസ്ലാമിക് സെന്‍റർ സംഘടിപ്പി ക്കുന്ന യു. എ. ഇ. ദേശീയ ദിനാഘോഷ പരിപാടികൾ ഡിസംബര്‍ 4 ഞായറാഴ്ച വൈകുന്നേരം 6 മണിക്ക് സെന്‍റര്‍ അങ്കണത്തില്‍ നടക്കും. ഇസ്‌ലാമിക് സെന്‍റര്‍ മുഖ്യ രക്ഷാധികാരിയും ലുലു ഗ്രൂപ്പ് ഇന്‍റര്‍ നാഷണല്‍ ചെയര്‍മാനും മാനേജിംഗ് ഡയറക്ടറുമായ എം. എ. യൂസഫലി വിശിഷ്ട അതിഥിയായി സംബന്ധിക്കും.

യു. എ. ഇ. പ്രസിഡണ്ടിന്‍റെ മുന്‍ മത കാര്യ ഉപദേഷ്ടാവ് സയ്യിദ് അലി അല്‍ ഹാഷിമി, ദേശീയ ദിന ആഘോഷ ങ്ങള്‍ ഉല്‍ഘാടനം ചെയ്യും. പൗര പ്രമുഖര്‍, ഇന്ത്യൻ എംബസി പ്രതിനിധികൾ ഉൾപ്പെടെ ഒട്ടേറെ പേര്‍ ചടങ്ങില്‍ സംബന്ധിക്കും.

islamic-center-celebrate-51-th-uae-national-day-ePathram

പക്ഷ ഭേദങ്ങള്‍ ഇല്ലാതെ രാജ്യത്തിനകത്തും പുറത്തും ജന ക്ഷേമ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന യു. എ. ഇ. യുടെ ദേശീയ ദിനം ഓരോ പ്രവാസി യുടെയും സ്വന്തം ആഘോഷം തന്നെയാണ് എന്ന് ഭാര വാഹികള്‍ അഭിപ്രായപ്പെട്ടു.

സെന്‍റര്‍ കലാ വിഭാഗം ഒരുക്കുന്ന വൈവിധ്യമാര്‍ന്ന കലാ സാംസ്കാരിക പരിപാടികള്‍ ദേശീയ ദിന ആഘോഷ പരിപാടികള്‍ക്ക് മാറ്റു കൂട്ടും. യു. എ. ഇ. യുടെ ചരിത്രവും ഇരു രാജ്യ ങ്ങളും തമ്മിലുള്ള ഊഷ്മള ബന്ധവും വിവരിക്കുന്ന കലാ പരിപാടികൾക്കു പുറമെ പ്രശസ്ത ഗായകൻ കണ്ണൂര്‍ ഷറീഫിന്‍റെ നേതൃത്വത്തില്‍ ഗാന സന്ധ്യയും അരങ്ങേറും.

യു. എ. ഇ. യുടെ 51–ാം ദേശീയ ദിന ആഘോഷങ്ങളും അതോടൊപ്പം ഒരു വര്‍ഷക്കാലമായി നടന്നു വന്നിരുന്ന സെന്‍റര്‍ ഗോള്‍ഡന്‍ ജൂബിലി ആഘോഷങ്ങളുടെ സമാപനം കൂടിയാണ് ഡിസംബര്‍ 4 നു അരങ്ങേറുക എന്നും സംഘാടകര്‍ വാര്‍ത്താ സമ്മേളന ത്തില്‍ അറിയിച്ചു.

50 വര്‍ഷം പിന്നിടുന്ന അബുദാബി ഇന്ത്യന്‍ ഇസ്ലാമിക് സെന്‍റര്‍, ഈ രാജ്യത്തിന്‍റെ ചരിത്ര ത്തോടൊപ്പം സഞ്ചരിച്ച സംഘടനയാണ്. തലസ്ഥാന നഗരിയില്‍ യു. എ. ഇ. പ്രസിഡണ്ട് സൗജന്യമായി നിര്‍മ്മിച്ചു നല്‍കിയ കെട്ടിടത്തിലാണ് സെന്‍റര്‍ പ്രവര്‍ത്തിച്ചു കൊണ്ടിരി ക്കുന്നത്.

അന്നത്തെ ഇന്ത്യന്‍ പ്രസിഡണ്ട് പ്രതിഭാ പാട്ടീല്‍ ആയിരുന്നു നിലവിലെ സെന്‍റര്‍ കെട്ടിടം ഉല്‍ഘാടനം ചെയ്തത്.

