 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. ഉൾപ്പെടെയുള്ള അറബ് രാജ്യ ങ്ങളിൽ നഗ്ന നേത്രങ്ങൾ കൊണ്ടോ ടെലസ്കോപ്പ് ഉപയോഗിച്ചോ റമദാന് 29 വ്യാഴാഴ്ച (ഏപ്രില്- 20) ശവ്വാല് മാസ പ്പിറവി കാണാൻ സാദ്ധ്യത ഇല്ലാത്തതിനാല് ഏപ്രിൽ 21 വെള്ളിയാഴ്ച റമദാൻ 30 പൂർത്തിയാക്കി 22 ശനിയാഴ്ച ശവ്വാൽ ഒന്ന് ആകുവാന് സാദ്ധ്യത എന്നും ഈദുൽ ഫിത്വർ ശനിയാഴ്ച ആയിരിക്കും എന്നും ഐ. എ. സി. (അന്താരാഷ്ട്ര ആസ്ട്രോണമി സെന്റർ) ട്വിറ്ററിലൂടെ അറിയിച്ചു.
*Image Credit : I A C FB Page
- pma
അബുദാബി : ഈദുല് ഫിത്വര് (ചെറിയ പെരുന്നാൾ പ്രമാണിച്ച് റമദാന് 29 (ഏപ്രില്- 20 വ്യാഴാഴ്ച) മുതൽ ശവ്വാൽ 3 വരെ യു. എ. ഇ. യിലെ സർക്കാർ – സ്വകാര്യ ജീവനക്കാർക്കും ശമ്പളത്തോടു കൂടിയ അവധി പ്രഖ്യാപിച്ചു.
റമദാൻ 30 പൂര്ത്തിയാക്കി ശവ്വാല് മാസ പ്പിറവി കാണുന്നു എങ്കില് ശനിയാഴ്ച ഈദ് ആഘോഷിക്കും. ഇതു പ്രകാരം സര്ക്കാര് ജീവനക്കാർക്ക് ഏപ്രില് 24 തിങ്കളാഴ്ചയും കൂടി അഞ്ച് ദിവസത്തെ അവധി ലഭിക്കും. MoHRE & WAM
- pma
അബുദാബി : യു. എ. ഇ. യുടെ ഭരണ നേതൃത്വത്തിന്റെ പുതിയ സ്ഥാനാരോഹണത്തിന് അഭിനന്ദന ങ്ങളുമായി ലുലു ഗ്രൂപ്പ് ചെയര്മാന് എം. എ. യൂസഫലി. പുതുതായി നിയമിതരായ ഭരണാധികാരികള് യു. എ. ഇ. ക്ക് മുതല് ക്കൂട്ടാകും എന്നും രാജ്യത്തിന്റെ മുന്നോട്ടുള്ള പ്രയാണത്തെ പുതിയ തലങ്ങളിലേക്ക് എത്തിക്കും എന്നും യൂസഫലി പറഞ്ഞു.
യു. എ. ഇ. വൈസ് പ്രസിഡണ്ടായി നിയമിതനായ ശൈഖ് മന്സൂര് ബിന് സായിദ് അല് നഹ്യാന്, അബുദാബി കിരീട അവകാശിയായി നിയമിതനായ ശൈഖ് ഖാലിദ് ബിന് മുഹമ്മദ് ബിന് സായിദ് അല് നഹ്യാന്, ഉപ ഭരണാധികാരി കളായി നിയമിതരായ ശൈഖ് ഹസ്സ ബിന് സായിദ് അല് നഹ്യാന്, ശൈഖ് തഹ്നൂന് ബിന് സായിദ് അല് നഹ്യാന് എന്നിവരെയാണ് യൂസഫലി അഭിനന്ദിച്ചത്.
പ്രസിഡണ്ട് ശൈഖ് മുഹമ്മദ് ബിന് സായിദ് അല് നഹ്യാന്റെ ദീര്ഘ വീക്ഷണത്തോടെ യുള്ള നടപടികള് രാജ്യത്തെ പുരോഗതി യിലേക്കാണ് നയിക്കുന്നത് എന്നും അദ്ദേഹം കൂട്ടിച്ചേര്ത്തു. Image Credit : Twitter
- pma
അബുദാബി : ഭരണ തലത്തില് സുപ്രധാന മാറ്റങ്ങളുമായി യു. എ. ഇ. മന്ത്രിസഭ. ഉപ പ്രധാന മന്ത്രിയും പ്രസിഡന്ഷ്യല് മന്ത്രിയുമായ ശൈഖ് മന്സൂര് ബിന് സായിദ് അല് നഹ്യാനെ പുതിയ വൈസ് പ്രസിഡണ്ട് ആയി ഫെഡറല് സുപ്രീം കൗണ്സില് അംഗീകാരത്തോടെ പ്രസിഡണ്ട് ശൈഖ് മുഹമ്മദ് ബിന് സായിദ് അല് നഹ്യാന് നിയമിച്ചു.
യു. എ. ഇ.വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്തൂമിന് ഒപ്പമാണ് ശൈഖ് മന്സൂറിനെ നിയമിച്ചത്.
അബുദാബി കിരീട അവകാശിയായി ശൈഖ് ഖാലിദ് ബിന് മുഹമ്മദ് ബിന് സായിദ് അല് നഹ്യാന്, ഉപ ഭരണാധികാരികളായി ശൈഖ് തഹ്നൂന് ബിന് സായിദ് അല് നഹ്യാന്, ശൈഖ് ഹസ്സ ബിന് സായിദ് അല് നഹ്യാന് എന്നിവരെയും നിയമിച്ചു കൊണ്ട് ഉത്തരവുകള് ഇറക്കി.
- pma
അബുദാബി : ദി ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഓഫ് ഇന്ത്യ (ഐ. സി. എ. ഐ.) അബുദാബി ചാപ്റ്ററിന്റെ 34 ആമത് അന്താ രാഷ്ട്ര വാർഷിക സെമിനാർ രണ്ടു ദിവസങ്ങളിലായി അബുദാബിയില് വെച്ച് നടക്കും എന്ന് ഭാരവാഹികള് വാര്ത്താ സമ്മേളനത്തില് അറിയിച്ചു.
അബുദാബി ബാബ് അൽ ബഹ്ർ ഫയർ മോണ്ട് ഹോട്ടലിൽ 2023 ഫെബ്രുവരി 4, 5 (ശനി, ഞായർ) തിയ്യതികളില് ഒരുക്കുന്ന സെമിനാറില് സാമ്പത്തിക, ആരോഗ്യ, നിക്ഷേപ, കായിക, മാധ്യമ, സാഹിത്യ മേഖലകളില് നിന്നുള്ള പ്രമുഖ വ്യക്തിത്വങ്ങള് സംബന്ധിക്കും.
2023 ഫെബ്രുവരി നാല്, ശനിയാഴ്ച രാവിലെ 9 മണി മുതൽ വൈകുന്നേരം 4 മണി വരെ നടക്കുന്ന സമ്മേളനത്തിൽ യു. എ. ഇ. യിലെ ഇന്ത്യൻ സ്ഥാനപതി സഞ്ജയ് സുധീർ, ധന മന്ത്രാലയത്തിലെ അണ്ടര് സെക്രട്ടറി ഹാജി അല് ഖൂരി, ലുലു ഗ്രൂപ്പ് ചെയർമാൻ എം. എ. യൂസുഫലി, ആസ്റ്റർ എം. ഡി. ഡോക്ടർ ആസാദ് മൂപ്പൻ, ന്യൂസിലാൻഡ് ക്രിക്കറ്റര് ജെയിംസ് ഫ്രാങ്ക്ളിൻ, ഇന്ത്യൻ ക്രിക്കറ്റര് റോബിൻ ഉത്തപ്പ, ബുർജീൽ ഹോൾഡിംഗ്സ് ചെയർമാൻ ഡോക്ടർ ഷംഷീർ വയലിൽ കൂടാതെ ഇന്ത്യയിൽ നിന്നും യു. എ. ഇ. യിൽ നിന്നുമുള്ള പ്രമുഖ വ്യക്തിത്വങ്ങളും സംബന്ധിക്കും.
ശനിയാഴ്ച വൈകുന്നേരം 7 മണി മുതൽ ബോളിവുഡ് ഗായിക കനിക കപൂര് നയിക്കുന്ന സംഗീത നിശയും അരങ്ങേറും.
ഫെബ്രുവരി അഞ്ച്, ഞായറാഴ്ച രാവിലെ 9 മണി മുതല് മുതൽ വൈകുന്നേരം 6 മണി വരെ നടക്കുന്ന സമ്മേളന ത്തിൽ ‘പരിവർത്തന ത്തിന്റെ പുനർനിർവ്വചനം : അനന്ത സാദ്ധ്യതകൾ’ എന്ന പ്രമേയത്തില് പ്രമുഖ സാഹിത്യകാരൻ ചേതൻ ഭഗത് സംവദിക്കും. എണ്ണൂറോളം പ്രതിനിധികൾ സെമിനാറില് ഭാഗമാകും എന്നും സംഘാടകർ അറിയിച്ചു.
ഐ. സി. എ. ഐ. ചെയർമാൻ സി. എ. ജോൺ ജോർജ്, വൈസ് ചെയർമാൻ കൃഷ്ണൻ, ജനറൽ സെക്രട്ടറി എൻ. വി. രോഹിത് ദയ്മ, ട്രഷറർ പ്രിയങ്ക ബിർള, അജയ് സിംഗ്വി, ഷഫീഖ് നീലയിൽ, അനു തോമസ്, മുഹമ്മദ് ഷഫീഖ്, രമേഷ് ദവെ, അങ്കിത് കോത്താരി എന്നിവര് വാർത്താ സമ്മേളനത്തിൽ പങ്കെടുത്തു. Twitter
- pma
വായിക്കുക: expat, nri, ആഘോഷം, പ്രവാസി, യു.എ.ഇ., വിദ്യാഭ്യാസം, സാമ്പത്തികം, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
