 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ലോകം കണ്ടതില്‍വെച്ചേറ്റവും വലിയ മനുഷ്യ സ്‌നേഹികളില്‍ ഒരാളും ശക്തനായ ഭരണാധി കാരിയുമായ യു. എ. ഇ. യുടെ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്‍ ഇഹ ലോക വാസം വെടിഞ്ഞ റമദാനിലെ പത്തൊമ്പതാം ദിനം ‘മാനവ സ്‌നേഹ ദിന’ മായി യു. എ. ഇ. ജനത ആചരിക്കുന്നു.
ഈ വര്‍ഷം ജൂലായ് 28 ന് അദ്ദേഹം ഓര്‍മ യായിട്ട് 9 വര്‍ഷം തികയുക യാണ്.
- pma
അബുദാബി : യു എ ഇ രാഷ്ട്ര പിതാവ് ശൈഖ് സായിദ് ബിൻ സുൽത്താൻ അൽ നഹ്യാന്റെ ഒൻപതാം ചരമ വാർഷിക ത്തോട് അനുബന്ധിച്ച് ഇന്ത്യൻ മീഡിയ അബുദാബിയും (ഇമ) ഇന്ത്യൻ ഇസ്ലാമിക് സെന്ററും സംയുക്ത മായി സംഘടിപ്പിച്ച ചിത്ര – പെയിന്റിംഗ് പ്രദശനവും അനുസ്മരണവും ഇന്ത്യൻ ഇസ്ലാമിക് സെന്ററിൽ നടന്നു.
രാവിലെ 10 മണിക്ക് ഇന്ത്യൻ സ്ഥാനപതി കാര്യാലയ ത്തിലെ ഡെപ്യുട്ടി ചീഫ് ഓഫ് മിഷൻ നമ്രത കുമാർ ഉത്ഘാടനം ചെയ്യ്തു. യു എ ഇ എക്സ്ചേഞ്ച് ചീഫ് ഓപ്പറേറ്റിംഗ് ഓഫീസർ വൈ. സുധീർ കുമാർ ഷെട്ടി, ഇന്ത്യൻ ഇസ്ലാമിക് സെന്റർ പ്രസിഡണ്ട് പി. ബാവാ ഹാജി എന്നിവർ ശൈഖ് സായിദ് അനുസ്മരണം നടത്തി.
ഇന്ത്യന്‍ മീഡിയ അബുദാബി യുടെ പ്രസിഡന്റ് ടി. എ. അബ്ദുല്‍ സമദ്‌ അദ്ധ്യക്ഷത വഹിച്ചു. ഇസ്ലാമിക് സെന്റര് ജനറല്‍ സെക്രട്ടറി എം. പി. എം. റഷീദ്‌ സ്വാഗതം പറഞ്ഞു. കെ. എസ്. സി. പ്രസിഡന്റ് എം. യു. വാസു, ലുലു ഗ്രൂപ്പ്‌ കമ്മ്യൂണിക്കേഷന്‍ മാനേജര്‍ നന്ദകുമാര്‍, യു. എ. ഇ. എക്സ്ചേഞ്ച് മീഡിയാ മാനേജര്‍ കെ. കെ. മൊയ്തീന്‍ കോയ എന്നിവര്‍ ആശംസാ പ്രസംഗ ങ്ങള്‍ നടത്തി.
ഇമ എക്സിക്യൂട്ടീവ് റസാഖ് ഒരുമനയൂര്‍ കലാകാരന്മാരെ പരിചയപ്പെടുത്തി. വൈസ്‌ പ്രസിഡണ്ട് ആഗിന്‍ കീപ്പുറം ആമുഖ പ്രസംഗവും പ്രസ്സ്‌ സെക്രട്ടറി പി. എം. അബ്ദുല്‍ റഹിമാന്‍ നന്ദിയും പറഞ്ഞു.
രാഷ്ട്ര പിതാവിന്റെ സ്മരണ പകരുന്ന അത്യപൂർവ ചിത്ര ശേഖര ങ്ങളുമായി ലോക പ്രശസ്ത കാലിഗ്രാഫര്‍ ഖലീലുള്ള ചേംനാട്, മണലു കൊണ്ടുള്ള ചിത്ര രചന യില്‍ പ്രാവീണ്യം നേടിയ ഉദയ് റസ്സല്‍ പുരം, ഷീനാ ബിനോയ്, കുമാര്‍ ചടയ മംഗലം, ഷിബു പ്രഭു തുടങ്ങിയ ചിത്ര കാര ന്മാരുടെ രചന കളും ഏഴാം ക്ലാസ്സ്‌ വിദ്യാര്‍ഥിനി യായ ആമിന ആഫ്റ പെന്‍സില്‍ കൊണ്ട് വരച്ച ചിത്ര ങ്ങളും കെ. എം. സി. സി. അബുദാബി സംസ്ഥാന കമ്മിറ്റി ഒരുക്കിയ അപൂര്‍വ്വ ഫോട്ടോ കളുടെ പ്രദര്‍ശനവും റിഷാദ് കെ. അലി പത്ത് മാസ ത്തെ കഠിന പ്രയത്ന ത്തില്‍ തയ്യാറാക്കിയ ലോക പ്രശസ്ത മായ ശൈഖ് സായിദ് ഗ്രാന്‍ഡ്‌ മസ്ജിദ്‌ മിനിയേച്ചറും പരിപാടിയെ ശ്രദ്ധേയമാക്കി.
ഉച്ചക്ക് ശേഷം രണ്ടു മണി യോടെ നടന്ന സമാപന സമ്മേളന ത്തില്‍ പത്മശ്രീ ഡോക്ടര്‍ ബി. ആര്‍. ഷെട്ടി മുഖ്യാഥിതി ആയിരുന്നു. തുടര്‍ന്ന് ചിത്ര – പെയിന്റിംഗ് പ്രദര്‍ശനം നടത്തിയ കലാ കാരന്മാര്‍ക്ക് ഇന്ത്യന്‍ മീഡിയ അബുദാബി യുടെ ഉപഹാരം ബി. ആര്‍. ഷെട്ടി സമ്മാനിച്ചു.
ഇസ്ലാമിക് സെന്റർ ട്രഷറര്‍ ഷുക്കൂറലി കല്ലിങ്ങല്‍, ഇന്ത്യന്‍ മീഡിയ എക്സിക്യൂട്ടീവ് ജോണി ഫൈന്‍ ആര്ട്സ്, മനു കല്ലറ, ജോയിന്റ് സെക്രട്ടറി സിബി കടവില്‍ എന്നിവര്‍ പ്രസംഗിച്ചു. ശൈഖ് സായിദിനെ കുറിച്ചു വി. ടി. വി. ദാമോദരന്‍ എഴുതിയ കവിത അദ്ദേഹം തന്നെ ആലപിച്ചു.
ജോണി ഫൈന്‍ ആര്ട്സ്, സിബി കടവില്‍, മനു കല്ലറ, ഹഫ്സല്‍ അഹമ്മദ്‌, റസാഖ് ഒരുമനയൂര്‍ തുടങ്ങിയവര്‍ പരിപാടി കള്‍ക്ക് നേതൃത്വം നല്‍കി.
- pma
വായിക്കുക: അബുദാബി, മാധ്യമങ്ങള്‍, യു.എ.ഇ.
അബുദാബി : ഒരു വ്യക്തിയുടെ ഫിത്വര്‍ സക്കാത്ത് ഇരുപത് ദിര്‍ഹം ആയിരിക്കും എന്ന് ഔഖാഫ് അതോറിറ്റി എക്സിക്യൂട്ടീവ് മാനേജര്‍ എന്‍ജിനീയര്‍ മുഹമ്മദ് ഒബൈദ്‌ അല്‍ മസ്റൂയി അറിയിച്ചു
യു എ ഇ യില്‍ കഴിഞ്ഞ വര്‍ഷവും ഇരുപത് ദിര്‍ഹം ആയിരുന്നു. രാജ്യത്തെ മാര്‍ക്കറ്റില്‍ അരി യുടെ വില യുടെ മൂല്യ ത്തിന് സമാന മായാണ് ഫിത്വര്‍സക്കാത്ത് നിശ്ചയിക്കുന്നത്. അരി വില യില്‍ കഴിഞ്ഞ വര്‍ഷത്തെ അപേക്ഷിച്ചു ഒരു മാറ്റവും ഉണ്ടായിട്ടില്ല എന്ന് അധികൃതര്‍ പറഞ്ഞു.
ചെറിയ പെരുന്നാള്‍ (ഈദുല്‍ ഫിത്വര്‍) നിസ്കാരം കഴിഞ്ഞു ഇറങ്ങു ന്നതിനു മുന്‍പേ ഫിത്വര്‍സക്കാത്ത് നല്‍കണം.
- pma
അബുദാബി : യു. എ. ഇ. രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാനെ ഇന്ത്യന്‍ മീഡിയ അബുദാബി യുടെ ആഭിമുഖ്യ ത്തില്‍ വെള്ളിയാഴ്ച രാവിലെ പത്ത് മണിക്ക് ഇന്ത്യന്‍ ഇസ്ലാമിക് സെന്ററില് നടക്കുന്ന ചടങ്ങില്‍ അനുസ്മരിക്കുന്നു.
ശൈഖ് സായിദിന്റെ ഒമ്പതാം ചരമ വാര്‍ഷിക ദിന ത്തോട് അനുബന്ധി ച്ചുള്ള അനുസ്മരണവും ചിത്ര പ്രദര്‍ശനവും ഇന്ത്യന്‍ എംബസി ഡപ്യൂട്ടി ചീഫ് ഓഫ് മിഷന്‍ നമൃതാ കുമാര്‍ ചിത്രകാരന്‍ ഖലീലുല്ല ചെംനാട് രൂപ കല്‍പന ചെയ്ത ശൈഖ് സായിദിന്റെ ചിത്രം പ്രകാശനം ചെയ്ത് ഉദ്ഘാടനം ചെയ്യും.
യു. എ. ഇ. എക്സ്ചേഞ്ച് സി. ഓ. ഓ. വൈ. സുധീര്‍കുമാര്‍ ഷെട്ടി, ഇന്ത്യന്‍ ഇസ്ലാമിക് സെന്റര് പ്രസിഡന്റ് പി. ബാവ ഹാജി എന്നിവര്‍ ശൈഖ് സായിദ് അനുസ്മരണം നടത്തും. ശൈഖ് സായിദിന്റെ സ്മരണ പകരുന്ന അത്യപൂര്‍വ ചിത്ര ശേഖര ങ്ങളുമായി വിവിധ കലാ കാരന്‍മാര്‍ പങ്കെടുക്കും.
കെ. എം. സി. സി. അബുദാബി സംസ്ഥാന കമ്മിറ്റി യുടെ ശൈഖ് സായിദിന്റെ അത്യപൂര്‍വ ചിത്ര ശേഖര ങ്ങളും ചിത്രകാരന്‍ ഖലീലുല്ല ചെംനാട്, ഉദയ് റസല്‍പുരം, ഷീനാ ബിനോയ്, ബോബന്‍, കുമാര്‍ ചടയമംഗലം, റിഷാദ് കെ. അലി, ഷിബു പ്രഭു, അബുദാബി ഇന്ത്യന്‍ സ്കൂള്‍ വിദ്യാര്‍ഥിനി ആമിന അഫ്റാഹ് തുടങ്ങിയ വരുടെ ചിത്ര ങ്ങളുമാണ് പ്രദര്‍ശിപ്പിക്കുക.
- pma
വായിക്കുക: മാധ്യമങ്ങള്‍, യു.എ.ഇ.
അബുദാബി : ചരിത്ര ത്തില്‍ സമാനതകള്‍ ഇല്ലാത്ത വ്യക്തിത്വമായ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ ഓര്‍മ്മ ദിനം, ഇമ യും (ഇന്ത്യന്‍ മീഡിയ അബുദാബി) ഇന്ത്യന്‍ ഇസ്ലാമിക് സെന്‍റററും സമുചിത മായി ആചരിക്കുന്നു.
ജൂലായ് 26 വെള്ളിയാഴ്ച രാവിലെ 10 മണിക്ക് അബുദാബി ഇന്ത്യന്‍ ഇസ്ലാമിക് സെന്ററില് ശൈഖ് സായിദിന്റെ അപൂര്‍വ്വ ഫോട്ടോകളും പെയിന്റിംഗ് – കാലിഗ്രാഫി ചിത്ര ങ്ങളു ടെയും പ്രദര്‍ശനവും അനുസ്മരണ സമ്മേളനവും നടത്തും.
ഇന്ത്യന്‍ സ്ഥാനപതി കാര്യാലയ ത്തിലെ ഡെപ്യൂട്ടി ചീഫ് ഓഫ് മിഷന്‍ നമൃത കുമാര്‍ ചിത്രപ്രദര്‍ശനം ഉദ്ഘാടനം ചെയ്യും. യു. എ. ഇ. എക്സ്ചേഞ്ച് ചീഫ് ഓപ്പറേറ്റിംഗ് ഓഫീസര്‍ വൈ. സുധീര്‍കുമാര്‍ ഷെട്ടി, ഇന്ത്യന്‍ ഇസ്ലാമിക് സെന്റര് പ്രസിഡന്റ് പി. ബാവ ഹാജി എന്നിവര്‍ ശൈഖ് സായിദ് അനുസ്മരണം നടത്തും. ചിത്രപ്രദര്‍ശനം ഉച്ച കഴിഞ്ഞ് മൂന്നു വരെ നീണ്ടു നില്‍ക്കും.
ഇന്ത്യാ സോഷ്യല്‍ ആന്‍ഡ് കള്‍ച്ചറല്‍ സെന്റര് പ്രസിഡന്റ് ജോയ് തോമസ് ജോണ്‍, മലയാളി സമാജം പ്രസിഡന്റ് മനോജ് പുഷ്‌കര്‍, കേരള സോഷ്യല്‍ സെന്റര് പ്രസിഡന്റ് എം. യു. വാസു തുടങ്ങിയ പ്രമുഖര്‍ ചടങ്ങില്‍ സംബന്ധിക്കും. ഇന്ത്യന്‍ മീഡിയാ അബുദാബി പ്രസിഡന്റ് ടി. എ. അബ്ദുള്‍സമദ് അധ്യക്ഷത വഹിക്കും.
ലിംക ബുക്കില്‍ ഇടം പിടിച്ച കാലിഗ്രാഫര്‍ ഖലിലുള്ള ചെംനാട്, ചിത്ര കാരന്മാരായ ഉദയ് റസല്‍പുരം, ഷീനാ ബിനോയ്, ബോബന്‍, കുമാര്‍ ചടയ മംഗലം തുടങ്ങിയ വരുടെ ചിത്രങ്ങളും കെ. എം. സി. സി. കമ്മിറ്റി യുടെ ശൈഖ് സായിദിന്റെ അത്യപൂര്‍വ ചിത്ര ശേഖര വുമാണ് പ്രദര്‍ശിപ്പിക്കുക. സമാപന ച്ചടങ്ങില്‍ ചിത്രകാരന്മാര്‍ക്ക് ഇന്ത്യന്‍ മീഡിയാ അബുദാബി യുടെ ഉപഹാരം സമ്മാനിക്കും.
- pma
വായിക്കുക: മാധ്യമങ്ങള്‍, യു.എ.ഇ.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