ഇസ്ലാമിക് സെന്‍റർ ജനറൽ സെക്രട്ടറി ടി. കെ അബ്ദുൽ സലാം, കെ. എം. സി. സി. ആക്ടിംഗ് പ്രസിഡണ്ട് അബ്ദുൽ അസീസ് കാളിയാടൻ, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ഇസ്ലാമിക് സെന്‍റർ ഭാരവാഹികളായ അഷ്റഫ് നജാത്ത്, മുസ്തഫ വാഫി, സലീം നാട്ടിക, ഹനീഫ പടിഞ്ഞാർ മൂല, അബ്ദുൽ അസീസ് പി. എം. എന്നിവർ വാർത്താ സമ്മേളനത്തിൽ സംബന്ധിച്ചു. *Prathibha PatilFB Page

- pma

വായിക്കുക: , , , ,

അഭിപ്രായം എഴുതുക »

ലഹരിക്ക് എതിരെ ബഹുജന കൂട്ടായ്മ ഒരുക്കി ഇന്ത്യൻ ഇസ്ലാഹി സെന്‍റര്‍

December 1st, 2022

logo-indian-islahi-center-uae-ePathram
അബുദാബി: വർദ്ധിച്ചു വരുന്ന ലഹരി ഉപയോഗ ത്തിന്‍റെ അപകടം പൊതു ജനങ്ങളെ ബോദ്ധ്യ പ്പെടുത്തുക എന്ന ലക്ഷ്യത്തോടെ ANTI DRUG INITIATIVE 2022 എന്ന പേരില്‍ അബുദാബി ഇന്ത്യൻ ഇസ്ലാഹി സെന്‍റര്‍ ബോധ വല്‍ക്കരണ ക്യാമ്പ് സംഘടിപ്പിക്കുന്നു.

യു. എ. ഇ. ദേശീയ ദിനത്തില്‍ ഡിസംബർ 2 വെള്ളിയാഴ്ച രാത്രി 8 മണിക്ക് അബുദാബി ഇന്ത്യൻ ഇസ്ലാമിക് സെന്‍ററിൽ നടക്കുന്ന പരിപാടിയില്‍ പ്രമുഖ ഫാമിലി കൗൺസിലറും മോട്ടിവേഷൻ സ്പീക്കറുമായ ഡോക്ടർ. ജൗഹർ മുനവ്വർ, “മാറുന്ന ലോകം, മയങ്ങുന്ന മക്കൾ” എന്ന വിഷയത്തിലും ഷാർജ അൽ അസീസ് മസ്ജിദ്‌ ഇമാം ഹുസ്സൈൻ സലഫി ‘ധാർമികതയുടെ വീണ്ടെടുപ്പിന്’ എന്ന വിഷയ ത്തിലും സംസാരിക്കും എന്ന് ഇസ്ലാഹി സെന്‍റര്‍ ഭാരവാഹികള്‍ വാർത്താ സമ്മേളനത്തിൽ അറിയിച്ചു.

press-meet-indian-islahi-center-anti-drug-initiative-2022-ePathram

ലഹരിക്ക് അടിമയായി സ്വയം നശിക്കുന്ന യുവ തലമുറ നഷ്ടപ്പെടുത്തുന്നത് സ്വന്തം ഭാവി യും നല്ല നാളെയും ആണ്. ഇതിനെതിരെ ശക്തമായ ബോധ വത്കരണം അനിവാര്യം ആണെന്നും അബു ദാബി ഇന്ത്യൻ ഇസ്‌ലാഹി സെന്‍റര്‍ പ്രസിഡണ്ടും പ്രമുഖ കാര്‍ഡിയോള ജിസ്റ്റുമായ ഡോക്ടർ ബഷീർ മുഹമ്മദ് അഭിപ്രായപ്പെട്ടു. ലഹരിക്ക് അടിമപ്പെട്ട് പൗരന്‍റെ ഉത്തരവാദിത്വവും ധാര്‍മിക ബോധ വും മറന്നു പോകുന്ന ഒരു ജനതയായി മാറുന്നത് അപലപനീയം ആണെന്നും അദ്ദേഹം അഭിപ്രായപ്പെട്ടു.

ഡോക്ടർ ബഷീറിനെ കൂടാതെ സെന്‍റര്‍ സെക്രട്ടറി അബ്‌ദുൾ റഹ്‌മാൻ സെയ്തുട്ടി, മർക്കസ് മാലിക്ക് ബിൻ അനസ് പ്രിൻസിപ്പൽ സയീദ് അൽ ഹികമി, ജനറൽ സെക്രട്ടറി മുഹമ്മദ് യാസിർ വി. കെ. എന്നിവർ വാർത്താ സമ്മേളന ത്തിൽ സംബന്ധിച്ചു.

islahi-center-anti-drug-initiative-2022-ePathram

വെള്ളിയാഴ്ച രാത്രി ഇസ്ലാമിക് സെന്‍ററില്‍ നടക്കുന്ന ANTI DRUG INITIATIVE 2022 എന്ന പ്രോഗ്രാമിലേക്ക് അബുദാബി യുടെ വിവിധ ഭാഗങ്ങ ളിൽ നിന്നും സൗജന്യ വാഹന സൗകര്യം ഒരുക്കും. സ്ത്രീകള്‍ക്ക് പ്രത്യേക സൗകര്യവും ഉണ്ടായിരിക്കും എന്നും അധികൃതർ വാർത്താ സമ്മേളനത്തിൽ അറിയിച്ചു.

- pma

വായിക്കുക: , , , , , , , , , ,

അഭിപ്രായം എഴുതുക »


« Previous Page« Previous « മുസ്സഫ മാർത്തോമാ ദേവാലയത്തിൽ നിറപ്പകിട്ടാർന്ന പരിപാടികളോടെ കൊയ്ത്തുത്സവം
Next »Next Page » ദേശീയ ദിന ആഘോഷ പരിപാടികളിൽ എം. എ. യൂസഫലി വിശിഷ്ട അതിഥി »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine